لميس يوم الخميس تزووور منفووحه ان قاله الله

[العنزان]

لميس يوم الخميس تزور منفوحه ان قاله الله




http://www.njom6rb.com/song-2824.ram
8
8
اضغط هنا عشان تخش جو صدق مع القصه



في عام 1405 هـ قبل الانترنت والجوالات والهياط !!
حدث ماكتب ادناه .. في غرة شوال قبل غياب شمس ذو القعده < خير !!!!!!!!

- قوووومي !! قومي قامت عليك القيامه وماعندتس عملن صالح (صوت والدي) < ياروحي على والدي حسيت اني ولد نعمه !
- اصبر يابعلي الشين !! ماتشوفني اشقل هالكرشة معي خطرن تنفجر ! ( صوت والدتي ) < كل تبن عاد
8
8
8
كلمات ترددت بين امي وابوي قبل موعد إقلاع الطائرة وانا اللي بكرشة امي ..
كنت صغير ما ادري ايش قاعد يصير برا بس الوكاد ان امي مع الحماس والخوف من ابوي قامت تضف
خلاقينها وهي مسرعة وقمت اصمخ في جدران الرحم من داخل الين جاني ارتجاج
7
7
7
على الركاب المسافرون لبلد الحلاقين التأكد من ربط انفسهم في الكراسي واللي عنده بزارين بثرين
الله لايهينه يحطهم على الكرسي قبل لايجلس ثم يجلس عليهم ويربط الحزام وهو فوقهم <
مانبيهم يجون ويشغلونا في الغماره وحنا نسوق < ددسن ميب طياره !

- صوت جلنط الطيارة يعاد لوضعه الطبيعي وتبدا الطائره في الدحدره قليلاً قليلااااا < الا تجتهد وفصحى بعد !
وفعلاً اقلعت الطائرة وانتصفت في الهواء وامي وابوي يتطاقون كلن يقول حلّيب الدريشة !!!!!!! <<
انا مدري بس كيف اتحمس واطلع من بطن امي وانا قاعد اسمع هالطقاق السخيف وكيف استأمن مستقبلي معهم

وبعد ماجلس ابوي عند الدريشة بعد تسديد كوع في وجه امي واللي كلفها بعد 3 سنوات مبلغ وقدرة 15 الف
عشان ترجع الحنك في مكانه الطبيعي ويضبطون مكان السنون من جديد لان سن العقل جاء جنب الناب من قوة الضربه

المضيف بيتميلح عند الوالده !! لان ابوي مايطالع امي ولا يناظر الركاب فرحان بالدريشه وملزق وجهه وحاط يدينه
كنه يسوي غميمه من قوة التركيز وليست هذه المصيبه !!!!!! المصيبه ان الرحله في الليل والدنيا ضلام
ومايشوف الواحد طرف الجناح حق الطيارة ومدري وش يناظر الاخ

استغل الوضع المضيف حق الطيارة التركيه بحكم انه شاف عيون امي مغوره لانها نايمه ويحسبها مسلهمه فيه
وذايبه وخاشه جو معه وامي تشخررر ومهيب يمه ولاتدري وينها فيه !!!
معد عرف المضيف كيف يبدي تميلحه ويقوم ويجيب لها وجبة اكل لحالها قبل لايقلطون الركّاب !!
يبي يوريها انه مهتم وانها تعني له والمسكين ما انتبه انها حامل يحسبها خامه شنطتها تحت العباة


المهم جاء هالثور مسوي فيها موهند وبيغري الوالده وما درى انه في نفس اللحظه والدي مل من الدريشه وصادف
الموقف ان ابوي جاء وجهه بوجه المضيف موهند وهو يمد الطوفريه لمي وهي تشخر !!
قال ابوي لمي قومي قومي وخري ابعدي افتحي درب !!

التركي فاك خشته والطوفريه تنتفض لانه يسمع صوت بركان بينفجر بعد دقايق !!
وتنشب امي مع الروعة في المرتبه اللي قدامها لان كرشتها لازقه فيها !!! ولازم تطلع بالعرض !
في هاللحظه التركي درا ان امي حامل وصرف الموضوع ان الوجبه للطفل !!!!!!


ماراح اكمل وش صار !!!
لان امي كلفها الكوع 15 الف !!!
والتركي كلفته الركبه 30 الف


طن طون طن !!
على الركّاب الرجوع للكراسي وربط الاحزمه مره ثانيه والبزران تحتكم لاتنسون < الطيار معه كامري وحق تفحيط على هالاسلوب

وبالفعل استطاع الكبتن انه يوقف الطياره بجلنط عجيب اداء الى نقل اصحاب المقاعد اليمنى للمراتب اليسار والعكس
وعليك ان تتخيل امي وهي في الهواء متربعه على نفس جلستها وبكرشتها كنها منضاد
نزل والدي ووالدتي ووالداي < لاتلوموني لذيذ نطقها

وركبوا تكسي وراحوا لحارة اهل لميس !! وكانت الست هاله(ام لميس) ذاك الوقت عمرها 25
وحامل بلميس واخوها عمر كان صغير ووصخ وحافي ومعه عسكريم ابو نص عند مدخل الشارع


وياسبحان الله !!!

شاء القدر اننا نصير جيران لهل لميس وطبعاً الحكي هذا قبل لايصيرون عائلة ابو شعر تجار
كانوا على قد حالهم وكان ابوهم حلاق في دبي ويجمع في القروش

بحكم الجيره وان الحمام مشترك بينا وبينهم !!!!! تعرفت امي على امهم << طراها ان الحامل تقعد في الحمام اكثر من برا
وخذ طقة حنك من ورى باب الحمام هذي تطلع وهذي تدخل وعليها كل النهار <


وبالفعل جاهم الطلق سوا !
وماتسمع الا صراخ تركيه وسعودية في ذيك الحاره !!

الست هاله تقول : أأأأأأأأأكوخاااا تييتناتوووووووو
والست منيره تقول : اااااااااااه يلعن ابو من يعرس عقب اليوم !


وفجئه !!!!!!!!!!!!!!
صوت بكاء نااااااعم ( لميس )
وصوت كحة واحد راعي تتن وبالغ ( محاكيكم )

وعلى اصوات الزغرطه ودق رقبة ابوي البايخ اثناء تميلحه عند الست مفيده و حقات المشغل صديقات الست هاله
ووزعت الحلويات والتهاني

طبعاً للمعلوميه ابوي ماخذ امي تولد في تركيا يقول عشان كود يتغير النسل ويجذبني الجو حقهم
وكان واثق انه بيجي يوم وبيصير للاتراك مستقبل غير الحلاقة والكباب

مر اسبوع على الولاده وامي والست هاله قاعدين في غرفتن وحده وابوي اللي ينفسهم
وبحكم ان امي الله يخليها لي ولايحرمنا رضاها متعافيه وتاكل جريش وقرصان كل عمرها وصحتها زينه الله لايضرها
ويحفظها من العين ويخليها لنا كان فيها حليب

وبحكم ان الست هاله زوجها في دبي وملحطه هي وعيالها وابوي يكد عليهم !!
قالت امي هاتي لميس ارضعها يا هاله صدرتس لو نعصره في عصار غساله ماصب ولا نقطه
<< امه تذب على هاله

ماصدقت خبر هاله وقالت خذي تكفين رضعيها وصرت انا بصدر وهي جنبي بصدر ونرضع
ليل نهار ونترافس بالرجلين << الله ياحلو الذكريات وينتس يا لميس الحين كن مالك الا اخو واحد
اسمه عمر وانا ساحبه علي << عاش الجو

رجعنا للسعوديه عقب مافطمت امي لميس وفطمتني ووقتها مانعرف بعض انا واياها
واهلي طبعاً ماطقوا خبر لها العائله ولا دروا انه بيجي يوم ويشتهرون !! <<الله يهديهم اهل والا بالله لميس تنجحد !!

وبالفعل جحد ابوي ابو شعر وامي بعد وفجئه واحنا عند التلفزيون شافت امي المسلسل
وانا مدري وش السالفه وقالت تعال شف اختك تمثل !!!


لقطت الرشاش احسبها اختي نوره !!
واعشقه بالخامس ابرشها !!

وقالت امي لا يالثور مهيب نويّر هذي اختك لميس !!
وقصت لي السالفة

والله وتشب الغيره في قلبي وقلت هيّن هيّن يا لميسوه والله لا العن ثواتس !!
معد بقي الا هي !!! تمثلين وحركات قلة ادب ووصاخه !! انا اوريك

طلعت لتركيا واتفقت مع عمر اني تاجر اقمشه وقالت لازم تزورنا انت والاهل
في الرياض عشان نحتفل بالشراكه الجديده ومثلكم عارفين انه ماكل ز...!! من الورطه اللي سواها بعمره
وماصدق خبر وقال تم

عاد الخطه اذا قاله الله اذا جت لميس حرام بالله ان اصك عليها بمنفوحه واعلمها كيف
تلبس الغطوه صح وكيف تتستر وتصير مره تعرف تضبط القفر والمرقوق والجريش !!
واذا في يحيى خير ومسوي فيها ابضاي هو وشواربه يجي يقابلني والله لا اخليه يقول !!
7
7
7
انت بحل يا تيم




الله الله بالردود السنعه

[Sniper]

يسعدني اني اكون اول من يرد على الموضوع

[والله لوريك]

يسلـــــــــمووووووو يا الغالي

خـــوكـ/والله لوريك

[ارتاح ياقلبي]

مشكووووووووووووور ويعطيك العافيه

[قمر شقراء]

مشكووووووووووور