سوالف البنات بالباص ..

[سااارونه الحنونه]

بسم الله الرحمن الرحيم
السلام عليكم ورحمة الله وبركاته



حال البنات في الباص غريب وعجيب !!
يعني مثلا

وحدة ناااايمة واللي بعدها بين الحياة والموت

واللي بعدها باربع بنات بنتين يتكلمون
البنت (1) امي قالت حق خالي عبد الرحمن ود بنتي السوق
البنت(2) مو قلتي خالك هذا مسافر لبيروت
البنت(1) لا اللي مسافر هو خالي راشد
...البنت معرفتها على اسماء العائلة الكريمة
ومن جهة أخرى نجد الدافورات.. <<<< الدافورات معناها الشاطرات وإللي يحبون العلم
البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)


ومن جهة أخرى نجد بنات النت...
البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدك خخخخخ

وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) إلا بااااايخه !! ماتوقعت ذي نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أزين!!
البنت(1) لا المسلسل اللي راح يجي اليوم قديم أنا تابعته!!


وبجانب بنات الفن..نجد بنات البلاي ستيشن..
البنت (1) اللة ياخذ شركة كونامي مانزلت (سايلنت هيل 4)
البنت (2) صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه...



ومجموعة ثانية تتكلم عن الطبخ
البنت (1) اليوم علي المطبخ وعععععععععع
البنت (2) اللي يسمعك يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت (1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت(1) مدري..ايه عرفتها انتم تشترون العجين>>>>> في بالها سمبوسة


واما بنات الميك اب والموضة
البنت(1) ناظرتي اخت العروس روووووووعة وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>>> ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدك
البنت (3) لا ياماما اكلم زوجة عمي خخخخخخخخ


فئة (ك ت ب )
البنت(1) عطيني الواجب حقين بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) واللة....واحنا معزومين بالبحر خخخخخخ

وشكرا

[whitetiger]

شكرا لك على الموضوع بس و الله المسكين هو السائق ههههه

بعد و الشباب صايرين اكتر دودودودودودودودودودو
تقولي كل واحد مركب توربو ههههههه

تقبلي مروري

[سليمان الحربي]

اها والله وتحقق حلمي قبل مماتي الف الحمد لك يارب كان نفسي اعرف البنات وش حالهن بالباص هن يتضاربن مثلنا هن وش وضعهن بالضبط


الف شكر لك اختي الغالية على المعاومااااات القيمة تكفين شدي حيلك وجيبي لنا اخبارهن اول باول لانك زي ماانتي عارفه هذولى امهات المستقبل


يسلموووووووووووووووووووووووووووووووو

[ابوشامان]

ماشاء الله هذول كلهم في واحد باص

هذي شكلها مدرسة كاملة ماهو بباص

بس موضوع ممتع ..

يعطيك العافية

[خلودتي]

ههههههههههه
حلوه
تسلموا