على حسابه للشقا شيك مدفوع

[صعوط المجانين]

السلام عليكم ورحمة الله وبركاته
حينما قرأت القصيدة التي وجهها لي اخي العزيز نايف العتيبي
وعدته بأن أرد عليه في أول مشاركاتي القادمة
وها أنا ذا أقدم لكم ردي المتواضع على قصيدة اخونا المبدع دائماوابدا / الـ ع ـتيبي

مما لجا فالقلب دمعي مناثير = الحزن مركومٍ على القلب مجموع
وحيد حزنٍ تاه في زحمة الغير = من قوّ هاجوسه عن الجمع مقلوع
فالليل يسهر مع همومٍ طوابير = يقضي سويعاته على ثومة الكوع
تاردبه الونّات من عقب تصدير = وعلى حسابه للشقا شيك مدفوع
في دربها الاحزان قاطع مشاوير = الحزن ضافي والفرح صار مجبوع
فالحب ياكثر القلوب المخاسير = عقب العُلا حوّلبها الهجر فالقوع
تشكي وانا مثلك جروحي مسامير = مدقوقةٍ فالقلب فالدم ناقوع
منصاب من ظبيٍ غدا كالتباخير = أو هو سرابٍ تابعه فيه مخدوع
ابو جديلٍ كنّه السيل مهدير = لاهلّته فوق الظهر سيل نابوع
باهي قوامه لاطويلٍ ولا اقصير = يعني مثل ماقالوا الخلق مربوع
عفيف محشومٍ وذكره تعاطير = خلّي حياوي والحيا فيه ينبوع
ماهيب من برقا ولا روق بتصير = صادت فؤادي يمّها صار ناجوع
واليوم حبي لافحته العواصير= ماعاد في قلبي لها بذر وازورع
ولاعاد حنّا يم بيته مسايير = دار الزمان وضيّع اليوم مشروع
بصبر على فقده عسى فالصبر خير = بصبر وجرحي جوف قلبي ومطبوع
وياللي نخيت اصعوط تبغى التشاوير = صوتك حزينٍ يالـ ع ـتيبي ومسموع
يانايف اصبر بعد عسرك تياسير = ماكل ماتبغاهه ينقاد لك طوع
كلٍ ترا رزقه محدد بتقدير = الوصل والحرمان والشبع والجوع
وانته عزيز ومن رجالٍ مناعير = اصل الجزالة عندك وغيرك افروع
وانا عضيدك فالظروف المعاسير = وّلا الرخا يعجبك طيّب وسعسوع
واخر ماقوله كلبونا مسافير = قطع الطريق انسيره افراد واجموع
والناس يانايف على الموت بتسير = دق الخطر فالقلب باجراس مقروع
يقوله اللي دار وقته دواوير= واسقاه من هَمْجَات الاحزان قرطوع

تحياتي وتقديري / صعووووووووووط المجانين

[سراب الماضي]

صح لسانكم يالطنايا تستاهلون البيرق

الأخ الشاعر المبدع ...صعوط المجانين

صح لسانك مليوون .. ولايسدوون

بيض الله وجيهكم .. ولاهنتوا أنت والشاعر نايف العتيبي

قصيده جزله وشامخه .. من شاعر كما عهدناه جزل وشامخ

ماقصرتوا ... ونتمنى لكم المزيد من الإبداع

أختكم .. نزف الكتابه .. سراب الماضي

[إحساسي جليد]

تشكي وانا مثلك جروحي مساميـر
مدقوقةٍ فالقلـب فالـدم ناقـوع

صعوط المجانين

وعليكم السلام والرحمه

يااااهـ ياشاعرنا ,, وربي ابيات تعور القلب ..

الف مليون صح الله لسانك ولاهنت ..

ربي لاحرمنا ذا الابداع ,,

لكـ وديـ واحتراميـ

اختكـ : إحساســـ جليــد ـــي ,,

[ســـــووولآفـــ]

صح السانك ...ولو اكتفيت بهذا البيت لكفا

يانايف اصبر بعد عسـرك تياسيـر
ماكل ماتبغاهه ينقـاد لـك طـوع

اجد ماتكتب من شعر دائما توجيه طيب تسلا به الروح
بارك الله بهذا القلم الذي يشارك الجميع واعتبر قلمك كالصديق المخلص
في ساعه الضيق.نقراء ماتكتب فتعيد لانفسنا توازنها

ســـولآفـــ

[شاعرة نجد]

الشاعر المبدع


صعوووووط المجانين



تشكي وانا مثلك جروحي مساميـر
مدقوقةٍ فالقلـب فالـدم ناقـوع


صـح الله لسانك عدد بلا مدد

وبيض الله وجهك

دمت وعين الله ترعاك اينما كنت