روآية .. من كثر مآني أحبك صرت أخآف البعد عنك .. من كتآبآتي

[سكوُوُن الليل]

طييييييييييييييب

تبوني أكملها ولآ لآ

..

[كرامتي اهم من قلبي]

بلييييييييييييييز كمليها انا سجلت عشانك بس الله يخليكي

[سكوُوُن الليل]

كرامتي أهم من قلبي

تسلمين قلبي وبكملها لعيوونكـ

..
سكونه

[سكوُوُن الليل]

.
.
.
.
الفصل الثالث ..
الجزء الثاني :

( في بيت أبو لؤي )

الساعه 11 نوف جآلسه في غرفة أختها نوره..
علقت بلونات على بابها وجابت لوحه صغيره وكتبت الحمدلله على السلآمه أختك نوووف .. وحطت جوى الغرفه كيكه وعصير ..
مشعل :- نووف ابي البلونه هذي ..
نوف :- هذي موب حقتك خلها .. خذ هذي ..
مشغل :- طيب خليها كبيره زي هذي ..
نوف تفخت البلونه :- خذ ..
مشعل استانس :- شكرا ..
نوف سمعت صوت الباب الداخلي ينفتح وطلت لقتها نوره ونزلت بسرررررررعه ..
نوف :- هلآ بختنا ..
نوره:- هلآ بك .. احسني من زمان عن البيت ..
خالد:- يوم ونص اليوم أنتي لم تكوني موجوده في المنزل ..
نوره:- انا أشهد أنك فنان في اللغه العربيه ...
خآلد:- أجل .. مافي شك ..
نوف:- يلّه تعالي في مفاجاه لك ياننوره ..
ومسكت يدها ومشت ..
خآلد:- وأنا انشاء الله ..
نوف:- انا قلت نوره .. بس بما أنك أخوي وأكبر مني مافيه مشكله تعال..
خآلد:- بس ابي أشوف سوالفكم ...
البنات:- هههههههه ..
نوره:- وش لك بسوالفنا ..
خآلد:- زود لقافه .. بس ..
رقو فوق ..
نوره :- بالله هذي غرفتي ..
نوف:- أيه ..
نوره:- وش مسوين فيها ..
نوف:- ماقلت لك مفاجاه ..
نوره فتحت الباب ..
خآلد:- لا انا مايمديني على هذي الروومنسه .. كيكه وحركتات ..
نوف:- ماقلنا لك سوالف حريم ..
خآلد :- هههههه وأنا شاإآهد على ذلك .. بس بآكل موب رايح ..
نوره:- أيه كل علشان تسمن أعوذ بالله عصقوول ..
خآلد:- لو سمحتي موب عصقول قولي الجسم المثالي بس ناقصني اتمرن شوي على شان تطلع العضلات وأكفخكم وحده يمين ووحده يسار..
نوره:- ولّي برحم والديك خلك كذا أحسن ..
العايله كلها كانو في غرفة نوره يسولفون ومستانسين على عافية نوره ..

** من بكره نوره قعدت مع أبوها ..المغرب..
نوره :- يبه عندي موضوع ..
حمد:- آمري يابنتي ..
نوره:- الموضوع بخصوص زياد..
حمد:- أيه وش رآيك ..
نوره:- والله فكرت بما فيه الكفايه وقررت أني مآخذه ..
حمد:- ليه يابنتي رافضته ..
نوره:- ما ارتحت له..
حمد:- في شي شايفته عليه ..
نوره ((أصلا انا احب يزيد ومستحيل آخذ غيره)):- لا والله زياد من أزين الرجاجيل وأشهمهم وأخلاقه وطبعه زينه بس ما أبيه ..
حمد:- والله أنا ما أبي أغصبك على شي ماتبينه .. بس متاأكده ..
نوره :-أيه ..
حمد:- أجل بتصل على عمك وأقوله ..
طلع الجوال ودق ..
حمد:- السلام عليكم ..
خالد((أبو زياد)):- وعليكم السلآم ..
حمد:- كيف الحال ..
خالد:- الحمدلله كل شي تماام ..
حمد:- الحمدلله .. بس عندي موضوع بخصوص زياد ..
خالد:- أيه والله ريحونا وش قلتو ..
حمد:- والله الولد من أزين الرجال وماينعاف ولو ندور زيه مانلقى بس وش نسوي البنت ما أرتاحت له..
خالد((من أول مايبي نوره يبي نوف بس عشان زياد)):- والله اهم شي راحتكم .. واللي كاتبه ربي مانرده ..
حمد:- الله يجزاك خير.. يلّه تآمر على شي ..
خالد:- أيه ..
حمد:- آمر وش تطلب ..
خالد:- بنخطب ثانيه ولدنا زياد لنوف ..
حمد:- والله مدري وش أقول وموافق ..
خالد:- يعني تم ..
حمد:- تم ..
خالد:- الله يبارك في عيالنا انشاء الله ..
حمد .. الله يبارك فيهم .. يله مع السلامه ..
خالد:- مع السلامه ..
نوره :- يبه وش تم وموافق ..
حمد:- والله هو ماقال شي على رفضك .. بس خطب نوف لزياد وانا وافقت مستحيل أرفضه مرتين وأن ولده ماينعاف..
نوره:- طيب نوف وش رايها ..
حمد:- نوره انا عارفها بتوافق ..
نوره:- يبه وراك ورطت نفسك يمكن ماتبيه ..
حمد:- لا بتوافق ومتأكد بعد .. والحين بروح أشوفها وينهي ..
نوره:- في غرفتها ..
** أبو زياد رقى لنوف عند غرفتها وطق الباب ..
نوف:- تفضل ..
أبو لؤي فتح الباب :- السلام عليكم ..
نوف+مستغربه من أبوها جاي غرفتها+و قآمت وباست رراس ابوها :- وعليكم السلآم ..
حمد أبو لؤي:- أبيك يابنتي في موضوع ..
نوف:- آمــــــر تدلل ..
حمد:- يابوك فيه وآحد خطبك مني .. وأنا وافقت ..
نوف (استغربت ان فيه وآحد خاطبها وأبوها قْبَله قبل هي تعرف منهوو )) :- قبلته ..طيب من هو ..
حمد:- يابنتي قبلته لأنه رجال ومستحيل نلقى زيه ..
نوف اشتغل عندها الفضول :- طيب من هو يبه ..
حمد:- ولد عمك .. زياد ..
نوف استغربت :- زياد يبه خاطب نوره ..
حمد:- يابنتي بقولك الصدق ..
نوف:- قول ..
حمد:- نوره تقول مارتاحتله ودقيت على عمك وقلت له الرفض ورضى لكنه رجع وطلبك مني واستحيت أرده ..
نوف جتها ردة فعل :- طيب أقبله على شان اختي رافضته وبدون رايي ...
حمد:- يابنتي انا جيت وقلت لك وبشوف رايك ..
نوف:- رايي عقب ماوافقت ماله داعي ومايهم ..
حمد استغرب نفسية نوف أول مره تكلمه بهذي الطريقه :- والله لو مااعزك واغليك كان ماوافقت علييه .. ودام هذا رايك ترضين أقول لعمك الرفض عقب ما اعطيته رأيي ..
نوف:- يايبه والله أني أحبك وما أرضى أعصاك بشي بس هذي حياتي ومستقبلي ..
حمد:- شوفي انا عطيته كلمه وما اظن اني بردها .. لأني عارف الولد .. ((وطلع برى الغرفه ))
نوف ماتدري وش فيها ماتدري ليش ردته يمكن علشان أختها رافضته وعطوهياه .. أو انها مالها كلمه وتبي تثبت كلمتها ..
جلست على سريرها وقعدت تصيـــــــــــــــــــــــــــح ..

............
من بكرهــ×
×
×
×

في بيت أبو زياد ..
زيآد كان توه جاي من عند الإستراحه الساعه 1 الليل وكآن بينفجر من كثر الوناسه.. ولقى أبوه في الصاله ..
زياد :- هلآ بتاج راسي هلا بأبوي الغالي ..
أبو زياد :- هلآ بك ..
زياد :- عارفك يبه شكل وراك سالفه ..((متوقع ان نوره وافقت)) ..
ابو زياد :- وش عرفك أنت بتعابير وجهي ..
زياد :- الولد يعرف ابووه ..
أبو زياد :- أي والله عندي شي ..
زياد جلس :- تفضل وكُلي آذان صاغيهـ ..
ابو زياد:- زياد .. نوره ..
((العنود كانت تراقبهم))
زياد استانس:- وش فيها نوره ..
أبو زياد:- رفضتك ..
زياد (( انصدم من ولا يدري وش يسوي وكأن وآحد ضربه مع وجهه)):- رفضت يبه ..
أبو زياد:- أيه رفضت ..
زياد:- طيب ليـــــه ..
أبو زياد :- تقول ما ارتاحت لكـ ..
زياد:- يبه هذا سبب مب مقنع ..
أبو زياد :- وش اسوي بتجبر البنت عليك .. وتراني خطبت نوف لك ووافقو ..
زياد(( تو ماجته المصيبه وجهه انقلب وصوته رآح مايدرري وش يقول .. كان مأمل في نوره وأنه يطلببها مره ثانيه بس أبوه شال كل حلم باقي عنده )) :- يبه ليش ليش طلبت نوف انا مابيها ..
أبو زياد:- وش هالكلام وترى الملكه بعد أسبوعين ..
زياد:- لا تعذبني يايبه ولا تمشيني برايك أنا البنت ما أبيها ..
أبو زياد:- ترد كلمتي وأنا أبوك ..
زياد:- يبه ماتدري انت وش تعنيلي نوره لو تدري كان بعت الرخيص والغالي على شانها .. أنا شاريها ..
أبو زياد:- انا قايلك نوره ماتصلح لك من أول بس انت مصر وجاك اللي تبيه ..
زياد:- يبه خلآص يكفي طعون مره نوره ماتبيني ومره طالب لي أختها يبه تراها عشرة عمر مب كلمه ومنت رادها ..
أبو زياد عصب :- اذا رفضتها لآني أبوك ولا أنت ولدي ..
زياد تسددت في وجهه كل الطرق ومايدري وش يسوي وطلع برى البيت ..
العنود جت بسرعه لأبوها :- يبه وشذا المصارخ أسمعه وأنا بعيده ..
أبو زياد :- روحي شوفي أخوك بسرعه وين راحله ..
العنود:- طيب ..
طلعت العنود برى الفله دورت زياد عند الباب وفي الحديقه بس مالقته .. دقت عليه لكنه عطاها مشغول وقفل الجوال ..
رجعت العنود عند أبوها
العنود:- يبه زياد راح ..
أبو زياد:- طيب دقي عليه..
العنود:- جواله مقفل ..
أبو زياد((يارب وشهالمصيبه اللي جتني من فوق رآسي)):- وش ذا الحآل ..(( وراح لغرفته))..
العنود في نفسها((أجل هذا ردك يانوره .. والله يايبه انك مجرم تجبر زياد وهو مايبي نوف .. والله ما أدري وين رآح له زياد )) .. رآحت العنود ودقت على نوره ..
نوره _صوتها متغير_:- السلآم عليكم ..
العنود :- وعليكم السلآم .. وش أخبارك عقب المستشفى ..
نوره:- لا أشوى الحمدلله ..
العنود:- صوتك مايطمن لاعدو ولا صديق ..
نوره:- والله مدري وش فيني أحس نفسيتي متغيره عقب اللي صآر اليوم ..
العنود:- علشانك رافضه أخوي..
نوره:- ياليته ..
العنود:- خوف تيني وشو ..
نوره:- عقب أبوي ماقال اني رافضه طلب نوف ..
العنود:- وأنا عارفه هذا الشي ..
نوره:- نوف تغيرت نفسيتها قامت تصيح .. وفهمت منها أنها تآخذ بقاياي بس أنا هذا والله مو قصدي اني رافضته ..
العنود:- أجل ماتدرين أخوي وش سوى هنا .. تخيلي تهاوش هو ويا الوالد على شانك وطلع وقفل جواله توني أدري ان زياد يحبك هالكثر انهار يوم رفضتيه ..
نوره ماتدري وش تسوي :- والله يالعنود أنتي أدرى بالحال ..
العنود:- "قل لن يصيبنا الا ماكتب الله لنا" ..
نوره:- والله أنك صادقه .. وماندري وش مخبيه لنا الأيام من اسرار ..
العنود:-أي والله ...
نوره:- مدري وشلون أقنع نوف أني رافضته على شان يزيد ..
العنود:- إذا هدت كلميها وفهميها بس انتبهي ..
نوره :- الله يعيــــــ،،،ــــــــن ..
العنود:- يلّه قلبوُ تآمرين على شي ..
نوره:- تسلمين بس أدعيلي ..
العنود:- إأبشري يله باي ..
نوره:- باي ..
..............
..في بت أبو لؤي ..

** نوره سكرت السماعه ورآحت عند أختها نوف .. لقتها في الصاله لحالها ومسنده راسها على الكنبه .. وجلست جنبها
نوره:- نوف ..
نوف:-.....
نوره:- نوف حياتي ردي ..
نوف ناظرتها بعيونها الذبلآنه وبصوت خفيف جاوبت :- نعم ..
نوره:- أبي أفهمك اللي صآر..
نوف:- اللي صار صار ومالي كلمه ..
نوره :- يعني موافقه عليه ..
نوف:- خلآص مالي بعد أبوي كلمه ..
نوره:- لا تقولين كذا تراني انا متعذبه أكثر منك ..
نوف:- ليه انتي وش جآك ..
نوره :- جوآي أسرار أسرار محد يعرفها ..
نوف أنصدمت وش تقول أختها :- وش اسراره ..
نوره:- خليني ساكته أزين لي .. بس من جد قولي أنك موافقه علشان أرتاح ..
نوف:- ترتاحين .. طيب ليه رفضتيه وراضيه أنه يكون لي ..
نوره:- ماقلت لكـ أن جواي أسرار ..
نوف:- طيب قوليها علشان أقتنع ..
نوره :- تبين أقولها هناا تعالي غرفتي ..
نوف أستغربت أزود يوم نادتها غرفتها لهذي الدرجه :- طيب ..
قآمو وراحو غرفة نوره وقفلو الباب ..
نوف كآنت تناظر نوره بإستغراب ..
نوره فتحت درج كآن مقفول وطلعت منه دفتر كبير ..
نوف:- وش ذا ..
نوره :- هذا اللي يحمل أسراري ..
نوف:- طيب وريني أياه ..
نوره:- خليني أول أقولك القصه ..
نوف :- يلّه وانا أسمع من طأطأ لي السلآم عليكم ..
نوره :- طيب ..
نوف:- أحرقتي أعصابي قولي بسرعه ..
نوره:- أول شي .. من يوم كنت صغيره وأنا أحب واحد أحس نظرتي له غير كل الأولاد .. ومن حبي الشديد له يومني صغيره .. كنت أرسله رسايل أنا أكتبها تدرين أنتي عاد كانت أول تشتغل الرسايل ..
نوف:- ايه وبعدين ..
نوره:- كنت كل ماأشوفه أبتسم وأضحك وأتوزى علشان مايلاحقني .. كآن حتى هو يبادلني نفس شعوري .. كبرت وكبر وصرت أتغطى عنه .. لكني ماهدمت ذيك المحبه .. صرت أكتب فيـه خوآطر أشعار .. حطيت نفسي ملك له ومستحيل أحد يآخذني منه .. وهو لحدى الآن يملك ذاك الشعور .. ومواقف كثيــره تدل على هذا ..
نوف:- حمستيني من هو قولي ..
نوره:- هذا واحد من الرجال الحين ..
نوف:- داريه انه رجال أجل بكون بزر ..قولي عاد ..
نوره:- أوعديني كل الكلآم مايطلع ..
نوف:- وش دعوى ..
نوره:- بس لازم أوثق ..
نوف:- وعــــــد وعـــــــــــــــد وعـــــــــــد ماتطلع كل كلمه قلتيها .. بس منهو ..
نوره :- هذا وآحد من عيال عماني ..
نوف:- طيب .. مهند ولا بدر ولا يزيد ..أكيــــــــد وآحد منهم ..
نوره :- يزيد ..
نوف:- طيب .. وش يدخل هذا الدفتر في كل ذا ..
نوره:- هذا لــه قصة ثانيــه ..
نوف:- وش هي ..
نوره :- لاتنصدمين ..
نوف:- وش عقب ذا يلّه قولي عآد ..
نوره:- هذا أعطاني أياه يــزيــد يوم كآن بأول جامعه ..
نوف:- وسلمه لك يد بيد ..
نوره:- وش قالولك .. لا لاروحه مع وآحد من البزارين ...
نوف:- طيب وش في وسطه ..
نوره:- في وسطه الكثيـــــر .. كآتب فيها أشعاره وخواطره .. شفتي هذا(>>أشرت على الدفتر)مليان كله.. وشوفي أول صفحه مكتووب فيهاا ..

طيبك مكفي يابعد قلب مغليك
يكفي وجودك في حياتي مكفي
ليت العمر يهدى والله لاهديك
لحظاتي الحلوه واسكر ملفي
اعاهدك بالي خلق ماني مخليك
لين قلبي النابض احسه مطفي
اخذ الوعد مني بحبي اغطيك
وعدي واذا قلته تراني موفي
نوف:- والله من جد قصه رووومنسيهـ لأبعد حــــــد .. دوختيني صرآحه ..
نوره:- هذا غيـــــر اللي ماسمعتيه ..
نوف:- فيه زياده يلّه كملي ..
نوره:- حبيبتي أنا ما أعترفت لكـ بكل هذا الا علشان تصدقين أن زياد ماينعاف واني رفضته علشان شي يخصني ومتعلق فيني .. وأنا أسمع العنود دآيم تتكلم فيه بكل مواقفه وقصصه الا انه رجاال ويصلح لكـ ..
نوف:- حزنتيني من طاري زياد ..
نوره:- بس وثقتي أني مارفضته كذا بطالي..
نوف:-أيــه دريت .. بس ذا شي بالقلب .. وشلون بعلم أبوي أني بديت أتقبل زياد ..
نوره:- شي عادي .. روحي له وتأسفي منهـ وبيتقبل ..
نوف:- انشاء الله . وعارفه أبوي بيرضى بســــــــــــــــــــــــــــرعه ..
نوره:- يله روحي لهـ ..
نوف:- الله يعينني ..
........
بعد أسبوُوُوُوع ونص من الأحداث
×
×
×
×

*** زياد رجع للبيت بعد 6 أيآم .. وطلب من أبوه أنه يسامحه لأنه مرده له .. لكن أبوه مُصِر أنه يآخذ نوف ومستحيــل يرجع عن كلآمه .. زياد زادت حالته النفسيه وتغير عليهم حتى أصدقائه ماصار يروح لهم كثير .. لكنه خلاص بيتزوج نوف لامحاله وأبوه مشدد على هالسالفه..
*** نوف أقتنعت بزياد الحمدلله ... وتسامحت مع أبوها وسمح لهاا ..
*** نوره تعبت عليهم .. وودوها المستشفى ولقو فيها فقر دم .. وعطوها حبوب مقويهـ .. وشوي شوي بدت تتحسن .. وازداد تمسكها وحرصها أنها تكون ليزيد .. وماترضى لأي أحد كان يبعدهم..
*** يزيد .. كآن خالد أول مايصيــر شي لنوره يقوله .. زاد حرصه على نوره .. وعرف أن زياد خطبها وهي رفضته .. وتذكر وعدهم يوم كانو صغار أنهم يكونون لبعض ..
...


×
×
×

[سكوُوُن الليل]

×

×

×

الفصل الثالث

(الجزء الثالث)

.............

في بيت أبو زياد

كانو "ابو زياد و وزوجته وعيالهـ يتقهوون قهوة المغرب ..

أبو زياد((خالد)):- تعآلي ياقلبي ..

على طوُوُل الجوري نطت عند أبوها وباسته ..

خالد:- مافي بنت زيك ياجوجو ..

العنود:- أيهـ والله يايبه أنك صادق مافي زيي ..

محمد:- الظاهر أنك ماسمعتي زيـــــــــــن يقول أنا ..

ديما :- وش جآيكم يقوول انا ..

أبو زياد :- والله كلكم غاليين عندي ..

العنود:- أكيــــــــــد ..

أبو زياد :- وفيه شك ..

العنود:- طيب من الأكثر ..

أبو زياد :- قلت لكم نفس المستوى ..

زياد في نفسه وين نفس المستوى وأنت حاط لي بنت أنا ما أبيهاإآ ..

ديما :- مووب لآزم تصيرين لحآلك قال أبوي كلنا ..

أم زياد :- وأنا مالي كلآم ..

أبو زياد :- وأنتي .. أنتي رااس المآل ..

العنود:- أقطططططططع يا يمه منتب سهله ..

أبو زياد:- هذي أمكم ...

ديما تكلم زياد:- وش فيك يا أخوي ورآك سآكت ..

زياد:- أتفرج عليكم ..

العنود:- قالولك تلفزيووون ...

زياد:- أناا حــــــــــــــــــــــــــر ..

العنود تستهبل :- لا برررررررد ..

زياد:- يامصلك بس ..

العنود:- أصلاً من أول ما شفت وجهك وأنا مرتاعه وش جايك ..

زياد :- يعني وش تبغين يصير وضعي وانا اشووف الوجه الصبووحي ..

العنود:- أعقل عآد عن الطنازه ..

أبو زياد:- خلآص أول مانجلس تبدون هوآش كافي ..

زياد:- طيب ماتبيني أقولها شي لا تتدخل ..

العنوود أستغربت من نفسية أخوهاا متغيره هالأسبووع وصاير بس يهاوش .. :- طيييييب ..

أبو زياد:- طيب تعالك يازياد أبيك بكلمة راس ..

محمد:- طيب عادي أجي معكم ..

زياد:- ياحبك للقافه وش تبي قال زيااااااد ماتفهم ..

محمد ناظر أبوه :- يبه عادي اجي ..

زياد _عصب_:- ماتفهم يا أخي خلآص أسكت ..

محمد جته الصيحه أول مره أخوه ينفخ عليه هالنفخه ..

ديما:- محمدوه خلآص تعال ..

زياد:- بزران ماينجتابون الا بالعين الحمراء ..<<ولحق أبــــــوه ..

العنود كانت من جد مستغربه من زياااد ..

\\

//

\\

//

في مكتب أبوو زياد

أبو زياد (خالد) :- زياد أستعديت للملكة ..

زيــاد متبلد أحساسه :- لا ..

خالد:- طيب ليـــه وش ناقصك .. والمهر عطيتهم أياه ..

زياد كان مايبي نوف أبد بس أبوه ملزم عليه ولافيه كلآم :-مانقصني غير شي وآحد ..

خالد:- طيب وشو ..

زياد:- أبي نوره ..

خالد:- ماتفهم أنت خلآص الحين أنت فكر بس في نوف نوره مالك دخل فيها ..

زياد:- طيب وش أسوي بقلبي وما يهوى ..

مـاعـاد يـاسعنـي مسـاحـه ولا أفـاق

من ضيقتـي مـاأشـوف شـي وسعنـي

كتبنـي التـاريـخ فـي صفحـة فراق

وبصفحـة الأحـزان جـار وطبعنـي

زياد بنبرة صوت عاليه :- يبه يبه أنا ما أبي نوف ما أبيها ليه تجبرني عليهاا علشانها بنت عمي أنا قلت لك من الأول ما أبيها يعني ما أبيها ودي أعرف سبب وآحد بس وآحد ليه تجبرني عليههاا وليتها وحده ثانيه أخت اللي بقلبي ليه تعذبني يا يبه لييييييييه ..

أبو زياد زاد أصراره :- قلت لك بتاخذ نوف بتاخذها والملكه بعد ثلآث أيام تجهز لها ..

زياد :- قلت لك يبه طلع لي سبب وآحد أني اخذها هي بالذات .. انا عقب نوره مانيب متزوج ..

أبو زياد:- كل الكلآم اللي عندي خلص ومالي كلآم ثاني عقب اللي سمعته ..

زياد خلاص مايدري وش يسوي ضاعت كل علومه ومجبور أنه ياخذها لأنه لو ماخذه أبوه بيتبرا منهـ .. ((والله دنياا عجيبه)) ..

زياد ضاقت به الوسيعه خلآص ما يدري وين يروح ودق على خآلد وتواعد هو وياه وبعد نص ساعه تلآقوو ..

كان زياد في حآله يرثى لهااا .. وجهه متغير ونآحف وماصار يآكل ..

خالد:- أرفق على عمرك وش بلآك صاير كذا ..

زياد:- أبوي أبوي وش أسوي معه .. يجبرني على نوف أختك واأنا ما أبيها ودي أعرف ليه ..

خآلد :- قدّر الله وماشاء فعل .. طيب جرب ترضى بهاا ..

زياد:- ما أقدر والله ما أقدر شي بجوى قلبي كنه نآر ..

خالد:- تعوذ من أبليس وخل عنك هالحركات ..

زياد:- حتى أنت بعد ما تصدقني البنت عايفها وعقب أختك نوره مانيب متزوج ..

خالد:- وش أسوي والله لو لي رآي بهالسالفه كان سويت من زمان بس هذا راي الشياب بس تدري حتى أختي ماعطوها راي انها تاخذك أو لا أبوي وعمي خلصو السالفه من تلفوون وآحد ..

زياد:- اذا هم خطبو وتزوجو اللي على كيفهم ليه يتحكمون بمستقبلنا .. خلآص كبرنا وهم يقرُرُوون لنّا كآفي ..

خالد:- والله وش أسوي هذي الحآل اللي أنت شايفه..

زياد:- وأبوي يقول الملكه عقب ثلآث أيام ..

خالد:- ايه دآري ..

زياد غمض عيونه ونزل راسه :- آه بس .. كنت أتمنى هذي الليلة بفارغ الصبر رسمت أحلآم وبنيت اشياء ياكم كنت مبسوط إذا جيت أفكر بها الليله ليلة ملكتي أستانس وينشرح صدري .. بس اللي أشوفه الحين غيــر اللي رسمته عكس كل شي كل شي محاصرني من كل الجهات والبيبان متصكره بوجهي أعيش بعذآب والله عذآب ..

خالد كان رآحم ولد عمه وصديقه متحسر على حالته والأردى أنه بيآخذ أخته :- لازم ترضى بالأمر الوآقع الحين كل شي تم ولا نقدر نرجع شي ..

زياد:- الله يصبرني يآربي ..

\\

//

\\

//

* في السووق*

..ديما ونوف كانو طالعين للسوق مع بعض ..

نوف:- هذا الفستآن مره يجنن روعه ..

ديما:- والله مره جونان ..

نوف:- ليه ماتآخذينه ..

ديما:- يناسبني ..

نوف:- بعد هذي فيها كلآم مره يناسبك خصيصاً هذا اللون .. الله شكلك بيطلع حلو فيه..

ديما:- كل هذا وأنا توني مالبسته وشلون لو ألبسه ..

نوف:-والله أنا هذا رأيي ..

ديما:- طيب بروح احاسب وأقوسهـ ..

نوف:- يله طياره ..

ديما:- لاصآروخ هههههههههههههه..

نوف:- طيب أبشريييييييي المشكله موب أنا أنتي يلّه أستناك ..

دق جوآل نووف ..

نوف:- هلآ والله ..

نوره:- هلآ بك .. وين أنتي فيه ..

نوف:- أنا في السوق مع ديما ..

نوره:- ولا قلتيلي يالدوباا..

نوف:- لو سمحتي أنا موب دوباا .. أخلصي وش عندك ..

نوره:- طييييب .. الحين البنآت بيجوونا أستعجلي ولي يعافيك ..

نوف:- ليه ماقلتيلي من أول ..

نوره:- عاد قلت لك الحين توها تجي الفكره .. ولا تنسين جيبي معك اللي خابرته ..

نوف:- روعتيني وشو ..

نوره :-0 بالله ...

نوف:- أجل وشو ..

نوره:- بطيئة إستيعآب .. على طريقك مري السوبر ماركت وجيبي شي نآكله ..

نوف:- خبطتي قليبي يالدوبا أول وش عندها ..

>>ديما تكلم نوف<<

ديما:- يلّه نوف انا طالعه ..

نوف:- طيب ..

>>>نوف تكلم نوره<<

نوف:- يلّه مع السلآمه ..

نوره:- طيب لاتنسين ولَََّى مانيب مدخلتك عندنا ..

نوف:- والله ..

نوره:- أيه ..

نوف:- موب على كيفك ..

نوره:- طيب ياقلبوو أختي حبيبتي أنتي وحياتي وكل شي بالدنيا عندي .. لاتنسين ..

نوف:- كل ذا الكلآم ولا أجييييييييييب .. بس يلّه باي ..

نوره:- باي ..

>>نوف تكلم ديما<<

نوف:- يله هذي هي الغرف ...

ديما:- وأنا ماشية قدآم ...

نوف:- هههههههههه ..

ديما:- لاتتطنزين وش أسوي مع العجله ..

نوف:- على طآري العجله تو نوره تقول البنات مجتمعين عندنا وتقول أستعجلو ..

ديما:- طيب .. بس لازم نمر على بيتنا بلبس ...

نوف:- بعدين بنتأخر ..

ديما:- مانيب متأخره ..

نوف:- خلآص اانا بروح مع السواق وأنتي روحي للبيتكم..

ديما:- لا موب رايحه قبلي بلبس بسرعه ..

نوف:- طيب خلينا من هالسالفه وروحي ألبسي ..

ديما:- طيييييب ..

>>نوف قعدت تستنى .. طقت باب ديما..