ابي لو ساعه من وقتك..انا ماقلت ابيك ازمان

[هيبه دلع]

هذه قصيدة شفتها فى احد المنتديات واعجبتني مرررة واثرت فيني

حبيت انقلها لكم ان شاالله تعجبكم



يلا اخليكم مع القصيده..

/

/

/


تريّث ياصدى صوتي وخفف نبـرة الأحـزان

تعلّم من نزيف الجرح كيف اصبر على همـي



أنادي والسما غيمة تثـور بداخلـي بركـان

ودفتر من قصيد الأمس على جال البحر مرمي



سكنتك بيت ياكبره وشكلّـت بسمـاك ألـوان

شربتك كاس بيديني وأثاري الكاس منسمـي



دخيلك جامل الدمعه !!ترا مهما أكون أنسـان

مشاعر قلب تحكينـي وأزود حبرهـا دمـي



كرهت البيت بغيابك !كرهت الباب والجـدران

ليامن شفت لك صورة تنسيني حنـان أمـي



أبرحل وأترك الماضي وأجدد حاضر العنـوان

ابجمع من شتاتي قلب واسافر في بحر غمـي



تصور لو نساني الكون وصرت بعالم الحرمان

أناديلك .. واصوّت لك .. ولاحتى تلـدْ يمـي



أمانه لو جعلتني مسافر فـي سمـا النسيـان

أمانه جاوب صوتي لجـل مايحتـرق دمـي



ابي لو ساعه من وقتك .أنا ماقلت أبيك ازمان

أبيك العاشق المغرم علـى قلبـي ومهتمـي



أبيك تعيشني قصة ! بطل خاين وأنا الخـوان

أبي كل البشر تحكي وتتسابـق علـى ذمـي



على هونك ظلام الليل!! أشوف الليل ماقد حان

علامك تلوي ذراعي !! تبعثر فينـي وتلمـي



حرام تشوف دمعاتي وتنسى أني بقايا أنسان

أحاول اجمع شتاتي وعجزت اليوم في لمـي



حبيبي لو تبيني ابعد واعانق دفتـر الكتمـان

تعال احضر عزا قلبي مادام الشـوف منعمـي



تصور مابقا فيني سوى باقـي رمـد بركـان

ودفتر من قصيد الأمس على جال البحر مرمي

[{{احساااس انثى}}]

قصيده جنااااان
الف شكر وتقبلي مروري

[فراولة السعودية]

كلمات رووعة وتسلمين يالغلا .. والله لا يحرمنا من جديدك.. دمتي بود

[هيبه دلع]

مشكورين على مروركم وتواجدكم في صفحتي

[ليتني طفلة]

يعطيك العافية,,,
تقبلي مروري,,