روآية .. من كثر مآني أحبك صرت أخآف البعد عنك .. من كتآبآتي

[سكوُوُن الليل]

..........

في بيت ابو سلطان الساعه 10 ..شهد تدق على العنود ..
شهد:- هلآ ..
العنود :- أهلين ..
شهد:- ترا بقفل باب البيت وراك تأخرتي ونوره جايه من زمان ..
العنود:- لا تسكرونه انا الحين في الطريق ..
شهد:- الحمدلله اشوى ماسكرته ..
العنود:- ههههههههههه بيجي احد غير نوره ..
شهد :- لآ وحتى افنان بتروح مع ديما السوق وامي طالعه ..
العنود:- اجل متفقين يروحون ديما وافنان ..
شهد:- ايه .. يله ما أطول عليك انا انتظرك ..
العنود:- شوي واوصل مع السلامه ..
::::::
يزيد :- صح الجو حلو في البيت ..
حمد :- اي والله ..
بدر:- ايوه عليكم تونا داخلين البيت ..
يزيد:- تبون نجلس برا ولا جوا ..
بدر:- اللي تشوفه ..
يزيد :- بنجلس برا والعشا جووا..
الجرس يرن ..
يزيد:- عن اذنكم انتم اجلسو في الملحق وانا بشوف من عند الباب ..
يزيد راح عند الباب وفتحه .. يوم شاف البنت متغطيه نزل عيونه وراح ..
العنود دخلت على طول عند البنات ..
العنود :- يالدوبا ليش كذبتي علي ..
شهد:- بسم الله وش فيه ..
العنود:- ليش تقولين محد في البيت ..
شهد:- ايه عادي مافيه الا حنا ..
العنود :- انا جيت من عند باب الرجال على ان مافيه احد في البيت وفتحلي يزيد ..
نوره يوم سمعت طاري يزيد دقتها هآجوسه .. ياليتني انا مكانك يالعنود .. بس كل ماتتذكر ان زياد خاطبها يضيق صدرهاااا ..
شهد :- هههههههههههه بطني هههههههه خخخخخخخخخخخخخخخ...
نوره:- هههههههههه
العنود:- لاتضحكون ..
شهد:- وش نسوي موقفك يضحك .. وتوني ادري ان يزيد موجود ..
نوره :- مسكينه
العنود :- بس تدرين وجهي طااااااح وشكل معه احد ..
شهد:- مين يعني ..
العنود:- مدري انا جيت طياره هنا..
شهد:- بدق عليه واشوف ..
العنود:- ايه دقي ..
نوره :- لازم عاد نعرف ..
العنود:- والله اننا ملاقيف ..
شهد:- ماعليكم اسكتووو ..(ودقت) ..
يزيد :- هلآ ..
شهد :- هللآ بك ..
يزيد : اخلصي وش عندك ..
شهد:- يزيد عندي سؤال ..
يزيد :- ضاقت ..
شهد:- ايه ..
يزيد:- وشو ..
شهد:- من اللي عندك ..
يزيد :- بسم الله وش يدريك ..
شهد:- تو شفتكم ..
يزيد:- عساك انتي اللي تو عند الباب ..
شهد (ماتدري وش تقول ):- ايه انا ..
يزيد :- بس شكلك متغير ..
شهد (تورطت):-يمكن علشان عبايتي جديده ..
يزيد :- ايه اشوا حسبتك وحده ثانيه ..
شهد :- طيب اخلص من عندك ..
يزيد :- بعلمك لأني عارف انك بتزعجيني .. عندي بدر ولد عمي وحمد صديقي ..
شهد :- شكراً ..
يزيد:- يالله على هالقافه اشوفك استفدتي شي يوم عرفتي ..
شهد:- ههههه قلتها لقافه .. يله باي ..(مع العجله سكرت السمماعه في وجهه) ..
يزيد في نفسه اوريك بس تسكرين السماعه في وجهي ..
العنود:- من عنده ..
شهد:- لازم ..
نوره:- لا عاد يله قولي ..
شهد:- عنده بدر ولد عمو وواحد ثاني صديقهم مدري وش اسمه بندر لا لا بدر ..
العنود:- ههههههه الله من لقافتنا بس ..
شهد:- ماتدرون وش قالي بس..
نوره:- وش قالك ..
شهد:- يقول وش دراك قلت شفتهم قال عساك اللي توداخله قلت ايه .. لفقت الموضوع ..
العنود:- يعني يحسبني انتي ..
شهد:- لا ماكان بس انا قلت له علشانه قال وشلون شفتينا ..
شهد ناظرت العنود :- العنود وراك لابسه عبايتك الى الآن ..
العنود فطست ضحك على نفسها :- من اللقافه ..
:::
الساعه1 الليل ..يزيد :- شباب ماجعتو ..
حمد :- لاعادي ..
يزيد:- نطلب شي ..
بدر :- بما اننا اليوم في البيت خلونا ناكل شي من البيت ..
يزيد:- والله حلوه فكرتك .. والمطبخ الحين ما اتوقع فيه احد ..
حمد:- زين ..
يزيد يفكر شهد مستحيل تنزل لحالها تحت في المطبخ فيه فوق .. وافنان طالعه قبل ما اجي .. وامي عندها اليوم زواج .. فلّلّه البيت فاضي ..
يزيد :- يله شباب قومو نروح للمطبخ ..
حمد:- نخاف فيه احد ..
يزيد:- لا مافيه مني البيت فاضي ..
بدر:- واللي جت اليوم ..
يزيد:- لاصارت اختي وهي موب نازله ..
الشباب راحو من ورا الحوش علشان يوصلون للمطبخ ..
البنات كانو يستهبلون في المطبخ وضحك ..
نوره:- العنود شوفي كان المويه فاحت وانا بطلع الخبز من الثلاجه ..
العنود:- طيب ..
شهد:- وين الجُبُنْ ...
نوره :- طلعته ..
العنود :- شهد شبكي سلسالي انفك ..
شهد:- يله التفتي ..
(البنات سمعوو صوت ضحك وخافو .. سلسال العنود نشب في لبسها ..)
شهد:- في اصوات ..
نوره:- اي والله ..
شهد:- يله شكلهم وصلو هذولي يزيد واصدقاه ..
نوره وشهد والعنود ركضو لْجُوَى على طول بس العنود يوم ركضت الصندل حقها انفك وانفصخ ورجعت تلبسه وما امداها تلحقهم وتوزت ورى الباب ..
الشباب دخلو جوا المطبخ ..

** عند نوره وشهد **نوره :- مسكينه العنود ماجت ..
شهد:- اي والله ..
نوره :- تتوقعين شافوها ولا لا ..
شهد:- اكيد بتتوزى ..
نوره:- من جد موقفها محرج ..

+++في المطبخ ++
يزيد :- ماشاء الله اللمبات مولعه ..
حمد:- اكيد فيه احد قبلنا داخل ..
بدر:- ما اتوقع ..
حمد :- الا .. شوف المويه فايحه والخبز مولم والأشياء مطلعه ..
يزيد :- اكيد بس وينهم ..
حمد :- اخاف الجن ..
يزيد:- شكرا لهم ولمو لنا ..
بدر:- بسم الله علينا ..
العنود في هالوقت مررررره خايفه وهي متوزيه ورى الباب وتخاف تْطَلع اي صوت علشان مايدرون عنها ..
الشباب خذو الأشياء المولمه ..
بدر:- والله اننا نكته ..كل شي مولم ..
حمد:- اي والله ..
يزيد :- يله شباب بنطلع ..
بدر:- يله ..
حمد :- استنو بسويلي كبتشينو ..
يزيد :- موب فاضين تعال بس معنا شاهي ..
حمد:- مشتهيه طيب ..
يزيد:- براحتك .. حنا بنروح للملحق ..
حمد:- ولا احد بيجلس ..
بدر:- لآ عادي بنروح ..
حمد:- خلاص روحو شوي وأجي ..
يزيد وبدر طلعو من المطبخ .. ونوره وشهد كانو يراقبونهم يحسبونهم بس الي هم في المطبخ ..
شهد راحت للمطبخ ووراها نوره ..بيدخلون للمطبخ ..
>>في المطبخ <<
العنود بعد تحسبهم طلعو كلهم من المطبخ وطلعت من ورى الباب وهي منزله راسها وصقعت في حمد وطاح السلسال ..
هي انصدمت ماتوقعت ان فيه احد ورجعت على ورى وتصنمت ((ودرت انه حمد لأن شهد تقول فيه يزيد وبدر وحمد ... وهو مو يزيد ولا بدر ))
حتى حمد وقف قدامها منصدم " في نفس الوقت كان منهبل على جمالها ..
شهد (وهي شوي وبتدخل المطبخ) تتكلم بصوت عالي شوي :- يالعنود بنت خالد اطلعي من مخبئك لايوجد احد هوووناا ..
حمد كان يسمع الصوت والتفت ورا |عطاهم ظهره|..
نوره وشهد يوم دخلو تفاجئو وعلى طوول انحاشو ووراهم العنود ..
حمد قعد يفكر اجل اسمها العنود بنت خالد ياحلاتها والله .. حس ان مافيه احد التفت يوم جا بيطلع ويشوف السلسال طايح خذه وحطه في جيبه وطلع ..
وافاه يزيد ..
يزيد:- وراك تأخرت ..
حمد تورط :- لا ما تاخرت ..
يزيد :- وين الكبتشينو اللي بتسويه ..
حمد :- اصلاً ما أبي ..((من اأول ماقالها وهو عارف انه يكذب على يزيد مايدري وش يقول له )) ...
يزيد :- تو تقول انك تبي والحين تقول انك ماتبي ..
حمد:- لا مو قصدي بس ماعرفت ارتب الجمل .. قصدي مالقيته ..
يزيد :- مو مشكله .. رروح انت عند بدر وانا بآخذ سكر نسيناه ..
حمد :- طيب ..

* '......... عند البناااأآاإآاأات .........' *العنود هي مره مرتبكه عقب الموقف ..
شهد:- الحمدلله ماصار شي وهانت ..
العنود :- بس تخيلي على اعصابي ..
نوره :- من قدك ياحبيبتي شفتي احد مو مثلي ..
شهد :- هههههههه من تبين تشوفين يعني ..
العنود فاهمه نوره وش قصدها __تعاني يزيد__ ..
نوره:- الا انتي يالعنود ترا اللي شفتيه حمد .. لأن اللي طلعو يزيد وبدر ..
العنود:- أيه دريت ..
شهد:- خخخ عاد اول مره يدخلون بكل وثوق بالعاده يقولي يزيد شي ..
العنود قامت ..
نوره :- وش فيك قمتي ..
العنود:- بجيب لي مويه احس اني خلآص .. مدري وشلون اعبر عن شعوري ..
نوره :- اقعدي بس .. بروح اجيب لـــــــــــــــك ...
نوره راحت عنهم ودخلت المطبخ بتاخذ كاس .. يوم جت بتطلع الا يزيد جاااي داعس بياخذ السكر وصقع فيها وطاح الكاس اللي في يدها .. يزيد جته ردت فعل على طول من اول ماصقعت فيه الا هو حاط يدينه ورا ظهرها (زي ماتقولون ضمها) .. نوره ماتتخيل الموقف اللي صار لها قدام يزيد وفي احضانه .. يزيد استوعب الأمر وفك يدينه عنها وراح .. نوره مصنمه مكانها ماتتحرك منصدمه من اللي صآر ..
شهد والعنود يوم سمعو صوت الكاس اللي منكسر وجو طايرين لنوره ..
العنود:- وش فيك يانوره ..
نوره :- لا مافيني شي ..
شهد:- والكاس اللي منكسر ..
نوره((ماتدري وش تقول)):- لا .. بس دار راسي وطاح الكاس مني ..
شهد:- الحمدلله مادختي علينا ..
نوره خلاص حالتها حاله نَزَّلَت جسمها لتحت وقامت تشيل القزاز الللي منكسر .. وانجرحت جرح قوي وقامت يدها تنزف دم كثير .. البنات جابو مناديل ومسحو الدم لكنه مازال يسيل حاولو بجهد انهم يوقفون الدم لكن ماقدروا ..
شهد على طول دقت على يزيد وقالت له عن السالفه .. يزيد ولم السياره والبنات ركبو معه ..
يزيد ماقال لبدر وحمد عن اللي صار .. قالهم ان عندي مشوار ضروري ولا زم اروح الحين .. وهم ماسألوه وشو ..

|+*... في المستشفى ...*+|
نوره دخلت عند الدكتور..
نوره:- دكتور أحسني دآيخه مره ..
د.رائد :- لا .. حاولي تقاومين نفسك ..
نوره:- ما أقدر ..((وشوي شوي بدت تفقد الوعي))
الدكتور طلع برى ورآح للعنود ((لأنه شايفها كانت داخله معها للغرفه وطلعت))

*في إستراحة قسم النساء*شهد دقت على نوف مرتين ولا ردت
شهد:- وش فيها نوف ماترد ياربي .. >>ودقت على البيت <<وردو..
شهد:- السلام عليكم ..
مشعل :- وعليكم السلآم ..
شهد:- موجوده نوف..
مشعل:- أيه موجوده ..
شهد:- طيب نادها لي بسرعه وقول شهد تبيك ضروري ..
مشعل:- أنتي شهد أجل..
شهد:- أيه ..
مشعل:- طيب بناديها..
شهد:- الله يخليك بسرعه

% في بيت أبو لؤي %

كانت نوف في غرفتها تتصفح النت .. >> الباب يطق ..
نوف:- ميييين ..
مشعل :- انا مشعل أفتحي ..
نوف:- موب فاضيتلك ..
مشعل :- والله شي ضروري ..
نوف:- وشو قله ..
مشعل:- موب فاتحه يعني ..
نوف:- أيه ..
مشعل:- شهد على التلفون تبيك ضروري ..
نوف ((شهد وش عندها وضروري)):- طيب طيب..
رآحت للصاله ورفعت السماعه ..
نوف:- هلآ شهد ..
شهد:- هلآ بك .. دقيت عليك مرتين ولا تردين ..
نوف :- كنت حاطته على الصامت ونسيت ..
شهد:- مره ثانيه لا تنسين ..
نوف:- طيب .. يقول مشعل في شي ضروري وجيت طايره ..
شهد:- أيه .. صح نوره عندنا..
نوف:- أيه عندكم.. وش فيها..
شهد:- أنجرحت والحين حنا وياها في المستشفى العنود وأنا ويزيد ..
نوف:- طيب في أي مستشفى على شان نجي ...
شهد :- حنا في مستشفى ******* بس لاتجون انشاء الله بنطلع بعد نص ساعه واذا جا شي جديد بأقولك ..
نوف:- خبصت قلبي الحمدلله مو شي كايد ..
شهد ((ماتأكدت من أن نوره طيبه مره وحبت تخفف على نوف )) :- انشاء الله .. وبعدين وخري الصامت على شان أدق عليك ..
نوف:- طيب ..
من أول مانوف سكرت السماعه رآحت بتعلم أمها بس لقتها نايمه وخافت تقومها لأن الوقت متأخر3 الفجر ..
جلست في الصاله وهي داقتها هاجوسه في أختها وخافت عليها ..
:- وين عمتي وين رحتي له ..
نوف:- بسم الله روعتني ..
خالد:- وأنا جني ..
نوف :- لا بس جيت فجأه ..
خالد:- طيب تو من كنت تفكرين فيــــــــــــــــــــــه ..
نوف ((تتكلم بصوت منخفض شوي )):- تو شهد دقت علي وتقول أنهم ودو نوره المستشفى أنجرحت ..
خالد *نبرته زادت شوي*:- في المستشفى *خففها* طيب ليش ماقلتي لي من أول علشان نروح لها ..
نوف:- تقول شهد نص ساعه وبتجي انشاء الله ..شي مو كايد .. بس ماصدقتها أحس فيه شي ..
خالد:- لا انشاء الله دامها ماقالت فيه شي .. انشاء الله خير .. طيب قلتي لم أبوي وأمي ...
نوف:- لا ماقلتلهم خفت أقومهم ويخافون عليها زواده ..
خالد:- زين ماسويتي ..وأبجلس هنا معك ألين تجي نوره ..
.......

[سكوُوُن الليل]

*في إستراحة قسم الرجال *

كان يزيد يهوجس في نوره وفي نفس الوقت كآن خايف عليها وخايف يصير لها شي .. قطع هواجيسه رنة الجوآل
حمد << يتصل بك ..
حمد:- هلا والله ..
يزيد:- هلآ بك ..
حمد:- يزيد.. ورى صوتك متغير ..
يزيد:- صوتي .. ماتغير ولا شي ..
حمد:- طيب وش فيك تأخرت علينا ..
يزيد :- آسف .. بس كنت طالع أودي بنت عمي نوره المستشفى أنجرحت ..
حمد((كان يحسب أنها العنود وأرتاح يوم سمع أسم نوره )):- سلامتها وماجا شر انشاء الله ..
يزيد :- انشاء الله ...
حمد:- أجل حنا الحين بنطلع من البيت..
يزيد:- آسف تأخرت لا تآخذوني تركتم في البيت لحالكم ..
حمد:- وش ذا الكلآم يايزيد .. ولازم الواحد يقدر ظروف اللي معه وخاصة أنك صديقي واذا انت جاك ظرف وزعلنا بكره حنا بيجينا .. وبيتك مثل بيتنا ... ومابي أسمع هالكلآم مره ثانيه ..
يزيد:- الله يجزاك خير ..
حمد:- وياك .. وماطول عليك مع السلامه ..
يزيد:- مع السلامه ..
........
نوره كان مغمى عليها ..
الدكتور يكلم العنود :- لو سمحتي أختي في أحد جاي معها أبوها أخوها ..
العنود:- أيه في أحد ..
د.رائد:- وين هو ..
العنود:- طيب البنت فيها شي ..
د.رائد:- لا شي بسيط ..
العنود:- هذا هو >>وأشرت على يزيد ..
د.رائد:- شكراً لك ..
العنود وشهد دخلو عند نوره ..
الدكتور رآح عند يزيد..
د.رائد:- السلام عليكم ..
يزيد:- وعليكم السلام
د.رائد:- أنت قريب الأخت نوره ..
يزيد:- أيه ..
د.رائد:- مممكن تتفضل معي للغرفه
يزيد:- طيب
>>راحو لغرفة الدكتور<<
د.رائد:- تفضل أخوي أستريح..
يزيد:- طيب.. البنت فيها شي
د.رائد:- لا بسيط
يزيد:- وين بسيط وأنت جايبني هنا..
د.رائد:- ريح بالك أخوي ..السالفه ومافيها بصرآحه .. أن الأخت نقصت دم كثير من الجرح وأغمت علينا..
يزيد +خآآآآآآآآآآآف+ :- الحين مغمى عليها ..
د.رائد :- أيه .. ولا زم بأسرع وقت أحد يتبرع لها بالدم ..
يزيد & أنا كلي ودمي فداك يانوره & :- طيب مو مشكله يادكتور أنا بأتبرع ..
د.رائد:- أجل تفضل معي ..
يزيد:- ابشر ..
.......
.......في بيت أبو لؤي......

خالد:- نوف مرت ساعه ألا ربع ولا جت نوره ..
نوف:- أي من ساعه وأنا أناظر الوقت بس خفت أقولك وتقولي لا تتوهمين شي ..
خآلد:- طيب مين اللي موديها المستشفى ..
نوف:- على كلآم شهد يزيد هو اللي موديهم ..
خالد :- طيب أتصلي على شهد وشوفي يمكن هم بالطريق ..
نوف :- أبشر .._ودقت_
نوف :- هلآ ..
شهد:- أهلين ..
نوف:- وش صآر على نوره وش أخبارها بتجون الحين ..
شهد (تورطت وقالت لازم أقولها):- لا مو جايين الحين ... لأنها خسرت دم كثير وأغمى عليها ..
نوف:- أغمى عليهااا .. أجل بنجي الحين .. باي ..
شهد:- باي ..
خآلد :- وش الللي أغمى عليها ..
نوف وقفت :- تقول خسرت دم كثير وأغمى عليها ..
خآلد:- بسم الله على أختي .. يلّه روحي البسي عباتك تراي عند السياره ..
نوف :- مو نعلم أمي وابوي قبل ..
خآلد :- موب لازم .. يلّه بسرعه ..
نوف:- ثواني بس أجيب عباتتي ..

((طلعوو من البيت ))
..................
 في المستشفى 

**خالد ويّا نوف رآحو وسألو عن نوره..
خآلد :- لو سمحتي أبي اعرف عن نوره حمد بأي غرفه ..
:- نوره حمد .. أيه بغرفه 152 قدام على يسار ..
خآلد:- شكرا ..
:- هذا واجبنا أخوي والعفو ..
رآحو عند نوره ودخلو عليها والبنات العنود وشهد طلعوو ..
**يزيد وهم يسحبون منه الدم كآن يفكر في نوره وده يشوفهاا مرره لكن مايقدر ..وقآعد يهوجس ..

يسالوني ليه احبك حب ماحبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
علميهم يالحبيبه .آه يا اغلى حبيبه
يسالوني ليتهم مثلي يعيشون الهوى
الاصابع في اليدين الواحده ماهي سوى
عندهم حبك طبيبعي وعندي فوق المستوى
فهميهم يالحبيبه .آه يا اغلى حبيبه
يسالوني وانتي اكبر من سوالفهم جميع
وانتي اجمل ما خلق ربي بهالكون الوسيع
ودي اتلاشى بدون عيونك الخجلى اضيع
اعذريهم يالحبيبه ..آه يا اغلى حبيبه
علميني ليه احبك حب ما حبه بشر
وليه انتي في حياتي شمسها وانتي القمر
وليه صوتك لا وصل صحراي يملاها الزهر
اعذريني يالحبيبه ..آه والله حبيبه

د.رائد :- يزيد ..
يزيد:- ............
د.رائد :- يزيــد ...
يزيد أنتبه :- نعم ..
د.رائد :- وش فيك ماترد ...
يزيد:- لا مافيني شي ..
د.رائد :- اوكي .. ((عطاه عصير))أخذنا كمية كافيه من الدم تقدر الحين تروح عندها ...
يزيد:- ياليت ..
د.رائد :- عادي الحين تقدر تدخل لها ..
يزيد:- قصدي موب كذا ..
د.رائد :-أجل وش قصدك ..
يزيد :- أنا ما أفتش لها ..
د.رائد :- آسف ماقصدت .. بس الحين خلصت مهمتك تقدر تطلع ..
يزيد:- لا عادي .. مع السلامه
د.رائد :- مع السلامه..
.....
.. في بيت أبو لؤي ..

أبو لؤي قآم يصلي الفجر ورآح بيقوم عياله وبناته ..
دخل غرفة خآلد ولا لقاه .. وبعدين رآح لغرفة نوف ولا لقاها وبعدرآح لغرفة نوره ولا لقاها ..
أبو لؤي:- العيال مهب في غرفهم..
أم لؤي:- يمكن هم تحت ..
أبو لؤي :_ أقولك البيت هادي ..
أم لؤي:- متأكد ..
أبو لؤي:- أيه متأكد لا خآلد ولا نوف ولانوره وين راحوله ..
أم لؤي:- أمس نوره رآحت عند شهد .. هذا اللي أعرفه ..
أبو لؤي:- وماشفتيها رآجعه ...
أم لؤي:- لا ماشفتها لأانها دايم تتأخر اذا رآحت عند البنات ونمت ..
أبو لؤي:- طيب ..
ودق على خآلد ..
خآلد :- هلآ بأبوي ..
أبو لؤي :- هلآ بك .. بس وينك فيه ..
خالد (( ناظر نوره )) :- أنا في المستشفى مع أخواتي ..
أبو لؤي أرتاع وش عندهم بالمستشفى :- وش عندكم هناك..
خالد :- نوره تعبانه ومغمى عليها الحين ..
أبو لؤي:- ليه ماقلت لي طيب انكم رايحين ..
خالد:- كنتم نايمين أنت وأمي ..
ابو لؤي:- طيب .. وينكم بأي مستشفى ..
خآلد:- في مستشفى ******* ..
أبو لؤي:- وش قال فيها الدكتور ..
خآلد :- أنا توني مالي الا نص ساعه جآي والحين بروح وأعرف وش فيها بالضبط ..
ابو لؤي :- أيه اعرف وقلي تراني أحتريك ..
خآلد:- أبشر منتب جاي ..
أبو لؤي:- دامك معها يكفي ..
خآلد :- طيب ..
ابو لؤي:- مع السلامه ..
خآلد:- فمان الله ..

أم لؤي :- وش صار ووش المستشفى ..
أبو لؤي:- نوره تعبت عليهم وراحو بها المستشفى << كآن ما يعرف التفاصيل ..
أم لؤي:- بسم الله على بنتي يالله خلنا نروح لها ..
أبو لؤي :- لا ماله داعي عندها أخوها وأختها واذا جا شي كايد رحنا لها ..
أم لؤي:- والله قلبي يتقطع على بنتي لازم اشوفها وأعرف وش فيها ..
أبو لؤي:- خآلد بيقولي وش فيها وأنت روحي لها الساعه 10_11 الحين ريحي بالك ...
أم لؤي:- ما أقدر ..
أبو لؤي:- قلت خلاص روحي لها بعدين ..
أم لؤي:- طيب ...

..........
 في المستشفى 
*** خالد رآح وسأل عن دكتور أخته وقالوله ..
خآلد :- السلآم عليكم ..
د.رائد :- وعليكم السلآم أي خدمه
خآلد:- لا بس حبيت أسأل أنت ماسك حالة الأخت نوره
د.رائد:- أيه أنا
خآلد:- وش صار فيها
د.رائد :- انت وش تقرب لها
خالد:- أخوها
د.رائد :- هي نزفت دم كثير وقررنا احد يتبرع لها
خالد:- انا بتبرع
د.رائد :- مبكر أخوي
خالد:- ليه
د.رائد:- في وآحد أسمه يزيد جا وتبرع لها
خالد (( يزيد .. إيه يزيد ولد عمي هو اللي جايبهم )) :- يزيد
د. رائد:- أيه يزيد .. والحين بنعوض دمها اللي رآح ..
خالد:- شكرا دكتور
د.رائد:- عفوا
خالد طار عند عند غرفة أخته ولقى يزيد قاعد في الكرآسي اللي جنب الغرفه ومسند رآسه ..
خالد وهو يناظر يزيد ((في نفسه))++ آآه يا زياد ما أتوقع أنك بتصير لنوره وَبَتْأَسَّفْ لك لأن يزيد صار ملك نوره حتى دمه عطاه أياها .. صح أنت صديقي وروحي بس مالي راي بهالسالفه ++..
خالد:- يزيـــــد ..
يزيد مسند راسه ومغمض عيونه ومايدري من يكلمه :- نعم ..
خالد:- يزيد أنا خالد ..
يزيد قام:- هلآ بك ..
خالد :- انت صح اللي جايبهم .
يزيد:- أيه ..
خالد:- وش صار بالتفصيل ..
يزيد :- لا بس وانا جالس في البيت دقت علي شهد وقالت ان نوره منجرحه وتنزف انا قمت ووديتهم للمستشفى هي ونوره والعنود خفت أوديهم مع السواق في الليل وجبتهم في المستشفى وهذي شوفتك ..
خالد:- نسيت شي ..
يزيد:- لا مانسيت ..
خالد:- يزيد والدم ...
يزيد :- أيه .. قال الدكتور لي أن الحاله مستعجله ولازم احد يتبرع لها وتبرعت لهاا ..
خالد:- الله يجزالك خير .. وأتوقع ان نوره الحين صارت جزء من حياتك أكثر من أول ..
يزيد:- أي والله ..
خالد ((ايه يازياد رآحت عليك حب الطفوله )) :- يالله اناطالع عند أختي وانت خلاص رح لبيتكم ومشكور..
يزيد بردة فعل وزاد صوته شوي :- موب رايح ورجلي على رجل نوره ..
خالد:-خير اشوفك طولتها بزياده تراك موب محرم لها بس عشانك تحبها حسيتها ملكك ..
يزيد تورط :- آسف ما كان قصدي..
خالد:- نمشيها لك هذي المره .. وتقدر تروح الحين واي شي جديد بقولك لا تخاف ..
يزيد:- وعد ..
خالد:- وعدين .. والله يجزاك خير تعبناك معنا ..
يزيد:- تعبكم راحه ومع السلامه ..
خالد:- مع السلامه ...

يزيد مر من عند أخته ..
يزيد:- يلّه شهد مشينا ..
شهد:-طيب ..
شهد والعنود رآحو مع يزيد ومرو بالعنود على بيتهم ونزلوها وهم راحو لبيتهم وصلو تقريبا الساعه 6 الصباح..

................
** الدكتور دخل على غرفة نوره ..
د.رائد ((خآلد)):- أخوي ممكن تطلعون ..
خالد:- ليه ..
د.رائد:- لأننا بندخل الدم فيها .. ومالكم حاجه هنا .. البنت مغمى عليها ماتحس باللي حولها ..
نوف كانت فيها العبره ومحزنه على أختها خايفه يصير شي أقوى لها.. يوم دخل ادكتور وتكلم بكل بروده صاحت وخالد درى عنهاا ..
خالد :- طيب طالعين .. واهتم بحالتها يادكتور ..
د.رائد:- هذا واجبنا ..
خالد:- شكرا ...
خآلد مسك يد نوف وطلعوو ..
خالد:- نوره وش فيك ..
نوف مسحت دموعها :- لا مافيه شي ..
خالد:- والدموع اللي أشوفها ..
نوف:- قلت مافي شي ..
خالد:- ادري عنك .. بس نوره انشاء الله موب جايها شي وادعي لهاا ..
نوف:- أكيد موب جايها شي ..
خآلد:- العلم عند ربي بس لازم توثقين فيه وتتوكلين عليه ..
نوف:- أنشاء الله ..
خالد:- مابي أشوف هاذي الدموع على أختي فهمتي ..
نوف استانست من كلآم أخوها :- طيييييييييييب ..

*** الدكتور عالج نوره جت الساعه 3 العصر وقامت نوره ..
في غرفة 152 كآنت نوووووووره ..
نوره :- وين أنا فيـــــــــه ..
أم لؤي صاحت :- يابنيتي انتي هنا عندي في المستشفى ..
نوره تناظر اللي حولها :- ليـــــــه في المستشفى ..
نوف باست يد أختها وجلست جنبها :- الحمدلله على السلامه يا أغلى نوره وتوني أدري أنك غاليه عندي كل هالقد..
نوره تناظر نوف وفيها الضحكه :- ليه انا أول مو غاليه ..
نوف تورطت :- الا من أول وأنتي غاليه بس خفت عليك ..
مشعل:- نوره ليش مانمتي عندنا أمس ..
نوره :- والله علمي علمك بس وش أسوي ..
أم لؤي:- بنيتي أرتاحي لا تجهدين نفسك زواده ..
نوره حطت راسها على الوساده ورفعت السرير جهة الراس :_ هاذاني رقدت ..
خآلد :- وأنا وين رحت تراني هووناا ..
نوف :- ندري من الصبح أنك هوونااا ..
خآلد :- يقول الدكتور يمه تقدر تطلع نوره اليووم ..
أم لؤي :- أجل يله خلنا نطلع تعالي ..
خآلد :- وش فيك مستعجله يقول لحد الحين طيبه ونقدر ناخذها لكن بيسوي لها فحوصات اذا صارت سليمه بتطلع ..
نوف:- ياحظي بسوي حفله ..
مشعل:- بتجيبين كيكه ..
خالد يتطنز على مشعل ووقف وراه :- بتجيبين حلآو ..
الكل ضحك عليهم ..
نوره :- وش دعوى نوف اللي يشوفني جلست شهر ..
نوف:- بسم الله عليك .. بس ياطول هاليوم علي ..
++دخل عليهم لؤي ومعه بوكيه ورد ++
لؤي:- الحمدلله على السلآمه يا أحلى نوره وهذي لك ..
نوره :- وش دعوى هالكلافه ..
لؤي:- وانالي كم أخت ..
نوف:- ثنتين ..
خالد:- ههههههههههه ..
نوره :- والله توي ادري كلكم انا غاليه عندكم هالقد .. بس وين أبــــــــوي ..
أم لؤي:- أبوك اليوم مشغول عنده أجتماعات مهمه في الشركه مع عمك أبوزياد ..
نوره :- معذور ..
لؤي:- طيب متى بتطلعين ..
خالد:- توني قايلهم متى ..
لؤي:- متى ...
خالد:- اليوم ..
لؤي:- زيـــــــــن ..
كملو سواليفهم ونوف وخالد ومشعل وأم لؤي طلعوو (((((خالد ونوف كانو دايخين))ولؤي جلس عند أخته ..
الساعه 6 المغرب الباب يطق ..
لؤي:- تفضل ..
برى الغرفه ..
ديما :- لؤي هنا وش اسوي ..أرجع للبيت .. ولا ادخل والله مستحيه ..
فجأه أنفتح الباب ..
لؤي داري ان ديما بتجي ..
لؤي :- السلام عليكم <<ومد يده لديما ..
ديما تورطت ماتدري وش تسوي ومدت يدها ..
ديما:- وعليكم السلآم..
لؤي:- وش اخبارك ..
ديما :- الحمدلله طيبه ..
لؤي:- جعلها دووم ..
ديما:- تدوم .. وانت وش اخبارك ..
لؤي :- دامك طيبه وشهوله أتعب ..
ديما :- يلّه انا بروح أشوف نوره ..
لؤي:_ وانا بدخل معك ..
ديما ماتدري وش تسوي ضاعت || ودخلو الغرفه||
نوره :- لؤي من ساعه وانت طالع وش قاعد تقولون ..
لؤي:- وش دخلت هذي زووووجتي ..
نوره:- واذا توكم ماتزوجتو بس متملكين ..
لؤي:- أقول اسكتي بس هذي زوووووجتي ((التفت لديما)) صــــــــــــح ..
ديما :- .........
لؤي عصب :- صح ياديما ولا لا ..
ديما:- صح ..
لؤي:- شفتي ..
ديما ماتدري وش تسوي ::- الحمدلله على سلآمتك ..>>وعطتها بوكيه الورد ..((زي حق لؤي نفس الذوق .
نوره:- قلبوو وش حادك على الكلافه .. بس شوفي انتي ولؤي نفس الشي ..
لؤي على طول شاف نظرات ديما وديما على طول شافت نظراته ..
نوره:- سبحان الله نفس الأذواق تصلحون لبعض ..
لؤي :- سبحاان الله ..
ديما :- يلّه أنا أستأذن ..
لؤي :- مبكر ..
نوره :- لؤي هي جايه لي مولك ..
لؤي وده يضحك على نفسه وتعابير وجهه تضحك :- وش يدخلك ..
نوره:- رجعناا ..
ديما :- يلّه مع السلامه ..
نوره :- مع السلامه ..
ديماا طلعت من الغرفه ..
لؤي يكلم نوره :- شفتي ليش خليتيها تطلع ..
نوره:- طيب الحقها ..
لؤي:- بخليك لحالك ..
نوره :- أقول بس رح وودها البيت وأنا بنام ولا تروح مع السواق لحالها ..
لؤي ماصدق خبر وطار برى الغرفه ..
نوره:- هههههه والله مهبوول على ديما صدق ..
نوره <<درت ان يزيد هو الللي متبرع لها بالدم<< .. والله وش أسوي مع زياد شكلي برفضه ولازم يصير وبقول
لأبوي اذا رجعه وهذا هو القرار ..
**لؤي لحق ديما ومسك يدها ..
ديما بطبيعة الحال ردة فعلها وخرت يدها ..
لؤي رجع ومسك يدها :- لاتخافين أنا لؤي ..
ديما ناظرته :- طيب موب لازم تمسك يدي ..
لؤي:- وش دعوى ياقلبي أنتي وروحي ..
ديما:- قدام الناس ..
لؤي:- وبعد برجعك لبيتكم عندك مآنع ..
ديما ماتدري وش تقول :- لا أنا برجع مع السواق ..
لؤي عصب :- يعني السواق أقرب مني ..
ديما تورطت ماتدري وش تقول :- لا موب اقرب ..
لؤي:- أجل بوديك بوديك ..
.
.
.
.

أنتظروني في الجزء الثآني من الفصل الثالث

((والله الأجزآآء حقتي مرررررررره كثيره:65: ))

مآرآح أنزل أليين مآ أشوف تفآآعل يآآحلوين

[سكوُوُن الليل]

أعذرووني

مآ أقدر أنزل أي جزء

هونااا ..

<< والله مآآفي تفآآعل

إذا شفت تفآعل بنزل

..

^_^

[ضحكة حياتي]

رائعه يعطيك العافيه

[سكوُوُن الليل]

مجنوووووووونهـ حنونه

أسعدتي قلبي على توآجدك
والأروع توآجدك