تقهويتك وله.....

[جــوزيــف المطــيري]

قصيده السلام عليكم ورحمة الله وبركاته اليكم هذه القصيده التي اتمنى ان تنال على اعجابكم...

تقهـويتــك وله ... لوما تقهـويتــك بصفر دلال
تهيلتــك هواجيـــس .. وقصـائد حب منـثــوره

اهيجن لك .. بطرقٍ .. غار من مسحــوبه الموال
حديت اغلى مغاتــير الغرام .. وجتك منحوره

تذكــرت الجــــديل اللي تمـــوّج كنّـه الشـــلال
وخد ٍّ يجهر البدر بسنـاه .. ويجــرح غروره

وطهور الرمش يرسم له على الوجنه غطى وظـلال
واذا سلهم يجرِّحه النعاس .. وينقض طهوره

حبيبي ... ما بقى للشعر شيٍ يوصـف وينقــال
ليا أختال الحور بعيون .. مفضوحه ومستوره

سحرني كلّ شيٍ فيك .. والسـحر أغلبه قتـال
وتماديت وذنــوب السحر في القرآن مذكوره

حبيبي ... عاشقك معذور والله لو يجـيه هبـال
اليا صار العشق شيـخٍ يسير العاشق بشـوره

احـبك ايه احـبك ياغنى عمــري وراس المــال
لك بقلبي بساتين .. ومشاتـل حب ممطوره

لطيفك من سموم القيض في عين الوله مقيال
واذا قصّرت .. يعذرني .. ترى كلن وميسوره

أهلّي بالجروح اللي غدا صـدري لها مدهــال
واقلّطها بـــروحٍ من رداة الحظ مقهـــ‏وره

واداري حيرة العبرة .. واكـابر واقهر العـذال
واذا طرّوك قـدامي .. نخيت وقلت .. أخو نوره

انا والله لزومـــات العــواذل والرجـال رجـال
وهل الأمثال قالوا .. يبخص القنـاص بطيوره

ماحـد يـقدر يعلّق في خيــــوط العنكـبوت جبـال
ماحـد يـقدر يهـدّ ديــار لك بالقلب معمـوره

يجونك ناس والدنيا .. معاك ريال تسوى ريال
واجيك ولا معاي الا ّ... قصايد حب منثـوره
تــــحــــيـــــاتـــــي,,,
جـــــوزيـــف الـمــطــيــري,,,

[القائدA]

تقبلو مروري

[~إحسااس مطفووقه~]

حبيبي ... عاشقك معذور والله لو يجـيه هبـال
اليا صار العشق شيـخٍ يسير العاشق بشـوره

احـبك ايه احـبك ياغنى عمــري وراس المــال
لك بقلبي بساتين .. ومشاتـل حب ممطوره

روووووووعـــــــه...


تسلم اخووي....ويعطيك العاافيــه..

[**بنت ابوها**]

يسلموووووووو

[ابتسامه رسمتهاالدموع]