المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
19-07-06, 12:57 AM
| #1 |
| |[ عـضـو جـديـد ]| الدولة:  روابط إعلانية |  ياولاد مصر . أنا أبن مصر وأخو الشهيد بسم الله الرحمن الرحيم بالأمس كتبت خاطرة . لم تنول أستحسانكم . ولكم كل الحق فى ذلك وأنا أيضا لى الحق . فقد خانتنى مشاعرى من هول ما رأيت فى لبنان وفلسطين والعراق , والأمة الاسلامية بأسرها واليوم اضع هذه الخاطرة . لكنها ليست خاطرتى . هى خاطرة هذا العظيم الذى أعشقه أكثر من نفسى . هذا الذى عاش نكسة 67 وأنتصار 73 . كان نقيب مهندس مجند / محمد أباظة . الذى كلما رأيته أداعبه وأؤديى له التحية العسكرية فتسبقه يده تداعب شعرات رأسى وأشعر بانامله تخترق شعر رأسى وهو يضحك ضحكة صغيرة ويقول لى كان زمان .. هذا الرجل الذى أطلق عليه المصريون .. صائد الدبابات . وكانت المفاجاة أنه قد أسر قائد المدرعات الإ سرائيلى الجنرال عساف يجور إن هذه الخاطرة من خواطر حبيبى وعشقى ومعلمى وأستاذى أبى العزيز الغالى مهندس محمد أباظة فقد زرع فى حب الشعر العامى لكنه يختلف عنى كثير . فإنه لا يخونه قلمه يكتب الكلمة المهذبة إليكم ياولاد مصر أنا أبن مصر وأخو الشهيد مصر الوطن .. مصر البلد أم الصبية .. وأخت الولد مصر حبيبتى ... مصر قريبتى صلة قرابة من قريب مش من بعيد لحن الربابة .... وضرب المدافع وصوت القطر عل السكة الحديد صوت الفؤس بتعزف سيمفونية ف الغطان ندا ألف مؤذن بيرفعوا ف لحظة واحدة الأدان وأغمض عينى يامصر وأفتكر أيام زمان ..أيام ما كنا بنلعب ف الشوارع وأحنا تلامذة وراجل كبير بينده علينا أسمه عم حمزة خلوا بالكو ياولاد م الترام ..... .خلوا بالكو من هدمكو أتوسخت ... ياولاد حرام ... .ونسيبه ونجرى ...ما أهو لسه بدرى على ميعاد المدرسة ونشوط أى طوبة بتقابلنا .... والتراب يجى ف عيونا وبكم المريلة نمسح جفونا ونسمع عم حمزة بينده علينا ياولاد كفاية جزامكم أتقطعت .. وأتوسخت وأغمض عينى يامصر وأفتكر لسه فاكر أبو الرجال...... وعاشور قلب الأسد وبكر أبن البلد ومراته لوزة ...وأبنهم لما أنحسد ولما كبرت يامصر رحت لجل ما نطهر عرضنا . . قاموا خدو أرضنا ورجعت ياحبيبتى شايل الهزيمة فوق كتافى وسبت هناك ف سينا الحبيبة طهرى وعفافى وقلت ف يوم أرجع أردهم ودخلت شارعنا مخبى وشى من جيرانا ليشوفونى ويقولوا ده هزمنا وحبست نفسى يامصر مع ذكرياتى دافن همومى بين ضلوعى وف أهاتى خايف لتشوفنى حنان ..... بنت الجيران كنت يامصر بحبها... خايف لتقولى أنت جبان أو تغير رأيها وبالمناسبة ياولاد العشق مش عشق الصبية للصبى العشق الحقيقى هو عشق الأله وحب النبى المهم وأنا عايش محنتى جانى الخبر رجعت وحدك وسبت أخوك هناك بعيد أنت السبب .... أنت السبب أخوك يافندى مات شهيد الخبر نزل عليا يهزنى ويشدنى ويقولى مات شهيد.... أخوك الوحيد وف ملامحى ... رسمت جرحى وخبيت قسايا جوه قلبى وعملت صيوان كبير لجل ما أخد فيه العزا أمى قالت لى لا أنت أبنى وألا أعرفك أن ما جبت لى خبر يشرفنى ويشرفك خزلتنى أمى رايح ياامه أشكى لأبويا نظر لى نظرة ورفع أيديه للسما قلت له ليه ياابه ما بتردش على السلام المسكين من صدمته فقد الكلام نزلت من عينى دمعة سخنة عل الخدود عبرت حدود البيت السعيديامصر غيم الحزن عليه وأم البطل رفضت تقبل العزا فيه .. ..( وعدت سنين ) وأحنا زى ما أحنا قاعدين نلملم جراحنا وف يوم جديد بعتوا خدونا قلنا زى كل مرة حيدربونا يمكن سلاح جديد ده أحنا ف صيام وبعده عيد وجه قائدنا ببدلة مموهة وقف قصادنا وقال يانمور.... يالله العبور الله وأكبر .. الله وأكبر ياأسود ... عدوا الحدود والله أكبر كلمة سرنا وف ساعات كنا هناك .. عندهم الله أكبر زلزلت الأرض من تحتهم وطينا بوسنا تراب الوطن أرض سينا .. وسويسنا الحزينة اللى فرحت لما شفتنا بيوت السويس صرخت وقالت أنتو جيتو ياوحوش فين باقى الجيوش قلنا ياسويسنا ف الطريق من بعدنا جينا كلنا لجل ما نخلصك من عدوك ونطهرك لجل ما نسهر معاكى زى زمان ونسهرك ونزلت أجازتى ومن أول الشارع أنده على أمى ياأم البطل قومى زغرتى قومى أمسحى همك وهمى ياأم البطل قومى أفرحى وخدى العزا ف الشهيد أخويا الوحيد وناديت على أختى قولى لحبيبتى النصر هوه مهرها وأبو الشهيد بقى صهرها ولقيت أبويا بينده عليا جبت ياولدى أغلى هدية النصر هوه هديتى دى الأرض شربت دمعتى بعد ما داقت دم الشهيد.... |
|
|
19-07-06, 03:49 AM
| #2 |
| |[ عـضـو فــضــي ]| الدولة: | تسلم على كلماتك الرائعة واللي تعبر عن الوضع الحالي والله ينصر جميع المسلمين في كل مكان وهذي أقل شي ممكن نقدمة لهم دمت آخوي ويشرفني اني أكون أول وحدة أرد على موضوعك تقبل مروري بكل ود واحترام |
|
|
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| وأحن لأيام مضت - mms | قمر برووونزي | رسائل جوال | 17 | 19-01-12 11:48 PM |
| أشتاق وأحن لك | خافقي لك | منقولات أدبية | 11 | 02-12-11 11:47 PM |
| الذات ومدن السعادة | maslopt_alroo7 | خواطر - عذب الكلام | 5 | 14-06-11 04:31 PM |
| ولدن مهوب صااحي | مشكلتي قمر | نكت × نكت ضحك | 54 | 23-12-09 01:06 AM |
| ومين سمعك - صور مسن | ъяεśτiĢε ḏŁ3 | ماسنجر × ماسنجر | 35 | 13-10-09 04:34 PM |
