من اجمل واحلى رسائل العتاب

[majnonha]

أنا زعلان منك حيل وشايلك بقلبي عتاب
وأتمنى تحملني مثل مااتحمل عتابك
ترى بعض الصراحة جرح وثقل ونرفزة وأعصاب
أ‎بي تسمع كلامي زين وتمسك زين أعصابك
تعاهدنا أنا وأنته على إنا نكون احباب
وش اللي غيرك فجأة تكلم واذكر الأسباب
أ‎نا بسمع كلامك زين وبسمع زين اسبـابك
رغم كل الخطأ منك فوجهك ماقفلت الباب
ويوم اخطيت في حقك قفلت فوجهي ابوابك
رخصت الغالي لعيونك حنيت لخاطرك ارقاب
كفاية تمتحني هم وخل من ذم فيني وعاب
ترى من عاب في غيرك ولو طال الزمن عابك
ولا تفكر في يوم انساك او يشغلني عنك غياب
انا اتنفسك اهواك وفيك اموت واحيابك
انـا مهما قسى قلبي بكلمه منك احسه ذاب
احسك جزء من روحي ولا اتحمل غيابك
ولا قد طاب لـي جرحك ولو جرحي لذاتك طاب
ولكن كل شي إلا جزاة الـصد بالـترحاب
إذا صديت ترحابي ترى باصد ترحـابك
ولاني مرتظي ذلي ولو كان الهواء غلاب
انا كلي غدى مجروح من غرسـات انيابك
تجافيني ولا همك ولا تحـسـب لي أي حـسـاب
وانا من زود عشقي لك اصونك واحسـب حسابـك
آلآ ياقسوة الصدمه تجيني منك الأصواب
وانا اللي كنت اقول الجرح إذا ما صابني صابك
آمانه قول وش بقيّت للعذال والأغراب
اذا هذا معي طبعك اجل وش حال اغرابك
تمرد كان يحلى لك تعيب في طيبتـي وتغتاب
ولكني ترى اكبر من اني يوم اغتابك
انا عيبي غبي طيب وضني فيك والله خاب
ولا كنت اتوقع تجافي يوم اصحـابك
انا جيتك بطيب الطيب وفيك الطيب ابد مـاجاب

[البنوتة الحلوة]

تسلمى خيتو على الرسالة مرررررررررة جناااااااااااان

[Za3eamiah]

ياويلي عالقصيده مرررررررررررررررره خطيره !!
حسافه بس ماقريتها من قبل ..

يسلمو :)

[حلاالمدينة]

تسلمي مسج حلوووو

[المجروحه بسهم القناص]