روآية .. من كثر مآني أحبك صرت أخآف البعد عنك .. من كتآبآتي

[سكوُوُن الليل]

بسم الله الرحمن الرحيم ..

بداية كتابة روايتي 1429/5/13 هـ 2008م الأحد الساعة 8:40 د ليلاً ..

...........................

من فكرة صغيرة باتت تحت مخيلتي..

كَبُرَت .. وكَبُرت أحلآمها ..

حرف مع حرف صنع لي كَلِمة ..

وكلمه مع كلمة أصبحت قصة ..

أطلقتهآ وأنطلقت إليكم ..

أحدآث من نسج الخيآل ..

وقصص حب إزدآنت مع أصحابهآ ..

من كثر ماني احبك صرت أخاف البعد عنك

روآية من نسج خيآلي ..

الكآتبه :
عفآف

..

...........................

الشخصيات الرئيسية :

عائلة (ناصر) أبو سلطان:

ام سلطان (منيرة) ،سلطان:32 (متزوج بنت عمته (روان) وعندهم ولد أسمه عبدالعزيز) ، يزيد:23

أفنان:26 ، شهد: 20

عائلة(حمد) أبو لؤي:

أم لؤي(سارة) ، لؤي:29 ،خالد:25 ،مشعل:9

نوف:22، نوره:18

عائلة (خالد)أبو زياد :

أم زياد(موضي) ،زياد: 25 (صديق خالد الروح بالروح) ،محمد:14

ديما:24 ،العنود :19،جود: 5 سنوات

عائلة ابو مهند(علي) <<زوج (منيرة) أخت الأخوان الثلاثة(يصير ولد عمهم الوحيد):

مهند:35 ، بدر :26 ،روان: 24 ...

والبقية بيتم تعريفهم داخل ^_^

الفصل الأول

الجزء الاول:

نوووره جايه فاحطه ومع السرعة والخبر اللي مفرحها ما انتبهت لأختها نوف .. وصقعت فيها ..

نوف:- وين عمتي طاايره

نوره:-لا تلوميني تراني متونسهـ

نوف :- وش متونسه عليه بالله تلقين ابوي طاعك تروحين السوق مع خوياتك..

نوره:- حطمتيني الصراحه .. مع انه سخيف بس حلو..

نوف :- اخلصي وقولي ..

نوره:- لازم لازم ..

نوف:- الخبر بفلوس بكره ببلاش ..(وراحت عنها )

نوره ماتوقعت نوف تستسلم بهالسهوله ولحقتها ..

نوره:- متعرفين أنتي تجاملين شوي بقولك بس لا زم أسوي مقدمات..

نوف :- ههههههه أخيرا ياستي وشو الخبر ..

نوره :- بنسافر انّا وعماني للشرقية..

نوف:-الله يرجك اللي يشوفك يقول بنروح لباريس ولا سويسرا..

نوره:- ماعليييك أهم شئ ساعة الصدر ..

نوف:- إيه أهم شيييييييييييي ألا متى بنرووح..

نوره: يقول ابوي بعد شهر..

نوف:- وشوووووو وطايره بعد..

نوره:- لا لا استهبل عاد ..

نوف :- متى طيب..

نوره :- سبحان الله ماتخليني أكمل كذبتي ..بنروح بعد أسبوع..

*****

بعد أسبوع من الخبر تواعدو الأخوان وأختهم على الطريق يمشون مع بعض ..

أبو لؤي هو وعياله بسيارتهم ،وأبو زياد بسيارتهم ، وأبو سلطان بعد بسيارته ،ومهند جاي بأمه وأخته ..

الشباب كانو مجتمعين في سيارة خالد - زياد - يزيد -بدر

سلطان في سيارته مع زوجته روان .. و لؤي لحاله ..

كانو إذا صاروا مجتمعين يكثرون .. بس الجو عندهم فللّه ..

........

في سيارة الشباب..

خالد:- من زمان عن طلعات السفر والوناسة ..

زياد:- إي والله ياصاحبي بس الجامعة شادين حيلنا فيها والحمد لله طلعنا بنتيجه (توهم متخرجين)..

يزيد:- عقبالي

خالد :- قل ماشاء الله اخاف شهاداتنا بتتغير غير ناجح..

(كل الشباب قاموا يضحكون عليه وعلى أسلوبه خفيف دم وطلعت منه عفويه)

بدر :- هو قال عقبالي .. ألا الله يعينكم على الشغل الدراسة أهون ..

زياد :- الحين جابين نرفه عن أنفسنا مانتذكر اياام الشقاء..

الشباب: أي والله

...

لؤي في سيارته قاعد يهوجس ويتذكر الموقف اللي صار له قبل أسبوع في بيت عمه خالد ..كان ينتظر زياد يجيب له أوراق تخص الشركة عمه موصي زياد يعطيه إياها.. يوم دخلت ديما مجلس الرجال وكان باين على وجهها أنها مو قاصده وقاعد تنادي محمد ..

لؤي أنسحر من جمالها وعلى صوتها ولو هي كانت معليته وشعرها المحوس معطيها جماال ثاني مع بشرتها البرونزيه .. بلم هو ومايقدر يوخر عيونه الين انتبه انها درت انه موجود ونزل عيونه .. وعلى طول طاارت برا المجلس ..

انتبه لؤي لصوت جواله قاعد يرن .. المهبول<<يتصل بك ..

خالد:- هلا لؤي

لؤي:- هلا بك ..

خالد :- ألا أقول كم بقى على وصولك ..

لؤي :- مدري (وانتبه للوحة المسافات وشاف كم بقى) ألا ألا بقى 100 كيلو ..

خالد:- شكلك تمشي 20 ..

لؤي :- اجل انتم وصلتو ..

خالد :- إيه.. حنا وصلنا لنا عشر دقايق داخلين الشرقيه ..

لؤي :- مع العجلة وش طايرين عليه شكلكم تمشون 220...

خالد:- امووت أنا على المثالي ..

لؤي :- اخلص طيب تبي شئ ثاني ..

خالد:- لالا بس ترى أنا اللي مكلمك مايصرف عليك شئ..

لؤي (يستهبل):- ألا اخاف غيرو هذا النظام.. ههههههه

خالد:- ههههههه يله فمان الله..

لؤي :- مع السلامة ..

.......

في سيارة أبو زياد كانت مها وشه وهي تصير 24 ساعة بين العنود ومحمد وإذا شافتهم جود قامت تصيح ويطلع الجو ياسلاام.. لكن ديما ماحست بكل اللي يصير ..

كانت بعد تتذكر وشولون بس تجرأت تدخل مجلس الرجال قبل ما اسأل(غالباً يصير فيه احد) وبعد ياليتني مكشخه بكشتي ولبسي اللي يفشل الله يستر بس .. وتذكرت وشلون كان شكله ومن هو ماتجرأت تسأل اخوها من اللي كان عنده خافت يشك الا وتتذكر ملامحه ..لؤي لؤي ماغيره وحبت تتأكد واخذت جوال محمد وقعت تشوف الصور الا وتلمح نفس الشبه اللي شافته .. وبكذا تأكدت انه هوو..

.............

الجميع وصلو للشاليهات كان شاليه للرجال وواحد للحريم (ملك العايله).. (بيجلسون فيها اربع ايام،وبعدين يبروحون للفندق ويتمشون في الدمام )

الشغالات اخذو الشناط وودوها للغرف والبنات مجتمعات لحال والكبار لحال ..

.........

البنات كانو مستانسات على هالجَمعه وخصوصاً نوره ..تحب الجَمعه وساعة الصدر ..

.......

في الصاله كانو الحريم يسولفون :

ام زياد:-يازين هالجمعه والله..

ام مهند:- خصوصا من زمان عن السفره جوا البلد ..

ام لؤي :- اي والله وزين جمعنا عيالنا مع بعض كلهم طايرين بهالروحه ..

"ام سلطان كانت ماتحب تدخل في السوالف معهم كثييير الا مجامله وهي اصلاً مغصوبه على الجيه "

....

ليلة اليوم الثاني في الشاليهـ الساعه 2 الفجر ..

نوره :- اقول بناااات ..

البنات :- سميي ...

نوره :- احم احم كلكم رديتوو ..

شهد (قامت تتفلسف):- بما انك ناديتينا جميعا باسم تلك البنات كلنا ردينا ..

البنات ماتو عليها من الضحك على لغتها العربيه الملكعه..

العنود :- الا وشو الشي حمستينا ..

نوره :- نسيييت وشو..

العنود :- ماشاء الله امداك تنسين ..

نوره :- العب اعرف..

شهد:- وشو ..

نوره :- وش رايكم نروح السوبر ماركت .. (كان السوبر جوا الشاليهات بس بعيد عنهم لازم سياره)

العنود :- ياحبيلك ام الافكار بس مين يودينا ..

ديما :- مو مشكله ادق على زيادوه .. واخليه يجي لا تهتمون ..

..

في نفس الوقت العيال كانو كلهم يسبحون في المسبح الا لؤي كان جالس مع الكبار وراحو ينومون وتعاجز يلحق العيال ..

سمع صوت جوال يرن ولا احد يرد وزاد الرنين هو ازعجه الصوت وشاف من جواله لقاه حق زياد ..

لؤي (وهو يصارخ ) :- زيادوه جوالك يرن ..

زياد :- مييين ..

لؤي مات انتبه للرقم الا يوم سأله .. لقاها ديماا ..تردد هذا الاسم بعقله كثيير ..

زياد (وهو يصارخ):- ماقلت مين ..

لؤي:- جاي جاي ..

زياد طلع من المسبح وقعد يكلم ..

زياد :- نعم

ديما: هلا..

،زياد :- هلابك ..

ديما:- تقدر تودينا للسوبر ماركت اللي قريب من هنا ..

زياد :- الله يعافيك خليه وقت ثاني..

ديما:- ليه..

زياد :- انا الحين قاعد اسبح ..

زياد شاف لؤي قدامه ولقاه ماله نيه يسبح ووصاه يروح بالبنات .. والحوار اللي بين لؤي وزياد رنا سمعته كله واستانست برحابة صدر لؤي وموافته السريعه ..

..

ديما تحاكي البنات :- ترى لؤي هو اللي بيوديكم مافي الاهو والعيال كلهم يسبحون ..

نوره :- تصدقون اني مافكرت ادق عليه .. بسس يله بنات البسو عباياتكم قبل مايرجع عن كلامه ..

^

^

^.

[سكوُوُن الليل]

البنات تولمو وطلعو الا روان وافنان فضلو انهم يجلسون .. ومع ان ديما تراجعت عقب ماتذكرت الموقف لكن البنات خذوها غصب ..


سيارة لؤي كانت  حــوت وماتكفي شلة البنات ..طبعا نوف جلست قدام وورى نوره وشهد والعنود وديما جلست في الكرسي الخلفي ورى لؤي ..


تأخرت ديما ماجتهم وقالت نوره:وين ديما تأخرت ..


"لؤي نغزه قلبه يوم انذكر اسم ديما وما انتبه الا والباب مصكوك"..


كل اللي بالسيارره ساكتين ماعدا نوره تلعلع بما انه اخوها ..


نوره :- حركو الجو عما كلكم ساكتين ..


نوف:- نويره وش بلاك انتي اسكتي ..


لؤي :- بديتو عاد بلا هواش (سكت شوي وقال ) عندي لكم نكته ..


نوره :- اتحفنا ..


لؤي :- في واحد غبي حطوه عند صفارة الانذار وحطها على الهزاز ..


البنات :- هههههههههههههههههه


(مع ان النكته كانت سخيفه الا ان البنات يبون اي شئ يضحكهم)..


.......


في الشاليه:


ام لؤي تسأل افنان وروان :- وين البنات راحن له ..


روان : راحو مع لؤي للسوبرماركت ..


افنان :- شوي وراجعين ..


ام لؤي :- ياحبيله وليدي ماخذهم مايخلي احد ..


افنان :- خاله عاد عن التمديح الزايد ..


ام لؤي وروان :_ هههههه


...


في السوبر ماركت كاانو مستحين كلهم نسوا شناطهم وفلوسهم الا ديما .. و نوره مابقى شي ما خذته "الظاهر خلصت كل الحلويات والشبسات " ..


نوره تدق على لؤي اللي كان يتجول في الجهه الثانيه ..


نوره :- يا أخي الحبيب اللي مامثله في الوجود كللّه ..


لؤي:- سمي ..


نوره:- لا بس نسيت بوكي تعال حاسب ..


لؤي:_ وانا اقول وش هالكلام من الصبح كلها مصلحه ..


نوره :- لاهنت استعجل ..


لؤي:- لومامعك الشله كان سحبت عليك ..


نوره :- لا عاد ..


لؤي:- هههههههه خلاص انا جايكم ..


لهته نوره بالجوال وهو يكلمها ما درى هو عن نفسه الا وصاقع ببنت قدامه ..


.
.
.
إذا شفت تفآعل بنزل الجزء الثآني (مكتووب)
أنتظركم

[أمير كل فتاة]

يلا بليييييييييز نزلي الجزء الثاني بسرعة أنا القصة شدتني كثير

[سكوُوُن الليل]

مشكور أخووي واتمنى الكل ينشدوُوُن ..

>>>>>>>>>>>>

.

$

.

.

.

.

الجزء الثاني :

لهته نوره بالجوال وهو يكلمها ما درى هو عن نفسه الا وصاقع ببنت قدامه ..

لؤي :- السموحه ماكنت منتبه للطريق .. (هو لحد الحين متفشل وباين على ملامح وجهه)..

كانت البنت اللي صاقع فيها ديماا .. وما انتبه لهذا الا يوم سمع صوتها ..

ديما :- مسامح ياولد العم ..

لؤي قلبه كل ماله يزيد ويزيد حبه لها ..

لؤي(يبغى يبرر ):- نوير لهتني بالجوال وما انتبهت للطريق ..

ديما وهي درت انه مو قاصد :- لا عادي .. 0ومشت عنه 0

لؤي :- تراني بروح احاسب وبنرجع للشاليه ..

ديما: .......

لؤي صاير عقله مو معاه بس يتذكر الموقف يموت فشيله على نفسه وعلى عدم اهتمامه بالطريق اللي يمشي هو فيه ..

نوره :- علامك تو تكلمني وانت مستانس ..يامقلب القلووب والابصاار (وشددت على الابصاار )..

حس انها داريه عنه بس هي ولا داريه عن شي ..

لؤي:- وين اغراضكم بس ..

نوره:- هذي هي ..

لؤي(يستهبل) :- عز الله طفرتي بي .. مامعي الا عشرين ريال ..

نوره:- ليش ماقلت من اول بتفشل عندهم ..

لؤي _وهو مكمل الاستهبال_ :- انتم روحو للسياره وبجيبب اللي يكفي بعشرين ..

راحت نوره وجمعت البنات وهو يضحك عليهااا .. الا ديما كانت قاعده تحاسب من الجهه الثانيه .. استانس هو على فطانتها وادبها وقرر ماتعدي هذي السَّفره الا وهو مكلم ابوه عن الخبر ..

طبعاً انصدمت نوره من الاكياس اللي مع لؤي معقوله عشرين ريال تكفي كل ذي الاغراض .. ودرت في الاخيير يوم ركب السياره انه كان يستهبل عليهااا ..

********

اليوم الثالث في الشاليه الساعه 4 العصر .. وقت الغداء كان ابو سلطان عازمهم .. بعد الغدا البنات نوره وشهد والعنود طالعين عند جهة البحر على الشاطئ وداخلين جو مع السوالف والضحكه ورى الثانيه .. ماكان عليهم الا طرح وحاطينها على كتوفهمماتوقعو ولا 0% احد يطلع من عياال عمانهم هذا الوقت .. (لأن 4شاليهات حقاتهم منعزله عن الباقيات)

..

في نفس الوقت كان يزيد ماشي من قدام الشاليه ضايقه به الوسيعه مضيق صدره (قبل ربع ساعه دق عليه خويه اللي بالرياض وخبره بوفاة صديقه العزيز خالد ايام الثانوي .. مع ان صداقتهم ما دامت ايام الجامعه لإختلاف التخصص بس كان يكلمه من وقت لثاني) ..<<صدق كان مكربن ذيك العصريهـ .. ما أنتبه للي قدامه الا من اصواتهم العاليه وضحكاتهم ودرى ان محد يجي بهذا المكان الا اللي مالكينه يعني ذولي بنات عمي .. رجع ورى وكان يراقبهم كان مستسخف نفسه على هذا الي يسويه بس كان هذا اكبر من اللي كان يشوفه قدامه ..يزيد وهو يقول في نفسه:"والله هذي نوره ماتغيرت من يوم تغطيت عنها صدق يخلق ويفرق في عبيده " ..

كان خالد وراه وعطاه ذاك البقس اللي طير يزيد مكانه وقام يصارخ وفجأه سكت | شاف البنات يناظرونه وعلى طول راحو| ..

خالد :- ايا قليل الخاتمه ..

يزيد:- وشو ..

خالد :- اموت انا على هالبراءه من وين جايتك ..

يزيد :- والله ماكان قصدي ..

خالد:- جالس تشوف لك خمس دقايق وتقول ماقصدت ..

يزيد:- خالد الله يعافيك لا تقول لأحد والله فشيله ..

خالد (يبي يأدب يزيد على اللي سواه مع انه موب معلم) :- دام عارف انها فشيله ليه مبحلق بعيونك ..

يزيد :- خلاص بقولك ..

خالد:- وش تقولي عقب اللي شفته ..

يزيد :- خلاص بقولك الصدق .. تقدر الحين ..

خالد :- لا انا الحين طالع ساعه ونص بالكثير واكون هنا .. وبتقولي كل شئ ..

يزيد (مستانس) :- ابشر ..

وراح خالد ..يزيد في باله "هذي دفاشتي قعدت اشوف ولا مهتم باللي عندي .. صدق قليل خاتمه .. بس وش اسوي "

..

في نفس الوقت البنات اللي كانو برى يسولفون عن اللي صار ..

شهد:- صدق مايستحي اخوي وش جايه ..

العنود:- ولا بعد تلقونه جالس من متى ..

شهد:- اقوول بس ماعلينا منه ..

العنود :- اي بعد .. بس شكله تحفه وهو يزاعق..

شهد :- مسكين شفت خالد وراه ..تلقونه عطاهه صرخه محترمه ..

(نوره كانت ساكته ماتتكلم ماودها تسب حبيب قلبها اللي محد داري عنها.. وبكذا فضلت السكوووت ..وكاتمه سبهم وفي الاخير انفجرت)

نوره:- وش عليكم من الرجال يناظر مايناظر .. وهو ذنبه على جنبه مو عند كلامكم اللي ماله داعي ..

البنات سكتو ووخرو سيـــــــــــــرة يزيد عن لسانهم ...

.........

خالد ويزيد جالسين على الشاطئ ..

يزيد :- ان بقولك اعتراف خطيير ماقد قلته لأحد .. وابيك تكتمه ..

خالد (في باله وشهو السر المكتوم) :- ابشر ياخوي سرك في بير .. بس وش اساس هذا من الموقف اللي شفته منك ..

يزيد:- هو مب بس في هاذا الموقف في اغلب اوقاتي ..

خالد:- اقلقتني ياخوي قل ولاتتردد..

يزيد :- انا بقولك بدون مآتآخذني وتستسخف فيني وفعقلي ..

خالد:- حشا ماكانت نظرتي لك باللي قلته . انت دوم ولد عمي وفوق راسي واللي يقول عليك شئ مايعيش ..

يزيد :- كفو ..(سكت وكمل ) .. انا عايش في حب والله احب .. بس تدري منهي ..

خالد:- من هي ..

يزيد:- اختك نووووره ..

(خالد انصدم صدمه ماعقبها صدمه يزيد يحب نوره وبعد زياد يحبها صدق صدفه "زياد كان مستودع اسراره خالد والعكس " ) خالد باين على وجهه الصدمه ..

يزيد (كمل وهم يناظر الغروب قدامه والامواج القويه ) :- احبها من يوم كنا صغار ..كان ودي اقول لابوي يخطب لي اياها كم مره بس قلت خاف يعيي وخصوصاً اني بعد باقيلي ترم بالجامعه وبعد ماتوظفت توني ..

خالد :- .......

يزيد :-وهذا انا قلت لك الحقيقه واتمنى تتقبلها ..

خالد :- هينه .. زين بس انك قلت لي وصارحتني ..

^^^ (خالد كان يتكلم وهو مو معه باله .. زياد يحبها من جهه وهيمان فيها وصدق معترف له بكل موقف بحكم صداقتهم الشديده .. ويزيد بعد يحبها والله حيــــــره بينهم )..

********

بعد 4 ايام من جلوسهم في الشاليه .. ابو سلطان بيرجع للرياض هو وحرمته وبناته افنان وشهد .. جا شغل طارئ في الشركه وفضل هو يروح بحكم كبره وعرقه وجوده بالشركه .. (وام سلطان استانست اكثر بالرجعه لانها مو طايقتهم ..وحتى هم يحسونها على اي كلمه تزعل حتى لو كبيره .. ومتحملينها عل شان زوجهاآ بس ..) ..

*******

في مجمع الظهران بالخبر كانو البنات"نوف ونوره وديما وروان والعنود " مع بعض .. وبعد الشباب "لؤي وخالد وزياد وسلطان ويزيدومهند وبدر"<<كانو شله كبيره .. ، ومحمد ومشعل مع بعض ،والشياب ماجو للسوق هم ويا الحريم في الكورنيش ..

البنات كانو ماشين في طريقم للكوفي قسم العوائل .. الا وشباب 3 يلاحقونهم طول الطريق والبنات ماكانو حاسين لان السوق مليان وخصيصا وقت العطله .. مادرو الا والشباب ماشين من قدامهم ورازين جوالاتهم الدعوى مغازل لآخر حد .. زي ما تقولون صايرين الشباب ملازمين لهم وين مايروحون وخصيصا هذا النوع مايستحون على وجيههم .. قدرت نوف تبتعد عنهم وعلى طول مسكت الجوال وهي ترتجف ودقت على اخوها لؤي ..

نوف :- الحقنا ..

.

.

.

.

& انتظروني في البارت القادم .....

[العاشق الرومنسي]

يسلموووووو يعطيك العافيه