المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
10-09-08, 02:29 AM
| #1 |
| |[ عـضـو مـشـارك ]| الدولة:   روابط إعلانية |  يا ذيب انا باوصيك لا تاكل الذيب قصه ياذيب انا بوصيك لا تاكل الذيب كلاتي في ليله من الليالي كان الشيخ شالح بن هدلان جالس معا ابنه ذيب ويحثه على الشجاعه والفروسيه وكان لذيب عند ابيه محبه لايعلم بها الا الله وانشد ابوه هذه الابيات يحث ذيب بسلوب المزاح على الشجاعه يا ذيب أنا يابوك حالي تردّى ... وأنا عليك من المواجيب يا ذيب تكسب لي إللي لاقِحٍ عِقب عدّا ... طويله النسنوس حرشا عراقيب تجر ذيلٍ مثل حبل المعــــــــدا ... وتبري لحيران ٍ صغار ٍ حباحيب وأشري لك إللي ركضها ما تقدا ... ماحدٍ لقى فيها عيوب وعذاريب قبا على خيل المعادي تحــدى ... مثل الفهد توثب عليهم تواثــــيب أنا أشهد أنك باللوازم تِســدا ... لو حال من دونه عيال ٍ معاطيب ليث ٍ على درب المراجل مقـدّى ... ما فيك يا ذيب السبايا عذاريبب ، ، وبعد ماسمع ذيب هذه الابيات انتظر الي ان نام ابيه وقفز على فرسه ومر على اصحابه من شباب قحطان وقال قومومعي قالو له على وين قال الغزو علي عتيبه ما ارجع الابخيرت ابلهم وقفز معه 15فارس واتوجهو ووصلو الى بير ماء وان البل تشرب وانتظرو يبونه يغنمو وكان فيه واحد من عتيبه قريب منهم ولا شافوه مستلب ومحتجي واتصدر بندقه وضرب على ذيب وقتله وربع ذيب شافو ذيب قتل شلوه وحطوه في كهف ورجعو خايبين والراعي طلع وشاف المقتول وانه لابس احسن كساء وخاتم فضه في يده فعرف انه قتل شيخ القوم ورجع الي ربعه ينبيهم وقالهم انه شيخ قالو كيف عرفت فخبرهم بسالفه وراحو يشوفو وكانت معهم بنت عذراء كانت يوم من ليام هي واهلها متربعين عند الشيخ شالح وعندما شافو الجثه نقفت الصياح وقالت لعن ابوكم ماذا ذيب شيخ من مشايخ ربعه قالو تعرفيه بينش وبينه شي قالت لاوالله ما اشرف منه انسان0 ووصل الخبر ابوذيب فبكا وحزن حزن شديد وجاب قصيد ومرثيات كثيره في ذيب ومن اشهرهن هذه القصيده الي اعتقد ان كل واحد سمع منها شي يا ربعنا ياللي على الفطّر الشيب ... عز الله أنه ضاع منكم وداعه رحتوا على الطوعات مثل العياسيب ... جيتوا وخليتوا لقلبي بضاعه خليتوا النادر بدار الأجانيب ... وضاقت بي الآفاق عقب إتساعه تكدرن لي صافيات المشاريب ... وبالعون شفت الذل عقب الشجاعه يا ذيب أنا بوصيك لا تاكل الذيب ... كم ليلةٍ عشـّـاك عقب المجاعه كم ليلةٍ عشـّـاك حِرش العراقيب ... وكم شيخ قوم ٍ كزته لك ذراعه كفه بعدوانه شنيع المضاريب ... ويسقي عدوه بالوغى سِم ساعه ويضحك ليا صَكّت عليه المغاليب ... ويلكد على جمع العدو باندفاعه وبيته لجيرانه يشيّـد على الطيب ... و للضيف يبني في طويل الرفاعه جرحي عطيب ولا بقى لي مقاضيب ... وأفخت حبل الوصل عقب إنقطاعه كني بعد فقده بحامي اللواهيب ... وكني غريب الدار مالي جماعه من عقب ذيب الخيل عِرج ٍ مهاليب ... ياهل الرمك ما عاد فيهن طماعه قالوا تطيب وقلت : وش لون أبا طيب ... وطلبت من عند الكريم الشفاعه ثم قال هذه القصيده وفيها وصيه هامه لكل انسان يريد ان يتزوج يوصيه انه لا يقصد الا بيوت حمران العيون اذا ارد ان يجي له احمر عين ذيبٍ عوى وأنا على صوته أجيب ... ومن ونتي جضت ضواري سباعه عز الله إني جاهل ٍ ما أعلم الغيب ... والغيب يعلم به حفيظ الوداعه يالله يا رزّاق عِكف المخاليب ... يا محصي خلقه ببحره وقاعه تفرج لمن صابه جروح ٍ معاطيب ... وقلبه من اللوعات غادٍ ولاعه إن ضاق صدري لذت فوق المصاليب ... مانيب من يشمت فعايل ذراعه صار السبب مني على منقع الطيب ... ونجمي طِمَن بالقاع عقب إرتفاعه يا طول ما هجيتهن معْ لواهيب ... ولاني برادي كسرها من ضلاعه ويا طول ما نوختها تصرخ النيب ... وزن البيوت إللي كبار ٍ رباعه وأضوي عليهم كنهم لي معازيب ... إليا رمى زين الوسايد قناعه أضوي عليهم واتخطى الأطاتيب ... وآخذ مهاويه الجمل باندفاعه أبا أنذر إللي من ربوعي يبا الطيب ... لا ياخذ إلاّ من بيوت الشجاعه يجي ولدها مذرب كنـّـه الذيب ... عِز لِبُوه وكل ما قال طاعه وبنت الردي ياتي ولدها كما الهيب ... غبنٍ لبُوه وفاشله بالجماعه يا كبر زوله عند بيت المعازيب ... متحرّي ٍ متى يقدّم متاعه |
|  |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| ياذيب انا بوصيك لا تاكل الذيب -[ كيكورات منوعه في الداخل ] | فيروس حائل | صور - كاريكاتير | 31 | 21-05-11 10:19 AM |
| مايذبح الذيب الا الذيب | شيخـهّ العربانّ ّ | صور - كاريكاتير | 17 | 09-04-11 02:26 AM |
| رأس الذيب | أعترفلك | منقولات أدبية | 5 | 26-07-09 12:55 AM |
| الذيب | الصمت الدفين | منقولات أدبية | 3 | 25-09-08 11:15 AM |
| الذيب | الجوكــR | قصص تعب قلبي | 9 | 01-07-08 04:40 PM |
