قصائدي

[شاعرة نجد]

صـح لسانك وبيض الله وجهك

دمت وعين الله ترعاك

[سلا قلبي]

البدوي الاخير

صح لسانك وعلا شانك والطيب منزالك


قصائد رائعة

لاعدمناك

أختك \\ سلا قلبي

[ونسيت أنني أنثى]

رائعة ..

أود أن أحتفظ ببعض منها ..

إن لم تمانع طبعا ..

ونسيت أنني أنثى ..

[البدوي الأخير]

مشكورة جوجو على المرور ولكي مني باقة ورد وزهور

[محمد السريّع]

بسم الله الرحمن الرحيم

هذه مجموعة من قصائدي يسعدني أن تستمتعوا بها وتنقدوها وتعطوني رايكم فيها

() ممنوع الخروج

صاحبي لا تلتفت يم العباد=ولا يهمك ما يقال من الهروج
كان تبغى نصفح أوراق جداد=دخل أوراق الزعل وسط الدروج
صاحبي منساك لو تنسى المعاد=ولو سكنت القطب في وسط الثلوج
عقبكم ما ذقتنا طعم الرقاد=واقفرت دنياي من عقب المروج
يارفيق الدرب ما حنا بعاد =لو تفرقنا بعيدات الفجوج
يا رفيق العمر بيتك في الفؤاد=ساكنن قلبي وممنوع الخروج

() الغرس

القربه اللي تخر الما ولا تمسك=مثل الصديق الذي يوشي على أصحابه
فصل صديقك على مقياسك ولبسك=وخله يفصلك لامن فصل ثيابه
أبغاك تفهم صديقك فهمك لدرسك=وابيك تدرس معه وتذاكر كتابه
ون كان محتاجلك لاتبخل بفلسك=وساعده لامن نهشه الوقت بنيابه
واحذر معه لا تدور مصلحة نفسك=خله هو العين وأنت الرمش وأهدابه
ترى صديقك ضياك أليا أشرقت شمسك=تغيب شمسك وتغرب لحظة غيابه
اغرس معاني الوفا ثم اعتني بغرسك=تجني من الغرس محصول من أعنابه
ون كان صاحبك ذا يمشي على عكسك=جنبه في ذمتي تسعد بجنابه

() الحلاوه

بيني وبين إبليس حرب وعداوه=إبليس يغويني ونا في ذرى الدين
الحرب ضد إبليس تبغى ضراوه=سهل على الشيطان هزم الرديين
ابنصحك يا صاحبي بالهداوه=والدين وصانا على النصح باللين
إن كان تبغى تذوق طعم الحلاوه=خلك مواظب في صفوف المصلين
كم واحد قد ذاق طعم الشقاوه=من عقب ماطاع الهوى والشياطين
ون كان قلبك يتصف بالقساوه=ذكر الله الوالي يلينه تليين
اقرا كتاب الله تلاقي الطراوه=وتعيش في راحه وتنعم بثنتين
تعيش في الدنيا بحب ونقاوه=وتبعث مع خير البشر والنبيين

() مفتاح الجحيم

أنت ماشي في الطريق المستقيم=لايهمك من يريدك تنحرف
يفرحون أخوان إبليس الرجيم=كلما يدينك تزل وتقترف
الصديق السوء مفتاح الجحيم=انتبه لا يخدعك ثم تنجرف
في الغوايه والمكر شخصن فهيم=وفي خراب الناس أكبر محترف
صادق اللي دايمن كفه كريم=وبالأمانه والعباده ينعرف
اذكر الله وابشر بجنة نعيم=واطلبه عفوه وخلك معترف

() حبال الأمل

اهديتلك في وسط قلبي مناجم=منجم من الفضه ومنجم من الماس
وحطيتلك في وسط صدري معاجم=ورتبنا حروف الهجا داخل الراس
القلب حارس والمحبه مهاجم=لا سجلت في القلب حازت على الكاس
الحب له عدة معاني وتراجم=أنت الوحيد اللي فهمها من الناس
ترى الوفا من منبع القلب ناجم=لاتقطع حبال الأمل واقطع الياس

() دلة الرسلان

تبدا بروق الإنفراج تلوحي=ويرعد خيالي وينهمر أحساسي
وتسمع سواليفي وتبدا مزوحي=لا من حمست البن في المحماسي
يا دلة الرسلان فوحي فوحي=ابغى اتقهوا واسترد أنفاسي
ابغى اتقهوا لين أنسى جروحي=وانسى همومي واعتزل هوجاسي
أنتي تسليني لصرت بروحي=وأنتي تواسيني على ماقاسي
فنجالك الأول يرد الروحي=وفنجالك الثاني يعدل الراسي

() باب المجد

شعري جزل يشبه قصيد الفرزدق=ويشبه شعر شوقي وحافظ إبراهيم
شاعر معي للمجد شيك مصدق=واطلق عنان الفكر واتركه ويهيم
ادق باب المجد وواصل الدق=واشرب من العزه كما تشرب الهيم
سحابة أفكاري على الشعر تغدق=ويلهمني المعنى على خير تلهيم
حاصرتنا شعر النبط وسط خندق=وخذيتنا أبله عفرها والمجاهيم

() أحلى وجه

البارحه ما هنالي نوم=قمت أتقلب على فراشي
من كثر مافيني من هموم=قامت تراكم على جاشي
وإذا أعلن الفجر بداية يوم=كني من الموت منحاشي
أنا من أحلى وجه محروم=مسكين لو كنت معتاشي
في داخل القلب خرق سهوم=وتذرف عيوني ونا غاشي

() حروف اسمي

ياصاحبي عطني من الوصل قرطوع=واكتب حروف اسمي على كل حايط
ياصاحبي موبايلي صار مقطوع=من كثر مرسلك رسايل وسايط
ياصاحبي دمعي على الخد ينبوع=سوا على خدي بحور وخرايط
ياصاحبي ليه الهجر مدة أسبوع=ليه الهجر والصد ليه المهايط

اشكر لكم قراءة القصائد وانتظر ردودكم ...

مع أرق التحايا من أخوكم البدوي الأخير ..



شاعرنا الرائع البدوي الاخير

صح لسانك الى مالانهايه

ياصاحبي ليه الهجر مـدة أسبـوع
ليه الهجـر والصـد ليـه المهايـط

ابدعت و أمتعت لاهنت

لك كل التقدير