قابلت الرجال الأسبوع الماضي ؟منقول لفائده

[شموخ وبتسامهـ ـ ـ]

قابلت الرجال الأسبوع الماضي في السيتي سينتر بدبي ، وقام يسولف لي عن بطولاته في المراقص والبارات ، ثم قدم لنا دعوه لأحد المراقص ، ولكن كرشته انا وخويي وقلنا له اننا ما نروح الأماكن هذي.
طبعا أبو الشباب قام يضحك علينا ويقول بالله اللي يروح دبي ولا يروح المراقص والبارات وشهوله جاي ، والموهم انه قام يضحك علينا انا وخويي.
موضوعي الآن عن هذا الشخص وطريقة تفكيرة وتناقضاته اللي يعيشها في حياته...
طبعا هذا الرجال شخصيته فريدة بحاجة إلى فريق طبي ونفسي وشرعي لدراسة حالته ، فالشاب هذا حياته غريبة عجيبة ، وأعرف تفاصيلها بحكم انه ولد جارنا وفي الحارة من زمان ، علما بأنه مهوب الفريد من نوعه ، بل عندنا في السعودية شريحة كبيرة مثل ابو الشباب هذا ، اللي يعيشون حالة من الانفصام في الشخصية والتناقض وفهم الدين بطريقة غريبة.
وحتى أكون مباشر في الكلام بأذكر تناقضات شخصيته على شكل نقاط ، وتأكدوا انه مو الوحيد اللي كذا:
• مع أخوياه أجودي وسنع ، ولو يدق عليه واحد من ربعه يقول أبيك توصلني الصناعية أو المطار يقول أبشر ويتزهل له ويتجمل فيه..
- لكن حاط نغمة لأمه جرس انذار ، لو تدق عليه تقول ودني عند اختي في راس الشارع قال أنا مشغول منيب يمك.• يسافر برا في كل إجازة ، ويسكر وينكر ومع هالعاهرات وهذا الكلام باعترافه شخصيا.
- لكن ما فيه أمل يطلع أهله السوق إلا بطلعة الروح .. وهو بنفسه يقول لي مطاعم العوائل هذي ما أودي خواتي لها لأن كلها بنات صايعات ولا أبي خواتي يشوفون بنات صايعات يمكن يتأثرون!!!!!!!!

• لما شفته في السيتي سينتر كان ما يخلي بنت في حالها إلا ويصايح عليها ويستهبل.
- وهنا في السعودية يقول الله يكفينا شر الفساد والدعارة الموجودة في البلدان الثانية!!!!!• هو منسق طلعات البر والسفرات مع الشباب ويسافر من الرياض للقصيم عشان يحضر زواج واحد من أخوياه.
- لكن خالته اللي ساكنه في نفس الحي له ثلاث سنوات ما زارها ولا سلم عليها!!!

• آخر ما توصل إليه يقول أتمنى اذا تزوجت إنه ما يجيني بنات .. لأن انحراف البنات خطير.
- وهو ما قصر ما خلى واحده في حالها


الكلام أعلاة والله مهوب كذب أو خيال ، و كلها مواقف في شخص واحد أعرفه ، وأبي أتكلم عن هذي النوعية من الرجال اللي يسافر ويصيع ويسكر وينكر ، ثم يقعد يسترجل على حريمة اللي في البيت ، ويمنع عنهم حتى الأمور الحلال والترفية مثل المطاعم والتمشيات ....منقووووول


الشاب هذا مجرد مثال ، ولا أنا أعرف الكثير من هذه النوعية ، ودائما ما أحمد الله لا شفت الأشكال هذي ، وأحمد الله على نعمة أبوي اللي ربانا تربية متفتحة ، ما فيها تخوين وتشكيك في البنات ، لكن تربية صارمة واللي يغلط بنت ولا ولد الله يعينه على التمغيط....

[saryn]

يعطيك العفيه اخوي ...

والله انك صادق في معظم كلامك وبالفعل هذي الشخصيات
منها كثيررر وكثيرررر جدا عندنا بالسعوديه ...

الله المستعاااان

تحياتي ....

[attractivity man]

صخ كلامك و شاهد الكثير مثل هذة العينات

[شوق و حنين]

يسلموووو ع الموضوووع الرائع

[شموخ وبتسامهـ ـ ـ]

مشكورين على مروركم

وتفعلكم معي

نورتو صفحتي
بتوجدكم
ودمتم