المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
26-10-08, 02:44 PM
| #6 |
| |[ عـضـو فـعـال ]| الدولة:  |  رد: روآية .. من كثر مآني أحبك صرت أخآف البعد عنك .. من كتآبآتي يسلموووووووووووووووووووووووووووووووو قلبو بقراءها وارد عليك |
|  |
|
26-10-08, 04:50 PM
| #7 |
| |[ عـضـو جـديـد ]| الدولة: |  رد: روآية .. من كثر مآني أحبك صرت أخآف البعد عنك .. من كتآبآتي فين باقي القصه |
|
| |
|
28-10-08, 06:19 PM
| #8 |
| |[ عـضـو مـشـارك ]| الدولة: | رد: روآية .. من كثر مآني أحبك صرت أخآف البعد عنك .. من كتآبآتي العآشق الرومنسي تسلم خيوو على الرد وأنشاء تتوىصل مع القصه جوريه وبالدلع مرويه أنتظر عودتك كـ على طول ـول تآآبعي فقط وبتشوفين المزيــد ............. |
|
| |
|
28-10-08, 06:31 PM
| #9 |
| |[ عـضـو مـشـارك ]| الدولة: | رد: روآية .. من كثر مآني أحبك صرت أخآف البعد عنك .. من كتآبآتي . . . الفصل الثاني .. الجزء الاول : نوف :- الحقنا .. لؤي (وهو مرتاع على اخته ) :- وش صار .. نوف :- شباب قاعد يلاحقونا من يوم افترقنا عنكم ولا درينا عنهم الا من شوي .. لؤي(اشتغلت الحميه) :- ابشري انتم وينكم فيه بالضبط .. نوف :- عند كوفي (.....) الله يخليييييك استعجل .. مع العجله صكر السماعه في وجه اخته وقال لعيال عمانه ولحقوه .. الشباب ناظرو اخواتهم من بعيد عندهم 3 شباب واسرعو في مشيتهم .. وصلو اخيرا عند الشباب .. وشلة شباب المغزلجيه يقولون للعيال يوم شافوهم :- وش عنكم .. هذولي لنا قبلكم حاجزينهم .. صدق قلة ادب حتى البنات قامو ينحجزون .. العيال فارو من اللي قدامهم .. ولؤي ما استحمل وعطى اللي تكلم بقس قدام الناس وبدا الطقاق بين الشباب .. طبعا ما امداهم ياخذون بالثأر منمهم الا والسكيورتيين اللي في السوق فاكين الهوشه اللي بينهم والناس بس مطيرين وجيههم .. الشباب اخذو اخواتهم وطلعو من السوق .. سلطان وروان مع بعض .. و لؤي ونوف ونورهوديما والعنود مع بعض والشباب مع بعض .. في سيارة سلطان وروان بعد بعدوو شوي عن السوق : روان :- الا محمد ومشعل من ماخذهم ،.. هم جايين معنا .. سلطان :- مدري بشوف .. دق سلطان على محمد وتأكد انهم بالسوق .. سلطان :- برجع نسيناهم في السوق .. روان :- انا فاقدتهم ماشفتهم طالعين معنا .... سلطان :- يسلم لي هالحرص كلللله يالغلآ .. وليته كله لي بس انا .. روان :- عاد لاتصير طماع .. سلطان :- وليه ما اصير مو انت زوجتي .. وحمرت خدود روان (زواجهم ماله الا سنه) .. ****** في الكرنيش الساعه 3 الفجر كانو بيرجعون للفندق كلهم ... وفجأه قعدووو يدورون جود اخت ديما الصغيره وما لقوها يعني ضايعه .. ديما كانت متعلقه في جود اختها الصغنونه بشئ غير طبيعي واخذت تبكييي وبس وتقول .. ديما :- الا جود الا جود (وتصارخ) جووووووووود .. طبعا في هالوقت ما كان احد منتبه لها ابد كانو كلهم يدورونها .. لؤي كان متحمس في تدوير جود وخصيصا يوم درى انها غاليه كثير عند ديما .. فكر لؤي بفكره واخذ سيارته وبعد شوي عن المنطقه اللي اهم فيها وقام يدورها .. ومع التدوير وسؤال الناس اللي جالسين لقاها .. كانت راقده على الثيل وتبكيي .. لؤي تقطع قلبه من جد من المنظر اللي شاف فيه جود كانت ضايعه ومبعده عن المنطقه اللي هم فيها يعني صار لها تمشي وهي ماتدري كثيــــــــــر .. لؤي شال جود وراحبها جهت السياره وقعد يكلم عمه انه لقاها وبيجيهم في الطريق .. من الجهه الثانيه عند العايله كانت ديما واقفه تنتظر سيارة لؤي تجي .. وصل لؤي ونزل من السياره وهو شايل جود (صاير لهم وهم يدورونها ساعتين وغير الوقت اللي هم مادرو هي ضايعه فيه).. ديما اول ماشافت جود اخذتها من لؤي (في ذاك الموقف ديما زاد اعجابها بلؤي ) وقامت تقول للؤي .. ديما :- مشكوور الله يعطيك العافيه .. لؤي :- وش دعوى هذا واجبنا.. ********* بعد اسبوع من رجعتهم للرياض فكر لؤي باللي كان يدور ايام السفر طووول الوقت وهو يفكر فيها .. واخيرا لقى الوقت المناسب ودخل على ابوه في مكتبه .. لؤي يطق الباب .. ابو لؤي:- تفضل .. لؤي :- زاد فضلك يالغالي .. دخل لؤي وجلس في الكرسي المقابل لابوه وهو مرتبك .. ابو لؤي :- شكل وجهك يبين لي ان فيك شي .. لؤي :- القلوب لبعضها يايبه .. ايه عندي شي .. ابو لؤي :- تكلم وانا بسمعك .. لؤي :- ان قررت يبه اكمل نصف ديني واتزوج .. ابو لؤي:- وهذي الساعه المباركه اللي اشوفك فيها عريس .. لؤي :- تسلم .. ابو لؤي :- ومن هي سعيدة الحظ .. لؤي :- بنت عمي خالد .. ابو لؤي :- اي وحده .. لؤي :- ديما ..(قالها وهو بيتقطع من الفرح والوناااااااسه) .. ابو لؤي :- ابشر ياولدي وبشوف اقرب وقت واخطبها لك من عمك .. لؤي :- بس ماسألت امي .. ابو لؤي :- تدري عاد تراها موافقه وهي اصلا مكلمتني في هالموضوع قبل مانسافر واجلته .. لؤي قام وحب راس ابوه :- مشكور يا اغلى ابو بهالدنيا كلها .. ابو لؤي :- الله اعلم ماتكون بس هذي مصالح .. لؤي :- ههههه افا يبه انت ابوي ومستحيل يكون مصلحه بيننا .. لؤي طلع من مكتب ابوه وهو متشقق وطاير من الفرحه وهذا باين على وجهه وشكله ناوي يرقص عقب الخبر .. الا وتوافيه اخته نوف .. نوف:- ياعمي على هذي الفرررررحه وش عندك .. لؤي :- وش ماعندي بسس .. نوف:- حمستني وشو .. لؤي :- بخطب ديما .. نوف وهي تهلل وتبااارك ومعها الزغاريط .. نوره يوم سمعتها جتها طااايره .. نوره:- وش عندكم وانتي يانويف وشهوله هالهجه .. لؤي :- بخطب .. نوره :- مبرووك .. لؤي :- ترى توه ماصار شئ ولا رحنالهم بس قلت لأبوي .. نوف :- ما اتوقع تقبلك ديما .. لؤي :- ليه انشاء الله .. نوره :- ايه ما اتوقه تبيك .. لؤي تغير لون وجهه .. واخواته هم ادرى بالبنت منه .. نوف ونوره :- ههههههههههههه مخفه صدق هههههههههه لؤي :- خبصتوني تكلمو صدق .. نوره :- الصدق الصدق انها 100% ما اتوقع انها ترفضك .. لؤي يوم سمع كلا م اخته تخبل وطلع برى البيت .. صدق كان فرحااان ومستانس .. بتقطعه الوناسه .. .... في نفس هالوقت بالضبط كان خالد وزياد طالعين يتمشون بين شوارع الرياض وبالأخير راحو للكوفي شوب .. زياد كان مستانس حيــل على شان سالفة انه بيخطب رسمي نوره وهو في حواره مع خالد .. زياد :- تراني مستانس حيـــــل .. خالد :- ونسنا معك .. زياد :- ولا بعد انت اولهم .. خالد :- الدعوى فيها اولهم وآخرهم قل وش عندك .. زياد :- لابس نويت اخطب اختك المصون وبأقول لأبوي اليوم وبنخطبها رسمي .. خالد ضاق صدره يوم سمع زياد وتذكر كلامه قبل اسبوع في الشرقيه مع يزيد انه كان يبي يخطبها بس كان مخطط يكمل الدراسه ويتوظف ويخطبها .. احساس خالد كان عجيــب محتار بين حب يزيد الجنوني لأخته ومن طرف ثاني زياد .. زياد:- يابو الشباب وين رحت له توقعتك بتستانس .. خالد:- الا والله مستانس بالنسيب.. بس احس فيه شي غلط .. زياد :- وشهو الغلط .. خالد :- لو ادري وشو كان قلت .. بس احساسي مدري وش فيه خاني هالمره .. زياد :- اقول بس ونس نفسك واستانس ولاتهمك الدنياا كثيــــر.. خالد :- صدقت والله .. ...... من جهه ثانيه ابو لؤي تواعد مع ابو زياد انه بيزوره بكره .. بس ماعلم لأيش هو جاي .. وزياد من جهه ثانيه يوم رجع البيت لقى امه وابوه جالسين في الصاله.. سلم عليهم زياد وحب روسهم .. زياد :- يبه يمه عندي لكم موضوع يخصني .. ابو زياد :- خير انشاء الله .. ام زياد :- كني عرفته .. صح ودك تـ.... قاطعها ابو زياد :- قل وش عندك .. زياد:- يبه انا انا .. ابو زياد :- وشو حرقت اعصابي .. زياد:- انا ابي اتزوج ... ام زياد :- الام سبحان الله قلبها عند ولدها .. ابو زياد :- ومن هي اللي ودك بها .. زياد :- نوره بنت عمي حمد.. ابو زياد سكت شوي وقال :- موب كنها صغيره عليــك .. زياد :- بس انا ابيها .. ابو زياد :- ماشاء الله بنات عمك كثار وكل وحده ازين من الثانيه .. ماودكك تشوف وحده غيرها .. زياد :- القلب وما يهوى يبه .. ام زياد:- خله على راحته يا خالد لاتضغط عليه .. ابو زياد عطى حرمته نظره معناها اسكتي :- ان ياولدي ابغى مصلحتك هذي البنت صغيره عليك ..ورى ما تاخذ اختها نوف .. زياد :- .................................................. ............(ساكت ومنزل راسه وكأن حلم من احلامه تلاشى قدام عيونه وهو مايقدر يسوي شئ غير السكووت).. ابو زياد :- انا قلت كم مره احب عيالي وابغى مصلحتهم ونوف انسب لك من نوره ..فكر بالموضوع دامك ناوي تتزوج .. ... |
|
| |
|
28-10-08, 06:41 PM
| #10 |
| |[ عـضـو مـشـارك ]| الدولة: | رد: روآية .. من كثر مآني أحبك صرت أخآف البعد عنك .. من كتآبآتي . . . * . . . الجزء الثاني : يادنيانا من الغالي حرمتينا بقت كلمه بخواطرنا بعدنا لا ماقلناها وعلى غفله من الفرحه .. يافرقانا سرقتينا حكايتنا مع الغالي بعدنا ماكتبناها لنا غنوة فرح عيت حروفك لاتخليها تغنيها وهو ياما بصوته قال وغناها !!؟.. رسمنا الحلم بعيونه وبالغنا امانينا اثارينا >نعيش اوهام < بنتعب ما وصلناها .. ....... زياد راح لغرفته وهو متحطم على الآخر اول مره يحس انهـ فيه الصيحه .. اخذ جواله ودق على خالد .. خالد :- هلا والله .. زياد :- هلابك .. خالد(مستغرب) :- وش فيه صوتك مو على بعضك .. زياد :- لاماافيه شئ .. خالد (حس فيه شئ) :- تراني اعرفك .. زياد :- خلآص .. خالد :- يله تراني بمرك عشر دقايق وانا عندك .. (وقفل السماعه بوجهه ) زياد "اقوله ولا ما اقوله بس انا ابيها ومستحيل اهلي يوقفونها عن طريقي والله احبها " دارت هذي الافكار في راسه وانسدح على السرير ... بعد خمس دقايق جواله يرن .. خالد :- يله زياد تراني استناك برى .. زياد :- ... ....... البنات كانو مجتمعين عند افنان وشهد .. اول من وصل نوف ونوره لقو ام سلطان جالسه بالصاله وسلمو عليها وما ردت لهم السلآم .. نوره (تحاكي نوف بصوت خفيف):- قلت لك ذي ماتستحق الحشيمه .. نوف:- اهم شئ سوينا الواجب .. نوره:- تسمين هذا واجب في حقها .. افنان وشهد كانو توهم نازلين من فوق .. افنان :- هلا والله ... شهد :- وانا اقول وش فيه البيت منور .. نوره :- منور بوجودكم .. في نفس هذا الوقت دخلت العنود وديما وسلمو على البنات ..وأم سلطان كانت طبلونها واصل حده ماتحملت وراحت في غرفتها .. البنات جلسو بالصاله وسواليف ويتقهوون .. ديما :- الا وين روان .. افنان :- دقت واعتذرت تقوول انها مشغولهـ .. :- بهووووو .. افنان (مصدومه) :- بسم الله انت جني ولا انسي .. روان :- جني وش رايك يعني .. افنان :- بس حلوه المفاجأه .. روان :- تسلمين ياعمري .. خلصت الشغل اللي عندي بسرعه وجيتكم ماودي تفوتني هالجمعه .. نوره :- فديــــــــــــــــتك هذي البنت .. روان :- اجل ولد هااه .. البنات :- هههههههههههههه.. (رغم ان فارق العمر بين البنات بعيد شوي الا انهم كنهم شخص واحد افكارهم تقريباً نفس الشئ ) البنات رقو فوق في غرفة افنان وشهد .. نوره (تكلم العنود):- نسيت جوالي تحت ثوااني وانا جايه .. العنود :- تراك قلتي بس ثواني . . نوره :- عناد بتأخر .. العنود :- بكيـــفك .. نوره نازله وهي واثقه راحت مجلس الحريم واخذت شنطتها وراحت تشرب مويهـ .. نوره قاعد تغني بصوت عالي تقريباً ابي حبك معي يكبر وابي اهواك انا اكثر .. وابي اهدي لك انا دنياي وكل اللي عليـه اقدر .. حبيبي انت احساسي يانبض القلب وانفاسي ولو صار الزمن قاسي على شان عيونك اتصبر .. وهي تشرب مويه كان يزيد في نفس هالوقت جاي يشرب ..(البراده كانت بين قسم الرجال والحريييم) يزيد انصدم باللي شافه هو كان يسمع الصووت وذايب ووشلون يوم درى بس انها نوره .. نوره تصنمت في مكانها ماقدرت تتحرك .. يزيد(جمع قواه وقال وهو قلبه يرررررقع) :- احبك يانونووره .. (ورااح) نوره انصدمت صدمه ماتوقعت ان يزيد يبادلها نفس شعوور الحب اللي هي عايشه فيه في نفسها .. "وشلون بس تجرأ وكلمني .. بس حلو اعطاني اعترااف "... خلت المويه اللي بيدها ودخلت جوا الا والعنود توافيها .. العنود :- هذي الثواني .. نوره :- ............. العنود :- وش فيه وجهك متغيرك عكس مانزلتي .. نوره :- شفته .. (كانت نوره هي والعنود صديقات مع انهم بنات عم الا انها ماتخفي عنها شئ ) العنود :- مييين .. نوره :- يزيد .. العنود :- واذا وش صار .. نوره :- كلمني وراح .. العنود :- ياسلاااااام وش قالك بسرعه .. نوره:- انا جايتك ارتجف وانت مستانسه .. العنود :- ماعليك بس قولي .. نوره :- قالي احبك .. العنود :- القلوب لبعضها .. نوره :- العنود .. العنود :-ووش بعد .. نوره :-بس العنود :- ياعيني على الحب .. نوره :- وش دخلك .. العنود :- الا نسيبت البنات مرسليني ينادونك .. نوره :- يله تأخرنا عليهم .. ......... خالد ويزيد كانو جالسين في الكوفي .. زياد :- تدري وشلون ابوي رافض .. خالد :- ............ زياد :- بس ولو ابخليهم يوافقون غصب .. خالد:- انا ماقلت لك قلبي ناغزني .. زياد :- بحاول .. وبعد بخليهم بكره يجون يخطبون .. .......... زياد داخل البيت وهو معصب ودخل مكتب ابوه وقاله وشهو شعوره تجاه بنت عمه وبالياله اقنعه تقريبا جلس معه ساعه .. ابو زياد :- خلآص وش ها الاصرار .. بكره عمك بيجي عندنا وبحاكيه في الموضوع ... زياد :- الله يجزالك خيــر .. ابو زياد :- وياك ياولدي .. ............ من بكره العصر .. ابو لؤي ولؤي وخالد .. العصر عند بيت خالد ابو زياد .. ابو زياد :- زارتنا البركه .. حياكم الله .. ابو لؤي :- الله يحييك .. تقهوو الرجاجيل وقال ابو لؤي .. ابو لؤي :- جايينكم وحنا نطلب اغلى جوهره عندكم ديما لولدي لؤي .. ابو زياد :- هذي الساعه المباركه اللي تكون ديما للؤي وكمل :- .. بس لازم ناخذ راي البنت .. ابو لؤي :- على راحتكم .. ابو زياد اشر على زياد يروح يسأل ديما .. قام زياد وراح لديما لقاها جالسه في الصاله هي وأمها وفضل يكلمها وهي عند امها .. زياد (يوجه الكلام لديما) :- تدرين ليه جاي عمي حمد اليوم .. ديما(حست فيه شئ يخصها ):- لا والله مدري .. زياد :- لؤي جاي يطلب يدك .. موافقه ولا مو موافقه .. (صدمها كلام زياد اللي جاي فجأه بدون مقدمات) .. ديما كانت مستحيه وباينه على وجهها الموافقه ومو قادره حتى تفكر .. ام زياد :- وش رايك يابنيتي .. ديما :- .............................. زياد (يستهبل ):- يعني اقوله انك ماتبينه .. ديما على طول رفعت راسها وتغيرت ملامحها .. ديما :- لا لاتقوله .. ام زياد :- خبلت بالبنت .. يعني تشوف السعاده في وجهها وتقول مو موافقه .. زياد :- هههه ..يله ديما اقوله موافقه .. ديما :- ايه ..(بصووت خفيف) .. زياد على طول طار للمجلس يخبرهم .. لؤي كان على اعصابه مايدري وش اللي بيواجهه موافقه ولا لا .. دخل زياد وهو مستانس .. زياد :- مبرووك يالؤي .. لؤي :- وافقت .. زياد :- وراك اختبصت قاعد ابارك .. قامو وباركو لزياد على اتمام الخطبه وجلسو .. زياد قال لأبوه يفتح موضوع نوره ... ابو زياد :- هذي الساعه المباركه اللي نناسبكم .. وحنا بعد نطلب بنتنا نوره لولدنا زياد .. (خالد انصدم وشلون وافق عمه وهو امس بتاتا مو موافق ... خاف على يزيد من هالموقف وإذا درى انها بتروح من يدينه) .. ابو لؤي :- بس تدرون لازم نسأل البنت كانها موافقه ولا لا .. ابو زياد:- خذو راحتكم .. ابو زياد :- الا متى تبون ملكة لؤي انشاء الله .. لؤي :- الخميس الجاي ..(بعد اسبوع) زياد وخالد :- ههههههههههه ابو لؤي :- وش هالعجله ياولدي .. ابو زياد :- خله على راحته ملكته هو وحنا في بداية العطله موب مأثر على البنت .. لؤي (يقول لأبوه بصوت خفيف ) :- هذا الكلام السنع .. وافقو على الملكه تكون يوم الخميس .. دخل ابو لؤي بيتهم هو ويا العيال .. لؤي كان مستانس على الآخر وراح بشر امه اللي كانت بالصاله .. لؤي :- يمه باركيلي تمت الخطبه .. ام لؤي :- مبرووووك ياولدي .. لؤي :- والملكه بعد اسبوع .. ام لؤي :- وشهالعجله .. لؤي :- تراي مستانس على الآخر .. خالد :- بعذرك مستانس .. ابو لؤي :- يله عاد اسكتو .. (الحين يوجه كلامه لأم لؤي) .. يوم وافقو اننا ناخذ بنتهم طلبو يد نوره لولدهم زيااد .. وش رايك عاد انتي .. خالد يضيق صدره كل ما طرو له هالطاري .. ام لؤي :- والله الراي راي البنت .. خالد :- خلآص يبه انا برووح اسأل نوره وشوف رايها .. ابو لؤي :- بس ياولدي لا تفاجأها بالموضوع .. خالد :- ابشر يايبه .. ام لؤي :- بس يابو لؤي نوف .. ابو لؤي :- وش فيها نوف .. ام لؤي :- نوف هي الكبيره .. ابو لؤي :- والله ماغابت عن بالي ، بس مهب رادين نصيب نوره ونوف يرزقها ربي وهي توها موب كبيره .. ام لؤي :- بس ......... ابو لؤي :- لابس ولا شي ، يله ابوي خالد رح قل لم اختك .. ........ في بيت _ابو زياد_ ديما :- يبه والله قريب .. ابو زياد :- لا والله موب قريب الوقت الوقت مناسب .. والزواج تونا ماحددناه .. ديما :- ............... ابو زياد :- كان ما ودك يابنيتي نأجله براحتك انتي .. بس تراها كانت رغبة لؤي .. ديما (انصدمت يوم قال ان لؤي هو اللي مقدم الموعد لهذي الدرجه يبيها ) هي ما انكرت انها تبيه بس ما ستوعبت ان الوقت قريب .. ديما :- دام انها رغبته (سكتت شوي وكملت) موافقه .. ابو زياد :- الله يوفقك يابنيتي ويرزقك الذريه الصالحه .. ديما :- آمين والله يوفق الجميع .. ...... في بيت _ ابو لؤي _ في غرفة نوره .. صوت الباب " طق طق طق " نوره :- ميييييين .. خالد :- انا .. نوره :- حياااااااك .. خالد يفتح الباب معيي ينفتح .. خالد :- بالله وشلون بدخل والباب مقفل .. نوره :- ههههههه جايه بس شوي .. خالد:- بسررررررررعه .. فتحت نوره الباب .. خالد:- حشا مابغيتي تفتحينه صار لي نص ساعه منلطع عند الباب .. نوره :- اوووم عاد بس نص ساعه ليتها كانت ساعه .. خالد ضربها مع ظهرها بخفيف وقال (يقلد صوتها ):- ليتها ساعه ...هااااه ساعه وانا جاي ابشرك .. نوره :- صح نسيت وش المنااسبه الاخ العزيز متفضل عندي ومحتريني عند الباب .. خالد :- خليني اجلس اول .. نوره :- تفضل وش تشرب ... خالد :- هههههه تذكرت المسلسلات وش تشرب .. نوره :- الله يرجك بس ... خالد :- وشلون ببدأ .. نوره :- حرقت اعصابي قلي .. خالد :- ملزمه يعني .. نوره :- انت اللي جاي هنا ..عندك شئ .. خالد :- نسيت حسبت اني بالصاله .. نوره :- اخلص .. خالد (جلس زين ) :- الموضوع وكل مافيه (سكت شوي وكمل) في واحد يبي يسرقك من عندنا ويبيك تعيشين معه ههههه .. نوره:- بعد يسرقني .. خالد :- موب يسرقك .. افهميها عاد .. نوره احمر وجهها وجتها حاله اكيد يزيد ، .. وش اسوي بس .. خالد:- اكيد تسألين مين هو .. نوره :- أكيــــــــد .. خالد :- والله مافيكن حيا على طول اكيد هههههههههههههههه نوره احمر وجهها زياده ....... خالد :- طبعا لازم اقولك .. تراه زياد ولد عمي خالد .. تغيرت ملامح نوره مع الصدمه لانها انصدمت صدمه ماعقبها صدمه.." اعيش بحلم ولا علم زياد اللي خطبني ويزيد اللي يبيني.. و ش اسوي ..حتى لو رفضت ابوي موب راضي " هذي الافكار جتها بسرعه .. خالد لاحظ هذا على وجه اخته :- وش فيك يا نوره .. نوره :- مين اللي يبيني زياد ولا يزيد .. انصدم خالد من كلام اخته وشلون درت عن يزيد انه يبيها .." اكيد بينهم علاقه وانا ما أدري " بعد هذي الافكار عن باله وقال في نفسه يمكن تشابه اسماء .. خالد :- لا زياد .. وعلى راحتك يا أختي الراي رايك ولك كم يوم شوفي اللي يناسبك وقولي ولا تنسين صلاة الاستخاره ... نوره :- ابشر ياخوي .. خالد :- يله انا طالع سلام.. نوره :- سلآم .. نوره عايشه في حيره قويه بين كلآم يزيد وخطبة زياد لها ... .. "ارفض زياد .. بس عارفه ان ابوي مو موافق ووشلون بطلع اسباب رفضي بس .. (رفعت يدينها للسماء) يااربي اعني في قراري اللي بتخذه وان كان زياد خير لي فزوجنيه .. نوره تسمع صوت الجوال وشافته .. العنود .. حست بوساعه في صدرها يوم شافت اسمها .. العنود :- هلا والله وغلا هلا بالزين كله .. نوره :- هلا بك .. العنود :- وش اخبارك ووش مسويه .. نوره :- اخباري قبل نص ساعه تمام بس ..................... العنود (حست انه من خبر الخطبه) :- بس وشو وش فيك .. نوره :- اكيد تدرين عن اللي صار .. العنود(صار توقعها بمحله) :- ايه ادري بس وش اسوي .. نوره :- الحين انتي عارفه عن يزيد وعن كلامه لي ذيك الليله يوم كنا عند عمي ناصر وحبه لي ..وبين اخوك زياد .. والله من انا محتاره .. العنود :- لاتكبرين المسأله بس والوقت طويــــــــــل فكري وانشاء الله توصلين للقرار الصح .. نوره :- ................ العنود :- داريه انك مستغربه من زياد بس تدرين والله اني توني ادري وعلى طول دقيت عليـــــك .. نوره :- الله يعين بس .. العنود :- يله عاد ماطول عليـــــــــــــــــــــــــــــك تامرين شيء .. نوره :- سلامتك بس ادعيلي .. العنود :- ابشري من عيوني الثنتين .. نوره :- في حفظ ربي .. العنود :- مع السلامه ... سرقتك بالزمن لحظه وعشتك بالفراق اوقات ولا ادري وش بقالي بالعمر دون لحظاتك احبك ياندى فجر الجروح وصحوة العبرات احبك كلمه تبكي معانيها على شفاتك .......خالد يكلم ابوه.. ابو لؤي :- هاه ياولدي وش صار .. خالد :- والله ما اعطتني راي بس تقوول بفكر .. ابو لؤي :- براحتها .. لؤي :- يبه اعزم أحد على ملكتي .. ابو لؤي:- اكيد .. خالد :- اعذره يا بوي الولد مختبص مايدري وش يقول .. لؤي:- وش قالولك مجنون اقول اعقل .. خالد :- لا صدق الحين عاد فيك شئ .. لؤي :- اقول عاد عن المصاله وأصلاً انت وش دخلك في كلام الكبار .. خالد :- هههههه هلا بالعجوز اجيب لك دواك .. ابو لؤي :- عما رجال وش طولكم وش عرضكم وتتناقرون (تتهاوشون) .. خالد :- العين بالعين والسن بالسن والبادي اظلم .. لؤي :- الحين انا اللي صرت بادي .. ابو لؤي :- كبرتوا وهبلتو .. العيال :- ههههههه (اذن العشاء) : ابو لؤي :- يله عاد عن هالحركات وقومو صلو .. لؤي :- ابشر .. خالد :- يبه تراني بصلي وبروح مع اخوياي .. ابو لؤي :- والعزيمه.. خالد :- يبه هذولي اخوياك ونا مالي في الكبار خلى لؤي يروح معك .. لؤي :- يله بس رح يابو السحبات .. خالد :- مو تو انت تقول انك كبيــــر .. ابو لؤي :- يله عاد اقامو للصلاة .. ........ يوم الاثنين عقب طلب زياد ليد بنت عمه راحت اربع ايام .. زياد " لي اربع ايام وما ردت علي البنت وش فيها .. تتوقع ماتبيك ..لالا اجل ليش هالتأخير وكل ماسألت خالد يقول مدري توها ما عطت راي .. خلاص لو ماردت علي خلال السبوع الجاي بسأل عمي لأني خلاص ماعاد اتحمل اصبر زياده " ....... بعد اسبوع يوم ملكة _______ لؤي و ديما _______ في بيت _ ابو لؤي _ في العصر .. ابو لؤي :- يابوي أكدت على المملك يجي اليوم بيت عمك .. لؤي :- وش دعوى يبه هو الاساس .. ابو لؤي :- اجل شَيّك كان ناقص شيء .. لؤي :- ابشر يبه .. تامر شئ ثاني .. ابو لؤي :- لا يبه بسلامتك .. لؤي :- يله انا طالع .. مع السلامه.. ابو لؤي :- مع السلامه في بيت _ابو زياد_ العصر كذا على وقت المغرب .. الكوفيره :- هيــك شكلك بيطير العأل والله .. ديما :-مشكوره .. الكوفيره :- الله يخليك لحبيبك .. حمر وجه ديمااااااا .. ديما خلصت صااير شكلها جوناان شعرها مسويه تسريحه مرفوع شعرها ونازله منه خصل وفستانها طويل لونه زهر بدون اكمام يعني طالع شكلها نعومه وبريئه .. دخلت عليها العنود :- يااااااي شكلك مره حلوو .. ديما :- والله تدرين اني خايفه .. العنود :- استانسي بس .. ديما :- لاحقه على موقفي .. العنود :- لا تحزنيني الحين عيشي يومك .. العنود كانت لابسه فستان ليموني تحت الركبه يناسب بشريتها البيضاء وشعرها مخليته سايح طالعه ذاك اليوم ملااك .. دخلو شلّة البنات عليهم نوف ونوره وافنان وشهد وروان .. افنان :- مبروك يا احلى عروووس .. ديما :- الله يبارك فيك .. شهد :- عقبالنا .. نوره :- آمين ..(تذكرت نوره سالفة خطبتها وعلى طول تكدرت ولاحظت العنود هالشئ ..) البنات ونَّسوها .. ام زياد داخله على البنات :- يله بنات فشلتونا الضيوف تحت .. البنات :- ابشري .. نزلو البنات تحت وسلمو على اللي جايين .. في نفس الوقت عند >>الرجال<< وقع لؤي ووقعو الشهود وارسلو الكتاب لديما .. لؤي يدق على نوف .. نوف :- هلا بالعريس .. لؤي :- اقول بس تعالي خذي الكتاب اللي معي وعطيه ديما توقع .. نوف :- ابشرررررررر الحين جايه .. راحت عند لؤي واخذت كتاب المملك ورقت لديما .. نوف :- هلآ بحبيبتي ديومه وقعي هنا .. ديما (يدها ترتجف ):- والله خايفه .. نوف :- لا يا حبيبتي لا تخافين دامك ماخذه لؤي بيحطك فعيونه ,, ديما :- ........ نوف :- هنا وقعي .. وقعت ديما وهي ترتجف .. نزلت نوف لأخوها .,. لؤي :- وينك وراك تأخرتي .. نوف :- لا ما تأخرت .. لؤي :- كل ذا وأنت ماتأخرت .. نوف :- والله وش أسوي عااااد ديومه هي اللي ساعه ماوقعت .. لؤي:- .................. نوف:- هههههههه عرفت تسكت هاااه .. لؤي:- أقول طسي عاد .. نوف:- ابشر هذا جزاتي بس آآآه . لؤي :- قلبتيها علي خلاص يا احلى اخت في الدنيا .. نوف :- ايه خلك بس مع هالكلام .. ورح للرجال . لؤي:- برووح قبل ماتقولين لي .. نوف:- لا انا قايله اليوم فيك شئ شارب شئ بس .. لؤي :- هههههههههه يله عاد بروح عند الرجال ... " عند الحريم " ديما نزلت عند الحريم اللي هم (حريم عمانها وحريم خوالها وخالاتها وبناتهم ) صاايره جمعتهم كثيره ما عاليهم .. أم لؤي :- مبرووك يابنتي .. ديما :- الله يبارك فيك خالتي .. أم لؤي :- عقبال الزواج .. الحريم والبنات كلهم سلمو ديما وباركولها بالملكة ... "عند الرجال " لؤي :-أقول يلّه زياد متى نشوف الأخت .. زياد :- قبل شوي مكلمتني تقوول ماتبي تشوفك .. لؤي(انصدم):- أقول عاد عن المزح الثقيل ونادها .. زياد :- مايمشي عليك شئ .. لؤي:- ماتوقعت انها ماتبي تشوفني .. زياد :- من عيوني الثنتين اناديها لك .. لؤي :- تسلم يالنسيب .. زياد :- هههههههه زياد طلع وقعد يكلم اخته عشان تتولم .. زياد:- هلا بست البنات .. ديما :- هلابك .. زياد :- عاد تعرفين الزوج المصون يبي يشوفك .. ديما :- لـ لـ..لازم .. زياد :- ساعه يقرق فوق راسي يبي يشوفك .. ديما استحت من كلآم أخوها .. زياد:- روحي للغرفه واذا صاربيدخل بعطيك خبر.. ديما :- ابشر .. بعد كم دقيقه في الغرفه ديما معها ونوف ونوره.. نوره :- اقول اعقلي وش جاك محطوطه على الهزاز .. ديما :- وش أسوي مو من ارادتي .. نوف :- وشو عادي لا تهمك نويره .. ديما :- اي عادي .. البنات نوف ونوره سمعو صوت زياد وتغطوا .. زياد :- يله ديما لؤي بيدخل الحين .. ديما :- طيب .. زياد وهو طالع بينادي لؤي طاحة عينه بعين نوره هو كان يشوف قدامه ملآك متغطي بس يشوف عيونها وفي نفسه يآآآه يانوره متى توافقين بس.. نوره في نفس الوقت من أول ما دخل زياد وهي منصدمه تبي تطلع بس ما امدها "يوه بس نظرته تذوب الثلج يهبل ".. رجعت نوره لعقلها وقالت في نفسها "مهبولة انتي انتي بس لــ يزيد ".. طلع زياد ونادا لؤي .. دخل لؤي ووراه زياد ..( زياد شاف الوضع وطلع برى الغرفه)والبنات من جهه ثانيه فتشو ,, زياد سلم على ديما وباسها مع جبهتها :- الف مبروك يالغاليه .. ديما بصوت غيييييييير مسموع :- الله يبارك فيك .. جلس لؤي جنبها : كيف الحال .. ديما :- الحمد لله .. ومن الجهه الثانيه في الغرفه نوره فاقعه ضحك على اشكالهم ولؤي يعطيها نظره بس هي ماعطته وجه وتزيد من الضحك ..لؤي اعطى نوف نظره وفهمتها طلعت هي ونوره وخلوو الجوو .. لؤي :- الحمد لله ربي اعطاني احلى ملآك .. ديما :- ........ لؤي :- وش فيك ساكته خليني اسمع صوتك .. ديما (محترقه على كلام لؤي ..وش يبيني أقول)استجمعت قوتها وقالت:- وش أقول لؤي :- آه ياعيني على الصوت ذكرتيني يوم اجي عندكم ذاك اليوم وانتي تصايحين وين راح الصوت ,, ديما طاح وجهها ماتدري وش تسوي وهي في نفسها ودها تقوم وتكفخه بس محترمه الوضع .. لؤي يناظرها ويناظر وجهها اللي يحمر وفي نفسه وده يضحك .. لؤي :- ماكان قصدي بس قولي اي شي .. ديما :- وش اخبارك .. لؤي :- الحمد لله طيب دامك طيبه .. ديما :- تسلم .. (أخذتهم السوالف) دخل زياد عليهم .. زياد :- متى انشاء الله ناوي تطلع .. لؤي :- هه الساعه 3 الفجر اربع .. ديما طلعت عيونها مع ان لؤي يستهبل .. زياد :- لا نم ازين .. لؤي :- يكون افضل .. زياد :- اذا صار صاحبك عسل لاتلحسه كله .. لؤي:- يله انا طالع .. سلم على ديما وقال :- لا أوصيك على نفسك .. ديما :- تامر أمر .. لؤي:- يله سلآم ياعمري .. زياد :- بدينا الغزل عاد .. لؤي:- حرمتي وانا حر .. طلع لؤي من عندها هو وزياد ومن جهه ثانيه البنات دخلو عليها .. العنود :- وش سوى عريس الغفله .. ديما :- لو سمحتي لا تسبين .. نوف :- بدت الحميه من الحين ادق عليه واقول .. ديما :- دقي .. نوف طلعت جوالها وبدت بتدق .. ديما:- ماصدقت خبر ذي مصدقه .. نوف :- هههههههههه على طول استسلمتي .. ديما :- لانك رجه ويمكن تزيدين كلام .. نوف :- حرام عليك انا قولي نوره .. نوره:- اعوذ بالله منك .. شهد :- ههههههه بدينا هذي ليلة الملكه .. البنات :- هههههههههههههههههه العنود :- ترا المعازيم راحو تعالو نرقص ترا فيني حرة رقص .. وقامو البنات للصاله وقامو يرقصون ويستهبلون لحدى الساعه 3 الفجر .. >>>>>>>> في بيت أبو زياد .. زياد دخل على أبوه في مكتبه وجلس .. زياد :- هلا يبه .. أبو زياد :- هلابك .. زياد :- يبه .. أبو زياد :- سم ياولدي وش فيك .. زياد :- في شئ بقوله لك .. أبو زياد :- أنا حاس قل وش فيك .. زياد :- يبه عمي حمد ما رد عليك .. أبو زياد ( متوقع هذا اللي بباله ان ولده بيسأل ) :- لا مارد يابوك بس اصبر لك كم يوم .. زياد :- يبه تراني على أحر من الجمر أسبوع ولا ردت .. وكانها ماتبيني تقول .. (زياد راجع نفسه وش ذا الكلام ماتبيني ) أبو زياد :- خلاص اذا ما رد عمك اليوم بقوله بكره .. زياد :- طيب .. يبه تامر شئ .. ابو زياد :- لا ياولدي .. زياد :- مع السلامه .. أبو زياد :- في حفظ الله .. . |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| لأني أحبك | ناظم الباشا | خواطر - عذب الكلام | 18 | 12-12-11 09:28 PM |
| عآقبوني لأني أحبك | حنايا نجد | ديكور - اثاث منزلي | 13 | 04-02-10 01:58 PM |
| لأني أحبك..!! | شراسة انثئ | خواطر - عذب الكلام | 15 | 04-01-10 06:41 PM |
| لآني أحبك | عاشقه الاحساس | منتدى المواضيع العامة | 13 | 21-11-08 09:13 AM |
| لأني أحبك | %%&&&إحساس بريء&&&%% | منقولات أدبية | 3 | 01-04-08 05:24 PM |
