شعر

[احبكموت]

هاذي قصيدة الشاعر الاماراتي جمعه بن نايم الكعبي,,التي غنتها الفنانه الاماراتيه فاطمه,,


تعال خذ مني هداياك


وباقي الصور واغلى المكاتيب


ماعاد تنفعني بلياك


وجودهن عندي تعذٌيب


يكفيني اتسلى بذكراك


دامك نويت تصد وتغيب


واوعدك طول العمر ما انساك


حتى ولوحطمني الشيب


ماينَكر طيبك وحسناك


وانا اجازي الطيب بالطيب


لولاك ماحبيت لولاك


ولاعشت في دنيا المحابيب


الله يسمح لك نواياك


ويحفظك من كل العذاريب


اوادعك واتامل ارضاك


ماحد حبيبي يعلم الغيب


وان مت اذكرني بدعواك


وشوف الصور واغلى المكاتيب


’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’


وهذا ردي,,


وجودهن عندك هداياي


تجعلني كل لحظه ولا اغيب


عنك ولابيغيب ذكراي


ارجوك يكفيني تعذٌيب


من قال لك بصد نساي


ماانساك لا ياعذبة الطيب


انتي ولاغيرك بدنياي


حتى ولو داهمني الشيب


ياساكنه في نون عيناي


ان جيتي لك مليون ترحيب


انتي حياتي وانتي ملفاي


متميزه بين المحابيب


لاتذكرين الموت برضاي


خلي الامل بالله والغيب


اتذكرك حتى بدعواي


ماكل ماتمنيتي بيصيب

واتمنى تعجبكم..

[احمد الذبياني]

لي اشرف اني اول من يرد عليك
ومشكور على النقلهالجميله
وتسلملي يالغالي