مجرد رأي

[السيد فهيم]

-أنا عندي اقتراح كدة عاوز أقولهولك.
- اقتراح !!!..
- اية غريبة أوي ، بتتعجب منها لية إحنا ما بنخافش ولمأخذة.
- قول يا عم الجرئء.
- أقول بس يا عم سمعني الصلاة علي النبي.
-علية أفضل الصلاة والسلام ياسيدي.
- كنت عاوز أقول امممممممم.....
- يا عم قول وخلصنا.
-طيب خلاص خلاص هاقول أهوة ، انت لية محموق اوي كدة..
-أنا كنت عاوز الخطاب الديني - حلوة الخطاب الديني دية - هه
-يوة ياعم إنجز.
- طيبؤ خلاص خلاص ، كنت عاوز الخطاب الديني يكون واقعي شوية .
- ازاي يعني يكون واقعي.
- قصدي انة يناقش أمور نتحدث في الواقع .
- ازاي بردة مش فاهم.
-ابسطهالك ، بص ياعم، إمام الجامع مثلا أو أي حد متخصص في الدين لما تحصل
مشكلة في البلد او الحي وممكن يكون لها تأثير علي الناس وتهم جميع المسلمين
أنة الأولي يتكلم عنها ، فهمت ؟
- أفهمك أكثر مثلا مشكلة مثلا تخص المسلمين ولتكن مشكلة الحصار علي غزة
همة مش مسلمين بردة والا اية ؟
- اه مسلمين ؟
- حلو اوي اية المانع لما امام المسجد يتكلم عنها بحيث يوعي الناس ويعرفهم حكم شرعهم
من الحصار دة ، بل إن فية مشاكل أكبر من كدة ومهمة جدا ويجي يتكلم عن حكم تطويل
اللحية اية واجب والا سنة.
- اه بس انت كدة هاتخبط.
- اخبط ازاي 0
-انت بتقول ان الحاجات دية مش مهمة .
- حاجات اية ؟
- يعني الكلام عن الصوم والصلاة واللحية وغيرها ... وانت كدة بتققلل من اهميتها.
- كدة انت فهمتني غلط انا قصدي لو حصلت مشكلة زي مشكلة حصار غزة او البطالة ....
اية المانع اننا نتكلم عنها ،
ونتكلم يا علي الحاجات الاساسية اللي هية الصوم والصلاة ونعرفها كويس وبعد كدة
نتفرغ للحاجات الفرعية زي اللحية وتطويل الثوب ........ فكل وقت ولة أذانة ولكل مقام مقال.
-لا طالما انت قصدك كدة يبقي الامر يستحق التفكير .
- ما تفكرش الكلام دة هجوم خدة من قبيل انة ( مجرد رأي ) ومش ائمة المساجد بس لا للي بيكتب في النت والمنتديات زي منتدي ( ) وفي كل المجالات ...
- طيب أديني فرصة أفكر و ( أكيد ) هارد عليك.
- طيب فكر براحتك ( وانا منتظر الرد ) .
- السلام عليكم ورحمة الله وبركاتة .
-وعليكم السلام ورحمة الله وبركاتة.

[عبد الحميد بدوي]

ما اجمل هذا التفكير وهذا الحوار
بس عاوز اعرف من اللي انت بتكلمة.