المنتديات
اجعلنا صفحة البداية
اضفنا للمفضله
المنتديات
|
#46
18-01-09, 04:30 PM
|
|||||
|
|||||
روآية .. من كثر مآني أحبك صرت أخآف البعد عنك .. من كتآبآتي
تختلـ ــف .. وترتبــ ـــط .. آرآئكمـ !!
|
|
#47
27-01-09, 02:23 PM
|
|||||
|
|||||
رد: روآية .. من كثر مآني أحبك صرت أخآف البعد عنك .. من كتآبآتي
للي خلف الكوآليييييييييس
.. بآقي شوي وأنزل البارت السآبع ..
|
|
#48
29-01-09, 09:23 PM
|
|||||
|
|||||
|
رد: روآية .. من كثر مآني أحبك صرت أخآف البعد عنك .. من كتآبآتي
.•° الفصل السآبع °•. منهـــو غيرك يا حياتي صــار كل عمــري و ذاتي قلتهــا بيني و بينكـ كل شي لايق عليكـ لازعلت اموت فيــك لا رضيت اموت فيــك بكــل حالاتك احبك و اسبق اللحظــه و اجيك .......... ديما:- ماما حيآتي .. أم زياد :- سمي .. ديما:- لآ بس .. ام زياد:- قولي وش عندك .. ديما:- خلاص مافي شي أم زياد:- أجل وش عندك وجهك متغير ديما:- ماما لؤي بيجي يتغدا هنا بكره عادي أم زياد:- الساعه المباكه متى أقول لبنتي لآ أنا هاا ديما باست راس أمها :- شكرآآ ام زياد:- وش دعوى ماسويت شي ديما :- وحرام أشكر أمي يله يمه بروح لغرفتي تآمرين شي ام زياد:- ديما .. ماصرتي تجلسين معي يا في غرفتك ماسكه الجوال ولآ رآيحه السوق متى أجلس معك قبل ماتروحين ديما:- ماما لآ تقولين كذا تأنبين ضميري والله مشغووله ما أقدر باقي أسبوعين وخلآآص أم زياد:- الله لآ يخليني منكم ياعيآلي حتى العنود اليوم بتنوم عند نوره ديما:- أعوذ بالله أربعه وعشرين سآعه ناشبين عند بعض ام زياد:- الله يديم السعآده أبو زياد :- السلآم عليكم مع بعض:- وعليكم السلآم ديما:- بابا ماصرت أشووفك وين تختفي ابو زياد:- أنتي وين تختفين ديما استحت:- لآبس أنشغل ابو زياد:- يحقلك بس عسا نا قصك شي قولي لآ تستحين ديما:- الله يكثر خيرك الحمدلله الخير كثير وزياده ابو زياد:- قلت لك اذا ناقص شي قولي ديما:- لآ كل شي زين ابو زياد:- والقآعه ديما:- لآ زينه وواسعه مرررره أم زياد:- والله زياد ماله سنع في هالزوآج ضايق صدره ابو زياد:- لا بس صاير يتدلع أول مايشوف البنت بيشكرنا أم زياد:- عساااه ديما :- يله بابا تآمر على شي أبو زياد:- سلآمتك.. ديما دخلت غرفتها وانسدحت على السرير .. ديما .. آآآآآآآآآه بس (شافت الساعه) أووم الساعه 3 .. متأخره شوي .. لآ عآدي بدق وبسسسسسس .. _•( عند لؤي .. جالس في غرفته على المكتب ومفتوح الابتوب .. ومنزل راسه على يدينه ويهوجس .. قطع الهآجس صوت الجوآل .. أبي حبك معي يكبر وأبي أهواك انا أكثر وأبي أهديك أنا دنياي وكل اللي ........ لؤي:- هلآآآ بهالصوت . ديما:- هلآ بك . مشغول لؤي:- أفضالك ديما:- لآجد لؤي:- لآ ماعندي شي ديما:- وش أخبار نصفي الثاني لؤي:- بخير ووش أخبار قلبي الأمانه ديما:- حآفتظته لؤي:- ما جاه شي ديما:- لآ .. لؤي لؤي:- وه بس روح لؤي أنتي أطلبي ديما :- بكره أنت مشغول الظهر لؤي:- لآ بس أصير في الشركه ديما:- تقدر تجي تتغدا عندنا بكره لؤي :- أجي الحين مو بكره من عيوني الثنتين ديما:- تم لؤي:- قلت لك مستحيل أرفض لك طلب ديما:- شكرآآآآآ لؤي:- مافي شكر بين الأحباب ديما:- لآزم ما أقدر لؤي:- ههههه ماعليك .. المهم ديما:- وشوو لؤي :- ترى ببعد العرس من بكره على طوول بنسآفر يصير كذا زين ولآ ديما:- اللي ترتاح له لؤي:- أجل خلآص تراني حجزت وخلصت بس بتأكد ديما:- هههههه وليه تسأل لؤي:- أخاف تقولين ليه ماقلت لي عارفك ديما:- لؤؤؤؤؤؤؤي انا مو من هالنوع البايخ لؤي:- لآ لآتعصبين أستهبل ديما مدت بوزها:- زيييين ماعصبت لؤي:- هههههههه ديما:- يحق لك لؤي:- طيب .. يله أنا رآيق .. غني لي ديما:- وشوو لؤي:- اللي سمعتي غني لي ديما:- نوم أحسن لك لؤي:- لآ عاد بسكت ديما:- ما أبي لؤي:- ترى أزعل ديما:- لآلآ تزعل لؤي:- أجل يله 1 2 3 ديمآ:- وش رآيك أنت أحسن .. لؤي:- وتغنين .. ديماااااا:- طييييب بس أنت أوول .. لؤي:- تممم يله .. ديما:- هههههه صايرين في استديوو .. لؤي :- ماعلي بقووول شعر .. ديما:- شعر شعر يله وآحد ثنين ثلاثه لؤي:- أحم يابنت احسد تراب تدوسه مواطيك واحسد هبوب تلعب باسود الجيد منثور واحسد امك اذا قامت تناديك واحسد ظلام الليل وأيضاً احسد النور واحسد عيونك بالمرايا تراعيك وشلون ما احسدهم وانا المقهور ياعمري حسي بروح تناجيك وحسي بلوعة محب مأسور يابنت ارجوك لا يكثر تماديك أصبحت مثل سجين له ايام وشهور بين عسكر وجلاد ينتظر حكم واليك ساقوه للموت وجلسوه مجبور ياروح روحي والله اغليك احبك وقسم بمن انزل قاف والطور يابعد كل الملا لا يطول تغليك كانك نويت الصد ياصاحبي مشكور هذه اعترافاتي بين اياديك ولا تخليني للأخذ والرد يالمغرور ديما أستحت :- صح لسانك لؤي:- هاه وش رايك ديما:- بتخبلني أنت لآ محآله لؤي:- ماعلي لآ تظيعين يله دورك ديما:- مابي لؤي:- هيييييييين ماتبين مردودهـ ديما:- لا تخوفني هههه لؤي:- حشا من يخوفك ديما:- أننننننت لؤي:- انا ديما على بالها :- أيييه لؤي بأستهبال :- بععععععع ديما تزودهآ:- لآ ماما ماما لؤي:- صرنا بزوووره ديما:- أصلآ أنا توني صغيره لؤي:- عاشو عاشو صغيرونه هااه ديما:- أييه لؤي:- اللي تبينه ياصغيرونتي ديمآ:- يله حبي تآمر شي لؤي:- مآيآمر عليك عدوو خذي بالك على نفسسك ديما:- من عيوني ولآ تنسى الموعد لؤي:- وأنا أقدر أنسى شي أنتي قلتييييه ديما:- مشكوور .. بااي لؤي:- بايات يا أحلى بنوته ................ .×( من بكـــــــــــــره)×. . . . • في الشركه • لؤي يشيك آخر الدوآم على الأورآق .. لؤي:- متى بخللللص السآعه وحده الحين بتأخر على ديوومه .. برووح وبس بكره أكملهم ..(مر على مكتب زيآد) .. زيآد :- هلآ بالنسييب .. لؤي:- هلآ بك .. زيآد:- حيااك تفضل لؤي:- لآ بس أنا عندي موعد زيآد:- وين على الظهر لؤي:- هههههههه المشكله في بيتكم الموعد زياد:- خبصتني وش فيه بيتنا لؤي:- عازمتني ديما على الغدا زياد:- هييين أوريها ولآ قالتلي لؤي:- وش يعني لآزم خلهآ دخل سلطآن عليهم .. سلطآن :- يحقله خلهم على رآحتهم زيآآد ماتفهم زياد:- ههههههههههه هذى القصد لؤي:- الله يآخذ بليسكم تفهمون غلط يعني زيادووه مافي ثقه سلطآن:- علينااااااا لؤي:- أقوول ضف وجهك بس سلطآن:-زين زين بس زيآد رح خذ الحذر أنشب لهم زيآد:- لآتوصي حريص لؤي:- أقوول مالك دخل وأخاف عليه اكثر من نفسي.. وترى نوف تقول خلّه يجي يتغدا عندنا زياد تورط متفشل من لؤي:- وش دعوى لآ حقين لؤي:- تردنيييييييي زيآد:- حشا ما أردك بسس سلطآن:- أقوول وش جلسني معكم بس توكم كتآكيت تستحون لؤي:- لآ يكثر بسسسس زيآد :- أنقلع مرتيين بععععععد هشش سلطآآن:- هع هع هع فمآن الكريم روآن مسويتلي كبسه يحبها قلبك لؤي:- ههههه يالله على كبسه سلطان تفشل :- أصلآ أنا ما أبي الا الكبسه زيآد:- زين زين ماتشتهي الا الكبسه هااا سلطان حك رآسه :- أيه وش دخلك .. مع السلآمه (( وطلع)) لؤي:- مع السلآمه ولآ تفوتك الكبسه عجل ولآ كلتها زيآد:- ههههههههه لؤي- ألا زياد روح للبيتنا عند نوف تراا موصيتني تجي على الغدا .. زياد:- مالي نفس أروح أحسني تعبآن لؤي:- أقول عن الخرآبيط •يتطنز• تعبان تعبان .. زياد:- خلآص ان شاء الله بجي أتغداا ,, لؤي:- تم ويالله مع السلآمه زياد:- فمآن الله ......... لؤي دخل البيت .. ولقى في الصآله أخته نوف ,, لؤي:- صبآح الظهرر .. نوف:- وش الطآري فالها أخونا لؤي:- ووشوله مافلهااا نوف:- زين طيب على الفله وش منه لؤي:- عندي وش عندي بس بروح أتغدى عند ديماا بشووفهاا نوف:- ياقلبي بس لآ تتقطع بتمل منهااا لؤي:- هااه غآيره صح قولي عآدي نوف:- عد عد ماسمعت لؤي:- عادي قلت لم زيآد يجي يتغدا هناا اليوم نوف أنصدمت :- جججد بيجي لؤي:- باين ماغرتي هههه أيه بيجي يله روحي البسي نوف:- تكذب علي لؤي:- زين أكذب بس ترى قلت له أنك أنتي اللي قلتيلي أنه يجي هوو فهمتي نوف:- أوريييييييك هاه أنا اللي قايله والله حلفت لأ ردها للك فههههمت لؤي:- ليه أن شاء نوف:- زوآجي بعد أسبوعين ويجي عندي ليه خلآص لؤي:- هه عن كلآم الصغننين وروحي تجهزي نوف عصبت وزآدت للتلفزيون .. لؤي:- أعصابك أعصابكـ !!((ورآح لغرفتهـ نوف من جوآتها مستآنسه وأخيرآ بتشوف زيآد *_^ خبرت أمها ان زيآد بيجي ورآحت تلبس .. نوف تتكلم على شكل أغنيه وهي فاتحه الدولآب:- وووش ألبس وش أسوووي بيجي زياد لعندييييي وش ألببببس قولولي .. هاذا لآ هاذا ووووووش ألبببس .. نوره كآنت في نفسها الضحكه وهي تطل على نوف أختها .. نوره:- كلولولولولولولولولولولولولولييييش بيجي نوف التفتت :- أيه بيجي وانت من متى هناا نوره:- توني جآيه سمعت الصوت العذب قلت أشوف وش السآلفه نوف:- المهم وش البس يالدوباا نوره:- الصرآحه البسي !! ههههههههههههههه شورت وبلوزه قصيره حلوو لآيق نوف:- لآ الصرآحه ذووق أنقلعي بس ولآ بالجزمه نوره:- ههه لآ كآفي نوف:- أجل وش البس نوره:- البسي لبس بنوتي على قولتهم يشع شبآبآ الوآن فآتحه نوف:- طييييب ويله ظفي وجهك ولآ بتشوفيني نوره تستهبل:- ياسلآآم بشوفك نوف:- بيجي الحين وأنتي جآلسه يله روحي نوره:- من عنووني (( طلعت .. نوف لبست تنوره تحت الركبه كلووش مموجه الوانها بين التفآحي والسمآوي والزهر .. وبلوزه أكمامها جبنيز تفآحيه وحطت في وجهها ميك أب خفيف وقلوس يللللللمع وفلت شعرها ولبست صندل عآلي .. طلع شكلها قمه في الروعه تهبل الإنسانه هذي جسم جمآل بيضاء شعرها مموج تمويجه خطيره مع صبغة البني معطيه لون طبيعي .. جلست تحت تنتظر زيآآد .. وتبي من كل قلبها تثبت وتأكد عند زياد أنه بيآخذ بنت ما أح ــد زيهآ .. ............ •×( في الطرف الثآني)ו و عذلت أهل العشق حتى ذقته فعجبتُ كيـف يمـوت مـن لا iiيعشـق ديمآآ:- تحط البلآشر وتغني .. ياللي على البال تطري وأنت ماتدري ش ذنب قلباً رسم لك حبّه العذري لبست ديمآ تنوره جينز ميدي .. وبلوزه رسميه .. مسكت شعرها ببينس من ورى ولبست صندل .. دق جوآلهآ رسآلهـ !! وفتحتها .. المرسل: سكن روحي يلّه أنا عند البآب أفتحولي !! ولآ ترى برجع .. <<عشر ثوآني بس .. ... ديما:- هههههه عشر ثوآني .. طآرت تحت وقآلت للخدآمه تفتح البآب .. ديمآ:- ماما وين أبوي تأخر أم زيآد:- أيه نسيت أقولك جآه أجتمآع ضروري ولآ يقدر يجي ألا آخر العصر ديمآ:- خسآآآره ووشلون وزياد ام زياد:- راح عند نوف ديما:- هههه اليوم يوم العرسان ضاقت الا اليوم ام زيآد:-ماعليك روحي عنده أنتي وبسلم عليه أنا وبطلع ديما:- شكرا ماما •(لؤي دخل في مجلس الرجآل .. دخلت أم زيآد وسلمت عليه .. لؤي يسلم :- هلا والله بخآلتي كيف الحآل ام زياد:- هلآ بك الحمدلله وأنت وش أخبارك لؤي:- يخير الحمدلله ام زياد:- وش أخبار الأهل لؤي:- بخير يسلمون عليك ام زياد:- الله يسلمك ويسلمهم من الشر لؤي عينه على الباب ينتظر ديمآ تدخل:- آمين أم زياد:- آسفين ترى ابو زياد جاه أجتماع طارئ وزياد مشغول .. لؤي استانس على شان يفضى الجوو :- لآ عآدي وش دعوى .. أم زياد:- يله أنا أستأذنك . مع السلآمه لؤي:- فمآن الله .. طلعت أم زياد وشوي ودخلت ديما .. أول مادخلت وقف لؤي بس يطآلع فيها وهو سآكت .. قربت من عنده وسلمت لؤي:- هلآ وغلآ تو مانور المجلس ديما بتتنقع من الحيااا ألا شوي:- شكرا لؤي:- أستريحي ديما بعدت عنه بتجلس .. لؤي:- وين عمتي آخر المجلس وأانا أول المجلس أجلسي هناا .. ديما بصوت كله حياااااا :- لآلآ .. لؤي:- أجل بجي عندك .. ديما تورطت وفي نفسها لييه جرئ كذااآإ .. جلس لؤي جنب ديمآ .. وشوي الخدآمه جآبت العصير كل وآحد شرب شوي وخلوه على الطآوله .. لؤي مسك يد ديمآإا .. حآولت تسحبها بس مسكهآ أكثر .. لؤي:- وش أخبارك ياروحي .. ديما:- الحمدلله وانت أخبارك لؤي:- الحمدلله طييييييب ماشر دامك على ذمتي ديما خلآص ودها تطلع تحسفت انها قايلتله تعآل ومن جهه ثآنيه ودها تجلس تسوولف يعني مشآعر مضطربه لآخر حد :- دوم يارب لؤي:- يدوم عزك يالغآليه .. ديما تسحب يدها مره ثآنيه بس شدها أكثرر .. •(لؤي .. أوريك ياديما .. بهبل فيـــك مثل ماهبلتي فيني بحبي لك !! .. رفع يدهآ وبآسها ,, ديما هنا ماتشوفونها وجهها صآر طماطم .. لؤي بلعآنه زايده :- ماقلت لك لآتنحرجين مني .. ديما:- .......................................... لؤي ترك يدهآ :- وش أخبار تجهيز الزوآج ماناقصك شي.. ديمآ:- خيرك سآبق كل شي تمآم .. ................. شهد جآلسه في الصآلة عند الـ TV ونفسيتها زفت.. أفنان:- فآتك فآتك أمسسسسسس .. شهد:- وش دعوى وش السآلفه وش اللي فاتني أفنان :- فاااتك أشياء مو شي.. شهد :- يله بسررررعه وشو افنان :- صح أمس مامتي كانت بتروح لعزيمه شهد:- يب يب افنان :- قآلت لي أروح معها بالغصب ودتني والحمدلله أني رحت شهد :- رحت ورحت وش صآر كلها جلسآت حريم ترفع الضغط افنان:- وأنا أصلآ ماجلست مع الحرييم شهد:- وش سويتي أجل أفنان :- جايبين بنآتهم شهد:- وإذا افنان:- وناااااااااااااااسه وناااااااااااااااااااااااااااااسه شي ماتتخيلين بنآت ماينوصفون شهد:- شوفي بس عمرك 26 وتقولين هبال يالعجييز افنان أنقهرت هنا بجد ماتوقعت البروده هذي من أختها .. واللي زاد عليها .. أنها تقول عجيز !! .. :- شكرآ شكرآ ياصغنونه هااه أنتي صغيره علشان تقولين لي كبيره شوفي وجهك في المرآيه وتعآلي كلميني .. شهد ماعطتها أهتمآم .. :- طيب طيب أوص افنان:- تافهه والله .•( رآحت عنها .. شهد دق جوآلها .. وعرفت من متصل .. :- ياروقه ذا على الظهر ويدق .. خلني أشوف وش عندهـ .. شهد:- نعم .. :- هلآ ومسهلآ شهد:- وش تبي دآق :- وش دعوى سلآم بالأول شهد:- والله مو رآيقه .. وضف وجهك :-أوك بس لآ تعصبييييين باي شهد سكرت السمآعه ............... •........ الـ.......• •......... ـطر.........• •........... ـف..........• •.............الـ.............• •............... ـثآ..............• •................. ـني...............• زيآد وخآلد يسولفون .. خآلد:- الله يآخذ بليسك وجآي هااه زيآد:- مو أنا اللي قآيل لؤي خآلد:- صرررررررف على بالي هذا اللي عآشق ومصمم زياد ضاق صدره :- وش قصدك يعني خآلد:- ماقصدي شي زيآد:- زين أجل ماقصدن شي هاا خآلد:- سكر السآلفه .. اوك لآ تفتحها !! زياد عطاه نظره يعني وش يدخلك خآلد:- بنآديهآ وترى موب رآجع فههههمت .. وإذا شفتك طآلع بسرعه لأوريك تراها متشرهه عليك تقول لآ يدق ولآ شي .. من الحين حسن الموقف زيآد:- من جنبي .. ووش أحسن حتى لوو ياخالد اللي بالقلب وحده وأنت أدرى خآلد:- عن الخرآبيط والأوهام قايلي حب حب .. محد يحب يارجآل ألا بعد مايتزوووووج زيآد:- زين زين يكفي نصآيح .•( رآح خآلد عند نوف وقآلها تروح لزيآد .. دخلت نوف بكل وثووق و لآ كأن اللي قبآلها ماعطاها وجه أصلآ .. نوف:- السلآم عليـــــكم زيآد :- وعليكم السلآم .. نوف جلست أقرب كنبه لأنها خلآص يوم شافته !!مدري وشلون أوصف!! زيآد خلآآص يوم شآفها .. أنهبل كلمة أنهبل شوويه عليها .. كل مايرفع عيونه وينآظرها يزيد مستوى التقبــل بس هوو مآيبي .. حتى لوو ... زيآد وبنظرة لها الف معنى :-0 كيف الحآل نوف:- الحمدلله وأنت كيفك زيآد :- ماشي الحآل نوف بجرآءه ماتوقعت أنها تطللللع منها أبداً وبصوت فيه نوع من الإرتباك :- زين لآ تسأل ولآ شي .. زيآد توووورط .. مارفع عيونه علشان ينآظرها يخآف يضعف قدآمها ويبرر :- وش أسوي مشغوول ولآ أقدرر .. نوف:- الله يوفقك دخل مشعل .. وعلى طول سلم زيآد .. مشعل :- هلآ زياد زيآد:- هلآ بشعووول مشعل :- عندي سؤال وآحد زيآد:- وشووو مشعل :- الحين أنت بتآخذ نوف زيأد:- أيييه مشعل:- مايصلح تآخذها زيآد:- ليييييه حبيبي مشعل:- نوف حقتنا مافي أحد يسرقها زيآد متورط وشلون يفهم ذا البزر:- انا حبيبي ما أسرقها .. أنا بتزوجهآآ وكل النآس كذاا نوف فيها الضحكه على شكل زيآد متوووورط .. مشعل:- طيب انا ما أبيك تآخذها هي تحبني كثير نوف قآمت ورآحت لجهة زيآد على شان تآخذ مشعل .. مسكت يد مشعل و ............. و ............. حطت يدها على يد زيآد((كآنت يده على مشعل وحطتها فوقه)) كانت مختبصه أصلآ من أول ماقربت لعنده .. ويوم حطت يدها عليه أستحت أكثــر وحمرر وجهها.. زياد(وين عمتي وش مجيبها )) أرتفعت عيون زيآد وعيون نوف مع بعض تلآآقت .. كل وآحد عنده ألف سؤآل للثآني .. بس سآكتين .. من جهة نوف كآنت ودهآ تجلس عنده .. تسوولف تفضفض لكن الزمن ماسمح .. من جهة زيآد كآن مبهور من الشخص اللي قدآمه !! .. لكن على طول نزل عيونه مايبي يضعف أكثــر .. نوف وخررت يدها :- يلّه حبيبي شعوول تعآل.. مشعل:- طييب .•(طلعت نوف ومعها مشعـــــــــــــــل .. زيآد يتأمل ومآخذ رآحته .. مشيتها .. جسمها .. ميلآنها وهي تمشي .. شعرها اللي الين نص الظهر وفيه شي يجذب .. .......... نوف:- شعوول حبيبي لآ تدخل مره ثآنيه اوك مشعل:- ألا أبي أدخل نوف:- حبيبي مايصلح خآلد:- ههههههههههه عطيين أياه اصرفه .. نوف:- طيب .. وتعآل أجلس معنآ ضيع الوقت شوي !! خآلد:- قلت لزيآد موب جآي .. نوف:- مآعلييك تعآل .. خآلد:- دام ذا رايك أبشرررررررري .. نوره:- نوفو خذي هذا العصير بسررررعه وديه .. نوف:- موب فآضيه نوره:- أعوذ بالله ماعطيتيه شي نوف:- كأني أشوفك مهتمه نوره:- هههههههههههه مهتمه هاااا أقول ضفي وجهك وأحفظي الكلآم اللي بيقوله لأنك بتسمعين عندي ههههههه نوف:- طيب أوريــــــــك يالدباا .. نوره:- خخخخ تآمرين شي .. وترآني أنا والعنود اللي جهزنا السفره تهبـــــــل .. نوف:- أورييكم ماسكينها علي هاا أنقلعوو نوره:- يالله قآعد يستنآك !! نوف أخذت العصير منهآآ ورآحت .. .•(دخلت على زيآد .. مشت لجهته وقدمت له العصيــر .. وجلست قريب من عنده يفرق بينهم مكآنين بس .. زيآد مايبي يوخر هيبته عنده ولو لأنه مايبيها مع أنها بنت عمه .. :- شوفي اذا نقصك شي قولي لي أو دقي علي .. نوف:- مممم ماعندي رقمك زياد تفشل:- هاا خذيه من خآلد نوف كآنت بتدق من زمآن بس يوم عطاها الضمآن بتدق:- ان شاء الله خآلد دخـل :- هلآ بالعرسآن ان شاء الله بعد أسبوعين جآيين عندنآ خخخ زيآد:- ان شاء الله خآلد :- عآد ما وصيك عليهآ نوف مسسسستحيه زيآد يتكلم من دوون نفس :- أفاا توصيني خآلد :- اجــل ^_* وغمز له نوف تنآظرهم ولآ هي فآهمه .. مادرت أن زيآد يبتسم مجاملة مايبيها .. خآلد يحس ان ماله مكان من الإعراب :- تبوون شي انا طآآلع زياد:- وانت كل ماذا داخل طالع أختر وآحد خالد ضحك بصووت عالي :- ههههههههههههههههه وش يدخلك اصلا مانويت ادخل بس نــــ ... نوف ناظرته نظـــــــ0ـــــــره يعني اسكت وانطم خالد:- لآ بس مزاج ......... يزيــد :- هاه يبه وش رآيك !! وش قلت .. ابو سلطان :- والله ياولدي ابيك عندي يزيد:- يبه خلني اشوف المستقبل ابو سلطان :- ماشاء الله عليك باقي لك سنه وتتخرج ماله داعي هالحوسه لو قايل من أول يزيد:- يبه عادي أكملها هنااك .. هم يقيسون الدراسه هنا ويعادلونها هناك وأكمــل ابوسلطان:- مآله دآعي وهذا شووري يزيد:- يبه الله يدخلك الجنه ولآيحرمك من أحبابك لآ تردني ابو سلطان :- شكلك ناآوي يزيد :-من ناحية النية نآوي نآآآآآويمن قلب ابو سلطان:- طيب خذ رآي أمـــك يزيد:- أمي ان شاء توآفق خلها علي .. بس ابو سلطان :- وشو يزيد :- والله منحرج منك يبه .. بس أورآقي لآزم تكمل في أسررع وقت علشان الحق على دراستهم ابو سلطان :- مافي مشكله من نآحية الأوراق بتجهز ، لآ يهمك يزيد قام وحب راس أبووه :- الله لآ يحرمني منك يبه ويخليك لنآآ .. ابو سلطآن:- آمين .. وبيض وجيهنا موب ترجع وانت ماخذت الشهآده .. يزيد:- أفاا يبه وانا ولدك .. الشهاده ما أرجع الا وهي معي .. ابو سلطان:- ان شاء الله يزيــد :- يله يبه بروح أقول لأمي ...... سجى تتكلم وهي فيها الصيحه وببطئ:- ريم انا فاقدتهم كثيــر كثيــر ماتتصورين ، كل ما أشوفكم على طول اتذكر ان لي أهل وماتو ، ما أقدر اصبــر ، وأحس اني مثقله عليكم .. ريم:- وش ذا الكلآم سجوو سجى:- والله صدق ، انا ماتحسيني عآله عليكم ريم:- سجى وش فيك ، من يوم حنا صغار وحنا مع بعض تربيتنا وحده وروحتنا وجيتنا وحده وما أحد يشك في هذا سجى:- دآريه(لفت وجهها) لكن ياريم اللي في النفوس غير وحتى لو كان زين بيتغير ريم:- والله مافي يوم فكرت أنك تحسين حنا بها الشكل ، بالعكس ياحبيبتي كل ماتروحين طلعه لحالك ما أستحمل لآزم تكونين معي تدرين صرتي أعظم من الأخت عندي صرت أحس أنك أنا أو توأمي .. سجاوي لآتعودين هالكلآم مره ثآنيه .. سجى تمسح دمعه منعت انها تطلع :- بس مرة عمي أحس اني عآله عليها بالذآت .. ريم :- والله ياسجى ما أقتنعت بالكلآم اللي قلتيه .. ولو ان بيتنا عشه وسآكنه في غرفتها .. الحمدلله يارب القصر كبير وكل وآحد في جهه . وأنتي عارفه طبع أم زين اكثر مني .. وحنا عيالها شوفي كيف تعآملنا .. سجى تتنفس بسرررررعه وقلبها يدق بسررعه . مالها موقف .. سجى:- طيب بسكن مع أخوي ، مافيها مشكله ريم منصدمه :- أقوول عاد أعتبريني ماسمعت هالكلآم .. اوووووك سجى تتأمل بالشخص اللي قدآمها صارت كلل شي بالنسبه لهآ .. ريييييم تبي توسع صدرهآ :- أقووول روحي تروشيوالبسي بنروح للسوق أحسني مالي خلق البيت سجى:- مالي نفس ريم:- أقول عاد .. وبــكره بتجي عنوده ونوره وانتي ماجهزتي سجى:- عادي عندي لبـس ريم:- طيب مو ضآرك على الأقل يمكن تتغيــر النفسيــه شووووي سجى :- أحآول يآاإرب تتغير ريم وقفت ومسكت يد سجى :- يله ح ــآتي بسرررررررعه شوفي السآعه 7 متى بيمدينا استعجلي .. سجى بدون أي نفس :- طييييييييب ........ يزيد ينآدي :- يمممممممممممه يممممممممممممممممممممه يممممممممممه وينك ام سلطان :- عسا ماشر انهبلت أنت يزيد:- لآ بس عندي موضوع أم سلطان:- موضوع روعتني وشو يزيد:- خلينا نجججججلس ام سلطآن :- أبشر يزيد:- يمه عندي شي مهم بس هو من صآلحي أم سلطآن استآنست :- أكيد تبي أخطب لك بس تبي بنت مين والله بنت أم حمد مافيها قآصر يزيد نآظر أمه وتنهد تنهيده قوووويه أم سلطآن :- عسا ماشر يزيد:- لآ يمه .. بس أنا بكمل درآستي برآ أم سلطآن :- توك تذكر المفروض من أول ماخلصت من الثنوي يزيد:- عاد توني أقتنع أم سلطآن:- طيب بتروح أي مدينه يزيد :- بروح لأمريكا ام سلطآن:- أيه زين يزيد:- يعني موآفقه أم سلطان:- اي موآفقه ومن زمان ابيك تدرس برآآ يزيد:- شكرآآ يممممممه ام سلطان :- وش دعوى يزيد:- بس ترى يمه باقي شهر كذا وأروح ام سلطان:- امداك يزيد:- تتدبر .. يله يمه مع السلآمه أم سلطان:- مع السلآمه "^!< .......>!^"
|
|
#49
29-01-09, 09:25 PM
|
|||||
|
|||||
|
رد: روآية .. من كثر مآني أحبك صرت أخآف البعد عنك .. من كتآبآتي
•×(من بكره)ו
العنود تتصل على نوره :- أهليم منآير نوره:- هلآ عنّو العنود:- خلصتي أمرررررك نوره:- أي مخلصه تعآلي العنود:- مررره متحمسه لسجوو نوره:- ههه نفس الحآلهـ العنود:- يلّه أجل انا في الطريــق نوره:- باي العنود:- باي عنّو .. كآنت لآبسه فستآن تحت الركبه أبيض ، فيه طباعة زخرفه كبيره باللون الأزرق من جهة اليسآر ، فاكه شعرها وطآلع مموج ، لبست صندل عآلي شووي ومعهآ شنطة زرقا .. نوره كآنت لآبسه تنوره جنز فوق الركبه وتحتها استرتش قصير ، وبلوزه سودآ فيها رسمة بنت باللوون الرصاصي والبينك ، رفعت شعرها بطريــقه حلوه وحوسه ونزلت خصل .. .... سجى :- شوفي ريم تأخرو علللينا ريييم:- هههههههه وين معه تأخرو تونآ السآعه8 سجى:- وش فيني من زمآن ماشفتهم مشتآقتلهم ريــم:- الله يديم الشوووق ..{ أنفتح باب البيت ودخلت نوره والعنود .. سجى رآحت طآيره لمهم وسلمت على العنود سجى:- هلآآآآآآآ وغلآآآآآآآآآآآآآآ شرفتونا العنود:- هلآ بـــك سجى:- اهلين نوري نوره:- هلآ بالدبااا سجى:- خخخ ههههههه سمنت نوره:- بااين نحفتي مرررررره بس شهرين وسوت فيك كذا سجى :- وش أسوي ريم:- السلآم عليكم نوره والعنود:- وعليكم السلآم ريم:- كيف الحآل نوره :- الحمدلله العنود :-مآشي الحآل وأنتي كييييفك ريم:- والله الحمدلله أعوذ بالله أنتم سآحرين سجى نوره والعنود مع بعض وطآيره عيونهم:- ليييييييه ريم:- هههههه لآبس صآيره تهلوس بكككم فقعو ضحك :- هههههههههههههههه نوره:- شكرا سجى لهذي الدرجه سجى:- أيه الحمدلله أوريك ريم ما أقولك شي مره ثآنيه ، ونوره تعآلي أشوى مارحتي للجيرآن نوره:- هههههههههههههههههه وأنتي لآ حووول مصدقه سجى:- وش دعوى أستهبل نوره:- أشوى حسبت غير سجى:- تفضلوو حيآكم خلونا نجلس هنا خذتنا السوآلف جلسو على الكنب ، وتقدم العصيــــر .. دخلت عليهم دآنه .. دآنه :- السلآم عليكم وسلمت على العنود ونوره .. ريم :- أعرفكم عليهآآ مرة أخوي المصون سعودي ، ودآنه أعرفك عليهم هذي العنود وهذي نوره دآنه:- تشرفنآ ، وأخييرا شفتكم نوره:- ليه وش فينا سجى شهرتي بنآ سجى:- هههه وش أسوي أح ــبكم العنود:- ياعيني على الحب بلآ إحراجات عاد سجى:- ووش دعوى ليــه مافي إحرآج أحبكم ريم:- ههههههههههههه ......... ماجد :- هلآ وغلآ شهد :- هلا ماجد:- النفسيه زينه اليوم هااا شهد:- هه زينه ماجد:- كيف الحآل شهد:- تمتم ماجد :- وش دعوى تتكلمين بدون نفس شهد:- كذا طبعي ماجد :- يازينك وطبعكـ شهد:- شكرن ماجد :- معك مآجد ، وش أسمك أنتي شهد:- مو لآزم ماجد:- عن هالحركآت وش أسمك شهد:- مآلك دخخخل ماجد:- زين طيييييب ، مالي دخل .. قولي عآد شهد تدوور أسم :- أسسمي ندى ماجد:- عآشت الأسآمي .. شهد:- يله باي ماجد:- تو النآس شهد:- كيفي طيب باي ماجد:- طيب طيب باي شهد سكرت السمآعه وهي خآيفه .. جلست على كرسي مكتبها وحطت رآسها على المكتب وقعد تصيــــح .. ماتدري وش منه .. تبي تصآيح تبي تهآوش أي أحد عندهآ .. وفي الآخر نآمممممممت .. .... سجى:- بنوتآت تبون تطلعون برآ .. مره الجو حلو برى ريم:- هاا رآيكم العنود:- اللي بددددددددك إياه سجى:- ههه أنقلبتي سوري علينا نوره:- هههههه شو لكآن بتهاوشوآ بدي صصطركن سجى:- هههههههههههههههههههههه ستووب هنا وقفو ريم:- شكل في عرقكم سوآريه النطق صحيح مافي شككك العنود ونوره:- هههههههههههههههههههههههه نوره:- مآشي نطلع طلعو برى وجلسو في الكرآسي .. سجى:- تصدقون مع الونآسه مدري وش أسوي العنود :- ووش دعوى سجى:- ججد ماتتخيلون ما أحس انكم قدآمي أحس حلم نوره:- أرش عليك هالمويه علشان تصحين ريم:- أييييييييه رشي عليها ونآسه سجى:- هاااا هذا جزآتي أعبر لكم عن شعوري العنود:- فآهمين الشعور أكثــر مننننننننننننننك سجى:- أشووووووا بعد خفت غيــر كذآ ريم:- من الشوق بتقتلون بعض يكفي نوره:- حوآدث وإصابات ريم:- ههههههه .(( خذتهم السوآلف ألين السآعه 11 كآن الجو يهبــل .. سجى :- يلله بنآت العشا جآهز .. _(وقفت ريم وقفت :- يله بنوتآت قآمو .. نوره وسجى مشو قبل وورآهم العنود وريـــم .. العنود :- هممممممم شوفي الصندل أنفك بزينه ريم:- أووك بروح معهم . وأنتي الحقينآ العنود:- أستنيني ريم:- خآيفه هاه الطريق وآضح .. العنود:- لآ لآزم أخاف اروح لشي ثآني ماشاء الله بيتكم مرره كبير ريم:- ههههه عندي شي مهم وشي عاد بتشوفيني قدآمك أصلآ العنود:- طييييييييييييييييييييب روحي سآمحه ريـــــــــم مشت بسرعه كآنت بتجيب شي للبنآت من غرفتهآ .. والعنود جلست على الكرسي تزين صندلهآ .. قآمت بتمشي .. مشت مشت .. لقت طريقين يتشآبهون كلهم نفسس الشي .. العنود:- ياربي حنا جايين مع أي طريق .. وين أروحله .. بروح لليمين .. مشت العنود وآثقه من نفسهآ وبسرعه علشان تلحق عليهم, مشت زيآده المعآلم مو نفسهآ اللي كانت جايه منها ،، تغيرت ، هي أنصدمت ماتدري وش تسسوي ،، ألتفتت بترجع ,, ولآ حمد تووه طآلع من الملحق هي أنصدمت ماتدري وش تسســوي ألتقت عيونهم ببعض .. قررت تركض بأعلى سرعه .. حمد ينآظرهآ .. منصصدم بعد في نفس الوقت . قسم الرجآل ما قد أحد دخله وهذي البنت تدخل .. حمد:- ياربي قد شفت هالشكل وعلى طول تذكرأنها العنود هي هي .. العنود نفس الحآله شآفت حمد وتذكرت أنه هو على طول يمكن لأنه ماغآب عن بآلها .. العنود مع الركض طآحت عليهآ صندل عآلي وتركض .. أحمرر وجهها زيآده ماتدري وش تسسوي ..قآمت على طول .. وكملت الطريق .. حمد ينآظرها وهو منصصدم .. ماتوقع يشوفهآ مره ثآنيه .. ومن وين طلعت له أصلآ .. ووش جآبها .. حآلته تدهورت أزوووووود .. على طول رآح لجنآحه .. دخل غرفته حركه لآ إراديه .. فتح الدرج وفتح جوآته علبه .. طلع السلسآل .. مسكه بيده قعد يتأمله ..قرى فيه أسم العنوود كثيييييييير .. ..... العنود تمشي وبس تفكر فيه ولآ تفكرر وشلون بترجع لهم .. مشت من الطريق الثآني و .............. التكمله في البارت الثآمن ياحلويــن .. العنود وش تتوقعون تصير حآلتهآ بعد حمد ؟؟ وشهد بتتمآدى مع اللي أسمه مآجد ؟؟ زيآد بيفكر يميل لنوف أو يحبهآ ؟؟ أنتظر آرآئكم ..
|
|
#50
31-01-09, 01:14 PM
|
|||||
|
|||||
|
رد: روآية .. من كثر مآني أحبك صرت أخآف البعد عنك .. من كتآبآتي
أهليـــــ بالحلوين ـــــن
ما أقدر أنزل البارت الثآمن ألا بعد الإمتحآنآت ... .. . . . .
|
 |
| أدوات الموضوع | |
| طريقة العرض | |
النمط المتتابع
