إبليس يغادر الأردن

[جابرالرماح]

ابليــــس يصـــف الوضـــع والحالـــة في ‏الاردن


كان في ‏غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت ‏استقالته موقّعة ومختومة حسب الأصول, وبجوارها تقبع ون-واي تيكت إلى جزر ‏القمر.
‏كانت ملامح وجهه في تلك اللحظات تنطق بالحزن, ‏الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست ‏بالقريبة, واعترافٍ بالعجز والفشل.
‏إبليس راحلٌ عن بلادنا إلى غير ‏رجعة... فليفرح المؤمنون...

- ‏وين يامسهّل؟ ليش عم بتضبّ ‏اغراضك؟
- ‏يازلمة ماظلّلي قعدة عندكو, إلي سنين عاطل عن العمل وقرّبت أموت من ‏الجوع.. بلاقيش معك سيجارة ياخوك؟
مش قاطع فيكو لا وسواس ولا خنّاس! كنت ‏زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا ‏اولادهم في الحاوية أوّل مايجوا!
‏كنت أوسوس للواحد ينسى يسمّي الله قبل ‏مايوكل, هسّة بطّل حدا لاقي إشي يوكله! يازلمة إذا أنا إبليس تسمّمت ‏بالشاورما!
‏كنت برضو بوسوس للشب يرميله كلمة ع البنت وهي ماشية ‏بالشارع, صاروا البنات يطقّسوا ع الشباب بكلام أنا نفسي بستحي ‏أحكيه!‏ إنتو بدّكو إبليس ‏إنتو؟!
‏صار عندكم فائض في الفساد بكفّي 30 سنة لقدّام, صرت أخاف على حالي ‏منكم!
‏يازلمة مرّات بضطرّ أوسوس بالشقلوب وأقول للمسؤول إرحم وللحرامي ‏بكفّي خلّي شويّ للحراميّة اللي رح ييجوا ‏بعدك!
‏يعني إذا إنتو لحالكو سمالله بتعملوا كل هالبلاوي, أنا إبليس شو ‏أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف ‏يعيّنوني واعظ أو إمام جامع

[بطة الطعومة]

هههههههههههههههههههههه
هههههه

صح ان عنوني<<عيوني عورتني

الخط صغير

بس اني استانست

كنت اتمنى انك ماتخصص شعب بالموضوع عشان مايسبب الموضوع اي حساسية للبعض

دمت بود
وربي يعطيك العافية

[ملاك الرومنسية]

ماظلّ غير أقدّم للأوقاف ‏يعيّنوني واعظ أو إمام جامع


يلا بينفع الناس شوي


هههههههههههههههههههههههههههههههههههههههههههههه

[احساس العالم؟]

هههههههههههههههههههههههه
يسلمووووووووووو

[حلاالمدينة]

يسلموووووووووا

يعطيك العافية