هذي انا كلي عنا....كلي ألم كلي جراح

[شوشة منفوشة]

هذي أنا كلي عنا كلي ألم كلي جراح



كلي أماني متعبة من طول عمر الإنتظار




كلي مشاعر حاولت توصل للحظة إرتياح



كلي حقايق زايفة تتلون بلون المرار




لاقلت بأرضى بقسمتي وأطلب من الفرحة سماح



يرجع يحاصرني الوهم كني جليد فوسط نار




دايم على خير الزمن شمسي يغطيها وشاح



مليت ظلمة ليلتي من حقي أحلم بالنهار




أصبحت أسيرة لدمعتي وأطلقت عن همي السراح



يومي قضيته بالألم وأمسي خسرته بأقتدار




وين الأمل دام الوفا عن عالمي هاجر وراح



دام الألم في دنيتي جاوز حدود الإنتشار




وشلون أحلم بالأمان وخوفي صرخ فيني وصاح



وشلون أبسأل دنيتي عن الخيانة بإختصار




ليه السعادة كذبه ليه المحال أصبح متاح


ليه المشاعر مجبرة تذبل وأنا كلي إنكسار




هذي حقيقة واقعي كله ألم كله جراح



حتى الأماني متعبة من طول عمر الإنتظار



:: :: :: :: :: :: :: ::

[ابتسامه رسمتهاالدموع]

روووووعهـ

لا تحرمينا من جديدك خيتووو

[صمت الــــم]

وين الأمل دام الوفا عن عالمي هاجر وراح
دام الألم في دنيتي جاوز حدود الإنتشار

يسلمووووووووو جنااان..

[كلي اسى وهموم]

ابداع اختي

طرح رائع مجسد لمعنى الالم

وعن واقع مرير عاشه شخص به الام من الحسرات والندم

يسلمو اختي على بوحك الرائع

لاعدمناك

[عواصف الم]

المشاركة الأصلية كتبت بواسطة شوشة منفوشة

لاقلت بأرضى بقسمتي وأطلب من الفرحة سماح

يرجع يحاصرني الوهم كني جليد فوسط نار

قصيده تفوق الوصف...


جبتيها على الجرح اختي..




يسلم ذووووقك الراقي...