بين الغموض وبين شبه الحقيقه

[النــــايــف]

بين الغموض وبين شبـه الحقيقـه =

اصارع جروح(ن) بقلبي مقيمـات

كني غريب وتايه(ن)فـي طريقـه =

الصمت لازم غربته كل الاوقـات

لويشتكي مااحد(ن)فهم ويش يعيقـه=

غريب تاه بغربته وسط الامـوات

عزاه ياجرح الز مـان وصديقـه =

وعزاه ياوقت(ن) على صاحبه فات

لوالقلم يشكي مـن الحبـر ضيقـه =

يمكن شكيت الحرف للحبربالـذات

طيف(ن)رواه الحرف ولا بل ريقه=

يوم العواطـف اشعلتهـا القنـوات

مير البلاء سرالجـروح العميقـه =

اللي غذت شريانها صمت اللاهات

ليت الجروح تبوح لـي بالحقيقـه =

حتى تزاح جروح فينـي مقيمـات

[صعوط المجانين]

اخوي / النايف
صح لسانكـ وبيض الله وجهكـ
قصيدة جزلة من راس جزل
لكـ كل التقدير والاحترام (الخاص)
دمت بخير

[شمري حايل]

ماشاء الله عليك لأبيات رائعه وجميله جدا
صح لسانك ولاعدمنا بوحك وقلمك
تسلم يالنايف دايم وانت نايف بالقمة ياشاعرنا الغالي
دمت بخير وعافيه
أخوك شمري حايل

[سراب الماضي]

الأخ .. الشاعر المبدع . النايف

صح لسانك مليوون.. ولايسدوون

بيض الله وجهك ولاهنت ..

قصيده جزله من شاعر جزل

بإنتظار قلمك المبدع

أختك .. نزف الكتابه .. سراب الماضي

[النــــايــف]

الف شكر اخوي
صعوط المجانين على مروركم الكريم لك كل الحب والا حترام الخاص