,,,غرامك صار عنواني// وانا قبلك بلآعنوان,.

[دلع المدينه]

---

[قمرلوتغطيني غيوم]

تسلمولي ع المرور حبايبي فديتكم

[قمرلوتغطيني غيوم]

الجزء الثاني
الفصل الاول

"كان يدور بنظره حول المكان الي حوله ،،كان يتأمل الجدران فيها والاثاث الفخم الي كان مطلع جمال اصباغ الجدران بفخامتها والوانها الراقيه ،،قاعد يتأمل المكتب الي تركه له ابووه بعد وفاته ،،كان يتذكر كيف قضى ليله امس الكيئبه وهو على فراشه افكار توديه وعشرين فكره تجيبه ،،كان يتخيل كيف راح يتحمل مسئوليه شغل ابوه الي راح يمسكها ومايدري ان كانه بيعطي الشغل حقه مثل ماكان ابوه يسوي اولا يحس انها مسئوليه كبيره عليه ،، كان يتذكر اسوء ليالي عمره الي مرت عليه في يوم بارد كانت فيه قطرات المطر تتهامر بغزاااره جنب قبره الطاهر لتمحي مابقى من ذكريات حلوه في ايام ممطره وبارده الي كل سكان السعوديه ينتظرونها بفارغ صبرهم ،،كل شي تغير من الي الايام الي تمليها البسمه والفرحه والي تحولت الي دمعات وبكي ،،وكيف كانوا اهله مفزوعين من قوه الخير مش مصدقين الي قاعد يصير لهم ،،ابوه الي يحبه ويحب اخوانه ويخاف عليهم من نسمه الهواء شلون راح وتركهم يصارعون الايام وقسوتها لحالهم و يصارعون الزمن القاسي ويروح بعيد عنهم كيف يايبى هنا عليك كييف "
قطع حبل افكاره صوت السكرتيره الي تخللت مسامعه من عذوبته واخذه من بحر ذكرياته الي كانت احلى لحظات بالنسبه له،،احلى لحظات لمن يفكر فيها ويقطع حبل افكاره اي كائن بس مجرد مايبتعد عنه يرجع يفكر فيهاا ،،
Alin:good morning sir..welcome to U place
ياسر : Thank u alin
Alin: These the papers which the resorts need him From you
"هذه كل الاوراق التي تحتاج المساعده من قبلك "
ياسر : I thank you for your cooperation beauty .. Let her persevere in the office
"اشكرك على حسن تعاونك ضعيها على المكتب "
Alin: There is the papers which will occasion the solver in her to you
" وهناك اوراق سأحضرها في الحال لك"
ياسر :ok
"حطتها على المكتب ورجعت مكتبها من جديد "
وقف من على الكرسي وتوجه لعند الشباك وفتح الستاره حتى تسللت خيوط الشمس انحاء المكتب وقعد يناظر للبعيد وهو يناظر الشوارع والسيارات الرايحه والراجعه كيف كان اليوم مفعم بالحيويه والنشاط الاهو يمكن لانه مانام امس بدري ،،كان يطالع العمال الي كانوا على وشك من انهم ينتهون من انشائهم للمبنى الجديد وكيف كانت روح الحماس بينهم ،،
طق طق طق
لف جهة الباب يناظر:تفضل
"دخل بهيبته وعلى وجه ابتسامه اللي يدل على كبر سنه ووقاره"
ياسر فز : هلا هلا والله ببومحمد حياااك ياعمي
ابو محمد وبحنان الابو: الله يخيلك ياولدي
ياسر ويحب راس عمه ويده قام بومحمد ورجع يده: خلاص ياياسر ياولدي انت كبرت وصرت رجال يعتمد عليك
ياسر بخجل وهو معتفس : حيااك ياعم حياااك تو مانور المكتب تفضل
بو محمد وهو يجلس : بوجودك يالغاالي..هااه بشرني عنك كيفك وكيف الاوضاع عندك
ياسر: والله ياعمي مدري وش اقولك توني مخلي السكرتيره تجيب لي كل الاوراق والمستندات على الاقل احاول افهم طريقه الشغل وكيف الشغل ماشي
بو محمد: لاتخاف انا جنببك واول ماتحتاج شي لايردك الا لسانك وانت قدها وقدود يابوعبدالله
ياسر: تسلم ياعمي فيك الخير والبركه
بومحمد وهو يناظر عيون ياسر الي تذكره بأخوه و بحنااان : انا الحين ياياسر بحسبه الوالد الله يرحمه
"ياسر ومنزل راسه بأسى"
بومحمد: لا لا ياياسر ارفع راسك ارمي الحزن وراى ظهرك وعيش حياتك وصون اهلك وانت عارف محد فينا بيقصر معك
ياسر: الله يسلمك ياعمي وفيك الخير والبركه والله وعساي مانحرم منك
"طق طق طق"

دخلت السكرتيره بطلتها حطت باقي الاوراق على المكتب وطلعت بهدووء
اول ماشاف ياسر الاوراق ابتسم ناظره بومحمد وابتسم رفع ياسر عيونه لعمه وشافه يبتسم زادت ابتسامته
ياسر ورافع حاجب:الله يعينك ياياسر وش ذا
بومحمد : هههههههه ليه هالتشائم ياولدي ليييه؟
ياسر: ههههههههه لالا بس تعرف ياعمي انه هاذي بدايه لي "وتنهد " وربي يعييني
بومحمد : انا الحين ببدا معك وبعطيك فكره على الشغل والاشياء المهمه
ياسر: لاياعمي اخاف اعطلك صدقني راح امشي
بومحمد : لالا لاتخاف ماعندي شي الحين بس عندي اجتماع بعد ساعتين ونص
ياسر بأبتسامه وسيعه طلعت فيها غمازته الوحيده : اها اووكي اذا كذا ماراح نقول لا
"وقام العم ويعلم ياسر الشغل والاوراق المهم وكيف يتعامل مع الاشخاص المهمه الي كان يتعامل ابووه معهم .........."
.
.
.
...::اقووووووووولك يلا قوووم عاد.
....::خلني ادرس عندي اختبار بكرا ماتفهم
...::اللي يسمعك يقول زلمه مصدق حالك لبست هالنظارات على بالك شاطر خلاص
...::اكيد شاطر والا تحسب 84 % اللي يجيبها واحد هين محد يجيبها غير الدوافير امثالي
...::مشاء الله عليك .. تسكتني كذا
...::طلووووووووووووو اسكت اقولك
طلال:ماراح اسكت وبتقوم معي وراسك فوق رجولك.. يلا ولييد عاد تكفى
ولييد : ودي ادرس
طلال : قوم نقز قزتين ونرجع انت غايب اليوم كله يعني عندك وقت
ولييد : همممممممم اذا دام كذا اوكي
طلال:حبيبي انت والله انتظرك تحت عند خالتي
وليد: اوكي ياقلبي البس واجيك .
طلال: يامصصصصصصلك بس
وليد: هههههههههههه "وسكر"
"سكر وليد كتابه ولبس الجاكيت وخذ نظاراته ونزل"
" تحت في الصاله"
ام ياسر: محد مخرب ولدي غيرك
طلال ويصلح جلسته ويتحنحن: افاااااااا ياذا العلم الحييين انا مخربه هو الي مخربني قبل لااخربه
"الا بوصوووول وليييد"
وليد: اقووووووول طلييييل اعقل عن امي لاتقعد تحشي مخها علي يكفي الي فييييه
طلال: ههههههههه الحين انا الي مخرررربك ولا انت مو انت الي قلت لي تعال انا طفشان وابي اطلع وبما انه ماعندك سياره خليتني اجيك مو صح
ام ياسر وهي تشهق : هاااااااااااااااء وليدووو انا اوريك غيااااااااااب مره ثانيه ماااااافيه تَسمع
وليد وهو مفتح عيوونه ع الاخر: انا اورييييييييييك ياطليييييييل يمه ماعليك منه
طلال:حبيبي انا قلت هالكلام جنب خالتي عشان لاتعصب عليك بس انت ذا الحين اظطريتني اقوووله
ولييييييد: ااااه يالنصاااااااب "ويطيح نظره على الكاس الي كانت الخدامه مقدمته لطلال"
وليييد: خلاص طلال مالي خلقك"وهو ماشي ناحيه الكاااس"
طلال ويراقب وليد: وليدوه شناوي عليه
وليد: لا بس عطشت عطشتني من كثر مهاايطك
"وصل ولييد لكاس ويقال انه بيشرب منه وعبا فمه مويه ويطشهااا على طلال"
ام ياسر فتحت عيونه: وليدوووووووووووه ووجع
طلال وهو يقوم مفجوع ومفتح عيونه : اااااااااااه يالحمااااااار
وليد: يلا اذا فيك حييل تغازل الحين بهالخشه ورني شطااااارتك
ام ياسر: اااااااه وليد هذي سواتك
"طلال وكان بياخذ كاس العصيير الا ولييد طاااااااااير لنهاية الدرج"
وليد من فوووق الدرج: ههههههههههه طلال حبيبي شوبيييك
طلال: اكرررررررررهك ياحمار شرهتي عليك جاي بوسع صدرك
وليد: شفتي ياااااايمه ظهر الحق
طلال: لاتحااااااول انا زعلت بجد وبطلع
" وراح ماشي ناحيه الباب"
ام ياسر: حلفت ماتطلع وانت بهالحاله واذا على وليدووه انا اوريك فيه
طلال وهو يناظر ولييد بنص عين: لااعذريني ياخاله يهيني ولدك وانا في بيته
ولييد وهو يضحك : طلالالالالالال استهبل شو بييك
..........:يوووه شصااير وش هالازعاااج
وليد: اوووه شفت ياطلوو صحيت عبييير الله يعينك
عبير: طلال هنا وينه " وجايه تبي تطل "
"الا ووليد يدزها من راسها"
ولييد: هي انتي وينك فيه ماعليك حجاب
عبيير تدزه : اووه الاهو طلال توني متحجبه عنه عادي
"وطلت بوجهها"
عبيير: طلالال وش عندك من صباح الله خير عندنا
طلال ومسوي مستحي: هيييييييي خلوها تغطي عني انا ماحب اشووف البنات
ام ياسر تضحك على ولد اختها : عبيير اعقلي لاتجننين ولد اختي
وليد وعبير يضحكوون
ولييد وهو يرفع نفسه على الدرابزين ويحط يدينه على جوانب فمه عشا يعلى الصوت: اييييييوه اييييوه قال ايش مايحب يشووف البنات اجل وين تبي توديني تقوول تبي توديني اقزز
عبيير: انا عااارفه محد مخرب اخووي غيره
طلال: خااااااالتي شفتي انا ببيتك والاهانه توصلني لمكاااني والله عييب
ام ياسر: عبيروووووووه وليدووووووه ووجع فشلتووني فيه
طلال: لو سمحتي عبير حومتي كبدي بريحه فمك الخايسه قلنا ماتغطين بس زيني خشتك بالكثير غسلي وجهك
عبير: هههههههههههههه كلب وربي انك قم عن وجهي
وليد: هههههههه شفتي فشلتي نفسك روحي فااارقي"ويدزها"
عبير: اقول قم عني انت واياه يا tanagers
طلال: تكفيييييييييييين يااا عشيقه قيس
وليد يصفق: هههههههههه جبتها ..روحي غرفتك عل وعسى تلقين قيسك بأنتظارك
عبير وهي تقلب عيونها بينه وبين طلال: هيهيهي ابداً ماتضحكوون مدري كيف مستحملين بعض
طلال: هههههههه وربي انا الي ارحم وليد كيف يرضى يعيش في بيت انتي فيييه
عبير: tanagers
"واشرت بيدها ومشت"
طلال بصوت عالي: ملييييييييييييييييييييققه
"وشوي يوصلهم صفقه بااب قويه"
قاموا يضحكون
ام ياسر: ههههههههه انتوا تجننون بلد فما بالكم ببنتي عبيير
طلال: هههههههههه افا وش سوينا
ام ياسر وتضربه على راسه : انت كله برررررررريئ اسم الله عليك
"وراحت ماشيه للمطبخ"
طلال: هههههههه "ويلف على وليييد" وانت شغلك قدامي
وليد: هييييي ماراح تاخذني معك
طلال: الحين باخذك بس بتشوف وين نتايج فعلتك هذي
ولييد: ههههه تيب يلا
طلال: هي اصبر جيب لي ثوب وانزل
وليد: هههههههههه اوكي
"راح جاب لطلال ثوب و نزل تحت وعطاه وغير طلال على الطاير ومشى وليد ورا طلال فتحوا البوابه الرئيسيه وراحوا ماشيين ناحيه سياره طلال"
"وليد فاتح عيونه"
وليد: طلالالالالالالالالالالالال غيرت سيارتك يالمعلوووووووووون
طلال بغرور: اي حبيبي هاذيك طفشت منها
وليد: صدق انك خاااااااين"ويغمز" بتخليني اسوقها مثل ذيييك
طلال: تخسسسسسسسي الا انت
وليد: طلالالالال تكفى طول حياتي اتمنى اسوق ((ماي بااخ ))
طلال: الماي باخ مو حق امثالك ال Tanagers على قوله اختك
وليد: هههههههههههههه يلا عااد بليييز
طلال: شوف الحين لاتحاول بس اذا فكرت اغيرها بعطيك اياها يكون امداك تخلص ثانويه
وليد: افااا ياذا العلم الحين تعطيني بقايا
طلال: وانا شاريها بريالين ولا ثلاث اعطيك تلعب فيها
وليد: ههههه تيب تيب قبلناا اف منك بخيييل
طلال: اااه شوف انت راقب الحركات
وليد كان يناظر بأعجااب
وطلالال كان يضغط زر بالمفتاح عشان تفتح الابواب
وليد: اماااااااااااا عااد
طلال: شرايك..استنى ماشفت شي
وليد: اما ماشفت شي ماشفت
طلال: هههههه ياحليلك صغنوونوو
وليد: هيييييييي ترى فرق السن سنه واحده
طلال: سنه و6 اشهر لو سمحت
وليد وهو يهز براسه: اني واي مايفرق
طلال"ويدزه براسه": مايفرق بعينك
وليد: ههههههه يلا تيب خل نركب
طلال: اوكيششن يلا
"وركبوا السياره وقبل لايسكر الباب شغل على المسجل حده بعدها سكر الباب وقعدوا حول عشر دقايق ماتحركوا كان يوري وليد روعه السياره بعدين تحركوا"

.
.
.

في احدى مدارس الشرقيه الراقيه في مبناها والي كانت متميزه في القدره على التعليم وتعد من افضل المدارس بالشرقيه من ناحيه التعليم والمبنى والتتصميم ووسائل التعليم ورقي التعامل مع الطالبات ومستواهم الفكري والعقلي
كان ازعاج البنات هنا وهناك كانت السوالف والضحكات تملي اجواء المدرسه الكئيبه ،، بالمدرسه انواع والشكال من البنات في كل مدرسه تلقى البنت العاقل والبنت الرجه والمهايطه وبنت قليله التربيه ماتلقى مدرسه كل بناتها سواسيه
دخلت من بوابه المدرسه بأبتسامه حلووه صبووحيه نادر ماتكون بوججها في مثل هذا الووقت الي هو الصباح المدرسي دخلت وكانت مسبقتها بشوي صديقتها
"هنووووووووووووووووو"
هنوف التفت لمصدر الصوت: وصاايف صبااح الخير
وصايف وهي مبتسمه طول الطريق حتى وصلت لعند هنووف: صباااح النووور
هنوووف: كيييفك؟وش هالمززاج الرايق
وصايف وهي تعدل غرتها: هههههههه انا منيحه لابس نمت بدري امس
هنووف : اهااا عشان كذا انا مانمت الا 2 الا ربع
"وقفهم صوت المشرفه الطلابيه"
بناااااااااات
هنوووف وهي لاويه بزوها: ياشييينها مالي خلقها
وصايف وتربط شعرها: مي توو
هنوف ووصايف قربوا جنب المشرفه
المشرفه الطلابيه: هااه وصايف وش عذرك اليووم
وصايف: لاعااد يا استاذه اليوم ماتأخرت
المشرفه الطلابيه: كووويس والله انتي بمدرسه المفروض 7 الا ربع انتي واقفه عند الطابور ولاتعودتي على انك ماتحظرين الطابور
وصايف وهي تلف بعيونها: يؤ كأنه بس انا الي متأخره شوفي هالجيش مو بس انا استاذه
المشرفه الطلابيه: يلابناااااااااات اسرع شوي كفاايه التأخير
"وكل وحده على حالها مالهم خلقها على هالصباح"
مشت وصايف وهنووف لفوووق دخلوه الصف اتفاجأو بتجمع البنات على طاوله ساره
وصايف لهنوف: شفيهم
هنوف وتهز كتوفها : مدري
وصلت وصايف لطاولتها الي كانت قريبه منهم وحطت شنطتها وهي لسا بعبايتها وراحت لعند البنات
وصايف: شفيييكم "كانت وجيهم ماتبشر بالخيير"
سارا: هاه مافي شي
"ناظرتها وصايف ولفت جهت فرح"
وصايف لفرح: فرووحه شفيكم شصاير
وفي هالوقت وصلت هنووف وحطت يدها على كتف وصايف تبي تسمع السالفه
فرح: هااه مافي شي بس في ارقام تتصل على موبايل سارا صار لها فتره
وصايف:والجديد حتى انا كل يوم رقم يدق علي
سارا بأنفعال شوي: قد اتصل عليك احد هذي الارقام
وصايف تمد يدها: عطيني اشوفها
"ناظرتها وصايف ومدتها لسارا"
وصايف وتأشر على اخر رقم: هذا ابداُ مو غريب علي
سارا: وصاايف تأأكدي
وصايف: لالا تعالي ابداً مو غريب عطيني اياهم واذا رحت اتأكد لك
سارا :اوكي
"وسجلته"
هنوف: حتى انا وصلتني ارقام بس عادي ماكنت ادري انها توصلكم انتوا بعد
سارا: ماتدرون انتوا شقايل لي
"شوي وتدخل العنوود وكانت مبسووطه "
سارا :بس هسس
وصايف: هااااااااي العنووود
العنوود: شفييكم ؟
"وصايف وقالت السالفه لعنوود
العنود ظهر على وجهها ارتباك"
عنود: اشوف الارقام
"سارا وهي تناظر العنوود وعطتها الورقه الي فيها الارقام"
عنود: عطوني هذي الارقام اشوفها اذا كانت توصلني لان انا بعد تجيني ارقام غريبه
سارا: انا اشك بروان..فراح اعطيها الارقام وبفاجئها وبشووف اذا تعرفهم
العنود: لالالا روان لاتعطونها
سارا وهي رافعه حاجب: لييييه؟ خلنا نشووفها
العنود: لالالا خلوني انا بشوف الموضوع
"كل وحده بمكااانها"
قطع عليهم صوت المدرسه وقعدت وصايف وجنبها العنوود
العنوود وهي تجلس: حتى انتي توصلك
وصايف وهي تناظرها من جنب: ايييه
العنود: ورا تناظريني كذاا
وصايف:ولاشي ابد
الاستاذه:وصااايف سارا لهذي الدرجه الموضوع مهم..."ولفت راسها" انتبهوا لأفرقكم
"كان في الصف الاخير كانو البنات مسوين دوشه على السالفه "
وصايف كانت لافه وجهها عند الاستاذه وكانت سرحانه الا وتجيها صفعه على راسها وكانت ورقه كاتبتها لها سارا وبس لفت المس رمتها على وصايف فتحت وصايف الورقه وقرتها
"وصايف لاتروينها العنوود اوكي
best friend اسمعي وصايف انتي تشكيين في العنوود سوري ادري انها ال
حقتك بس لا... خلينا نتكلم بصراحه وقولي قد جاتك ارقام غريبه من الارقام الي رويتك اياها"
وصايف جلست تفكر"ياربييه شقوول وانا مو متأكده من شي افكاري متشتته "
ردت وصايف وكتبت على الورقه " سارا قلت لك بروح البيت وبتأكد وبعدين اقولك"
ورسلتها
لفت العنوود على وصايف: وصايف ترى حتى انا توصلني ارقام وتزعجني وترسل لي مسجات
وصايف:اي والله كلنا من تتوقعين
العنوود: مدري يمكن روان
وصايف: والله مدري بس روان انا ما اموون عليها وماعندها رقمي
العنود:يمكن حد عاطها ايااااه
وصايف: تيب بعدين نتفاهم ....
.
.
.
الرياض
الساعه 6:00
المغرب

...: لميس .. لميسوووووووه وينك
لميس: اووووووووووه وش هالكشخه .. على وين ؟؟
....:: وش رايك فيني
لميس: طول عمري اشوفك ملك جمال الكون كله .
...:: ياعمري يالمووووسه الله لايحرمني منك
لميس: ولا يحرمني منك يا اغلى مساعد
مساعد: تكفين ميوس جيبي لي دهن العود
لميس وهي تغمز له : على وين بتروح تخطب شكلك
مساعد : اي خطبه الله يهديك .. بروح زواج واحد من الشباب
لميس بكل حنيه : عقبالك ياخوي
مساعد : تبين اقولك عقبالك انتي .. تحلمين اقول يالمفعوصه
لميس : مقبوله منك يا ... وتسكت لميس فجاءه تذكرت انه اخوها الكبير وهي تحترمه
مساعد : كملي وش كنتي تب تقولين
لميس : كنت بقول ياحبيبي
مساعد : احلفي عاد .. وبعدين بسرعه روحي جيبي العود ما ابي اتاخر.

وراحت لميس تجيب العود ودهن العود لاخوها مساعد اللي كان شخصيه الكل يحترمها واخوانه يحبونه بشكل مو طبيعي مع انه قليل المزح وشخصية كثير جديه لكنه اذا مزح ماينمل من مزحه طيب القلب وفيه شوية غموض يمكن يكون بحياته سر ويمكن لا .. " وصديقه واخوه فيصل مايفترقون عن بعض" .
مساعد بصوت عالي : يلااااااااا يالمووووسه بتاخر كذا
لميس وهي جايه مسرعه: جيت وربي جيت..
لميس وهي تعطر اخوها : مارح تتاخر هذا انا عطرتك وخلصت
مساعد بحنية الاخو : تسلمين ياحلوه
لميس بأبتسامه : الله يسلمك
ويدق جواله
مساعد : هلااااااااا والله بو عبد العزيز
فيصل : هلا بك والله .. يلا لا تتاخر انتظرك تحت
مساعد : خلاص دقايق وانا عندك
فيصل : فمان الله
مساعد: فمان الكريم
وراح مساعد مع صديق عمره يحضرون الزواج
.
.
.
بعــــــد فتره،،،،،
كان يوم الاربعا في هذا اليوم يتقرر ان كل العيله تجتمع على الغدا ويسهرووون بعدها
وكان الاجتماع اليوم في بيت بو نايف ..

وفي بيت بو نايف كانت نجوود فرحااااانه لانها تحب الجمعات والهيصه ومثل عادتها تختار باللبس
بس قررت تلبس برمووودا جينز فاتح مع توب ماسك على الجسم مكرمش وكان فيه كذا لون اخضر عشبي وفيه شغلات صغيره على بنك على تركواز ورفعت شعرها بونيتيه وحطت كحل ازرق وغلوس خفيف
"في الصاله الفوقانيه"
نجوود بصوت عالي: بسوووووووووووووومه بسووومه
بسمه الي كانت ناويه تطلع من غرفتها: ماتعرفين تنادين بهدوء
نجود : بسومه يلا تعالي امي تقول بسرعه والا بتطلع وتكسر راسك
بسمه بأبتسامه ساخره: امي ماتقول كذا يانصاابه
نجود : ههههههههه طيب بسرعه تعالي البنات وصلوا
بسمه : طيب جااااااااااااااااااااااايه يالدبه"وتنفخ خدها"
نجود بعصبيه : دووووووووووبه بعينك
بسمه بدلع : ههههههههههههه يلا نروح تحت
وتروح بسمه مع اختها تحت
.
.
في الصاله
نزلوا نجود مع بسمه ويسلمون على الموجودين
نجود توجه الترحيب لسهر : يالله حيوووووووووووو
سهر : الله يحيك ويبقيييك
نجود : يؤ بيتنا نوووووره زايد بسمه انتي مشغله انوار زياده
سهر بضحكة دلع : هههههههههههه
نجود وتسوي نفسها مصدومه : اووووووووووووووه هذا نووورك اكيد ...حتى بيتنا فاقدك
من زمان ماجيتينا
سهر : ما افضى والله من هالبحوث
نجود : الله واكبررررررر.. وبعدين مانبي سيرة دراسه
غزل : شكل كرتنا طايح كل هذا لسهر
عبير : يلا يلا بنمشي حنا
بسمه : ههههههههه الله يحيكم البيت ماينور الا بوجودكم
نجود : اصلا البيت منور فيني لانورك ولا نورها
نجود وهي تكلم غزل : وشخبارها منووووووووور الدبه
غزل : مبسوووطه والله ماعليها
نجود: امس دقيت عليها وكان مقفل موبايلها
غزل: يمكن مافيه شحن
نجود :والله ياليتها معنا المهم بنات ابي اليووم كله هباال فيه هبااال تكفووووووووووووووون لاني
week day طفشانه هال
اديم : ايه من جد تكفووون
عبير : ولا يهمك بنسوي حفله ماصاااااااااااااااااااارت كم نجود عندنا ومستعدين ناخذ تهزيئه من الحريم وشوي من العياال هههههههه
"البنات وهم يضحكوون" من جد
ويقطعهم صوت ام نايف : بسمه يمه روحي جيبي الاغراض اللي عند الباب
بسمه : حاضر يمه تامرين امر
وتروح بسمه بتجيب الاغراض وتوصل عند المدخل ويوم جت بتاخذ الاغراض سمعت صوت مو غريب عليها
...:سلوووم حبيبي يلا روح داخل عند ماما
سلمان : تيب بابا
ويلمح سلمان بسمه ويضحك لها
محمد مستغرب : وش فيك سلووومي
سلمان : حالتي بثمه هنا
محمد من ورا الباب : ايووووه .. اهلين بسمه شخبارك ؟
بسمه تلعثمت وارتبكت : الحـ ح مدددلله بخير
محمد : بسمه واللي يعافيك وصلي سلوم لامه لانه ازعجنا
بسمه : حاضر ولايهمك
محمد : تعبناك يابنت العم
بسمه ووجهها شاب نار: لا شدعووووه مافيه تعب ولاشي
محمد : عن اذنك
بسمه : اذنك معك
وراح عنها
بسمه بينها وبين نفسها " ياربييييييييه "وتنفض الافكار من راسها"
وتاخذ ولده سلمان وتحضنه وتحس انه مره قرييب منها والولد الكل يموت عليه بس من سوالفه"

.
.
.

في المجلس
عند الرجال
طلال : منصوووور تكفى دق على سلطان خلنا نقهرره
فيصل : لا حرام عليكم .. اللي هو فيه يكفيه الغربه شينه ياخووك
منصور : هههههههههه مسكين يا اخوي يبون يقهرونك .. والله ما ادق
وليد : دق عاااااااااااد بنسمع صوته وحشنا
منصور : والله انك نصاب .. اعرفك زين تبي تقهره انت مع خويك طلااالوووه
....::من للي يبي يقهر سلطان
"ولفوووووا كلهم مكان الصوت ويووووم شافوه ضحكوا"
طلال: فهمناااااااااا انك صديقه وماترضى عليه المغرورر
...::احترم نفسك عنه عاااد
طلال : ماقلنا شي يابدر بس هو دايم شايف نفسه وحنا قلنا بنكلمه نهبل فيه
بدر : طلال خل عندك ذوق لو سمحت احشم ياولد
طلال : ياثقاله طينتك بس "وخذها بتحدي" ما افهم وش بتسوي
بدر عصب : شي مايسرك سامع
فيصل يحاول يهدي الوضع : بدر وانا ولد عمك ماعليك من هالمراهقين لا تضايق نفسك
بدر : لا ماتضايقت بس ما احب احد يتكلم من وراه وكلام يسم البدن
وليد:فيصل لوسمحت شايفنا ورعان تقول عنا مراهقين
فيصل: طلالالال ولييييد لو سمحتوا وسعو صدوركم
منصور : ماعليك وانا اخوك محد يتكلم عنه وانا موجود وسع صدرك
ويبتسم بدر لكنه عارف ان هالاثنين ماوراهم خير لكنه ابتسم علشان يطمن فيصل ومنصور ومايبي يحط راسه من راسهم وبدر قريب كثير من سلطان ومايرضى احد يجيب طاريه او اي شي ممكن يضايق سلطان
وبعدها راح جلس مع فواز بعيد عنهم
فواز : علامك بدر مو عاجبني
بدر : مدري وش فيني لاتسالني
فواز : افااااااااا وش فيك بس
بدر : تو هالمراهقين جلسوا يتكلمون عن سلطان كلام ينرفز ماقول غير الله يهديهم بس يفكرون الناس كل حياتهم لعب في مزح
فواز : وسع صدرك وماعليك من احد وطلول انا بوريك فيه
بدر حاول يغير الموضوع : بكرا بروح الرياض
فواز : خير ان شاءالله
بدر : الخير بوجهك عندي كم شغله وراجع
فواز : تروح وترجع بالسلامه

وفواز هاوش اخوه طلال على انفراد وطلب منه انه يعتذر من بدر وطلال يشوف انه الموضوع عادي لكن فواز اصر عليه انه يعتذر هو مع وليد وراح وليد وحب راس اخوه واعتذر منه هو مع طلال وبدر لان قلبه مسامح عذرهم وانتهى الموضوع بهدوء ردت المياه لمجاريها وبعدها جلست العيله تتغدا وكانوا مبسوطين وسوالف وضحك وبعدها جابوا القهوه والحلى


يتبـــــــع،،

[قمرلوتغطيني غيوم]

.
.

...::فاتك ياسهر والله انه تغير
سهر:لا انا ما احس انه تغير يمكن لاني ماشفته من زمان
...::لا تغيررررر كثير صار حلووووو ومسوي سكسووكه تجننن مخففها واااه فديتووه
سهر :وبعد
...:ويهبل
سهر بضحكه : وبعد
...::ههههههههههههههه مابي شكلك مو مصدقتني
سهر : هههههههههه
...::ابي اشوووووووفه قومي نطل عليهم
سهر : ولو شافنا احد
...:: يوووووووووووه يعني ما اشوفه "وحنيت شفايفها على تحت"
سهر: عبيروووووووووووه وش فيك انجنيتي
عبير: لا بس قهر ابي اشوفه
سهر : ماراح تشوفينه انتهى الموضوع
وتقطع كلامهم نجود: بنااااااااااااااات عندي فكررررررررره
غزل : يا ام الافكار وش عندك
نجود بنظره: لا تستهينين فيني ترى اهوون
عبير ببتسامه كبيره : كملي وش عندك
نجود ترفع خشمها : كم تعطوني واقول
عبير : ربع ريال
سهر : نص .. من يزيد
نجود عصبت : الشرهه مو عليكم على اللي يفكر لكم بس انتوا الخسرانين
سهر : هههههههههههههه تعالي نمزح معك شنسوي صايره بززر
نجود : ها وصايف اليوم مو معنا انتي بالمره وش رايك اقول فكرتي والا لا؟
وصايف : هههههههههههههه لا معكم
سهر تغمز لها : ايه باااااااااااااين .. يبيلك جلسه
وصايف : ليه
نجود : لانك تسرحين كثير .. شكلك عاشقه
وصايف : ياااااااااااااااااااااااليت هو حاصل "وترجع بشعرها لورا"
عبير : نجووووووووووود بتقولين والا كيف
نجود : الفكره انه العيال طالعين
وسكتت تبي تحمسهم
عبير بحماس : كملي لاتسكتين
نجود : امممممممممممم يعني نروح نلعب في الخيمه سوني و وررقه
البنات كلهم : وااااااااااااااااااااااااو يلا نروح
.
.
.

وفي مجلس الحريم
ام فيصل : والله فرحنا يوم مسك ياسر مكان ابوه
ام متعب : والله انه رجال والنعم منه .. الله يوفقه
ام ياسر حابسه دموعها ماتبي تخرب جمعتهم : امييين يارب والله فرحت يوم قالي
ام فواز : امين يستاهل والله
ام فيصل : الحمدلله انه قرر يمسك الشغل يمكن ترتاح نفسيته
ام ياسر بحسره على نفسها وعلى ولدها : الحمدلله .. والله من توفى ابوه ماشفنا ضحكته
ام فيصل : عقبال ماتفرحين بزواجه يارب
ام محمد وهي تغير الموضوع : وين البنات مالهم حس
ام نايف: الظاهر بيجلسون بالخيمه لان العيال راحوا
ام محمد : تدرون ان هالصيف بيكون بس شهرين
ام فواز : ليه طيب؟
ام محمد: عشان السنه الجايه يقولون بيخلون رمضان مع الاجازه
ام نايف: شي طيب والله
ام محمد: اي والله.. بس ودي اروح لسلطان هالصيف
ام نايف: يمديك شهرين
ام محمد : ماخبر لان بومحمد يقول هالصيف مقررين نسافر جماعي بس على وين مدري.. وماظن انه بيكون في وقت اروح لسلطان ..وحنا بنداوم قبل المدارس بثلاث اسابيع تقريبا يعني ابد مايكفي
الكل: الله يسهل اموره ويرجع سالم لك
ام محمد:الله يسمع منكم..
.
.
.
اديم كانت متربعه ورافعه نفسها فوق رجلينها: بفوووووووووووز باركولي
بسمه : استني شوووي وتشوفين سيارتي وراااااااااااك
وكانوا البنات منقسمين فريقين
فريق الدلع :اديم وغزل وسهر وعبير ونجود
فريق الخرش :بسمه وصايف و جنى ونجوى زوجة محمد
ونجلا هي اللي تسجل النقاط لانها حامل وتبي ترتاح
نجلا : عليكم اسماء فرق هبله مثلكم
نجود : مقهورررره ياربي منك تقول تبي ترتاح وهي اصلا ماتعرف تلعب
نجلا : نجييييييد ترا بنقص من فريقكم وهذا اخر شوط لكم وبنغير اللعبه ترا .
بسمه وهي تنقزز: وااااااااااااااااااااااااااااااااااااااااااااااااا او فزنا فزنا
نجلا تقول النقاط :
فريق الخرش 6
وفريق الدلع 4
جنى : خلوووووا دلعكم ينفعكم
سهر : من زينكم عاد
نجوى : الضحك يعتبر ريااااااااااضه
سهر : اسكتي بس عن الفلسفه
جنى: شرايكم نلعب لعبه الاغاااني
وصايف: هههههه اكيد عشان تفوووزين
نجلا : يلا يلا واول حرف هوووو حرف النون اول حرف من اسمي
والدور يبدا من وصايف
وصايف وهي تفكر: نوووووووون نوووووووووون نسيت الناس والدنيا وجيتك يكفيني عن العالم حنانك
اللي بعدي حرف الكاف
بسمه : كذا من ربي حبيته .. بسرعه يوم لاقيته ..
نجوى : حرف الهاء يووووووه صعب
هذاك اللي تبي له الخير عشق غيرك وصار للغير
سهر : مغبررررره يانجوى على هالاغنيه
نجلا : احمدوا ربكم .. بالموت لقيتها سهر لاتضيعين الوقت ترا محسوب لك وقت
نجوى تحسب لسهر : 10
9
8
7
6
سهر بغرور ومبسوطه لانها عرفت اغنيه قامت تغني وترقص : رووووح ورووح ابعد بدنيااااااك يامتعبن قلبي بصدك
نجوى وهي ترفع يدينها لفووق يقال انها طايره: كل يوم فعمري بيعدي وانت معايا .. فيك بحس اني بزيد احساس جوايا
البنات يضحكون " ههههههههه يقال انها داخله جو"
سهر : عاشت الليسا وين محمد يسمعك بس
نجوى : فديته يحب يسمعني اغني
سهر: قولي محوومه كبده
ضربتها نجوى وضحكوا البنات
"اختفت البسمه من شفايفها وماتدري ليه"
نجوى: يلا عبير دورك
عبير : اي حرف
نجوى : حرف الالف يلالالا
بعد شوي
سهر: يلالالالالالالالالالا 9..8
عبير وهي تحرك شعرها: القلب سلم لك أمره
في حالتي إنتا أدرى
يلي حنانك و طيبك
تنحط عالجرح يبرى
غزل : مره ثانيه الف بعد
همممممممممممم
آه من قلــب غدا حبــه جنوني
وآه من خلن على بالي طــرا
ههههههههههههه وراكم وراكم الالف
اديم :حرفي مايصعب علي
وبغني مقطع طويل بعد لانه حرفي
أموت أنا.....أدوخ أنا......والله ميت فيه.......
تحبه....؟ بعقلي و قلبي وروحي ياعلني ماابكيه....
هلي تكفون خلوني معه ولاتلوموني....
هلي ماأريد أنا غيره ولايغني أحد عنه,,,,,
وكملوا الجلسه وهم يلعبووووون واول وحده طلعت بسمه واللي فازت جنى
ويدق جوال غزل وترد
غزل : هلاااااااااا والله هلاااااااااااااااا حبيبي
...::غزل حبيبتي
غزل بدلع : امرني ياقلبي
والبنات كلهم فاتتحين عيونهم ع الاخر
......::اقووووووووول لا يكثر اطلعوا لان حنا وصلنا
غزل : فوووووووووواز عاد لاتفشلني انا اختك
فواز : هههههههههههههههههه طيب يا اختي ياحلوه يلا اطلعوا لان الشيوخ اللي هم انا واللي معي وصلنا
غزل: اووووووووووووووووكي
وتسكر منه
غزل : يلا بنااااااااااااااااااااااااات العيال وصلوا قوموا نطلع

"شالوا قشهم البنات وقاموا "

.
.
.
تحت سماء لندن وفي new casteL وبعيد عن اجواء الفرح والهيصه نحلق بكم الي الشقه الصغيره وعصافير السعاده تحلق على شبابيك الشقه الصغيره الي كانت عارمه بالفوضى والحوسه في كل ناحيه من نواحي الشقه رنين سحري في أذني سلطان اللي كان منزعج بعض الشيئ
"الحياه البعيده عن الموطن والهجره عن الوطن هي الغربه بذاتها هذي الحياه صعبه صعبه
وماعتقد اني بكمل مشواري انا اغترربت كثير عن ديرتي ماكان بأرادتي كان هذا طلب الوالد هو الي خلاني اضحي بأهلي ونااااااسي وكل الي يحبوووني واجي اكمل دراستي هنا عمي راح حتى بدون ما اودعه كيف حال اهلي بعده لسا هم على نفس الحال او تحسنت الاجواء عندهم مهما يحاولون يخبوون عني فأنا احس بهم قلبي وروحي معهم بس جسدي هنا مع هالاوربيين ،، من الي يقول وهو وسط اهله وناسه انا غريب عن اهلي ،، اثاريهم ماجربوا غربه الوطن الي هي من اقسى انواع التغرب"
"كان غااافي وهو على الافكااار هذي"
قام وكل امراض الدنيا يحس فيها ايش هذي النومه الكئيبه طل على الشباك ها هي قطرات الندى تنساب بكل رقة على بتلات الورد لتعلن عن إشراقة يوم جديد بعد مضي ليلة ممطرة "يعني مافي ارجع انام ياربييييه .. احس بتعب فضيع ومافيني اقوم برجع انام ماني بمداوم اليووم"

غط راسه لمده 5 دقايق الا وصوت تليفووونه يملي الشقه الصغيره الي كانت هادئه ولاحركه فيها
"اووووووووه شهالحااله وربي لو شيما بكسر التليفوون على ظهرها"
يرد بدون مايشوف الاسم
سلطان: نعمممم نعمممم
......::شو هالصووت اخيييي بسك رقااااد شو فخاااره نوووم
سلطان: غييييييث واللي يعافيك كل تعب الدنيا فيني ظهري منكسسر ماني بقادر اقوووم
غيث: شو هالرمسه ياريااال شو ماتقدر تقووم صج انك مبزاااي قم
سلطااااان: ههههه غيث وربي مافيني اضحك مع اني مافهمت ولاكلمه بس بقوم وامري لله اعرفك بتزعجني بصووتك وماراح تخليني انام
غييث: يلالالا شيماء تترياك هههههههههه
سلطان: غيثوووووووووووووه شفيك ناشب لي يلا مسود الويه ههههههههه
غيث: هههههههه انا اروايك انت تعال ويصير خيير وان ماخليتها تنشب لك ماكون بو مطر
سلطان: ههههههههه يلا يلا
"وقام بكسسل وراح ياخذ له دش وبعدها طلع من الحمام وماعليه الا تول ياخي حتى لبس مالي خلق
blover gap اللبس اووه بس بلبس
مع جينز وبسس حتى شعري ماني بمسرحه بلبس الهات طول اليوم
لبس واخذ مفتاح سيارته واخذ نظارته ولبس شنطته الي كانت على الجنب لملم الاغراض الي حولها ودخلها فيه وطلع من الشقه حتى بدون يقفل ورااه.....
"وصل عند الحرم الجامعي وعطى كول حق صديقه غيييث
(غيث شخصيه اماراتيه وهو من اعز اصدقاء سلطان مزوووحي كثير ووراعي وناسه ويحب الكل بعكس سلطان اللي يشوف الناس من فوق ...صدق انه شخصية تتمتع بالطيب ولكن يتخللها الغرور بدرجه كبيره اما غيث الناس عنده اهم من نفسه ومايشوف احد من فوق واقرب شخص له سلطان)
سلطان: هلا غيث وينك فيه
غيث : بالكافتريا 2 طاوله على اليمين
سلطان : اوكي دقايق واكون عندك .
"وبعدها وصل سلطان للقروب"
غيث : مرحبااااااااااااااا مليووون ولايسدن
سلطان بلهجه اماراتيه : مرحبا الساااااااااااع خوووويه
غيث : ههههههههههههههه فديت هالرمسه ياربيييه
سلطان : حبيبي والله ويلف على الشباب
heeey guyz how are u
Kait: fine sultan how about u why u are laiet?
سلطان:I slepd so laite cuz that a I didn’t wake up early
Kait: hmmm ok
غيث: سلطان شو ماطلبت لك
سلطان: الله لايهينك روح جيب لي تكفى وربي تعبااان
غيث: ولايهمك بس شيل النظاره جي يالس لي بها
سلطان: هههههههه عيوني الله لايوريك
Kait:sultaaan 3’eeth talk in engilsh
غيث: هااي النشبه هب انا
ضحك سلطان وغييث راح يجيب الفطور حق سلطان وبعد مارجع كملت الشله وكان فيها خليجين وقعدوا يسولفون
سلطان: شعندك سلووم تتبسم
سالم:انت ماتدري من الي يايه
سلطان وهو ينقز: لاعاااااااااااد
"قاموا يضحكون الشباب"
غيث: انت الي يبته لنفسك
سلطان: وانا ادري بيصير لي كذا انا رحمتها بس وماتسوى علي
سالم: هش هش هي على وصوول
وشوي وتوصل
......: هاااااااااي قايز
how are u
الشبااب:fine how about u
iam fine...::
سلطاااان شخبارك شعندك ماترد على تليفوناتي
سلطان: لا بس كنت تعبان وبالعاسر مداوم اليوم
...:اي خفت عليك
سلطان: لاعادي honey
غيث: شيماء شحال الكويز درستيه زين انشاء الله"ويغمز لسلطان"
شيماء: يعني نص ونص
سالم: شفييج ياشيماء لازم تشدين على نفسج انتي متغربه عشان تدرسين مو تلعبين
شيماء : سلطان قوم خل نطلع نشم هوى عن هالكفتريا الي تجيب المرضplzzz
سلطان: حبيبي خل نقعد هنا مافيني حيل امشي
شيماء: شفيك سلطان حالك ابد مو عاجبني رحت الطبيب
سلطان: لابس هو قل نووم وارهااق بس
شيماء: طيب روح جييك"تشيك"
سلطان يبتسم: ولايهمك ياعيون سلطان كم شيماء عندي
شيماء تشققت: تسلم لي اوكي اجل انا كلاسي يبدى الحين اجووفك بعدين اوكي
سلطان: فماان الله
شيماء:byyye guyz
"وراحت"
سالم: ههههههههه سليطيين حرام عليك الي تسويه فيها
سلطان: شسوي تكسر خاطري وبعدين هي الي جابته لنفسي ولا هي مصدقه اني احبها انا صحيح احترمها ومراح أأذيها لانها خليجيه من لحمي ودمي بس مو لدرجه اني احبها انا احاول اعوضها غياب اهلها هذا وحنا عيال ماحنا قادرين نمسك نفسنا فمابالك بنت متغربه وهي بهالسن وانا احاول انه محد يقرب جنبها او يفكر يأذيها فقط لاغير وهي براحتها تفهم علاقتنا مثل ماتحب
"بكلامه هذا سكت الكل"
جاسم: عااااااااااااااااااش سليطيين عااش
"سلطان اكتفى بأبتسامه الغرور "
سالم: تعجبني غيرتك على بنات ديرتك
سلطان ويأشر على خشمه : احم احم شوفوا الغرور واصل لخشمي لاتزيدووني
غيث: ههههههههههه اي والله صج خلووه
سلطان: متى يبدى الكلاس
سالم: بعد ربع ساعه
سلطان وهو يناظر غيث: لو ادري انه يبدى هذا الوقت كان نمت ابرك لي من مقابلكم
غيث: عشان شوي تصحصح
سلطان: شكرا ما ابي اصحصح مره ثانيه بقفل الموباايل
غيث: انت جرب
سلطان رافع حاجب: لاوالله
غيث: هههههههههه شوبلاك يارياال صاير جبرييت
سلطان: مدري احس ماني برااايق
غيث: طيب طيب سكتنا
"وقعدوا يسولفون وبس قرب الوقت راحوا يمشون للكلاس"

.
.
.
فتحت الجهاز وقبل لاتدخلmsn
فتحت المنتدى وسجلت دخوول وتنط بشاشه الكمبيوتر نافذه صغيره تشير انه في 3 رسايل جديده فتحت صفحه الصندوق الوارد وتلاقي كلهم من مرسل واحد"لسعة شوق" وقالت بخاطرها"ههههههه ياحليها والله اني صفطت امها " ودخلت على الرساله ولقت مكتوووب فيها
"السلام عليكم ورحمة الله
مرحبا اختي كيفك؟ عساك بخير؟
سوري اذا فيه ازعاج لاني ارسلت لك
بس انا لاحظت من يوم ماسويت لك ادد مدري اذا كنتي حذفتيني اولا ؟؟
بس انا حبيت اتطمن عليك واتمنى نك بخير
مع الف سلامه
اختك:لسعه شووق"
msn ماردت على المسج قالت بتكلمها ف
"وبسسسرعه سوت
.....يووووووه فشششله وربي تحزن sign in"

You have resaved nudge
•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:
يالله حيوووووووو ارحبواااااااااااا

زيني تمادى وخلاهم يموتون فيني ..خلا كل المزايين \\.صفر.\\ على شمالي:

هلا ياقلبووو هلا

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

هلا انتي *_^ كيييفك وييييييينك مادخلتي ارسلت لك مسج في المنتدى

زيني تمادى وخلاهم يموتون فيني ..خلا كل المزايين \\.صفر.\\ على شمالي:

اي سووروي والله مادخلت النت لاني كان عندي كوز هاليومين وماقدرت ادخل

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

انا اسسسفه سوري ماكنت اعرف ادري اني ازعجتك بالمسج

زيني تمادى وخلاهم يموتون فيني ..خلا كل المزايين \\.صفر.\\ على شمالي:

لالالالا عادي وش دعوىى المهم شخبارك انتي؟

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

انا بخير غلالاي ..الا ماقلتي لي شسويتي بالكويز

زيني تمادى وخلاهم يموتون فيني ..خلا كل المزايين \\.صفر.\\ على شمالي:

كووويس والله ماشي الحال

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

هو انت وين تدرسين؟

زيني تمادى وخلاهم يموتون فيني ..خلا كل المزايين \\.صفر.\\ على شمالي:

انا ادرس بجامعه سعود هنا بالريااض

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

اووووه ياهلالالالا والله بأهل الريااض

زيني تمادى وخلاهم يموتون فيني ..خلا كل المزايين \\.صفر.\\ على شمالي:

ههههههه لا سمي على عقلك انا مو من اهل الرياض بس انا ساكنه بالرياض فتره وبسس

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

يؤؤؤ ليييه؟

زيني تمادى وخلاهم يموتون فيني ..خلا كل المزايين \\.صفر.\\ على شمالي:

انا عايشه مع خالتي بس انا من اهالي الشرقيه واااااااااه فديتهم وحشووني مررره

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

اووووه ياحليك ويالهلا بأهل الشرقيه تومانورت الرياض ههههههه ادريبي نصابه لا انا من اهل الرياااض

زيني تمادى وخلاهم يموتون فيني ..خلا كل المزايين \\.صفر.\\ على شمالي:

هههههههه هلا بك والله ماقلتي لي انتي وين تدرسين

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

"ارتبك الطرف الثاني " انا ادرس طب

زيني تمادى وخلاهم يموتون فيني ..خلا كل المزايين \\.صفر.\\ على شمالي:

اووووه ماشااء الله ياحليلك واللله

•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:

هههههههه عندنا وعندكم خيير اقوول برررب
زيني تمادى وخلاهم يموتون فيني ..خلا كل المزايين \\.صفر.\\ على شمالي:
اوووكي تيت

[قمرلوتغطيني غيوم]

" راحت تسولف مع اصحابها ومرت ربع ساعه يمكن ولسعه شوق مارجعت كتبت مسج لها انها لازم تطلع وتشوفك بعدييين وبس وطلعت"
طلعت ودقت على اختها غززل
وصلها صوت خرشه ودجه تحمسسست وحست عيونها بتدمع من كثر ماهي مشتاقه لاهلها وجمعاتهم ولعبهم وهبالهم وكل شي تذكرت انه هذا الاربعاء الي كل العايله تنتظر عشان يتجمعون ويناقشون احوال العايله وفيها يلتقون ببعض
غزل: يااااااااااللله حيوووووووو فديتك توني اطريك والله
منار وهي تصارخ : تحشوووووووووون فيني حطيني على السبيكر حطييني
غزل وهي تحطها: بنااااااااات هدوووء منار تبيكم
البنات: هااااااااااااي منووور شخباااارك
منار: تماااااااااام والله وش تحشوون فيني هااه
اديم: ههههههههههه والله مانحش بس نتذكر هبالك
منار: فديتكممممم وحشتوووووووووووووني
عبير: منووور هذي الاغنيه بأيش تذكرك
"وتاخذ الموبايل من غزل وتقربه ناحيه التلفزيون ويوصل منار صوت روبي ليه بيداااري كده ولا داري كده ولا ده ............ "
منار: هههههههههههههههههههههههههه عبيييييييير بليييييييييييييييييييييييييييز
عبير: ههههههههههههههههههههههه اقول للبناات اقووووووووول
منار: عبيرووووووووووووووه بذبحك وانا ربي ليه بلاني فيك بالذاات شمعنى لو بسووم قلنا يمكن الا هي وينها
وصل منار صوت بسمه العذب: هااااااااااااي منووووره
منار: يحييييييييييييييهم يانااااااااااس الذووووق
بسمه تضحك بحياء: هههههههههههه
"والبنات يضربون فيها"
اديم: مالت عليك
ممنار: هههههههههههه تغارييين
اديم: تخسسسسسسسين بس كل تسوي دلوعه
بسمه: اديمووووووووووووووه بزعل عليك
سهر: هههههههههه تكفون ولازعلتها
منار: سهررررررر افاا ولاتسلمين
سهر: ههههههههههه وربي ميته ضحك عليكم شخبارك يادبه وحشتيني
منار:كلكم وحشتوووني
"وقعدت تسولف معهم"
" بعد ربع ساعه "
"اعتلى المساجد نداء الحق في مساجد الخبر يشير بأنه دخل وقت صلاه المغرب .. راحوا العيال الى الصلاة .. اخذوا في ترديد النداء والاستغفار .. صلى الامام بهم وكان من المأمين الي يحفظون القران في قلوبهم ياللله صوته ما احلاه جمله الله في اروع مايكون تسمعه لتقى عذوبته في قلبك قبل سمعك فقد كان مِن مَن يحفظون القران في قلوبهم"
اما من ناحيه البنات بعد ماصلوا ورجعوا كانوا قاعدين في الصاله ونجوى ونجلا مع الحريم في الخيمه يريحون شوي في الجلسه العربيه
ترررررررررن ترررررررررررن
سكت الكل..رفعت جوالها..ناظرت الرقم... دارت الدنيا براسها..توترت...نشف ريقها.. قلب وجهها رفعت عيونها..وكانوا البنات يناظرونها بتعجب من داق عليها وخلاها تقلب كذا تشجعت وردت
....: السلام عليكم
........: وعليكم السلام اختي وصايف فيه
وصايف ارتجفت اطرافها وفي بالها ياويلك مني سويتيها: اخوي غلطان بالرقم
" وسكرت"
نجود ببساطه: وصايف ماتسوووى عليييك كل هذا عشان حد غلط بالرقم
وصايف: افففففففففففف " وقامت"
"البنات يناظرون في بعض شفيها"
اديم: وصايف نجود ماقالت شي وين رايحه
وصايف بأنفعال بغير عادتها : بطلع برا بشم هوا تبون تطلعون قوموا"ورمت جوالها فوق مكانها عشان محد يشك بشي"
"شافوها البنات ووافقوها الراي وطلعوا معها واخذوا شيلهم لو كان فيه عيال"
"في الحووش"
طلعوا البنات بالحوش يشموون هواا وقعدوا قدام المسبح

كانت كل وحده فيهم ساكته وسارحه بخيالها الجو في الشرقيه هالوقت تمر عليه نسمااات هواا قد تكون حاره او بارده او معتدله او حتى مغبره تعودوا عليه لدرجه لو يزيد البرد حبتين عندنا تشوفين انواع الامراض تعودوا عليها بحرها بغبرته بنسماته العذبه
جنى وهي تقطع حبل تفكيرهم: عبير بشري لحقتي عليه ركبتي معه..؟؟
عبير معقد حواجبها: منهو؟
جنى: هو فارس الاحلام عسى لحقتي على حصانه"وتضحك وضحكوا البنات"
عبير وعيونها تلمع من الحيا: جنىىى كفي عني الحين بس انا الي سارحه
جنى: هههههههه بس كل واحد تفكيره غير تلقين ونجود تفكر بملابس يوم السبت وتلقين غزل تحفظ المكان عشان تروح تصمم مثله وتلقين بسمه تناظر شي عشان ترسمه ههههههه وانتي تركضين ورا فارس الغفله
"ضحكوا البنات عليها"
اديم: قوموا نقعد معهم بالخيمه
جنى:ياحبك لسوالف الحرريم
اديم: احلى من سوالفك يلا
سهر: يلالالا
وصايف بتصريفه : انا بروح اشرب الدوا حقي اوكي
اديم: اي دوا
وصايف بنظره: حق الحديد
اديم: وتوك تفكررين
وصايف بانفعال: لابس احس نفسي دايخه لايكون الدم نازل
بسمه بحنان: من جد وصايف حالك مو عاجبني
"ابتسمت وصايف وراحت "
"قاموا البنات وراحوا الخميه "
ام فواز:ياحيالله هالبنااااات شخباركم وينكم فيه
سهر: كنا برا ع المسبح يجنن الهوا
ام محمد: وين يجنن وهالرطووبه
جنى : ياحلاتها والله
ام فواز بنظره تفحصيه: ماشاء الله اديم كم اي سنه انتي الحين؟
ادي\م بحيا:توني سنه اولى
ام فواز: ياحليلك الله يوووفقك عقبال ما اشوفك عروسه انشاء الله
غزل: يمممه وانا
"ضحكوا البنات"
بسمه: يالمطفوووقه تبين تعرِسين؟
غزل وهي تضحك : هههههههههههه لالا
الجده: انا ادري عنها والله زمن اول حنا نستحي نجيب طاري الزوج
غزل: جدتتتتتتتتي لاتكفيين "وتلف على البنات" ههههههه بنات امي طفشتني من اقول عن واحد ياملحه ولا شي عادت لي موال اوول
"الحريم جلسوا يضحكوون"
الجده وتضحك على البنات: انا اوريك يامسوده الوجه استحي على وجهك
سهر: الله يهديك ياجدتي زمن اول غير
ام فيصل: لاغير ولا شي من هالقيل انتوا بنات هالجيل ينخاف منكم
نجود تشهق: افااااااااا شدعوووى
سهر: عاد انتي تسكتين"وتضحك"
نجود: هيهيهيهي مايضحك
سهر: هههه امزح شفيك
نجود"لفت وجهها عنها"
اديم:الموووهم
" وقطع عليهم صوت حنحنه"
.....: ياااااااااولد
ام محمد: استنى شوي"وتلف ع البنات" تستروا يابنات
"لبسوا البنات شيلهم منهم من كان متحجب منهم من كان متلثم "
دخلو الششبااب
الجده: اقلطوا اقلطوا ياعساااي مانحرم من هالقبله ياربي عقبال ماشوفكم معاريس
طلال: واااااااااي فديتها انا ياناااااااااااس
الجده: منهي منهي
طلال: هو في حد غيرك يهواه هالقلب"ويأشر على قلبه"
منصور وهو يحب راس جدته :ههههههه ماعليك منه ياجده تلقينه حافظ هالكلام كله صم من كثر مايسمعه كل يووم
وليد بأثبات: هههههههههههههههههههه فهذي صدقت
طلال ومسوي بريئ: افااااا ياجده تصدقين فأصغر احفااادك
ام فيصل: توها تقول عيال هالجيل ينخاف منهم
"قعدوا يضحكون"
الجده: اقعد ياعساي فداك"تقصد ياسر"
منصوور: لاتصدق نفسك واجد
ياسر: احم "وابتسم لجدته وقعد عندها وساسرها بصوت مسموع " مشكلتهم يغارون مني شسووي
ام ياسر: منصووور اعقل عن ولدي
طلال: انا ياخاله مدري شلون تتحملين تجلسين معه
ام ياسر: واااااااي فديت ولدي انا
ياسر"يراقب الوضع بهدووء"
ام فيصل: وين مشااري اجل وبدر
فيصل: هذاهم بالطريق شوي بيجوون
"طلال لف يناظر البنات"
طلال ويسوي نفسه منفجع: بسسسسسم الله كلكم بنااااااااااات من وين طلعتوا
"ضحكوا عليه"
ام ياسر: صل على النبي على بناتي
طلال: هههههههه من وين بتجيبون لهم رجاجيل
ام فيصل: طلييل ووجع بناتنا يستحوون
ام فواز : الله يسلمكم انتوا بس اختاروا
طلال: اهئ اهئ لاتضحكيني يا ام "ويحك راسه " انتي ام مين شيلي هالبرقع بس
"ضحكوا عليه"
فواز:احششم ياولد
وليد يغير الموجه : لامعه حق من وين بتلقون لهم
الجده: الله يسلمكم
طلال:لالالا الله لايبلاني بوحده منهم قولوا امييين
عبير بأنفعال: من حلاتك يالشيييييفه
"لفوا عليها"
استحت ونزلت راسها
طلال: ههههههههههه اقول انا وينها اثاريها متلثمه عبيروه لايكون حاطه عينك على واحد من هذوول شسالفه غطاك تشيلين عن ناس وتغطين عن ناس"ويغمزز"
"ضحكوا عليه"
فواز:وبعدين معـك انت
ياسر: اعققققققققل عن اختي
فيصل: طلال زايدين جرعتك اليووم لالا شكلك شارب شي على الحكي الي تقطه
ام فواز: عاد مردك لها
طلال يضحك : من زينها عااد ام كشششه "ويضحك وبسرعه يغير السالفه " اااااااااه ايوا ياعمه شخبارك"يضيع السالفه وكان يناظر ام محمد"
ام محمد: انت اكبر لووقي لاتكلمني
طلال: ههههههههه افاااااااا بس فديت هالعيووون انا بس
فواز: طلال شهالكلام
ام محمد تضحك عليه : وه وه لاتطالعني مانيب حلال عليك
طلال: ههههههههههه وي تراك زوجه عمي.. وينه هو بس كان مايخلي لي اثر عالى هالوجود
"ضحكوا عليه"
ام فواز: ماعليكم منه لوووقي
فواز بأمر: طلال عاد اعقل صير رجال
طلال: اففففف وليد قم نطلع قايل لك هالمكان مو من مستوانا
الجده: ااااااه ياقليل الحيااا صدق ماتستحي
طلال: هههههههه استهبل شو بكي انتي
ولييد: يلالالا
الجده: ياسلام جاهز للطلعه لعنبوك ماتشتاق لجدتك ماتشاق خير شر
وليد: افاااااا الحين انا ما اسأل يكفيني اشوف وجهك كل اربعا
"ضحكوا عليه"
فيصل: ههههههههه من وين جايبين هالكلام انتوا
الجده: خلووه انا اوريييه قليل الخاتمه
وليد: اسف شدعوى"وراح لجدته وباسها على خشمها"
الجده: وخر عني وخر
وليد ويبي يضمها وهي تبعد عنه
ياسر: هههههههههه وليدووه ووجع وخر عنها
فيصل:خل يدلعهاا هالقمر يانااااس
"وشوي وصلوا الشباب البقيه وسلموا وجلسوا بعد ماطلعوا طلال ووليد"
"عند البنات"
عبير: اديم مو كن وصايف تأخرت
اديم: اي والله بروح اشوفها لاتجي بدون طرحه
"بوقتها دخلت وصايف بهدوء وكانت حاطه يدها بجيبها الديرتي جينز وماشيه بسرحان دخلت والكل سكت "
"الشباب يناظرون بعض مشاري وفيصل طاح وجههم
كلهم تبلعموا ماعرفوا شيقولون والجده مانتبهت "
.........: وصااااااااااايف
رفعت وصايف راسها ببرود وانصقعت من الي شافته
وصارت تلف بنظرها يمين ويسار
.........وهو يلف على الشباب: احلف انت واياه غض بصركم
فيصل عصب : مشاري على هووونك شوي شوي
وصايف وعيونها تلمع: اوووووووووووه مانتبهت
مشارري: فارقي عن وجهي
فيصل: مشااااااااري احشمني تراها دخلت بالغلط ومانتبهت
مشاري وهو نار الغيره تاكله : والحين انتبهت ولسا واقفه
وصايف وهي رايحه مهروله
ام فيصل: مشاري يمه هد اعصابك مانتبهت
الجده: منهي
مشاري: اوووووه "وطلع برا"
ام فيصل: الله يعيني عليه هالولد
ياسر: هدي ياخاله
"وكان الوضع هادي بالخيمه"
منصور: الا حنوونتي ماقلتي لي مين بيرجعك الرياض
الجده: والله تركي قال بيجي عنده كم شغله بيخلصها وبياخذني معه
مشاري: شعندك لايكون ناوي توصلها
منصور: هههه شي زي كذا
الجده: عسى عمرك طويل مابي اكلف عليكم تركي بياخذني
منصور: الاتركي شخباره
الجده: ابد ماعليه زوود
"استأذنوا الشباب بعد فتره طبعا تغيرت الاجواء بعد دخلت وصايف... وطلعوا "
اديم: اففففففف يقهرررر ماتسوى عليها
بسمه: ياحياااتي ياوصاايف
نجود: بس كبرها مشااري
غزل: الله يهديه
"قعدوا شوي بعدها طلع كل واحد بيته وبالنسبه لوصايف طلعت بدون ماتنطق اي كلمـــه "
في سياره بدر كان ماخذ اهله وياسر مع منصور
ام ياسر: عبير دنو متى نامت ؟
عبير: مدري واللله كانت تلعب ونامت بالصاله
ام ياسر: ااهااا
عبير: بدق على اديم اشوف شخبار وصايف
"وبدر كان ساكت وكسرت خاطره وصايف ماهانت عليه بنت عمه تتهزء قدام العايله كلها"
ام ياسر: بس مشاري كبرها البنت بالغلط دخلت ماتسوى عليها
بدر: يمه بدر غيور على خواته بطريقه مو طبيعيه
ام ياسر: اي مايخالف مو لهذي الدرجه عااد حسيت البنت طاح وجهها
"قطعهم صوت عبير"
عبير: الووووو
اديم: ياهلا والله
عبيير: كيفك
اديم: توني مفااارقه وجهك شتبيين
عبير: ههههههه مالت عليك مابيك انتي ابي اسأل عن وصايف
اديم: والله وصلنا وطلعت فوق ولاتكلمت بكلمه
عبير: تيب روحي لها شوفيها
اديم: لاتلقينها معصبه خل بكرا اكلمها
عبيييير: اها اجل يلا ضفي وجهك
اديم: مالت علييك"وسكرت"
عبير: هههههههه ماعندها وقت
.
.
.


يتبــــــــــع،،
توقعـــــــاكم؟؟
تــــــــــركي وهو الشخصيه الجديده... وش دوره في القصه؟
وصــــــــايف شاللي صار بالمدرسه خلاها تترتبك من اي رقم غريب والسبب الي خلاها مكتئبه؟
الاهل وش ممكن يكون دورهم بالقصه الي قد يكون يخرب احد احلام بطلاتنا الي راح تتعرفون عليهــــــــــم؟