المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
18-09-08, 01:58 AM
| #1 |
| |[ عـضـو فــضــي ]| الدولة:  روابط إعلانية |  تخيلوا البنت تصير ولد الحمد الله أنا بنت لاتفوتكم أتخيلي يوم من الأيام.. بسم الله عليكـ... أنا ما اتفائل عليكـ.. بس مجرد خيــــال... أتخيلي يوم قمتي من النوم انتي ولد وحياة البنات خلااااااص راحت.. وش بتسوين؟!!...... قمتي عليك ثوب نوم عقب القميص ناظرتي نفسك في المرايه وأرتعتي وش ذا الشنب؟!!!!!!!!!!....... ووين شعري؟!!!!!!!!!!!!....... بعدين تذكرتي ايــــــــــــه صح...أنا ولد.. رحتي للحمام وانتي بكرامه شفتي نفسك مع المرايه شفتي دقن طالع لك مسكتي مكينة الحلاقه بتعرفين تستخدمينها؟؟!!!!!!.... لعوطتي الدنيا وطلعتي أهم شي شلتي الدقن لو بالحلاوه قمتي فتحتي الدولاب شفتي الدولاب كله ثياب تتشابه وين الفساتين؟! والتنانير؟! والبلايز؟! والقمصان؟! والجلابيات؟! والشناط؟! بعدين تذكرتي ايــــــــه صح.. أنا ولد..... وطلعتي ثوب ابيض ولبستيه وطلعتي شماغ ولبستيه وأخذتي جوالك.. ولقيتي فيه مسج من ولد جيرانكم كنتي قبل تستحين منه وعاجبك شكله والحين راسل لك مسج.. وش بتسوين؟!!!!!.... أخذتي بوكك بس أنتبهتي لشي بجنب الجوال والبوك مفاتيح؟!!!!!!.... اللــــــــه ونــــــــاسه يعني بتسوقين؟!! حلــــو يازين حياة الأولاد أخذتي المفاتيح مبســــــــوطه ومن قدك مفاتيح سيارتك معك وأنتي على الدرج سمعتي أمك تناديكـ... لحظه...... وش أسمكـ؟!!!!!!!!!!...... يالله أختاري.. خالد.. فهد.. نواف.. سعود.. نايف.. طلال.. فيصل.. زياد.. طيب بنتخيل اسمك وليد.. نادتك امك: ولــــيد وأنا امك خذ الاغراض وركبها في السياره علشان اليوم فيه أستراحه مع خوالك ناظرتي الأغراض كل شنطه أكبر من الشنطه الثانيه... وش بيشيل ذي؟!!!!!!!....... خلاص ياوليد أنتي رجال وهالشي بسيط بالنسبه للأشياء الجايه... خذتيها وطلعتي في الشارع وحطيتي الشنطه في السياره بصعووووبه. لحظه.. لحظه.. ما انتبهتي على شي؟!!!!!!...... أنتي بدووون عبــــايــــه.. يـــــــاااااااااااااااااي وناااااااااااااااااااااااااااانسه... لحظه وش ياي هذي؟!! هذي حركات دلع قول ياااااااااااااااااااااااااااااهــــــــــــوو ووووو ووووو.................. ركبتي باقي الأغراض وجلستي ساعه في السياره تنتظرين خواتك رحتي تشوفين وش أخرهم لقيتي وحده حاطه اللفافات في شعرها وحده تحط مكياج وحده محتاره بين تنورتين ووحده تتبخر.. حنيــــــــتي لهلحركات بس سويتي نفسك يعنني رجال ضحكتي بسخريه: ههههه أما انتم يالبنات عليكم حركااااااات المهم خلصو وطلعو ركبتي السياره بتسوقين.. من قدك أنتي عند الباب.. مشيتي بالسياره وبعد طريق طويل وقفتي عند أشاره التفتي شفتي شااب في سيارته يقطــــــــــــع القلب أطلقتي صفاره لاأرادي وبققتي عيونك لحظه.. لحظه.. خلي عيونك قدام أنتي رجااااااال... بلاش حركات البنات حدكـ البراقع.. وصلتو عند الأستراحه نزلتي الأغراض لأهلك ركبتي السياره سمعتي صوت حشن ينادي: ولــــــــــــييد........ التفتي لقيتي عيال خوالك جالسين يناظرونك.. وكلهم يمشوون جايينك.. وش بتسوين؟!!!!!!!!!!!!!!!!....... المشكله انك تستحين من عيال أقاربك جو وسلمو عليك واحد يقول: وينك ياوليد مختفي ماتنشاف وواحد يقول: من طول الغيبات جاب الغنايم والثاني يقول: ولا بعد ناوي تنحاش وثالث يقول : أسفطهم بس وعلمنا وش أخبارك وأنتي حظرتك منزله راسك مستحيه ووجهك طماطه واحد قال: وش فيك يابو الشباب تغيرت علينا رفعتي راسك وجلستي تطالعينهم هذا أحلو.. وهذا طال.. وهذا مسمر.. وهذا من عرفته وهو شين.. وهذا فلانه تحبه .. يوم كنتي بنت عارفه اسرار البنات كلها قلتي في نفسك لما جى واحد ثاني "يألــــــــلــــــــه هذا تغيــــــــر" كان خبرتك في عيال خوالك زينه قولي من هذا؟! سألتيهم بعد تردد: هذا ولد خالي مـ...... وسكتي... وش هالصوت؟!!!!.. خشــــــــــــن... هم أنتظروك تكملين جملتك بس أنتي واقفه ومطيره عيونك عرفك على نفسه وجلسو يسولفون مع بعض أنتي أعتذرتي وقلتي أنا مواعد الشباب في استراحه رحتي وأنتي كارهه نفسك وش هالعيشه؟!!!! مشيتي بالسياره.. وين بتروحين؟! ماعندك اصدقاء.. أنتي طلعتي من عند خوالك علشانك مليتي من سواليفهم سواليف الشباب بايــــخه وين تروحين؟! بيت عمك خلاص بنت عمك ماعادها صديقتك بيت عمتك خلاص بنت عمتك تستحي منك وين تروحين؟!؟ عيال عمك مجتمعين تروحين عندهم؟! صعبه توك لين الحين تستحين جلستي تدورين بالسياره وأنتي عارفه ان بنات خالك مجتمعين في الاستراحه وأكيد وناسه وبنات عمانك بيجتمعون في بيت وحده من عماتك وأكيد الجلسه فله جلستي تدورين بالسياره كارهه نفسك صوتك.. جسمك.. شعرك.. خشونتك.. شواربك.. يدينك.. رجولك.. لبسك.. يتبع آخر من قام بالتعديل انا والدنيا احباب; بتاريخ 18-09-08 الساعة 02:00 AM. |
|  |
|
18-09-08, 01:59 AM
| #2 |
| |[ عـضـو فــضــي ]| الدولة: |  رد: تخيلوا البنت تصير ولد الحمد الله أنا بنت لاتفوتكم كل شي فيك كارهته وقفتي السياره على جنب لأنك تعبتي ماتدرين لوين رايحه رن جوالك وكان منور بأسم واحد من اصدقاء أخوك ماقدرتي تردين قلتي في نفسك " والله زمــــان هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. " رن للمره الرابعه بس ماكنتي تردين بس في الأخير رديتي وأنتي كارهه هالصوت عقب الصوت البناتي : الو قال: الو.. اهلا أبو الشباب وينك ياخوك عن الجوال : كنت في البقاله وهو في السياره قال: وش أخبارك؟! : ماشي الحال..أنت وش أخبارك؟! وش أخبار الشباب؟! قال: كلنا بخير ويسلمون عليك ..ها ياخوك وين أرضك؟؟ : والله جالس أدور ماعندي شي قال: تعال عندنا في أستراحتنا كل الشباب جالسين : أخوي فيه؟! قال: لا.. أخوك يقول انك مع خوالكم في أستراحه : ايه..بس طلعت قال: اجل حالف أنك تجي تتعشى معنا أنتي هنا استحيتي : لا الله يسلمك هذا انا عند باب أستراحه مع ربعي قال: براحتك..يسلمون عليك التماسيح الي عندي : ههههه الله يسلمكم من الشر قال: توصيني شي؟! : سلامتك ياخوك.. قال: الله يسلمك يارب.. يالله اجل مع السلامه : هلا والله سكرت السماعه أنتي عارفه ان الكل يحاول يساعدك على أنك تتأقلمين مع الجو بس أنتي الي ماحبيتي هالعيشه عيشة الشباب أكيد مشتاقه تفضفض لصديقتك بس خلاص هي تعتبرك غريب رن جوالك منور بأسم ولد عمك مارديتي لأنك عارفه إن بنت عمتك تحبه وحسيتي وقتها وكأنك بتخونينها بعد ماشفتيه مصمل على المكالمه رديتي :الو قال: اهلا بولد العم : هلا قال: كيفك؟! وش أخبارك؟! بشرنا عنك؟! : تمام بخير..أنت شلونك؟! قال: الحمد لله.. وينك ياشين؟! : هههه.. انا ضايع يالأطخم قال: أفا.. ضايع!! وين يعني؟! : ضايع في هالدنيا.. في هالعيشه..عيشتكم قال: أتعوذ بالله من الشيطان..ولاعاد تقول مثل هالكلام.. وأنت مو أول ولا أخر واحد يصير معه كذا : اعوذ بالله قال: ولا يهمك يالحبيب .. تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت : بس أنا مواعـ ـ ـ ـ.... قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع..تعال بس : لا لا انا مواعد واحد ماتعرفونه قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا بنت إذا حصلت لي الجامعه ولا بتزوج..لا الحين مجبور جامعه يعني جامعه.. أكيد ضقتي لما تذكرتي هالشي قال: يا تجينا يا تروح بيتكم أختار يالشين : خلاص بأجي قال: ايه خلك كذا ياشيخ ماينفع معك الا ولد عمك يالله يابوي جب معك حب مصري مع السلامه سكر السماعه وأنتي تفكرين وش بتقولين في هالجلسه؟! وش لون بيستقبلونك؟!.. بتستحين ؟!!!!... ولا بوجود أخوك بتتجرأين؟!!! على فكره بيت عمتك قبال بيت عمك وبيت عمتك البنات فيه وبيت عمك الشباب فيه صعب الموقف صعب مريتي البقاله وشريتي حب مصري ورحتي لهم وقفتي قبال بيت عمك وقلبك مع بيت عمتك انتبهتي لبنات يطلون عليكـ من الشباك قبل كنتي معهم الحين مع هالتماسيح وتمنيتي أنك بنت مثل ماكنتي من قبل تتمنين أنك ولد دخلتي عند الباب اول مادخلتي : السلام.. كانو متحمسين يشوفونك لدرجة ان ماحد رد السلام الا اخوك أستحيتي من نظراتهم بعدين رد ولد عمك السلام وكأنه يذكرهم قام ولد عمي وقال: حياك تفضل وجلستي جنب أخوك وأخوك كل أشوي يهدي من أرتباكك بس كيف بترتاحين وهذيلا نظراتهم كذا طبعا المجلس كان شبه مجلس أو بقايا مجلس لأنه قمه في الوساخه بعكس جلسات البنات كان ودك تقومين وتنظفينها بس منحرجه لعبو بلوت سولفو وضحكو بس أنتي ماحبيتي الجلسه ابدا ابدا ابدا وفجأة........................................ ..... ...... قمتي من النوم عليك قميص بدال ثوب النوم ناظرتي نفسك على المرايه هذا شعرك..... وراح شنبك........ فتحتي الدولاب فساتينك تنانيرك وكل ملابسك موجوده أحترتي بين تنورتين لففتي شعرك تمكيجتي تبخرتي جى أخوك وضحك بسخريه: أما أنتم يالبنات عليكم حركات خذتي جوالك لقيتي مسج من بنت جيرانكم نزلتي لقيتي أخوك بالش بشيل هالشناط لبستي عباتك وطلعتي ((( بعباتك ))) وأنتم عند الأشاره شفتي واحد يقطع القلب وأشرتي لأختك علشان تشوفه بس من دون مايدري هالزين وصلتو للأستراحه شفتي العيال عند الباب وعطيتيهم أشكل ودخلتي وجلستي مع بنات خوالك وكانت الجلسه ونــــــــــــاسه دقيتي على أخوك يوديك لبيت عمتك لان البنات مجتمعين ووافق يــــــــاااااااااااااااي ونــــاسه ياي مو ياهو.. رحتي لهم وكانت الجلسه فله والصاله الي جلسو فيها تبرق من النظافه هالتجربه من حلم مر علي بس ألحين الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله أني بنت اعتذر على الاطالة أتمنى تعجبكمـــ واشوفــ ارائكمـ دمتمــ بود |
|
| |
|
18-09-08, 02:23 AM
| #3 |
| |[ عـضـو مــاسـي ]| الدولة:  | رد: تخيلوا البنت تصير ولد الحمد الله أنا بنت لاتفوتكم تسلمين والله ياليتني ولد واخوي بنوته >>ناويه على شر اقسم بالله ان حياة الشباب وناااااااااااااااسه..شيء مو مثلنا يالبنات يعني حد مزعلك عطه كم كف وانت ماشي بس صراحة الحمد لله ماني ولد ولا كان ابوي من قسم شرطة لمستشفى الاخت راعية فزعااات :) دمتي بحفظ الله آخر من قام بالتعديل سفيرة نجد; بتاريخ 18-09-08 الساعة 04:04 AM. |
|
| |
|
18-09-08, 02:43 AM
| #4 |
| |[ عـضـو نـشـيـط ]|  الدولة: | رد: تخيلوا البنت تصير ولد الحمد الله أنا بنت لاتفوتكم ههههههههههههههههههههههههههههههههههههههه قصة طررررررريفه جـــــــــــــــدأ |
|
| |
|
18-09-08, 03:18 AM
| #5 |
| |[ عـضـو ذهـبــي ]| الدولة: | رد: تخيلوا البنت تصير ولد الحمد الله أنا بنت لاتفوتكم واااااااااااااااااااااااي والله حمستيني اني اصير ولد ياريتني ولد والله فلة شكلي حسوي عمليه عشان اصير ولد يسلمو اختي موضوعك طويل بس يستحق القراءه |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| محمد رسول الله مكتوبة بصدر كل انسان شاهد هذه الصوره سبحان الله ... | إنتحار المشاعر | صور غريبة - صور نادرة | 88 | 10-11-09 04:08 AM |
| عندما تسفه البنت وتطنش الشاب المختل المتخلف الدلخ ماذا يحدث ؟!! | إبراهيمـ | منتدى المواضيع العامة | 10 | 16-02-09 11:32 PM |
| تخيلوا لو أن الصور حقيقيـه وش بصير !!!! | النفوس | صور - كاريكاتير | 12 | 11-02-09 04:24 PM |
| قصيده روعه في البنت السعوديه لاتفوتكم | حايليهـ رغبهـ | منقولات أدبية | 7 | 23-12-08 02:29 PM |
| محمد رسول الله مكتوبة بصدر كل انسان شاهد هذه الصور* سبحاااااان الله... | ..::o0((بنــت بوظبــي))o0::.. | اسلاميات عامة | 23 | 11-10-06 09:19 PM |
