انا كآفر ... دمي مبآح ... منت بأخوي !!

[ღ●«عـآجبني آسلوبهآ»●ღ]

السلام عليكم


يا جماعة الخير أنا في ورطه كبيرهـ
وصرت كافر ودمي مباح [/color]


سالفتي بكل إختصار

يوم 23 رمضان كانو أخواني عندنا في البيت
وسمعت عيالهم الصغار يتكلمون عن بلاي ستيشن 3
وعن مميزاته , وكان الفيلسوف حقهم اسمه خالد
خالد : اخوي الصغير يدرس بـ 5 ابتدائي بس عقل عقل واحد بالثانوي


هذي اللعبه




وفحطت باليوتوب

http://www.youtube.com/watch?v=cc-ClutaN_I

المهم

شريت البلاي ستيشن3
من محل جيم ماستر في حي سلطانه , بجوار الحرم مادري قدامه وهو سلطانه القديم <== اعلان


وإشتريت شريط كورة قدم + الشريط اللي عجبني

وكان المجموع الكلي = 2475 ريال
( ريال ينطح ريال )


[color="Navy"]وبديت العب هالشريط

أنا دبشه مثل غالبية الشعب السعودي
ما أعرف إنقلش ولا فهمت وش قصة هاللعبه

بس من خلال اللعب فهمت عدة أشياء :

1 ـ إني نصراني ومن فرسان المعبد <==
2 ـ مهتمي إصطياد صقر في مدينة دمشق
3 ـ رفع الظلم عن أهل دمشق وقتل جنود المسلمين



بدأت اللعبه وقدرت أتسلل للمدينه
وحصلت 3 من جنود المسلمين يحاولون إغتصاب فتاه
( ومهمتي رفع الظلم عن أهل المدينه )

سحبت سيفي
وقتلت جنديين

الثالث قطعت رجله , وطاح على الأرض يصيح

COLOR]


دقيقه بروح اشرب مويه وبكمل لتسم القصه

[ღ●«عـآجبني آسلوبهآ»●ღ]

وكانت مفاجأه بالنسبه لي :

يقول : يالله ساعدني , يالله أنجدني
( يتكلم عربي )

أنا إنهبلت من الموقف حوالي دقيقه

ثم
غزيت سيفي في بطنه وذبحته


ورحت أدور الصقر

كل شوي أطلع فوق منارة مسجد
وأصفر للصقر وينحاش
( ماعرفت أمسكه )


قبل يومين

جاء خالد أخوي
ودخل غرفتي وأنا العب بلاي ستيشن

قال: متى شريته

قلت: لي كم يوم , وتراه لك بس خلني أنهي هالشريط

وجلس خالد يتفرج علي


طلعت فوق منارة مسجد
وحصلت الإمام يقول : الله أكبر الله أكبر ... إلخ
( كان يؤذن للصلاه )

شوي ويشوفني الإمام

قال: ماذا تفعل هنا , ياجنود يا جنود
( يبي يبلغ علي الإمام )

وأنا أضربه بالسيف إلا يده مقطوعه
ويقول : يالله ساعدني , يالله أنجدني

وأنا أذبحه بالسيف


قال أخوي : يالكلب يالكافر
تذبح المسلمين

قلت: أنت تكلم من

قال: هذا لبسه مثل فرسان المعبد
اللي كانو في القدس
أنا شفتهم في مسلسل صلاح الدين

قلت: الكافر من يا ورع

قال: يا ويلك من الله <--- احم احم ^_*


المهم

طلع خالد من الغرفه
وفضحني في البيت وعند الجماعه
علمهم إني كافر



اليوم الصباح كنا متجمعين في مجلسنا
وهو يصب القهوه ومطنشني

قلت: ما ودك تقهويني ياكحيلان عشان أعطيك البلاي ستيشن 3

قال: ما أقهوي كافر وبلاي ستيشنك ما أبيه


أنا سكتت عنه ويوم طلع برا المجلس
لحقته ومسكته وطلعت من محفظتي 200 ريال

قلت: خذ وأنا اخوك رح إشتر اللي تبي

قال: الكافر مانأخذ ماله , ولا نكلمه ولا نجلس معه

والورع يسفهني ويروح

دقيقه

[ღ●«عـآجبني آسلوبهآ»●ღ]

( صح إني بارد ودايم اضحك مع ذا المبزره
بس قفلها معي )

وأنا أمسكه مع رقبته واصفقه بالجدار
وأجلس اضرب فيه بالعقال

ويمسكني أبوي عنه
إلا يوم جاء ابوي

قال: أنت وش فيك تضربه

قلت : رب ولدك زين , والا ربيته بنفسي
وعلمه كيف يحترم اخوه الاكبر

قال: متربي أحسن منك

قلت: تعوذ من إبليس لا أحطك جنبه يا رجال
وربه ابرك لك وله ( خربت أخلاقي )

تدخل أخوي المطوع بالموضوع
وعلمته بكل شي

وقرر يشوف الشريط

شغلت الشريط ولعبته قدامه

قال: سود الله وجهك يالعميل الخائن
شريطك ذا نهايته تفتح القدس لليهود والنصارى

قلت: يبو الشباب تراها لعبه
لا تصير حمار ومخك متنح , كبر عقلك

وهو ينقز على البلايستيشن يبي يكسره
وأنا أمسكه مع حلقه ويبدأ التبقيس بيني وبينه
( أعطيه بوقس ويعطيني بوقس )

العيد خرب والسبب هالشريط خخخخخخخخخخخخخخخخ



والبلاي ستيشن الأن مهدد إني يتكسر
وأنا جالس في غرفتي عشانه ما أبيه ينكسر

والزفت ذا البزر خالد مايبيه


والمشكله قبل شوي جتني رساله على جوالي
من رقم غريب

نصها كالأتي :

المرتد يعطى مهله 3 أيام بعدها يقتل
الله يهديك وترجع لدينك دين الحق
وإن بقيت هكذا عميل وخائن للأمه
فدمك مباح



إنا لله وإنا إليه راجعون

الحين وش السواة , صرت في بيتنا كافر وفلوسي حرام
وبرا بيتنا مرتد وعميل وخائن ودمي مباح


إلى متى وأنا بجلس كذا











( القصه من نسج الخيال والمراد منها حكمه أتمنى
أن يصل مضمونها للجميع وأن تتم الإستفاده منها )



1 ـ صغار السن مستهدفين من أجل تغير فكرهم
وعقيدتهم ومبادئهم ,

تذكرون بباي



بباي قوي أكل السبناخ وتسلق الشجره
وطلع لين فوق السماء , وصفق العملاق اللي جالس على عرش

منهو صاحب العرش اللي صفقه بباي
( أسئل الله العلي العظيم أن يغفر لي وأنا بزر
وأن يشل يد صاحب فكرة رسوم بباي )


2 ـ قبل حرب العراق الأخيره
نزل شريط بلاي ستيشن 2 , عن جنود أمريكان
يقتلون الجنود العراقيين وفي أخر اللعبه
يتم قتل صدام حسين في دهاليز قصره

وفي كل مرحله من اللعبه يتم تفجير 6 صواريخ نوويه


بعدها بدأت الحرب الفعليه وسقط صدام حسين ( )
وماحصلو أسلحة دمار شامل

وش الهدف من الشريط ؟

تمهيد وتغيير فكر شباب المسلمين وصغارهم
وإقناعهم بأن أمريكا صوت الحق
وإنهى حس الجهاد لديهم , وإقناعهم بوجود أسلحة دمار شامل
في العراق


3 ـ مازلت أذكر شريط أفغانستان
عندما يتم قتل أسامه بن لادن في مسجد
( يخسون والله كل شي وأسد الدين أسامه
فجرت نفسي بقنبله وأنهيت اللعبه )



كل هالشرطان لعبتها عشان أعرف وش نهايتها
وكل ما استفيده منها
زيادة النار والغل والحقد في صدري على أمريكا وأذنابها



4 ـ اللي يقول إني أبالغ
يشوف دار الأحداث ويشوف كم مراهق مسجون
يشوف دار النقاهه وكم مراهق مشلول

ويسئله : كيف تعلم التفحيط وسرقة السيارات

كلها من شرطان البلاي ستيشن

قراند : يعلمك كيف تسرق وتقتل وتنهب
درايفر : يعلمك كيف تزحفها وتستفهم في كل شارع





هدفي من الموضوع واحد
وهو أساس هالموضوع

حنا في عيد ولابد بعضكم يبي يشتري لأخوانه أو خواته
شرطان بلاي ستيشن

ياليت : تتختارون لهم الشريط المناسب لعمرهم
لأن بعض الشرطان تدمر وتؤدي للمهالك

واتمنى التثبيت للافاده ولخاطر ايدي الي انكسرت


وسلامتكم [/

[ولد النظيم]

هههههههههههههههههههههههههههههه
وش مطلوووووووووووب

[ღ●«عـآجبني آسلوبهآ»●ღ]

المشاركة الأصلية كتبت بواسطة ولد النظيم

هههههههههههههههههههههههههههههه
وش مطلوووووووووووب

ياخي وش ذا الرد الي رفع ظغطي وقسم

باختصار المضمون واضح ننتبه لوراعينا الي كسرتهم نوعيه ذا الاشرطه وتستهدف عقولهم