لا تزعلي مني

[البركان الثائـر]

لا تزعلي مني ترى خاطري ضيق = تواتر الاحداث سبب مصيبه
يوم اتفكر في طريقي بتدقيق = خلا حياتي كلبوها صعيبه
جاني خبر مابين كذباً وتصديق = وقع الخبر ضيق فجوجاً رحيبه
اروح ادور وابحث العلم تحقيق = لو كان علم الزين كلاً دريبه
لكن انا عايش مع الحلم مافيق = ولا ودي اصحى من حلوماً رطيبه
ارقا على رجم الهوى فوق واويق = واقول يمكن سال باقي شعيبه
ارقا مع حلمي اليا قمة اطويق = والعلم ينزل بي لقاعة قليبه
مرات اقول العلم كله توافيق= ومرات دمعي من عيوني سكيبه
الهم طوقني على الزين تطويق = والشوق في قلبي تزايد لهيبه
وبرقت فالدنيا والاحوال تبريق = واقول يادنيا المعاناة خيبه
العن الدنيا مع البعد تفريق = لنه سبب كل الجروح العطيبه
لي حاجةً بالغرب واروح تشريق = ما عاد اجمع منشغل بالحبيبه
مجنونك الهائم بدرب العشاشيق = في سالفة عشقه غداله ذهيبه
راحت خذت معها جميع المعاليق = جاني خبر بالليل صارت خطيبه
علماً لفا للقلب مثل الصواعيق = عجزت اصدق كل علماً حكيبه
ما اطيق انا نفسي وللصبر ما اطيق = لو الفتى ماياخذ الا نصيبه
اعشق انا صادق ولا فيه تلفيق = ( لا فيه لا شكه ولا فيه ريبه)
اعشق انا بنت الرجال المطاليق =بنت الشرف والعز والطيب هيبه
يفداك ياخلى رخوماً مطافيق = اهل النمايم والحكي والمغيبه
يالله يامرسي جبالاً شواهيق = انك توفق من عشقته غصيبه

اخوكم البركان

[فيصل التيماوي]

البركان الثائر

الله عليك

صح لسانك مليون ولايكفون يابعد حيي

أبيات رائعة جدا

لا يجيد نظمها إلا شاعر بحجم البركان

أنا اشهد انك كفيت ووفيت يابعد حيي

سلاااااااااااام

[المشـــــــــــــتاق]

البركان الثائـر
:

الله الله

لاهنت يالشاعر

بيض الله وجهك

نص كبير جدًا
تملؤه الروعة واحاسيس البركان

صح الله لسانك

لاتحرمنا جديدك

تقبل حضوري

:
مودتي
المشـــــــــــــــتاق

[صعوط المجانين]

لي حاجةً بالغرب واروح تشريـق=ما عاد اجمّـع منشغـل بالحبيبـه

البركان الثائر
صح لسانكـ وبيض الله وجهكـ
قصيدة جزلة من راس جزل
لكـ كل التقدير والاحترام (الخاص)
دمت بخير

[لذة غرام]

صباحك ورد...من مطر..من انفاس لذّهـ


/



/





الله على هالقصيده..!!

رائعــه

رائعــه

رائعـــه..!!

صــح ألســانك

وسلمت الأيـادي..!!



/



\



كن بخيرا..!!