ماخنت لكن حصل تبديــل!

[المزيونة(آلاء)]

"على ذاك الرصيف أسهر وأنادي بكل جنون .،.
"أكلم شارع خالي سواده
من سواد الليل.،.
"ترى ماهو بخل ولابقلبي
قلت الأشعار.،.
"ولاكن واقعي يفرض علي أكتب بلاتعديل.،.
"أناراح العقل مني وعندي للجنون أعذار.،.
"معاناتي إذابوصف يفوق الوصف والتعليل.،.
"من اللي قد وقف مثلي
يواجه لعنة الأقدار.،.
"رضى يبقى ويتحمل عشرأضعاف همه يشيل.،.
"من اللي ثبت اقدامه
يقاوم شدة التيار.،.
"ويعرف إن النخل وهو
النخل راح وجرفه السيل.،.
"من اللي حب له طفله
وحلم من يوم كانواصغار.،.
"يتوج حبه بفرحه
وأمه تحضنه بتهليل.،.
"يمرالوقت وسنينه
تمرويستوون كبار.،.
"ويتغرب لجل حلمه
يسابق كل شباب الجيل.،.
"ويرجع رافع راسه
بعدماصارهوطيار.،.
"وبقى من حلمه الوردي
زفاف يرفض التأجيل.،.
"يجيهايقول حان الوقت
تعالي نكشف الأسرار.،.
"طفح كيل الصبرماعادفي
صبري وصبرك كيل.،.
"ويذكرهابوقت صار
مع مرالزمن تذكار.،.
"بأيام الطفوله يوم
يغرقهاغلا وتدليل.،.
"يمازحهاوترددله(ترى الكذاب يروح النار).،.
"يجافيهاوتهمس له(أعرف إن الجفاتمثيل).،.
"وتدمع عينهم لثنين
يهلون الدمع مدرار.،.
"ترى الذكرى ولوحلوه طواريهاتهدالحيل.،.
"وتسرح في وسط عينه
تفكرترتجف تحتار.،.
"يسألهاعسى ماشرويطيح
من إيدهاالمنديل.،.
"وتنزل عالركب وتقول
تسامحني على اللي صار.،.
"حشاوالله ماخنتك
ولاكنه حصل تبديل.،.
"تراهاغيبتك طالت
وتدري وقتناغدار.،.
"كبرت وخفت تتأخر
وخيرالبربالتعجيل.،.
"ويشهق يلمح الخاتم
يحس القاع تحته دار.،.
"ولايستوعب الموقف
بلياشرح أوتحليل.،.
"يسودالصمت ولاكلمه
ونظره كلهاإستنكار.،.
"شلل صاب اللسان وصاب
كفين العتب تكبيل.،.
"دقيقه تمر..طعمهامر..نهاية عمر..موت أزهار.،.
"خسارة حب.. ضياع في درب..نارتشب ..عذاب وويل.،.
"ويسرح لوبعيده تهون
ولاكن كيف بنت الجار.،.
"ويكسرصمته بصرخه
تحدت في مداهاسهيل.،.
"ويفقدوعيه وينزل على
قاع الثرى منهار.،.
"مصيبه كيف يتحمل
ترى مابالأمرتسهيل.،.
"مابينه وبين غرفتها
ممر..ونخله..وجدار.،.
"وهذااللي يعذبه
ويزود طينه بتبليل.،.
"يشوف اللي سرق عمره
سكن وياها نفس الدار.،.
"غدى جار وله حق
نزل في محكم التنزيل.،.
"ويتخيله يغازلها
ويقول إنه عليها يغار.،.
"ويتردد صدى همسه..
ولمسه..وضحكه..وتقبيل.،.
"يناظردارها وفكره
ورا ذيك الستاير حار.،.
"وشباك الهوى عتمه
بعد مازادوا التظليل.،.
"يقرر زوجها يبني
ويرفع مستوى الأسوار.،.
"ويتصرف على كيفه
عنده منهم توكيل.،.
"ومكسورالجناح اللي
بلاذنب يذوق أمرار.،.
"يصارع حسرته ويجر
بعد ذيك الهزيمه ذيل.،.
"يفكركيف طاوعها
الضميرتكون شي ضار.،.
"بعد ماكانت لعمره
عمريحسب مداها طويل.،.
"خذت كل مابقى منه
ومن عقله أخذت التفكير.،.
"وبرواز الوعدمايل
خذته تخاف قال وقيل.،.
"عطت بروازه لغيره
وخلت بالحشا مسمار.،.
"وآخركلمه قالتها
رجاء ماأبيك تعيل.،.
"وردبكل غضب يسأل تحسبيني من أهل الثار؟.،.
"أناوقتي غدا ملكي
ولايتحمل التعطيل.،.
"وداع الله وإذابعدك
مرض أيماني العطار.،.
"أنالي رب مايمهل
بقرا كتابه بترتيل.،.
"وإذاكانت مسافات
المنازل بيننا أشبار.،.
"لخليها سفرأيام
وأساوي كل شبربميل.،.
"وإذاقالوا علي مجنون..
او ملبوس..اوصابه زار.،.
"لناجي شارع خالي
لوحده في توالي الليل.،.
"بقول إن الجنون أرحم
كتبت من الجنون أشعار.،.
"وصدق شعريتحدى اللذي
قال الشعرتمثيل.،.
"وأعيش العمرأرددها
ترى الكذاب يروح النار.،.
"براءه كانت الجمله
ولاكنه حصل تبديل.،.
"حكاية عمري من يوم
الطفوله لين صرنا كبار.،.
"في هذي الصفحه شفتوها وعايشتوهابالتفصيل.،.
"أبي شخص ينورني
ومن أبياتي بس يختار.،.
"حرف ماشكى من هم
ويبشرمني بتعديل.،.
"بعدها بعلن إفلاسي
وبترك عالم الأشعار.،.
"لأني ماقدرت أعطي
لحزني في الشعرتعليل.،.
"وبرجع للسرير إللي من غيابي شكى محتار.،.
"وأريح عين شوهها
سواد يشبه التكحيل.،.

اتمنى انها اعجبتكم وان شاءالله تكونوا بصحة وسلامة
اختكم\ المزيونة(آلاء)

[don`t turn around]

واريح عين شوهها سواد يشبه التكحيل
سلاااااااااااااام عليك
زحمه عواطف ..مشاعر..أحاسيس
ذكرتيني بأيام الطفوله
ليتنا بعد أطفال يستنى الزمان يبقى ولا نكبر
ونملا كل هالدنيا بشقاوتنا وبرائتنا
ونبقى اطفال ولا نكبر
نشوف كل شي حوالينا يزيد.. يكثر
حلا والعاب تتكسر
واهالينا.. صياح فينا .. ولد لاتكسر العابك
وتنزل دمعة اهدابك
وشقاوتنا وبرائتنا فقدناها
ليتك ياالزمن ترجع ونبقى اطفال ولا نكبر

تقبلي مروري وتحياتي وسلامي
اخوك / don`t turn around

[وافي زماني]

سيدتي ألاء كلمات يعجز الإبـــــداع عن وصفها وتعيرها
فأتمنى لكــ دوام الإبداع والتميز ,,,

كوني بخير ...

[رجل من حديد]

مدهش واكثر ..!!

وللرجال دوماً شرف الوفاء العبق

شكراً لنقلك الجميل

ودي وتقديري

[الحااائر]

سيدتي الاء

الله عليك والله مبدعه

شكرا لك ولذوقك الرائع

على الرائعه الجميله

ولك تحياتي