يدا بيد لمكافحة الأمثال الخاطئة..

[سحــابة وسـم]

السلام عليكم،،

مبارك عليكم الشهر واعانكم الله على صيامه وقيامه..

عندي لكم موضوع جديد للمناقشة وهو يبين مدى تقبلنا لتجارب الآخرين واختلاف التفكير مع الزمن

مثلا ..بعض الأمثال الدارجة اللي يتداولها الناس غير صحيحه او تستخدم بطريقة خاطئه..

عندكم المثل الشعبي..
( مد لحافك على قد رجولك )

انا ضد هالمثل والسبب..
لأنه يسبب الإحباط ويخلي الإنسان عايش بلا طموح
لأن كل شخص لو حصر تفكيره في حدود قدرته كان ماصار فيه دكاتره ولا اساتذه ولاعلماء
ولا تطور العالم وبقينا في لحفنا..

وعندكم:..
( الباب اللي تجي منه الريح سده واستريح )

انا ضد هالمثل لأنه يحسسك بالإنهزاميه وعدم مواجهة الأمور بثبات وقوة

وانك تبقى تتهرب من كل شي بحجة انك تستريح والراحة ماتتحقق الا بالمواجهة

والا وش رايكم؟؟


هذا رأيي الشخصي..

اتمنى الاقي تفاعل منكم ...

وسلملم......

[ظلمة الليل]

يسعدني اكون اول من يرد


بصراحة انا ما معك في ها الشي

بالاخص في المثل الثاني
(الباب الي يجيب الريح سده واستريح)

هذا المثل يوريك انك تبتعد عن اي شي يجبلك الكلام الفارغ

والمثل الثاني يعني
يمكن اكون معك فيه

جزاك الله خير

وتقبل مروري

[whitetiger]

مشكورة على الطرح الرائع

و عندك المثل " الله بيعطي الحمص للي ماله دراص "

انا ضده مية بالمية لان فيه كفر بعطاء الله و كفر بان الله لا يقسم الرزق بالعدل

علينا الغائه تماما من القاموس و تعليم من يقوله على انه كفر لا يجوز

كل الشكر اختي الكريمة و لنا عودة باذن الله

[..أمواج الصمت..]

( مد لحافك على قد رجولك )

رائ في هذا الكلام انه صحيح ولكن في بعض الاحيان وبعض الظروف

صعبه انه الانسان يطمح زياده ع اللزوم حتى لاينصدم بالواقع المر

يحلم بحدود وبعقلانيه

( الباب اللي تجي منه الريح سده واستريح )

انا مع هذا المثل

مو ضعف انه الواحد مايواجه العواصف اللي تجيه من الاشخاص او الظروف

بالعكس حلو الانسان يسد كل باب يجيه منه الم ومشاكل وضيق عشان نعيش براحه البال

الله يعطيك الفين عافيه