رواية غصب عني انواع البنات والعبط والاستهبال والاكشن والاستهتار

[جليانا]

الجزء الثامن من روايه.... غصب عني....


.... غياب ضميري .....
.....الفصل الاول .......

بعد الرجعه من البر بيومين قعدت الساعه 1 الظهر وصليت ولبست وكشخت ونزلت
حصلت ابوي واهلي كلهم في الصاله
انا:السلام عليكم
الكل:وعليكم السلام
انا: تغديتو
امي:لا
بوي : هاه ليلى مافكرتي وش تبين هديه نجاحس
انا:يابعد عمري عادك على الوعد مانسيت
ابوي : وش ينسيني
انا:المشاكل اللي صارت غصب عني
ابوي: اخلاص المشاكل انتهت ولا له داعي نعيد ونزيد فيها
نصور:ليلى بروح بعد العصر نشتري دباب وبلشتيشن 3
انا: اشتر بانشي احسن
ابوي: بانشي لنصور كبير عليه
ريموه : اخيرا بيصير عندي لاب توب مثل خلق لله
انا:ندوي وش صار على طلبس
ندوي: خلاص بدلت طلبي وقررت يبنون لنا غرف في الحوش
انا: ليه
بتقاطعينا ولا بتعرسين
ندوي انحرجت: ههههه لا بس مجلس خاص بنا يا البنات شرايس موب فكره حلوه
انا: الا احلى من حلوه وابوي وش رايه
ابوي : اكيد موافق كم عندي انا من ندى
ندوي: ههههه وحده اللي هي انا
امي : ترا الاثنين الجاي بنسوي حفلتكم استعدو لها
ندوي : ابي الروح لسوق اشتر لي لبس
ابوي : خلاص خالد اذا فضيت ودهم لسوق
خالد: ابي اعرف شي واحد الدريول للي طايح في الحوش ليش جايبينه وبعدين انا مشغول
ابوي : شعندك انشاءلله
خالد: باروح لسوق مع جاسم وربعي اشترلي اغراض عشان السفر
ابوي : ود البنات وبعدين رح مع ربعك
خالد :ياسلام صارو بنات اللي اذكره بس ندوي
انا ابي اقهره : لا يا حبيبي كلنا بروح ويمكن تروح مهوي معي
خالد : لا والله شايفتني دريول عندكم
امي : خلودي بعد عمري انت رايح على كل حال اخذهم معك
خالد : بس عشانس يا غاليه وعشان ابوي بعد ولا ليلوه ماتستاهل
انا بعصبيه : انت ليه تكرهني وش مسويه لك
خالد : مفشلتني وفاظحتني عند الشباب
انا : لا والله اللي يسمعك يقول مسويه جريمه ترا كل شي غصب عني
ابوي : خالد عيب الكلام اللي تقوله عن اختك الكبيره احترم وجودنا
خالد : يبه كل ما جاء طاري عن البنات عند الشباب بدى طلال وفواز يتغامزون ويطالعوني وجسوم كل شوي يقولي اختك فضيحه وش تبيني اسوي اوديها لسوق تسويلي هناك فضيحه والله قهر
وقام وطلع وانا حسيت بلقهر لأن خالد كان شكله صدق مقهور وسكتو اهلي كلهم
امي : يله نروح نتغدى
وراحو كله وانا رحت لخالد لغرفته قلت بارو ح اواسيه صدق والله احرجته باروح اعتذرمنه مع انه مايستاهل بس كسر خاطري ودقيت الباب ودخلت
خالد : تطمني باوديكم لسوق
انا: ومن قال انجايه عشان السوق
خالد : هاه وش عندس بعد
انا : خالد ترى كل اللي ويقاطعني خالد : ادري غصب عنس المطلوب
انا: شفيك شاب نار
خالد : كيفي اخلصي
انا : صدق انك ماتنعطى وجه انا الغلطانه ولا انت المصايب اللي اسويها شوي عليك مالت عليك يا الزباله
وطلعت اتغدى وبعد شوي جاء خويلد يتغدى وبعد ماخلص الغدى رحت لغرفتي وكلمت مهوي ماترد وكلمت شيخوه
انا : شخبارس شيخوه
شيخوه : الحمد الله
انا : الا ثنين الجاي عندنا حفله بمناسبه نجاحنا
شيخوه : وانا بعد عندى حفله شرايس نخليها مع بعض
انا : خلاص ونسويها في بيت جدي
شيخوه : خلاص باشوف امي شرايها وبقولس المهم تعالي
انا : لاتعالي انتي اخوانس موجودين انا ماعندي الا العله خويلد
شيخوه : غريبه ماتقولين العله اذا تهاوشتو
انا : باقول القصه لا تواجهنا يله تعالي
شيخوه : خلاص بعد العصر اهلي كلهم متجمعين تحت فشله اخليهم واروح
انا : ياسلا م وتعزميني تبين توهقيني
شيخوه : لأني ادري موب جايه
انا : خلاص باي جاني اتصال من مهوي
وسكرت
انا : اهلين مهوي وينس
مهوي : موجوده شعندس مع القايله
انا : مهوي تكفين طليل بذبحني
مهوي : ليه شصاير بعد
واقولها عن السالفه
انا : تاعلي تراني طفشانه
مهوي : لا ماقدر اهلي كلهم مجتمعين ومنزمان ما تجمعنى
انا : مالت عليس يله باي وسكرت ونزلت تحت حصلت اهلي كلهم في الصاله ونجلس نسولف لين العصر وصلينى وراح ابوي ويا ريموه ونصور وامي لسوق وخويلد هات وندوي راحت لهنوده
واتصل على لولوه
لولوه : اهلا والله بليلى
انا : شلونس للوش
لولوه : الحمدالله
انا : تعالي مافي البيت الا انا
لولو ه: ياسلام تعالي انتي هاذي رنود عندي
انا : خلاص بيجيكم
ورحت لهم وحصلتهم في الصاله واسلم واجلس وتبدى السوالف
انا : الا للوش ماقالس عمي من الي في البطانيه
لولوه : ما قال الا انه الدريول
رنود : بنات انا شاكه في طلال
انا : مدري بس هو وينه طلال الحين
لولوه : راقد
ويدق موبايلي
انا : اهلين شيخوه
شيخوه : مالت عليس وعلى اللي يعطيس وجه ويجيس وينس يا الخايسه
انا : لحظه شوي كليتيني انا عند للوش تعالي
شيخوه : اكيد باجي مالت عليس عازمتني ومهملتني يله باي
شوي وجات شيخوه
ونجلس نسولف وكنا في الصاله شوي وينزل طلال وعلى طول تغشينى
طلال :السلام عليكم
الكل: وعليكم السلام
طلال : شلونكم بنات
انا : بدون نفس بخير لو سلمنا كلام بعض الناس
طلال ماعلق : شصاير في الدنيا زايرينا
شيخوه : صارعندكم احد ينزار
طلال : عللا ما عتقد ام فارس كبر امي مو كبركم
انا : الله خلق وفرق
طلال : شقصدس مافهمت
ومارديت عليه و طلع
لولوه : مادري ليه طلال من اول ماجينا وهو موب طايقنا مضيق صدري وصدر ابوه
شيخوه : طالع عله على امه
انا : عمي ناصر ماقاله شي
لولوه : يقول انه اكيد حزين لأن امه زعلانه موب قادر يستوعب التغير اللي صار فجائه عشان كذا مايطيقنى
رندى : انزين ام طلال موب راجعه ولا شلون
لولوه : لا هي رضت بس ماتبي تسكن فوق
انا : وش بتسوون
لولوه : عادي بنخلي البيت مشترك والدور اللي فوق لي جناح وهي جناح وناصر انشاءلله بيحاول ياخذ الارض اللي جنبنا من اهلها عشان يبني لي عليها بيت
شيخوه : طيب ليه مارجعت الى الحين
لولو ه : تقول بتسافر مع اهلها واذا رجعو جات
وشوي ويجي مشاري ويا سلمان
مشاري : هااااااااااااااااااااي
انا : اهلين مشاريوه وينك غاط ماشفناك
مشاري : كله من سلمان يدوربي من شارع الى شارع
شيخوه : تعلمني في اخوي لو مايهيت في الشوارع والمجمعات كان صارله شي
سلمان : هي حرام عليكم الحين مرت عمي بتاخذ عني فكره غلط بتقول ذا بيخرب وليدي
لولوه : الا الله يستر عليك من مشاري وليدي وادري فيه
مشاري : خلاص ترا بروح نتعشى في الستي وبعدين بروح سينما
لولوه : قل لبوك
مشاري وهو طالع : اكيد باااااااااااااااااااي
وبعد شوي جاء فارس وعلى طول تغشينى
فارس بعد ماسلم : شخباركم بنات
كلنا : بخير
فارس : وينكم من جينا من البر ماشفناكم عندنا
انا : بريحك واجد قبل البر منكدين عليك ومحكرينلك ولا خليناك تاخذ راحت في البيت
فارس : افا عليج ياليلى هاذا بيتكم وانا مثل اخوكم الا اذا ماتعتبروني اخوكم
شيخوه : اكيد اخونا ولا ماشفتنا رازين وجيهنا عندكم
فارس : يا مرحبا والله وطلع
و بعدين اذن المغرب ورحنى وصلينى وبعدين رحنى لبيت جدي وكانو البنات كلهم هناك وبعد مسلمنا
جلسنابغرفت الجلوس الي تحت ومعنى جدي وجدتي
جدي شرايكم يابنات نسافر ذا السنه كلنا مع بعض
كلنا : هيااااااااااااااااااا
انا : جدي اخيرا بتسافرمعنى
هنوده : جدي ولا مره سافرنا مع بعض
جدي : بس بشرط
كلنا : امرررررر
ويدخل علينا ابوي وسلم وجلس
ابوي : اعترفو وش كنتو تكلمون عنه
انا : جدي بيسافرمعنى تصدق يبه
ابوي : صدق الكلام اللي اسمعه يبه
جدي : بيصير صدق اذا وافقتو على شرطي
ابوي : موافقين
جدي : مدري عن البنات
مهوي : اذا انت قلت شي ياجدي معاد لنا كلمه
شيخوه : موافقين بدون ماتقوله
لميوه : انت امر امر
جدي : انا ماحب سوريا ولا ماليزيا ولا أي ديره غير الخليج عشان كذابروح لبها وشقلتو
انا : اهم شي انكم معنى انشاءلله نروح لجهنم
الكل:هههههههههههههههههههه
جدتي : اسمعوا ولا نبي احد منكم يغيب نبي نروح كلنا ها وش قلتو
كلنا : مواااااااااااافقين " حتى ابوي صرخ معنى مع ان ابوي بطبعه ثقيل موب أي شي يضحكه ولا يسولف مع البنات الا في المناسبات بس اليوم كان مستانس ان امه وابوه بيروحون معه
ابوي : متى تبينا نروح
جدي : خلصو شغلكم وبنروح على بدايه شهر 7 شرايكم
ابوي : خلاص تمام
انا : يبه شريت لنصور دباب
ابوي: ايه وهاذك يستعرض عليه برا
وراح ابوي وجات ريموه ومعها الاب توب الجديد
وارتزينا عندها وهي تتعبث فيه وفقعاعنا عيون جدي وجدتي بتصوير وندخل في الاب توب وانا ابحث عن بلوتوث الابتوب حصلت بلوتوثات واجد لآ ن الشباب كانو متجمعين في الحوش شوفو البلوتوثات
جاسم عذااااااااااااااااب البنات " اللي قاهرني ان وجهه مايساعد "
وبعد طلال واحط رقمه "ذابحته الثقه مالت عليه "
عمكم المطوع
بحر الحب
ابو سلطان
احلامافيه عيووووووووونه
اخو القمر
انسان كوووول
مدمن بيبسي
نصور ولد ابوه
ام سلطان
رائد الفضاء على الارض
واجلس انا ومهوي في الزاويه في الغرفه والبنات كلهم عند جدي وجدتي
انا : مهوي ضنس هاذا بلوتوث طلال
مهوي : اكيد ليه
انا : ابي ارسله
مهوي : ويش ترسلين له
انا : بستعبط عليه
مهوي : خلاص
واسمي بلوتوثي $$$$$$$$$$$
والرسله مذكره واكتب فيها

(انت طلال )
ويرد بمذكره :
( ايه من الي يرسل )
والرسله
(وش يثبت انك طلال )
ويرسلي
(انتي اللي دخلتي غرفتي ومعس صندوف الصيف اللي طاف )

وارد عليه
( صدق انك ماتستحي على وجهك تمشي وتحش في بنات عمك نفسي اعرف ليه وش سوو لك ممكن اعرف )

ويرد
(انتي من اذا قلتي لي باقولس )

[جليانا]

انا : مهوي شقوله
مهوي : عادي قولي أي اسم ولا اقولس قولي انس ليلى وموب مصدق وشوفي وش بيقول
انا: طيب خلاص برسل وباشوف
والرسله
( انت تعتقد انا من)

ويرسل
( مادري بس اعتقد انس وحده من بنات عمي )

والرسله
( من من عمانك )

ويرسل
( بنات عمي فهد على ماعتقد )

الرسله
( شمعنى عمك فهد ليه مايكون نايف)

ويرسلي
( احساسي )

والرسله
( مالت عليك وعلى احساسك غلط)

ويرسلي
( والله ان وحده من بنات عمي فهد وعلى ما عتقد
انس ليلى صح)

والرسله ( انت ذكي انا ليلى بس كيف عرفت )

ويرسلي ( يعني تسوين ذكيه تقولين ليلى عشان اقول
لا موب ليلى)

والرسله ( كيفك تبي تصدق ولا موب ضروري)

ويرسلي ( صدقت انس ليلى ليش ناشره الفيديو
حقي يومنا في البر )

والرسله
(تستاهل لأنك تمشي وتجرح فيني ما تقولي ليه )

ويرسلي
(لأن تصرفاتس اللي موب طبيعيه تقول كذا )

والرسله
(وش تقول )

ويرسلي
(تقول انس صايعه مع احترامي موب لأن اهلس مايدرون عنس اني ما ادري ترا انا اعرف ها لشكال )

واعصب صدق انه حقير شلون يقول كذا عيني عينك جعله المرض قهرني الحقير مهوي وش اسوي واش اقول
مهوي : قولي له وش شايف علي

والرسله
(وش شايف علي انشاءلله ياولد عمي المحترم على الاخر)

وتأخر مارسل وبعدين الرسل

ويرسلي
(كل شي تسوينه ما يسويه الا صايعه ياصااااااااااااااااااااايعه وحقيره ماتقولين لي وش تسوين في غرفتي الصيف اللي طاف حقيره طايحه على صدري او متعمده تطيحين على صدري وبعدين ليه ماتغشين لا طلعتي وبعدين مها ماتفرق عنس وكانت تبي تجيني الساعه 3 الفجر يعني احد يطلب فراوله الفجر وبعدين ليش نروح بعيد نسيتي وش سوت اختس المحترمه ندى مع اخوي فارس تراه قالي على كل شي وصدق اهلكم مخدوعين فيكم وانا انشاء الله الي بيكشفكم يا حقيرااات )

انا : مهوي شوفي الحقير وش مرسلي اه بتجيني جلطه
مهوي : جعله الصرطان والحادث وشنرد ونقول
انا : باقوله والله لا فضحك يومك مع الخدامه
والرسله
(شف ياحقير يا محترم والله لا افضحك انكانك ناسي فيديوك انت والخدامه ياواااااااااااااااطي )

ويرسلي
(انا عادي رجال وسوي الي تبين ما عندي مشكله
المشكله هي انتي يا الفضيحه فاحسن لس بطلي الحركات اللي تسوينها ولا يكون على بالس طافت علي انكم رايحين مع جدي بلغلط انتو رايحين للمزرعه عند ربعكم صح )

انا انقهرت مهوي باموت من القهر جعله يموت انشاءلله وش اسوي
مهوي : خلاص لعاد تردين عليه
انا :لا برسله اهزئه والرسل بس ماستقبل جعله المرض ما يستقبل بيقهرني المهم حاولنا وحاولنا بس ماستقبل واذن العشاء وصلينى وجلسنى بقسم رنود وقلت للبنات عن السالفه
رنود : الروح اهزئه بما اني عمته
انا بقهر : بنات بموت لو ما انتقم وش اسوي قاعد يجرح فينا عيني عينك اعنبوه مايستحي وبعدين فارسو ه مالت عليه جعل ندوي الجلطه الحيوانه كله منها ياربي بنات تكفون شوفو لي حل تراني شابه نار
نوير : يابعد عمري يابنت عمي لا زم اشوف لس حل قبل تفطسين من القهر
شيخوه : نقول لجدي يتفاهم معه شرايكم
هنود : لا لازم ننتقم بأنفسنا
انا : كيف
لميوه : خلى نفكر كلنا ذاليل وبكره نشوف وش بيطلع معنى
مهوي : لا والله ننتظر الى بكره مستحيل اقدر اتحمل
ندوي : طيب وش نسوي
ويرن مبايل شيخوه وردت وبدت تبكي وتصيح ونقعد نهديها في الاخير فهمنا ان جدتها مريضه في المستشفى في الكويت لأنها كانت عند ولدها تزوره وصارلهم حادث ونجلس نهديهم هي ونوير وفي الليل الساعه 1 راحو البنات مع امهم وعمي والبزران الصغار المهم راح الليل كله واحنى متوترين ونحاتي جدتها وبعدين راحت كل وحده لبيتها ورقدت وقعدت الساعه 1 وعلى طول دقيت على شيخوه وحصلتها تبكي تقول جدتها مرررره تعبانه وجلس اواسيها ويالله هدت ورحت صليت ولبست بنطلون اسود وعليه تنوره الى الركبه وردي مع السود والبيض مع بلوزه سودا وعلها بدي وردي مع حزام ابيض عريض وشحاطه بيضا وفكيت شعري ونزلت الساعه 1 ونص حصلت اهلي يتغدون ومعهم دلعوه بنت عمي ناصر وجلست وتغديت وريموه حاطه الاب توب على السفره كنها موب شايفه خير ونصور ياكل بسرعه يبي يلحق يلعب بلستيشن مع دلوعه
وخويلد وجهه متنفخ يبي يرقد شكل ابوي مقعده غصب اما ندوي ماسكه الفلوس الي عطها اياها ابوي عشان السوق "الحمد الله كنهم جالسين على الغدى غصب"
ابوي : اليوم بيوديكم خالد لسوق بعد العصر
انا : مشكور يبه
ابوي : اشكري اللي بيوديكم
انا : اذا رجعنى بشكره
المهم دقت علي مهوي
مهوي : شخبار اعصابس
انا: والله اني الى الان مقهوره
مهوي : تعالي عندي نفكر كيف ننتقم
انا : خلاص شوي وبجيس يله باي والروح البي البس عبايتي ولا لقيتها كل العبايات خذتها الخدامه تغسلها والبس عبايت ريموه كانت ضويييييييييييييييييييييييييييقه موت بس حلوه علي طبعا ريموه نفس طولي ورحت لمهوي الساعه 2 ونص ورحت معها لغرفتها
انا : مهوي كيف ننتقم
مهوي : عندي فكره خطيييييييييييييييييره بس تودي في ستين داهيه
انا : قولي وش
مهوي : بنورطه في شي قوي
انا : كيف
مهوي : الموضوع يبي دراسه لأنه خطير
انا : مهوي اخلصي
مهوي : نبي نورطه نخليه يدخل غرفه وحده من البنات وبنصارخ ونادي عماني يشوفونه وهو في الغرفه بس كيف ؟؟؟؟؟
انا : والله انس خطيره بس كيف ؟؟؟ لازم نفكر صح ان ماخليته يندم بس اخاف اقول للبنات ويعيون بذات رنود بما انها عمته
ونقعد نفكر لين المغرب وبعدين رحنى لبيت جدي وحصلنا ندوي و هنوده ورنود ومجود ولميوه قاعدين مع جدي وجدتي وشوي ويجي عمي نابف طبعا عمي نا يف مايحب الاستهبال وكان كل كلامنا سيده يعني محد ينكت ويستعبط
جدي : فض نفسك يانايف عشان نروح للمزرعه واول مقال جدي المزرعه التفت علينا كنه يذكرنا بضياعنا وبعدين اذن العشاء وراحو يصلون في المسجد انا كلمت شيخوه وكانت جدتها على نفس الحال وشيخوه متوتره هديتها وبعدين سكرت
ورجع جدي مع عمي ناصر ولولوه جات بعدهم
عمي ناصر : بنات نروح نتمشى شرايكم
كلنا : يلاااااااااااااااا
عمي : خلاص اول ما افضى باوديكم
انا : عمي حراااااااام عليك والله طفشنا
عمي : خلاص باوديكم بكره
ويرن مبايلي خالد اف تذكر انا بروح لسوق
خالد : هاه ياله اطلعو بسرعه
واقول للبنات وياستاذنون من اهلهم
ورحنى كلنا وودانا خويلد لسوق الجبر وبعد كذا رحنى للمحلات اللي حول السوق وبعدين رحنى لسوق لحمد وتعشينا هناك ثم رجعنا الساعه 11 ونص وخالد من مشينى وهو يدعي ويتحلطم البنات انقهرو لأن ماعندهم الجراء يردون عليه وخاصه انه معصب لأنا نقعناه وصلنا البيت الساعه 12 ورحنى لبيت جدي كلنا نقوس ملابسنا والقاء الخبله رنود شاريه نفس لبسي
انا : رندوه مالت عليس لا تلبسين لبسس في الحفله
رنود : لا والله وليه انتي ماتضحين
انا : رندوه موب على كيفس انا شاريته قبلس
رندى : قلعتس
واجمع اغراضي واخذ لبس رنود اللي هو طقم بنطلون مع بادي طويل المهم خذيته ودزيت للبيت وهي وراي وتمسكني عند باب بيتنا وتاخذ لبسها ولبسي وتروح وانا تعبت قلت بارتاح وبعدين باروح اجيبه وانا راجعه لبيت جدي سمعت طلال يكلم ويقول
باروح لخوالي
ايه
لا ما اقدر
الحين باروح لمي وبامسي هناك
طالع الحين
وطلع وانا الراقبه لين طلع ورحت للبيت وكلمت مهوي تجي وجاتني
انا : انا فكرت وقررت كيف بانتقم من طلال
مهوي : كيف وشهي الخطه
انا : الله يسلمس غير الخطه لأن الاوله صعبه يمكن ينطرد من البيت وتصير فضيحه وقرررت اروح لغرفته واحط ملابس نوم حقت مره واقول لبوي اني شفت مره مع طلال واذا راحولغرفته لقوها وبكذا بيلعنون خيره تخيلي عاد مدخل عليهم مره قووووويه صح
مهوي : هاذي الخطه احسن واخف من خطتي بس كيف نحط الملابس و احنى ماندري متى يطلع من غرفته
انا : سمعته يكلم امه يقول بيروح يمسي عندها ذاليل عشان كذا فرصه ماتتعوض
مهوي : وكيف ندخل غرفته في ذا الوقت 1 الساعه وحده
انا : الحين روحي دوري قميص نوم كشخه
مهوي : من وين اجيب قميص نوم
انا : تصرفي خلي لميوه تجيب من غرفه امها ولا وصيس خليه قميص نوووم صدق
مهوي : وش اقول للميوه
انا : قولي بعدين اقولس يله روحي وانا بدور مشاري لأنه هواللي بيدخلنا البيت وراحت مهوي وانا كلمت مشاري
مشاري : اهلين ليلوه
نا : مشاريوه ابي منك خدمه
مشاري : خير وش تبين
انا : مشاري ابي الرقا فوق صطحكم بس فشله مستحه اخوانك
مشاري : ليه وش تبين بصطح
انا : الله يسلمك ابي اقط دبدوب لميوه على سطح جدي لأنها مسويه ذكيه متحديتني وجدي مقفل السطح عشان كذا براقا على صطحكم واقطه
مشاري : خلاص روحي مافيه احد امي وابوي ودلوعه رقود وفارس سهران برا وطلال اظاهر برا
انا : لا لا زم تجي على الاقل توصلني الدرج استحي بسراح
مشاري : خلاص باروح للبيت وانتي تعالي اوكي
انا : او كي
ورحت لبيت جدي وواجهتني مهوي ومعها القميص وحاطته في كيس ورق حلو مال هدايا
ورحنى وودانا مشاري الى الدرج
مشاري : خلاص انتهت مهمتي صح يله باي وراح
انا : مهوي انتي خليس تراقبين لحد يجي اوكي وتراني بنكث الغرفه لا تحاتيني
مهوي : طيب لاتتأخرين اوكي
انا : اوكي
ورحت لغرفت طلال اللي انا حافضه مكانها وكنت موب متغشيه مسويه لفه بس ودخلت الغرفه اللي متغيره كشخه تهبل واتفرج على طريقه ترتيب الغرفه واطلع قميص النوم ابي احطه جنب السرير الا الي طلع من غرفت الملابس ووقفت مكاني وهو يطالعني وانا واقفه ومعي قميص النوم ولاعلي غشوه

[جليانا]

بسم الله الرحمن الرحيم
الجزء التاسع من /روايه غصب عني
الفصل الثاني/من غياب ضميري

من غرفت الملابس ووقفت مكاني وهو يطالعني وانا واقفه ومعي قميص النوم ولاعلي غشوه
طلال كان طالع من غرفت الملابس وتوه يلبس جاكيته
طلال بصدمه : ليلى
والروح ركض للباب وتوني بفتح الباب الا وهو قدامي والتغشى
طلال بستغراب ودهشه وصدمه: ممكن اعرف ليش جايه ووش ذا اللي معس
انا بخوف كان كل جسمي ينتفض وتمنيت لارض تنشق وتبلعني ولا انحط في ذا الموقف : طلال الله يخليك وخر بطلع
طلال : موب قبل تفسرين لي ليش جايه وشنو ذا اللي معس
انا : بعصبيه وخوف واقط القميص : طلال ترا بصارخ ويلتمون العايله الحين
طلال : عادي انتي اللي في غرفتي ومارح تتطلعين لين تفسرين لي ولا انا الي باصارخ
انا وخنقتني العبره : طلال الله يخليك ما اقدر اتكلم الحين خلني اطلع وبعدين اقولك
طلال بلعااانه : سوري لازم افهم
وبديت ابكي : تكفى خلني الروح
طلال وهو معتنز على الباب بهدوء: مانيب ماكلس بس قولي وش السالفه
انا خلاص موب قادره اتحمل : طلال تكفى وخر عشان خاطري وبعدين باقولك
طلال : اوكي بس اذا مادقيتي علي الساعه 4 تفهميني بتندمين ويله
ووخرعن الباب وانا انطلقت كني مجنونه ولا كلمت مهوي اللي تركض وراي تبي تعرف شسالفه ودخلت غرفتي ومعي مهوي وبديت ابكي من قلب لأن الوقف صعب صح طلال حقير وحيوان وبيقول هاذي صايعه صدق واقول مهوي كل شي بعد ما هديت
مهوي : الحين بيتأكد إنا صايعات وش مبررس
انا : موب قادره افكر مهوي تصرفي
مهوي : انتي ليش مكبره الموضوع يعني خايفه ياخذ عنس فكره غلط اصلا ماخذ من زمان وبعدين وش بيسوي قلعته
انا : قسم لو سمعتي صوته وهو يتوعد ان تموتين من الخوف ولا نظراته كانت كلها احتقار وكان وده يظربني
مهوي : قلعته طنشي وانشاءلله تمرعلى خير
انا : اخاف يقول لبوي
مهوي : محد مصدقه
انا : ايه تذكرت
مهوي : ويش
انا : اول ما طلع طلال كان توه يلبس جاكيته وكان صدره كله شاش
مهوي بدهاء: يعني هو اللي كان في البطانيه
المهم وسولفنا لين اذن الفجر وصلينى وكلمت ندوي وهنوده يقولون بيرقدون عند رنود ولميوه ونادونا بس صرفتهم اني ابي ارقد
شوي ويدق مبايلي رقم غريب
انا : مهوي لايكون طلال تراه يقول كلميني الساعه 4
مهوي : شلون يعرف رقمس
انا : اكيد ماخذه من مشاري وش اسوي
شوي ويجيني مسج : انا طلال ليه ماكلمتيني
انا : مهوي وش اسوي
مهوي : طنشي
ويجيني مسج ثاني : ليلى كلميني احسن لس
واطنشه ويدز مسج : ليلى انتي الخسرانه انا الحين بارقد ابي اول ماقعد من النوم واكلمس تردين ولا ياويلس وتراهاذاخر انذار وعلى فكره ترا غرفتي حاط فيها كميرات
انا بغت تجيني جلطه : مهوي وش اسوي ونقعد نفكر لين الساعه 8 الصباح المهم تعبت اعصابي ولا وصلت لحل ورقت انا ومهوي وقعت الساعه3 العصر ولا حصلت مهوي و صليت ولبست وكلمت مهوي
انا : هاه لقيتي حل
مهوي : قلت للبنات وهذا احنى نفكر يله تعالي شيخوه جات اليوم الصبح وبتجي الحين تعالي في بيتنا والروح حتى ماتغديت مالي نفس ورحت للبنات في بيت مهوي وقعدو البنات يلوموني اني انا ليه اخبي عليهم ومدري وشو وتجي شيخوه ونوير
مهوي : شيخوه شلون جدتس
شيخوه :الحمد الله طيبه وبتجي الدوحه اليوم
انتو شخباركم عقب ذاك الليل يومنا عند جدي
انا : شفتي طلال الحقير
وتفطس شيخوه ونوير من الظحك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه
انا : ترا ماقلت نكته
شيخوه تحاول توقف من الضحك : انا اللي كنت الراسلس ذاك الليل وتعبت جدتي ولاقدرت اقولس
انا: انصدمت شلون جعلس المرض واظربها من قلب هي ويانوير
شيخوه : كنت مسميه بلتوثي طلال وقعدت الرسلس هههه
واقولها القصه
ونقعد نفكر كلنا ندور عذر لين العصر ورحنى بيت جدي
رنود : بنات باروح وبافهمه الموضوع واقوله الحقيقه
انا : طليل حيوان والله مايعطينا الفيديو واذا احد درا لين عذري بايخ وش اسوي
ندوي : بنهدده اذا طلع فيديونا بنطلع فيديو الخدامه
هنود : واذا عند وقال في الطقاق
لميوه : مافيه الا عمي ناصر
انا : باطيح من عينه وبعدين خاف يقول لبوي والله ان يذبحني
رنود : خلاص اقول لبوي وهو يحلها بمعرفته
انا : لا مابي احد يدري انا غلطانه ولازم ادفع ثمن غلطتي وبعدين وش بيسوي
ريموه : تراه حقير وممكن ايسوي أي شي تونا نتكلم الا وطلال يدق
انا بخوف: بنات وش اسوي
رندى : هاتي انا بكلمه اشوف وش عنده
وردت وحطت على السبيكر
طلال بشماته: هاه ليلى شسالفه انتي ليش في غرفتي ممكن اعرف
رندى : طلال خير اشهد انك عله
طلال : من اه عمتي رندى شخبارس عمتي
رندى : طلال انت ليه كذا
طلال : انا شفيني
رندى : الحين وش تبي
طلال : وين ليلى
رندى : اسمع طلال باقولك السالفه من اولها الى اخرها وانت كيفك
طلال :سمي يا احلى عمه
رندى : ابي اشوفك واقولك تعال بيتنا
طلال : تعالي انتي لأن بيتكم زحمه
رندى : تعال غرفتي
طلال : والكتيبه اللي عندس
رندى : تعال انت ماعليك منهم
طلال : اوكي جاي
وبعد عشر دقايق جاء جلسو في الصاله واحنى كلنا في غرفت رنود ونسمع كلامهم
طلال : هاه عمتي الغاليه تفظلي
رندى : في البدايه انت ليه تكره ليلى ليه دايم تسبب لخالد احراج
طلال : انا اكره ليلى انا ماكره ليلى انا اكره تصرفاتها واندفاعها وبعدين شدخل كرهي لها في الموضوع
رندى : بسراحه ليلى كانت بتنتقم منك وتقوله القصه والحين جب الفيديو اللي عندك ان كنت صادق عندك فيديو
طلال بستغراب: ليه تنتقم مني وش سويت لها وبعدين المفروض انا اللي انتقم على فعايله موب هي
رندى : افهم من كلامك
طلال: سوري بكره في الليل بعطيه عمي فهد لا وبشغله قدام كل عماني عشان تتعلم شلون تنتقم مني وانا ماسويت لها شي هاذا اذ كان الكلام اللي قلتوه صحيح وطلع وخلانا مصدومين

وادق عليه رنود وعلى السبيكر
طلال من غير نفس: هلا عمتي امري
رنود: طلال استح على وجهك عيب اللي تسويه
طلال : تبوني انسى الموضوع اقنعوني
رندى : قسم بالله كل اللي قلناه صدق
طلال : بس انا ماقتنعت خذيني على قد عقلي واقنعيني واوعدس انسى الموضوع
رندى : شلون تبني اقنعك اكذب عليك
ظلال : اهم شي قولي شي يدخل العقل
رندى : بس هاذي الحقيقه
طلال : خلاص اكلمس بعدين ابوي جاء
و سكر
انا بخوف وتوتر: بنات ضنكم بيسويها وبيقول لبوي وعماني
رنود : يمكن يبي لعب بعصابنا
هنود : بنات خلى نهدده بالفيديو ونقول بنعلم انه انت اللي في البطانيه
انا : اخاف اذا هددناه يعند اكثر
مهوي : قلعته خلى نطنشه ونروح نقعد عند خوالي لين تنتهي المشكله
انا : خلاص نروح لخوالي ونفكر هناك
مهوي : شرايكم بنات
رنود : خلاص روحو وخلي موبايلس يا ليلوه معي عشان اذا التصل طلال ارد عليه
ونروح انا ومهوي ونستاذن انا نروح لخوالي ونسهر عندهم وكان ابوي رايح الشركه وودانا لخوالي بعد المغرب وبيت خوالي دخلت وحصلت منار تلعب بلستيشن مع جدتي وسلمنى وجلسنى
جدتي : هلا والله بالقاطعات
انا : يا جدتي والله انس على البال
منو : من اللي جابكم
مهوي : عمي فهد
ويجي خالي مشعل ويسلم ويجلس
مشعل : اخيرا تذكرتو ان لكم خوال
انا : مشعل الله يهديك كم مره اجي و لا القاك هايت
مشعل : ماعلينا وش اخبار ضيوف العائله تأقلمتو معهم ولا لا
انا : ايه عمتي رنود ومجود على كيفك اجتماعيين
مشعل : وعيال عمس ناصر
مهوي : مشاري وفارس ماشين على الاقل احسن من طليل وامه
مشعل : طليل هاذا طلال ولد عمس ناصر
انا : ايه مالت عليه
مشعل : ليه
مهوي : مانحبه
مشعل : ليه وانتي تحبين كل عيال عمانس
مهوي : مشيعل ترا موب فاضيه لك
مشعل : شفيس وبعدين ترا انا موب اصغر عيالس يعني احترميني
منار : شرايكم بنات نروح لغرفتي موب احس قبل تتهاوشون الحين
انا+ مهوي : يله
ونروح لغرفت منار وتجينا مشاعل وهي ولدها عبود 9 سنوات
انا : عبود قوم ضف وجهك ابي خالاتي في سر
عبود : سوغي وين الغوح
انا : ياكهرك عبيد روح لأي مكان
عبود: والله ودي اغوح بس تعبان
مهوي ؛: تنكت مع الاسنان اللي تلوع الكبد
مشاعل : وجع انتي وياها كليتو ماي سون ما يسوا عليه
انا : مشاعلوه تسمعين سري ولا ضفي انتي و ذا العله
مشاعل : عبودي روح
عبود : اوكي ماي ماذغ أي قو تو ماي قغند ما وطلع واقول للبنات السالفه وبعد العشاء في قسم مشاعل
مشاعل : ليلو ه شبتسويين الحين
انا : تكفين شو في لي حل
منار بمكر: انا لو مكانه اذل اللي خلفوس
انا بعصبيه : ليه انشاء لله
منار : مسويه بريئه كل يوم ناطه في حلقه وبعد لس وجه لو مكانس ما اكلمه العمر كله
مهوي : بنات وش تتوقعون شعوره
مشاعل : تبون تعرفون شعوره
كلنا : ايييييييه
مشاعل : بنادي مشعل ونقوله المواقف اللي صارت ونشوف ردة فعله
كلنا : اوكي
وناديه مشعل ويجي بعد نصف ساعه ونسولف معه شوي
مشاعل : مشعل بانقولك مواقف وابيك تقولنا شعورك
مشعل : اوكي
انا : تخيل مره وانت في غرفتك تبدل وتدخل عليك مره ولا انتبهت لك وطلع قميص نوم واول ماشافتك انحاشت
مشعل : مادري فيه كثير الغاز
مهوي : وش بتقول عنها
مشعل : اكيد جايه لي واول ماشافتني استحت وتلخبطت "وهنى بغت تجيني جلطه معقوله طليل يفكر كذا"
انا : زين تخيل مره وانت راقد طاحت عليك بنت
مشعل : ونااااااااسه
مهوي : تقصد وش بتقول عنها
مشعل : اه يعني ماتبي ذكاء نفس لوله بس ليه تسئلون لايكون وحده منكم طايحه على احد وهاذا الاحد يعرفني تكفون علموني عشان اذا شفته اصقع لطمه
مشاعل : لا محد طاح على احد ويله قم ضف وجهك
مشعل : طل ابي البنات في سالفه وانتي معهم
كلنا : خير
مشعل : شفيكم كنكم عصبتو
انا : لابس متحمسين
مشعل : الله يسلمكم ابي اتزوج وابيكم تدورون لي على عروس
مشاعل : على بالي عندك سالفه قم ضف احسن لك
منار : صار لك سنه وانت ذابحنى ومالقينا لك وحده تعجبك
مهوي : خالص بادورلك
مشعل : ابيكم تمدحوني عند اهلكم وبذات البنات
انا : خلاص ولا يهمك
المهم سهرنا لين الفجر ثم ودانا مشعل للبيت وصليت الفجر ورقت وقعدت الساعه 12 صليت ورحت لرنود وحصلتهم يتغدون تغديت معهم وفي غرفت رنود
انا : ماكلم طليل
رنود : دز مسج يقول اذا قعتي من النوم دقيلي ليلى اللي ادق ولا تحط على سبيكر
انا : دقيتي
رنود : لاتوني شايفتها وبعد يبيس انتي
انا : خلاص دقي عليه وخليني اكلمه
وادق عليه مايرد
انا : وش نسوي ياربه غير رايه بس ليه يكلمني
رنود : مدري يمكن بيغسل شراعس و ينسى السالفه
انا : ليته

[جليانا]

شوي وجاو البنات وحده وحده وجلسنا نفكر لين المغرب والجو متوتر والا قتراحات حقت البنات كلها فاشله اما شيخوه كانت تشعر بذنب وبعد صلاة المغرب
جاء عمي ناصر عندنا في غرفت رنود وسلم وجلس
رنود :شلونك ابو طلال
عمي ناصر ونظراته غريبه : الحمد الله
شيخوه : متى بنروح للمزرعه
عمي بنفس النظرات : مبعد حددنا يله نروح نتمشى
مهوي : هاه لا خلها بعدين
عمي :ليه
رنود : بتجينا خالت البنات
عمي : اوكي بس ليه احس فيكم شي
انا : لا مافينا شي بس شيخوه وترتنا عشان جدتها
عمي : ليه سلطان يقول انها بخير
ندوي : عاد وشتقول لشيخوه ونوير
عمي : مع اني احس الموضوع اكبر او عندكم مشكله بس بصدقم ان شيخه متوتره مع اني اشوف غير كذا
انا : عمي الله يهديك ماصدقنى يخف التوتر
عمي وهو طالع اذا كان عندكم مشكله قولوها قبل تكبر وراح واذن العشاء وصلينى واتصل طلال
انا : الو
طلال : مساء الخير
انا :ا هلين وشعند ك داز مسج
طلال : كنت ابي اقولس اني ممكن اغير رايي وما افضحكم اذا سويتي اللي اقولس عليه

انا : خير وش اللي بتقوله
طلال : الله يسلمس ابيس تعيدين لي نفس المقلب اللي كان بتسوينه فيني بس موب معي
انا بستغرااب : اجل مع من
طلال : مع فارس
انا بدهشه: من فارس
طلال بستخفاف: ولد ام فارس
انا : اخوك
طلال : ايه فكري معس عشر دقايق تفكرين يله باي
وسكر وانا قلت للبنات السالفه
رنود : من جده ذا
ندوي برومنسيه: مستحيل نورط فارس بدون ذنب
شيخوه : وش بيصير لفارس يعني
لميوه : بياخذ كم كف من عمي موب ذابحه
نوير : لا بنات حرام
ريموه : وش نسوي ما فيه وقت
ندوي : لا بنات عشان نطلع نورط الولد
رنود : خلاص بنعلم فارس
انا : لا اكيد بيقول لعمي ناصر
وبعد قايق صمت
انا : بنات نوافق احسن ونرتاح وفارس له الله
ويتصل طلال
طلال: هاه وش القرار
انا : طلال ترا فارس اخوك
طلال : ما يخصس اهم شي وش قررتو لأن جدي وعماني والشباب مجتمعين وابي الروح اجلس معهم
انا بتردد : خــــ ــــ خلاص
طلال : يله الحين تروحون وتودون القميص وتدقون على ابوي الحين تقولون له انكم شفتو بنت دخلت بيتنا الساعه 5 الصباح والحين ويسرعه لأن ام فارس ميب في البيت ومشاريوه هايت وفارس في مجلس جدي يعني الحين البيت فاضي
انا : طلال ليه ماتودي القميص لأن لحد يشوفنا من البزران بيفضحنى
طلال : مشكلتكم
انا : تكفى طلال ما نقدر وبننكشف لأن البزران كلهم في الحوش
طلال بستحقاار: خلاص وينه
انا بحراااااااااااااج : خليته في غرفتك
طلال بدون نفس : بتصل لأ حطيته
وسكر وقلت للبنات
ندوي بقهر: والله قهر يا بنات يتورط فارس بدون ذنب
مهوي : موب احسن من إنا نتورط
شيخوه بلا مباالاه: على بالس بيذبحه تطمني موب ميت
رنود : والله قهر ينظلم فارس اشعر بذنب
انا : خلاص هونت بواجه مشكلتي بنفسي
مهوي : خلاص بعدين بنعتذر من فارس
نوير : بنات ياشينكم وش ذا التوتر خلاص عاد توكلو على الله وانتي يا ليلوه صلي استخاره
ويتصل طلال : يله نادي ابوي وقولي له انس شفتي بنت دخلت بيتنا الساعه 5 الصبح وكان معها كيس اسود شوي كبير وسكر قالت رنود انا مالي دخل اخاف يدري فارس ويقول مالت عليس من عمه باروح وانتو نادوه وطلعت
والدق على عمي ناصر وقلت له تعال في غرفت رنود وجاء
انا : عمي مدري وش اقول
عمي : قايل عندكم شي يله قولي ولا حد بيدري عن الموضوع اوعدكم اني احله بدون أي مشاكل
انا : مدري وش اقول
عمي : تكلمي شفيس الى ذا الدرجه الموضوع خطير
انا بدون ضمير: بسراحه بعد ما رجعت من خوالي تقريبا الساعه 5 الصبح شفت ـــــــــــــــــــــــــــــــــ
عمي بستغراب: وش شفتي
مهوي : ااا ايه وحده دخلت في بيتكم
عمي بصدمه مخلوطه مع دهشه : بيتي ـــــــــــ
وسكت شوي بعدين قال : يمكن ام فارس او الخدامه
انا : مدري بس كان معها كيس اسو كبير شوي
سكت وكنه يتذكر شي وهو طالع قال : اكيد احد من الخدم وراح
انا بديت ابكي يمكن ندم او قهر وجلست ابكي واحس بندم وجلسو البنات يهدوني وبعد ساعه طلعنى عند جدتي وحصلناها معصبه
شيخوه : جدتي شفيس معصبه
جدتي : من ذا الولد
مهوي : أي ولد
جدتي : نويصر مدري شفيه على مجود مهاوشه
انا : ليه
جدتي : مدري ما قال شي وهذاك في غرفته روحو له يقولكم شفيه ونروح انا ورنود ومهوي لمجود وندق الباب وندخلى والقا مجود منسدح على السرير واعتدل في جلسته يوم دخلنا
انا : ها مجودي شفيك
ماجد بعصبيه : ما فيني شي
رنود : افا مجودي تخبي على رنوده
مهوي : عمي المحترم علمنا شفيك يا احلى عم في الدنيا
انا : مجود ترا شكلك موب حاو وانت معصب
وبدى مجود يتبسم
رنود : ها مجودي شفيك
مجود : ابد كنت في بيت ناصر انا و مشاري وجاءناصر معصب وبعدين بدا يصارخ علينا وقالي اذلف ولعد اشوف وجهك وبس
رنود : مجود أي واحد معصب بيقول كذا عادي وبعدين ماتدري ليه معصب
مجود : كان يدور فارس
وسمحنى مجود ورحنى لصالة وطمنا جدتي ورحنى لقسم رنود
انا : بنات انا مقهوره
مهوي : خلاص عاد ماصار شي
ويتصل طلال : مساء الخير
انا على السبيكر : ها أي اوامر ثانيه
طلال : مع الاسف ايه
انا من صدمه : خير بعد مايسوى علي
طلال : ممكن بعد اذنس اشوفس
انا بصدمه وقهر: لاطبعا
طلال بشماته: مع الاسف لازم شوفس عشان اعطيس الفيديو وعلى فكره لازم يكون معس الفيديو حقي اللي ذلتوني به وياليت الحين
انا : وين انشاء لله اشوفك لاتقول في بيتكم
طلال : وش رايس
انا :تعال في غرفت رندى
طلال : اوكي شوي وبجي وبعد شوي جاء وجلس في الصاله واحنى في غرفت رنود وبعدين طلعت عليه انا و رنود
طلال : اسمعيني للاخر وجاوبي على كل اسألتي بصدق انا ولد عمس وخايف عليس ومايرضين اللي يصير ومقهور من حركاتس وابي تفسير
انا بقهر: انت ليه تشوفنا ضايعات وش شايف علينا
طلال بهدوء: اذا قلت لس اللي شايفه بتزعلين
انا بعصبيه: لا ويله نقط
طلال : ليلى انتو ماتخافون من خالد اخوس
انا بصراحه واستغراب: لا ليه
طلال : طيب لدرجه انكم تربطونه وتدحرجونه من على العرق وتفصخون عباياتكم عادي ولاكنكم في مكان تجمع الشباب يعني وكن خالد عادي تجلسون بدون عبايات تخيلو جاو شباب وانتو تحت ولا عليكم عبايات ولا أي شي تخيلو صوروكم معقوله كل هاذا ماجافي بالكم
انا بتفسير: هاذا اللي صار وبعدين المكان كان فاضي ما فيه احد
طلال : خلاص ليه كنتي في غرفتي يوم طحتي علي
انا حرااج : واقوله السالفه من طقطق لسلام عليكم
طلال كشفني : يعني موب مها اللي اتصلت علي مع الفجر
انا : لا أي اسئله اخرا
طلال : ايه للمره المليون ليه كنتي في غرفتي
انا : مثل ماقلت لك وماعندي شي ثاني اقوله
طلال: خلاص صدقتس بس وش انا مسوي عشان تنتقمين
انا : نسيت تلميحاتك في البر ولا نسيت احراج لخالد اخوي
طلال : اولا انا اسف كنت ابي احر خويلد اخوس
انا : ليه وش مسوي لك خالد بعد
طلال : بسراح هو ماسوا شي بس تلميحاتي عشان يعصب واذا عصب اكيد ببيرد كبده فيس لأنس سبب المشكله وبهاذا الشكل اكون انتقمت منس
انا : وانت تنتقم مني وانا ماقصدت ازعجك
طلال : بسراحه سمعت انس مكرهه العالم فيني وكل ما يجي لي طاري تجلسين تحشين فيني وليته انا بس كان شوي عادي بس المشكله امي مدري وش دخلها ولا وش مسويه اصلاا
انا وتورط جعله المرض مايسوى علي : ماقلت في امك شي وانت احش من القهر كل شوي تقط نغزات
طلال : خلاص اللي فات مات ماعلينا وين الفيديو اللي عندس
انا : جب اوال اللي عندك
طلال : لا انتي اول
انا : وشدراني انك بتعطيني الفيديو اذا عطيتك
طلال : الا انا وش درني انس بتعطني الفيد يو وبعدين يمكن عندس نسخه
انا : وانت ذابحتك الامانه ويش يدرني ان ماعندك نسخه
طلال : هاتي القران واحلف ان ماعندي نسخه ولا فكرت انسخه
انا : وانا بعد باحلف ان ماله نسخه ثانيه ويله جبه
طلال : ويحط سي دي على الطاوله هاذ التسجيل اللي عندي و تا خذه رنود وكمل هاه وين المقطع وجيبي قران عشان تحلفين ان مافيه نسخه ثانيه
انا توهقت : بسراحه يعني ماعندي فيديو
طلال بصدمه: ليه وينه
انا : ما صورناك اصلا
طلال : انصدم احلفي يالله
انا : بدون ما حلف ماعندي شي
طلال وبدى يتبسم : حتى انا ما عندي شي ولا في غرفتي كميرات اصلا
انا بصدمه: احلف
طلال : بدون ماحلف والسي دي اللي معكم فاضي يله سلام وطلع
وانا انقهرت صدق انه حقير لعب علي بنفس لعبتي
وجاو البنات وبدينى نعلق على الموقف
انا : قسم بالله يا بنات بغيت اموت مدري كيف جاتني الجرائه اوقف قدامه كنت انتفظ
ريموه : شوفي وجهس صاير احمممممممر
انا : من الاحراج وبعدين رندوه انتي صوره ليش ماتكلمتي
رنود : ليه ما انتبهتي كل ماجيت اتكلم غمزلي اسكت
انا : جعله المرض ما اقوى عينه
ندوي : بس حرام جاي في خاطره انس تحشين فيه
شيخوه : الا وش دراه
لميوه : صدق كيف عرف
ريموه : اكيد وحده منكم قايله لخوانها
شيخوه : انا ماعمري قلت شي
مهوي : ايه انا قايله لنواف بس نواف وطلال موب ربع
هنود : وش ذا الذكاء كان فواز قاعد وفواز طلال حبيب قلبه
نوير : اكيد قاله
ويوم جات الساعه 3 رحت الرقد لأني مارقت زين البارح اما البنات سهروالى الفجر
وقعت الساعه 2 الظهر ورحت تحت حصلت ابوي وامي رقود وريموه طايحه على الاب توب وندوي الطالع مسلسل مكسيكي روزالندا
ونصور ودلوعه ومرام ومي يلعبون بليستيشن 3 "ما يسوى علينا صار بيتنا حضانه "
واجلس وانا دي دلوعه ابي استجوبها وجات وقعتها جنبي
انا : دلوعه حبيبتي وين ماما وبابا
دلوعه : في البيت
انا : ومشاري وفارس
دلوعه : بعد في البيت
انا : شفتي فارس اليوم
دلوعه : لا ما شفته
انا : مالت عليس روحي كملي اللعب وراحت واكلم الشله الخايبه مالقيت احد لميوه وهنوده رقود و شيخوه و نوير راحو لجدتهم ومهوي توها تتغدى ورنود توها بتسبح وبتلبس وتغدى يعني موب فاضيه لي
ورحت لريموه اشوف وش تسوي ولقي الاخت شابكه على انت

انا : ريموه ياويلس لايدري ابوي ان تدخلين انت من وراه
ريموه : يا حبيبتي انت لا تعلمين وموب داري
انا :وش تسوين
ريموه : على الشات
انا : من اللي تكلمينه
ريموه : صديقاتي
انا : باروح اللعب مع البزران اصرف لي اروح للبزران
انا : بلعب معكم
نصور : ذين بعدي
دلوعه : لا لا نصور لا تلعب معنى
مي : ايه هي كبيره وبتخرب علينا
انا بصدمه : هي انتي ويها بلعب لا العن خيركم الحين
مرام : يوه ليلوه خلينا نلعب روحي لمهوي
انا : اقول انقلعو كلكم يالله ضفو واخذ اليدين حقت البلستيشن واطردهم في الزاويه واقعد اللعب وهم يترجوني لين اذن العصر والروح الصلي وبعده كلمت لولوه
انا : شخبارس للوش
لولوه : بخير بس ضايق صدري
انا : خير وش فيس
لولوه : تعالي خليني اقولس
انا : اوكي ولبست ورحت لها وادخل بيت عمي ناصر والسلم عليها واجلس في غرفت الجلوس لأني مالي خلق اشوف طلال
انا : خير لولوه شفيس خوفتيني عليس
لولوه : مدري وش اقول بس مابي احد يدري
انا : افا عليس للوش تطمني
لولوه : ناصر مادري وش فيه
انا : خير شفيه عمي
لولوه : البارح جاء معصب و ظرب فارس
انا استعبط : ليه
لولوه : يقول ان فارس ان فارس امس الصبح مدخل وحده للبيت مع ان فارس امس الصبح كان تعبان من الليل وانا كنت عنده ولا احد جاه بس ابو فارس موب مصدقني
انا : ليه ما يصدقس
لولوه : يقول اني ارقع لفارس عشان خايفه عليه
انا حسيت اني ماعندي دم وقررت اعلم عمي ناصر بس كيف
انا : يمكن المره جايه لطلال
لولوه : قلت له كذا و قال مستحيل
انا : طيب فارس زعلان الحين على عمي
لولوه : اكيد زعلان ما شفتي ابوه كيف ظربه
وبدى ظميري يأنبني (صدق ما تستحين على وجهس تئتلين الائتيل وتمشين في قنازته اعترفي احسن لس )
انا : ـــــــــــــــــــــــــــــــــــ
لولوه : شفيس ليلى
انا : لا مافيني شي بس افكر ليه عمي موب مصدق انس كنتي مع فارس
لولوه : انشاءلله يتراضون بس قولي لي استعديتي حق الطلعه للمزرعه
انا : ليه متى بروح
لولوه : اليوم بعد المغرب
انا : محد قالي متى بنجي
لولوه : بعد بكره
انا : خلاص باروح اجهز اغراضي
ورحت للبيت وانا الشعر باندم وجلس بعد ما جهزت اغراضي في غرفتي افكر شلون اطلع فارس من المشكله واطلع انا ويتورط الحقير طليل وراح الوقت وانا افكر وتدخل علي امي
امي : ليلى وش فيس صار لس يومين وانتي متغيره فيه شي
انا : اكيد مافيه شي
امي : لولي حبيبتي قولي لي ترا نا امس ومحد راح يدري
انا : والله ما فيني شي بس احاتي جدت شيخوه
امي : جدتها ما فيها الا العافيه
انا : بس شيخوه خايفه عليها
امي : الله يهداس بس خوفتيني عليس المهم جهزتي اغراضس
انا: ليه ماقلتولي من اول
امي : على بالي تدرين اذكر ما يفوتس شي
انا : ها لمره فاتني وخلاص خلصت اغراضي
امي : يله ترا كلهم في السياره
انا : يله
وطلعنا وركبت في السياره كان ابوي وخويلد قدام وانا وامي وندوي وريموه والاب توب في الوسط ونصور والخدامه في الشنطه

[جليانا]

و في الطريق
ابوي : لولي ما فكرتي شتبين تراني احاتيس احسس بتطلبن قنبله
انا :" ياربي لقوله طلبي تسامحني بس بطيح من عينه اكثر مانا طايحه ياربي وش اسوي فارس ماله ذنب "
ابوي : ليلى ماتسمعيني
انا : ها الا معك بس كنت افكر
خويلد : كل ها التفكير عشان هديه ليتس تفكرينه قبل ترتكبين جرايمس
انا : ليتك تسكت ولأني مالي خلقك فاهم
ابوي : هي صادقه اكل تبن
خويلد : يالله متى بسافر والرتاح من شوفت بعض العرب
انا : احسن شي سويته في حياتك انك تسافر وتريحني من شوفك
امي : صدق انكم ما تستحون اعنبوكم ما لنا احترام عندكم
انا : من الي بدى مو ب الخبل ولدس
ابوي : خلاص عاد مايسوا علينا انتي وياه
نصور : يبه
ابوي : عيون ابوك
نصور : شفت ليلى وش سوت
انا " ياليل وشني مسويه بعد كني ناقصه مشاكل "
ابوي : وش مسويه
خويلد : اكيد جريمه وبدى ابوي ياطلعه بعصبيه وسكت
نصور : طاردتنا من البليثتيشن وجالسه تلعب لين العصر ومقعدتنا في الذاويه وتلعب اليدين كلها حقت البليثتيش بروحها
ريموه بدهشه: كيف تلعب بها كلها
نصور : رجليها بيد ويديها بيد
ابوي : ليه يا ليلى ماتخلينهم يلعبون على راحتهم
انا بدون نفس : اسفه وانا اتوعد نصور بحركات
انا : يبه وش مناسبه طلعتنا للمزرعه
ابوي : ليلى مدري ليه احس فيس شي
انا : ليه
ابوي : لأنس تاسألين عن المزرعه العاده مايفوتس شي
انا : ما يسوى علي كل ما سألت عنالمزرعه عطتوني محاضره
ابوي : شفيس عصبتي والله ان فيس شي
انا : وش بيكون فيني يعني
خويلد شك فيني: مصيبه مثلا ا
ابوي : ماقلت لك تاكل تبن وبعدين لا صارو الكبار يتكلمون الصغار وش يسوون
خويلد ببتسامه: يسولفون معهم
ابوي : غلط ياكلون تراب فهمت
خويلد : انت مركبني معكم عشان تغسل شراعي لوك مخليني اركب مع جسوم كان اصرف لي
ابوي : جسوم في عينك اسمه عمك جاسم
خويلد : هو مرتاح ولا عنده مشكله اقوله جويسم
ابوي : خلاص لاصرتنا موجود قول عمي جاسم مفهوم
المهم وصلنا المزرعه الساعه 8 بعد العشاء ونزلنا والمزرعه كبييييييره فيها بيت كبير قريب من البوابه في صاله كبيره واجهتها اللي صوب المزرعه قزازا يعني اللي برا يشوف اللي في الصاله بس عليها ستاير وبعدين في البيت غرف كثيره موزعينها علينا اللي تحت كل واحد من عماني له غرفه وعمتي ساره لها غرفه اما الدور الثاني محتلينه حنا يا البنات والبزران وجسوم له غرفه فوق نادر مايجيها ولا رضى يتنازل عنها لحد وبعدين فوق فيه عليه تطل عل جهت المزرعه الثانيه وبعد فيه قدام البيت ملحق ساكنين فيه الشباب وفيه بيت شعر عوووود بين الملحق والبيت يجلسون فيه الشباب وبعدين فيه دكات موزعه في المزرعه وفيه مسبح محتلينه الشباب لأنه قريب عندهم ومكشوف وبعدين فيه صطبل خيول وشيخوه عندها خيل معطيها اياه جدي بماانها مسميه على جدتي والسمه ,,, اندروس .... تقلد ليدي اللي في الرسوم بس قده قاضي عووود وعندها عياله يعني شيخوه عندها قطيع من الخيول تصدقت مره فيني وعطتني مهر وسميته ,,,, المرعب ,,,, لأنه كان معوق يمشي علىجنب وشكله مصخره مافيه شعر وراسه كبيييييييييييييييييييييير مره كان اذا مشى لا زم امشي معه اشل له راسه المهم انه فطس لأني في الشتا قبل اللي طاف نسيته برا ومرض وبعده ودع ورحتانا ومهوي نعزي الخيول واكثر واحد تاثر كان المهر ,, كيرلي ,, حق نوير اللي معطتها اياه شيخوه بعد ونوير مسميته كيرلي عشان شعره عرده كنه خال وعلى فكره ترا اسمه الحقيقي ,, جعيد ,, بس نوير غيرته لأنها تستحي تقول اسمه للبنات في المدرسه
المهم المزرعه فيها دبابات و2 بانشي واحد لجسوم والثاني لخالد اخو شيخوه المهم
نزلنا وانتشرو البزران في المزرعه ونصور متقطع لأنه جايب دبابه معه عاد احنى يا البنات جلسنى في الدكه اللي بعيده عن البيت عشان مايزعجونا الشباب كل شوي واحد مار طبعا كنا بعباياتنا وشيالنا
و كنا يا الشله جالسين ومعنى جواهر اخت شيخوه والهنوف مرت خالد اخو شيخوه ودلال مرت عمي وليد
دلال:احلا شي سووه هاذي الطلعه من زمان ماطلعنا
الهنوف :بتصير احلاصدق لو نلعب على الدبابات
مهوي :اذا انتو تقولون كذا عاد احنى ويش نقول
نوير :حكره هناك وهنا قل حلا الشباب دايمن عله في البر وهنا دايمن لهم ألأولويه
دلال :صدق ويش صاير في الدنيا جالسين معنى
شيخوه :الله اعلم من الي جالس مع الثاني
دلال :افهم من كلامس انا احنى الي جالسين معكم
شيخوه :وهاذي الحقيقه
الهنوف:لاتكون الدكه بسمكم وحنى ماندري
جواهر : اذاتقطون نغزات عشان نروح تراتبطون
نوير: اذكرو الله اول مره تجلسون مع بعض وبتتهاوشون
ألكل :لااله الى الله
دلال: احنى عند اهلي عادي اذا اجتمعنى كلنا عيال وبنات نلعب على الدبابات مع بعض
هنود :انتو موب احنى
ندوي :لاتقلبين عليناالمواجع
لميوه :صدق طفش احنا جاين عشان نتقابل هناه خلونا نسوي شي

ريموه :يالله خلينا نلعب كوره
لميوه :لاوالله هاذا الي ناقص انا على اخر عمري العب كوره واخرب ابرستيجي
ريموه : ويش فيس مشتطه من زين البريستيج مالت عليس انتي وبريستيجس
رنود :صدق خلونا نسوي شي
مهوي :خلونا نلعب أي لعبه
دلال :مثل
مهوي :عادي أي شي
ريموه ويش رايكم نلعب اورقه
شيخوه: قدام
ريموه: بروح اجيبها واجي وقامت وراحت تجيبها وهي تركض
الهنوف :ريم هاذي بايعتها
مهوي :يالله من الي في فريقي
دلال : انا والي تعرف تلعب
هنود :الحمد لله انس علمتينا انس ماتعرفين تلعبن عشان ماحد يختارس ويتوهق فيس
دلال :انا اصلا خبره وابي وحده خبره عشان نفوز عليكم وترا الفايزين يامرون على الخسرانين
نوير :اكيد
ندوي :انا مع الهنوف
الهنوف :لامابيس ماتعرفين تلعبين
ندوي :من قال
الهنوف : نسيتي الصيف الي قبل الي طاف يوم لعبتي معي خسرتيني ولا فزت ولامره وبعد خسرنا وكرفوني نا وياس
ندوي :وي انتي مغبره انا الحين الحسن ذولا كلهم في العب
شيخوه :هي صادقه تراها تعرف تلعب اخذيها ياهنوف اذا تبين تفوزين مثل ذيك المره
مهوي :ريموه رايحه للمريخ
رنود :هاذا وهي تركض
لميوه : تلقونها الحين جلست تلعب مع شلتها ادري فيها نذله
ندوي :احترمي نفسس ريموه موب نذله ريموه اكثر من نذله
جواهر : بنات ترا ما اعرف العب علموني لين تجي ريم
نوير :ولاتزعلين يا اختي الغاليه بعلمس ...وراحت نوير وجلست جنب جواهر وجلست تشرح لها
والبنات كل وحده تختار الي تبي في فريقها
وانا كنت جالسه في الزاويه وافكر في الي صار وبعدين تذكرت شعار الشله طنش تعش تنتعش وقلت خلاص بنسى كل شي وبستانس جعل طليل الحقير الجلطه
وشوي وجات ريموه ويا شلتها
ريموه :هاكم الورقه العبو انا موب لاعبه معكم
مهوي :ليه عسا ماشر
ريموه :بروح العب كوره
هنود :وين
ريموه :هناك في ذاك الخضار انا والبنات
ندوي :صدق ماتستحين
ريموه بستخفاف :مخليه اسحى لس لميوه تبين تلعبين معنى
لميوه :مستحيل
ريموه :ليه لايكون رايحين نهرب مخدرات
لميوه :لا بس مابي
ريموه :احسن اصلان محدبحطس في فريق عشان مايخسر
وحطت الاورقه وراحت ويا شلتها وتوزعنا
انا + رنود
مهوي + دلال
شيخوه + الهنوف
جواهر + نوير
هنود + ندوي
لميوه + مالقت احد يختارها او يلعب معها وما اكتفت بلمشاهده وراحت تدور احد يلعب معهى
وجلسنا كل فريق يحط له غمزه
انا ورنود غمزتنا ((((جعلس الجلطه يا لحقيره )))
المهم بدا العب وكل وحد توايق في اوراك الثانيه وهده وانواع الشتم والعن والهواش واتقبيص والبقوس والغش والكذب والدعاوي وبعد هاذا كله انا ورنود فزنا 2 وهنود وندوي 1 ومهوي ودلال 2 وشيخوه والهنوف 5 ولميوه توها جايه ولا لقت غير شهد بنت خالد اخوشيخوه يعني بنت الهنوف جابتها بعد اقناعها واغرائها بشياواجد جات هي وياها وجلسو يلعبون معنى وصرنا واجد وصوتنا جايب الي برا المزرعه وحنى نلعب وانا خربتاها كل شوي غلطانه وقايله جعلس الجلطه موب ودي ورنود تمجد وبعدين ينسحب منى العشر الي حصلنلها وغيرنا غمزتنا الى((اغنيت جو الشقر وينك ))ولا فزنا ولا مره اغنيته نحس علينا ونوير وجواهر مافازو ولامره عشان جواهر غبيه ماتعرف تلعب المهم بعد الزحمه وفي النهايه فازفريق شيخوه والهنوف وخسر فريق لميوه وشهد
شيخوه بمكر وابتسامه عريضه:ياويلكم مني بكرفكم
الهنوف : انا بامر على لمياء وبنوتي الحلوه لاحد يامر عليها
لميوه :اصلن محد خسرني غيرها ماتعرف تلعب امرو عليها معي
الهنوف :لاوالله ويش دخل بنيتي
شهد :ايه ويش دخلني انتي الي منادتني العب ونا ماابي اصلان العب
لميوه :لا والله انا وانتي فريق ويامرون علينا كلنا مع بعض
شهد :مالي خص انتي الي خسرتيني
لميوه :بتنفذين معي الطلبات غصب عليس فاهمه
قامت الهنوف وغمزت لبنتها تنحاش لبوها عشان محد يامر عليها وشهد ماكذبت خبر وحطت رجلها للمجالس الرجاجيل وراحت لميوه وراها تبي تمسكها ولا قدرت ورجعت وهي تتحلطم من قلب
الهنوف : ياربي ويش ابي ويش ابي
لميوه :موب منفذه غير طلب واحد بس
سيخوه :موب على كيفس
لميوه :مالي دخل روحي جيب بنت اخوس النذله وامري عليها
الهنوف :بمأني انا الكبيره بامر وانتي ياشيخه موب لازم
شيخوه :لاوالله ترامافوزس غيري
الهنوف :انا الكبيره عاد
شيخوه :بوافق بس على شرط
الهنوف :ويش
شيخزه: امري امر صاحي ابيس تكرفين لميوه
الهنوف :ماطلبتي شي
لميوه :اذاموب طلب خفيف موب منفذته
مهوي :موب بكيفس كلنا اتفقنا الأمر يتنفذ ولا موب لاعبه معنى بعد شوي ولا بعدين بعد ثم بيصير عندس نقطه سودا في ملفس حق الورقه واذا جيتي تلعبين موب مخلينس
لميوه :ماتسوا ليت شهد الخايسه عيت ماجات تلعب معي كان اناالحين مرتاحه
الهنوف :بنوتي انا خايسه ياقليلت الادب هين والله لاكرفس روحي نضفي بنوتي الغاليه الجوري تلقينها الحين موصخه
لميوه بصوت اعلى من العالي :لاوالله هاذا الي ناقصني اشتغل مربه والله ما انفذه لو مالعب معكم طول عمري
الهنوف :ويش فيس ترا عادي بنوتي نضيفه اصلان بس روحي شيكي عليها يمكن تلقينهااااا
لميوه :مستحيل والله ما المسها خلي اشغاله تنضفهى وانتي امري امر ثاني
الهنوف :خلاص روحي دوريها وجيبيها
لميوه :اشوا كذا الاوامر موب نضفيها ...وراحت
شيخوه : امحق امر ليتني ماخليتس تامرين
الهنوف :ويش اسوي ماتبي تنفذ شي وانا مابي شي
شيخوه :انا بتصرف ان ما كرفتها
هنود :ويش بتسوين
شيخوه :بروح اخش الجوري عشان تموت لميوه مالقتها
وراحت شيخوه
الهنوف:بسراح شيخه داهيه
ندوي :الاحراميه
رنود :بنات خلونا نسوي شي ثاني
نوير :مثل ايش مثلان
جواهر :خلونا نسولف لازم يعني تلعبون
رنود :ماجينا الى عشان نلعب
دلال :ايه صح العب الشي الوحيد الي يميز الطلعات
وجات ريموه
ريموه :بنات والله وناسه تعالو العبو معنى
هنود :هاذا لي ناقص
ريموه :والله وناسه على الأقل شجعو
انا :من الي يلعب
ريموه :انا وشلتي ودانا ومشاعل وامل فريق ومجود ومشاري وسلمان وريان ونصور فريق واحنا متعدينهم سجلنا 4 اهداف وهم بلا2 والله وناسه تعالو العبو معنا بدل منتو جالسين
انوير :مستحيل ويش بيقولون عنا
ريموه :اصلا ماجينا العشان نلعب ونستانس ومحد قايل شي وبعدين احنا نلعب بعيد هناك في الصوب ذاك والشباب في الصوب ذاك يعني مايشوفونا
ندوي :غصب نلعب مانبي
ريموه :انتي اصلان محد عزمس وينشيخوه ولا لميوه
انا :راحو
ريموه :هاه احد بيلعب معنى
دلال:كان ودي بس صعبه اذا جا اخر اليل انشاء الله بلعب معكم انا
ريموه :يعني محد جاي الحين
الكل :لا
ريموه :مالت عليكم كلكم مسوين لي مستحيات يسوون بلاوي الدنيا واذا جا شي عادي قالو نستحي وكشت علينا كلنا حتى جواهر والهنوف ودلال مدري ويش دخلهم وراحت
جواهر:صدق ان ريم وجه بنفهره ليش تكش علينا احنا اكبر منها وتسوي لنا كذا لو اصغر منها كان ويش سوت
ندوي: احمدي ربس هي كذا محترمتس
دلال:الله على الأحترام
رنود :بنات ويش رايكم ندخل
الهنوف :عسى شيخوه ماذبحت بنتي هاذيك جات وشكلها مسويه جريمه
جواهر :الله يستر توقعي أي شي منها
جات شيخوه
شيخوه :خشيتها حتى الجن لأزرق مايعرف مكانها
الهنوف :شيخوه وين بنتي لايكون ذبحتيها
شيخوه :شايفتني مجرمه
جواهر :وين خشيتيها
شيخوه: مالكم دخل خلو لميوه تفطس وهي تدورها
هنود :خلونا نلعب لعبت العين ويش رايكم
نوير:والله فكره خلونا نلعب
جواهر :ماعرفها
شيخوه :انتي كل شي ماتعرفينه
جواهر :ويش دراني بلعابكم الغريبه
نوير :ولا يهمس بعلمس وبعدين هي سهله
جواهر :كيف تلعب
نوير :هاذي طول الله عمرس نجيب على عددنا اوراق صغيره نكتب في كل ورقه رقم على عددنا الى وحده نرسم فيها عين والي تجي معه العين يامر على أي رقم يبي طبع محد شايف ورقت الثاني يعني اذا جات معس العين تقولين امر على الرقم الفلاني والي معها الرقم ذاه تنفذ امرس سهله صح
جواهر:ايه سهله حدها
ندوي :يالله نلعب
دلال :يالله وبمأن هنود الي اختارت العبه تروح تسويها لنا
هنود: اوكى ...وراحت تجيب الورق والقلم عشان تسوي العبه
رنود :ويش احدود الأوامر
الهنوف :مالها حدود
رنود :ويشلون يعني بتكرفونا
دلال :انتي فوزي ومحد كارفس
رنود :هاذي لعبت حض وانا حضي عادي
انا :اذا انتي وحضس عادي تقولين كذا انا ويش اقول عن حضي الردي والمايل
ندوي :وناسه انا حضي دايمن حلو يعني اليوم بصير ملكه وبامر عليكم كلكم
جواهر :بس الكبار يمرون على الصغار والصغار مايمرون على الكبار
ندوي :لا والله هاذا الي ناقص مافيه كبار ولا صغار تلعبين بنامر عليس موب لاعبه بكيفس
ويشوي وجات هنود ومعهى خلود بنت عمي سلطان اخت شيخوه
هنود :بنات خلود بتلعب معنى
شيخوه :لا بتذلنا عشانها حامل وموب مخليتنا نامر عليها
خلود :لا عادي امرو ماعندي مشكله بس اوامر خفيفه
مهوي :وحنا كيف ندري انه انتي يمكن نامر امر صعب ونختارس واحنى ماندري
خلود :عادي غيروه اذا دريتو انه انا
نوير :ليه ضروري تلعبن معنى
خلود :اكيد ضروري جايه من اخر المزرعه عشان العب واخرتها تطردوني
دلال :خلاص يالله وزعو
وتقط الاوراق هنود بعد ماسوتها 11 ورقه 10رقم والعين ناقص رقم عشان لميوه مابعد جات كل وحده خذت ورقه وانا كان رقمي 4 والعين كانت مع دلال
دلال :انا ابي رقماااا رقم ااا ولاخلوني اقول الأمر اول تروح تسوي سندويتش لخوختي الحين اكيد انه صار جوعان وتدورينه وتعطيه اياها وهو يحب سنتويتش بلمربه والجبن
البنات كلهم وهم عرقهم يصب :رقم كم
دلال :ااااارقم رقم 7
اول ماقالت الرقم الهنوف بغت تجيها جلطه لانه رقمها
الهنوف :انا على اخر عمري اروح اسوي لنماس سندويتش وبناتي ميتين من الجوع ماعبرتهم
دلال: والله عاد كيفس تروحين ولا لاتلعبين
الهوف : بروح الله يخسس انتي وولدس وبسوي لبنوتاتي على طريقي
دلال :ودوريه ترها مايخلي مكان
الهنوف وهي رايحه :ادوره طل ...وراحت
ولخبطنا لاوراق وخذت كل وحده ورقه والعين كانت مع نوير وانا رقمي 8 وهنود كان رقمها 4 عشاني وايقت في ورقتها وهي ماتدري
نوير :وناسه ويش ابي ويش ابي ياليت لميوه هنا عشان اكرفها وخليها تدور اخوي رومي عشان اتوب ماتلعب
انا :اخلصي ويش تبين
نوير :ابيها اااا ابيها تروح تجيبلي ااااا ايه ابيها تجيب اااا تجيب لنا بباسي بارده
انا :رقم كم
نوير :رقم 1
هنود :مالت عليس 10 ارقام مالقيتي غير رقم واحد لايكون تتفائلين به يالخايسه
نوير :ترامايسوا علي نفذي وانتي ساكته
وراحت هنود وخبصنا الورق وكل واحده خذت ورقه والعين كانت مع ندوي وانا رقمي 10 ودلال 7 عشانها جنبي وشف ورقتها وهي ماتدري وغمزت لندوي عشان تختار رقم 7 ثم تروح فيها دلال بس الحقير ماعبرتني
ندوي :ابيها تروح تاخذ الكوره الي تلعب بها ريموه وتجيبها هناه
كلنا وحنى خايفين :رقم كم
ندوي:رقم 3
خلود :الله لايوفقس ياندى على ها الامر انتو مستغنين عني
ندوي: رحتي فيها
خلود :امانه غيروه والله ان تذبحني ريم لاخذ كورتها
ندوي :مالي دخل يالله روحي
خلود :لا امانه غيري ترا ريم يمكن تشوتني ولاتبقسني ولاتدزني لين اصقط
دلال : والله تسويها ريم