احرقني القيض واتعبني الصد .. روايه رومنسيه جريئه من تأليفي الاميـ 7ـرة

[مكحله بـدم خاينها]

بسم الله الرحمن الرحيم ..
السلام عليكم ورحمة الله وبركاته ..
اعضاء تعب قلبي .. العضوات الرائعات ..

اليوم احببت ان انقل لكم ما كتبته يداي وسهرت فيه الليالي .. اكتب لكم روايه قد تكون فريده من نوعها .. لأنها من نسج خيوط الخيال .. ولا للواقع مكان فيها ..
روايه .. رومنسيه .. جريئه .. خياليه .. يجتمع فيها الكره .. والحب ..
الغيره والحقد .. تتجمع الخيوط لتكون روايه متكامله ..

اعزائي ..
سوف ازخرف هذه الكلمات واعطرها من ردودكم الجميله .. وتكتمل بمحبتكم للروايه ..
واتمنى التفاعل ..

اعزائي ..
عند نقل الروايه ارجو ان تكتبو .. للكاتبه الاميرة أو الامـ 7 ـرة..
لأن الرسول صلى الله عليه وسلم حرص على ذلك .. والمؤمن هو من يعطي صاحب الامانه حقه ..

اعضاء المنتدى الكرام .. اتمنى ان لا اكون قد اطلت عليكم بكثرة كلامي ..

.................................................. .................................................. .....................

شخصيات الروايه ..

عائلة أبو رائد ..
رائد الابن الوحيد .. جذاب ووسيم رومنسي كثير وجسمه رياضي ومعضل
لونه برونزي عيونه جذابه وحاده .. وخشمه طويل .. مغرور بنفسه مره ..
رائد امه متوفيه من هو صغير تربى عند خالته ام أحمد وهو مسافر يكمل
دراسته بره يدرس طب وابوه غني جدا وهذا السبب الثاني اللي يخلي
البنات يموتون على التراب اللي يمشي عليه ..

.....
عائلة ايو احمد ...
أحمد الابن الكبير .. متزوج من قريبتهم دلال عندهم ولد صغنون يجنن ..
وزوجته الحين حامل .. متدين نوعا ما ..يحب دلال مره وما يرفض لها طلب ..
ويشتغل مع ابوه في الشركه ..

..
دلال انسانه حنونه وجميلا .. انيقه عيونها سودا سودا الليل وسعرها اسود وطويل شوي ..
رشيقه .. تحب احمد وتغار عليه مره ..

..
مي ثاني اجمل بنات العائله .. جمالها خليجي .. العيون الكبار والسودا والشعر الطويل مره ..
والخشم اللي مثل السيف ..لا متينه ولا ضعيقه .. تحب الموضه والمك اب والسوق ..
وتحب رائد بجنون وما ترضى عليه ..

والباقي بالتدرج عشاان ما تنسوهم بسرعه وتملون من الشخصيات ...

.................................................. .................................................. .......................
بيت ابو رائد ..
في الصاله .. أم أحمد جالسه تبخر المكان .. لأن رائد بيوصل الحين ..
ولازم الترتيبات تكون جاهزة ..
أم أحمد : ميري .. ميري ..
ميري وهي تركض : نأم ماما ..
أم أحمد : نظفتي غرفة رائد ..
ميري : نأم ماما ..
أم أحمد : حطيتي العلبه ..
ميري وهي تأشر بيدينها : انا في سوي كل شي ..
أم أحمد : خلاص روحي وفكينا ..
ميري وهي تتحرطم .. اف والله في ثوي كل ثي وبعد مو عاجب ..
أم أحمد: وش تقولين ..
ارتاعت ميري: ولا شي .. انا اقول شي ..
أبو أحمد : هاه خلصتي ولا بعد ..
أم أحمد:لا خلصت الحمد لله .. أقول ..
أبو أحمد : سمي ..
أم أحمد : سم الله عدوك .. الا مين اللي بيروح حق رائد ..
أبو أحمد وهو يقعد : أبوه يعني منو ..
أم أحمد : اقول فز وش اللي مقعدك ..
أبو رائد ويسوي نفسه مرتجف : خير عمتي ..
أم أحمد وهو ودها تضحك على خبال رجلها : قم شوف وخيك ما يصير ..
أبو أحمد : لا عادي ..
أم أحمد : وش هو اللي عادي .. موب حلوة في حقك وانت عمه ..
أبو أحمد : خلاص بتصل بأحمد ..
أم أحمد : ايه كذا ..
اتصل أبو أحمد بولده..
أحمد : هلا يبه ..
أبو أحمد : هلا بولدي الغالي ..
أحمد ضحك : المختصر ..
أبو أحمد : أفا ياوليدي هذي أخرة الخبزه والملحه اللي كليناها مع بعض في المكتب ..
أحمد ما زال يضحك ما يمل من سوالف ابوه : ما تيوز من سوالفك ..
أبو أحمد : أقول روح لعمك في المطار .. ما يصير يقعد بروحه ..
أحمد : ومي ؟؟
أبو أحمد : ياخي عادي هذي ولد عمها مهوب وفد اجنبي تستقبله ..
أحمد : بس ..
أبو أحمد : ترى عادي ..
أحمد : لك ما طلبت ..
أبو أحمد: بعد طلوع الروح ..
أحمد : لازم .. ههههههههههههههههههه..
وسكر ..
أحمد طالع مي : جاك مشوار للمطار ..
مي وهي فرحانه بس ما تبي تين لأخوها عشان ما يشك قالت وبعدم مبالاه : ليه ؟؟
أحمد : ما أحسبك غبيه لهدرجه ..
مي وتسوي نفسها توها تتذكر : اها عشان رؤووود ..
أحمد : أصغر عيالك هو .. أحشمي الرجال ..
مي اففففف : انزين ..
هي كانت فرحانه بداخلها وتحققت امنيتها .. وانها بتغايظ البنات <<< عشان او وحده شافته تحسبه مهند بالغلط يعني خخ ..
أحمد وهو يهز كتف مي : ما ودك تنزلين ..
مي : ايش .. لاا .. اوكي ..
أحمد استغرب : .. ايش فيك ..
مي تورطت : لا بس تعرف السياره تأثر علي ..
أحمد ما أقتنع بس مشاها بكيفه ..: اوكي ..

تعلن شركة طيران القطرية عن وصول الرحله رقم *** القادمه من الولايات المتحده على مطار الدوحه بسلام ... فحمدلله على سلامة الجميع ..

أحمد توه كان داخل المطار وكان يناظر الناس الوجودين والزحمه ويدور على حمه وحصله ..
أحمد : السلام عليكم عمي ..
ابو رائد : وعليكم السلام .. هلا مي ..
مي وبحياء مصطنع : هلا عمي ..
احمد : الا طيارت رائد ما نزلت ..
ابو رائد : اي وانا عمك ..
الا وشوي مي تلمح رائد وهو جاااي من بعيد وكان جذاب ويدوخ بالبرموده والتي شيرت الكت .. وكان شعره طويل شوي وشكله حلو مره ..
ابو رائد وهو ييحضن ولده ودمعة عينه : هلا بنور عيني هلا ..
رائد : مشتاق لك حيل يبه ..
احمد : تو ما نورت الدوحه ..
رائد وهو يحضن احمد : منوره بأهلها ..
مي وبصوت ناعم : حمد لله على السلامه ..
رائد ما سمع مي لأن كان صوتها مره خفيف وهي حاسبته عالي والمكان كله ضجه ..
وكان يتكلم مع ابوه ..
مي اف يحسبني نمله ..
............................................

الجزء الثاني على حسب تفاعلكم معي ..

الاميره

[^^ريتـــــــــــان^^]

مرررررررررررررره روعه وبصراحه يامكحله انا

من اشد المعجبات برواياتك ومنهم احفاد وايضا

ورود في مزبله الواقع اللي انتظر تكملتها على ناااااار

بليززززززز ابغاك تنزلين البقيه لهذي الروايه

[daloo3a_502]

رويه جميله تسلم يدك يامكحله اتمنى منج تكملت الرويه
تحياتي

[مكحله بـدم خاينها]

المشاركة الأساسية كتبها ^^ريتـــــــــــان^^

مرررررررررررررره روعه وبصراحه يامكحله انا

من اشد المعجبات برواياتك ومنهم احفاد وايضا

ورود في مزبله الواقع اللي انتظر تكملتها على ناااااار

بليززززززز ابغاك تنزلين البقيه لهذي الروايه

.. انا موب مكحله بدم خاينها ..
انا وحده اسمي الاميره في المنتديات .. ولكن لما جيت اسجل هني
كان اسم الاميره مستخدم .. فسجلت مكحله بدم خاينها ..
وانا الحين بطلب التغير من الاداره ..
واعتذر لمكحله لأني خذت لقبها بس بجد انا مادري ..
وانا الحين الاميــ 7 ـــره ..
وبتشوفو اول رواياتي اللي هي احرقني القيض واتعبني الصد ..
واتمنى تعجبكم ..

[ملـــ دموع ـــكة]

والله الصراحه صح مافي شيء يعني حمااسيي بس عجبتني من جد فنتظر البااقي والله ونزيلييها باسرع وقت يشسلموووو