مانساكـ لو قلبي تركّز نصايبه !

[الـ ع ـتيبي]

شكيت يوم القلب زادن نوايبه=على الذي يعلم بسره وغايبه
شكيت للي عالمٍ كل مافيني = ربن عليم ابكل زله وصايبه
يوم الخلايق في لذيذ الكرى هجّاع=ناموا وأنا قلبي يساهر مصايبه
خيّلت زينٍ بالوصايف وشدني =يمه فؤادي يوم سارت ركايبه
هلن دموع العين مني تحدرن=على وليف القلب واغلى حبايبه
ذكرت خلٍ ماأرى غير وصفه زين=ماله شبيةٍ فارقٍ في قرايبه
ابو جديلٍ فوق متنه كما الليلي=العيب بس انه مشقر ذوايبه
وابو عيونن يذبحن من يشوفهن=دعجٍ وموتي بالرموش وعجايبه
أنا اشهد انه تل قلبي وتلني=واثر صوابه بينن بي عطايبه
والنار في داخل فؤادي توقدت=جمر الغضى داخل فؤادي لهايبه
لا من ذكرت اللي مضالي مع الغضي=اذكر زمانن طاربنّي طرايبه
وانوح نوح اللي فقد له من الغلا=خلٍ حبيّب رش قلبي سحايبه
أناجي الليل ابسكونه في وحدتي=واجاوب الونات والروح ذايبه
ابرتجي ربٍ كريمٍ على الملا=-يرد لي روحٍ عن الجسم غايبه
واحاول انسى كلمتن له وردّها=يمكن ترى أنساك والنفس طايبه
رد ورجع ودموع عينه تهلهلن=رد وتحسف واعلن الروح تايبه
وحلفت له ما نساك يا مالك الحشا=ما نساك لو قبري ترّكز نصايبه

نايف الروقي الـ ع ـتيبي

[ســـــووولآفـــ]

ابو جديل فوق متنه كمـا الليلـي
العيب بـس انـه مشقـر ذوايبـه


صح السانك...

[فيصل التيماوي]

وحلفت له ما نساك يا مالك الحشا
ما نساك لو قبري ترّكـز نصايبـه

أستاذي : نايف العتيبي

أسمحلي فأنت جبل شعري شامخ وموهبة قوية جدا

بصراحة ماينقصك فقط هو الظهور الإعلامي لكي يعي الناس إبداعاتك جيدا

والله العظيم افضل بكثير من شعراء مشهورين على الساحة

سأصمت ولن أزيد في التعبير يابعد حيي


في حضرة الإبداع ليس لي كلمة


سلاااااام

[♥رعــش»«قلبــي♥]

ابو جديل فوق متنه كمـا الليلـي
العيب بـس انـه مشقـر ذوايبـه <<<< يازين الاشقر
وابو عيونن يذبحن مـن يشوفهـن
دعجٍ وموتي بالرمـوش وعجايبـه
اخوي العتيبي
ابيات تعيد الشعر لمكانه
ابيات شاعر جزل
بيض الله وجهك وصح لسانك اخوي
تحياتي

[شمري حايل]

نايف العتيبي
ياربي يجزاك خير على أبياتك الرائعة اللي يشلعن القلب شلع مثل شلع البرق
الله يديم فكرك وقلمك وتسلم لنا أناملك الوفيّه بما تكتب
صح لسانك الهيلا
لاعدمناك ولاعدمنا خطوطك العريضة
دمت بخير وعافية
أخوك شمري حايل