المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
04-09-08, 01:29 PM
| #36 | |
| |[ عـضـو فـعـال ]| الدولة:  |  رد: •❤• أبــوس روحــك • ❤• اقتباس:
العـــفوو يــالغلآآ حلــوووه كثرك ... تسلمينورده ع ـلى المرور و هالحيـــن لسى فيه تكــمله ^^ عــــذاري الحب | |
|  |
|
04-09-08, 01:32 PM
| #37 |
| |[ عـضـو فـعـال ]| الدولة: | رد: •❤• أبــوس روحــك • ❤• ماجد : دكتور الدكتور : تفضل ماجد : آ مرتي تعرف أنها عقيم الدكتور : لا ماتعرف و أفضل أنها مـاتعرف لأن بتتعقد ويمكن في المستقبل تحمل ماجد " يمكن مو أكييد آآه ..!! " : طيب شكرا ==================================== بعد اسبـووع الريم : ماجد أنا مو قصدي أنزل الجنين أنا كنت ابيه والله ماجد ولكـ.. ماجد : لا تحكين تكفين الريـم كذا بتتعبين مليون مره قلتي لي الريم بصراخ : لاااا ماجد انت لازم تعرف ماجد : طيب الريم : أنا كننت نايمه على طرف االسرير وطحت ع بطني ماجد : الريم لاتحكين خلاص لأن اذا مو انتي اللي نزلتيه حتى أنا مانزلته الريم : بس أنا مو قصدي أنام على طرف السرير حاولت أنام ع الكنب ماعرفت و جيت ع السرير نمت ع الطرف لأنك قلت ما أقرب منك خفت ماجد : هذا مو تبرير خلاص يا الريم أنا مو زعلان عليك ,, الله قدر أنك تطيحين يمكن هذا خير لنـااا الريم تجمعت دموعهـا : ايوا ============================== ملاك : اووووه رغييد تعالي لي اليوم نسهر عجبتني سهرة الأسبوع اللي راح رغد :لا هذي السهره ماتصير إلا مره بالسنه ملاك : اففف رغد : يالطرشه لازم نشتاق بعض زي رولا وطلال ملاك : هههههههههههههه مالت عليك رغد : ولي عني اجل ملاك : اوكي باي رغد : بااااي . . غيبتي طالتـ ولاهمكـ جفاي وكنتـ عايش في امل تسأل علي.! من غلاك حاسبكـ عايش في رجاي وانتـ ماهمكـ ولو طال زعلي.! انتـ مالكـ ذنب ! هذا منغباي.. ناسيني واحسبكـ تتغلى علي..!! . . رولا زعلت ع طلال حتى ما اتصل عليهـا ..!! غريبه راحت غرفة مهند دخلت بعد ماطقت الباب رولا : مهند الحين جا اسبوع مهند : على ؟ رولا : ماكلمت طلال اسبوع مهند : ايوا و السالفه وش فيها ؟ رولا : وهو ما اتصل مهند يقرأ في المجـله مو مركز : مسافر رولا : مساااافر ..!! مهند : ايوا رولا : ليه ؟ مهند: ع شان الشغل رولا : بس هو أخذ اجازة اسبوعين مهند : ايوا بيسوي الشغل ع ما تخلص الإجازه رولا بـ خيبة أمل : آهاا مهند ولسى يتصفح المجله ومد لها موبايله : اذا تبين تتصلين له رولا اخذته : شكرا وراحت غرفتها ======================= رن جوال طلال رفعها قبل مايشوف الـمتصل طلال : نعم رولا : طلال كيفك ؟ طلال : تمام وانتي ؟ رولا : مشتاقه طلال : وأنا كمان رولا حست أنها تسرعت يوم قالت كلمتها : طلال متى بترجع ؟ طلال : بشوف اذا خلصت شغل رولا : أها طلال : أنا الحين لازم أقفل السماعه عندي شغل طيب ؟ رولا : طيب انتبه لفسك طلال : طيب باي رولا : بااياات ======================= ======================= رولا كانت تبي تسولف معاه اشتاقت له أنها هي اللي قاطعته مو هو و الحين هو مسافر ولا خبرها حتــى و كأنها هبلة ما تعرف عنه شي هو الحين خطيبها و بيصير زوجها لازم تعرف عنه كل شي وهو حتى ماقال لي أنه مسافر يوم اتصلت له .. راحت رجعت الموبايل لمهند وهي كل عقلها في طلال اشتاقت لها كثير و اكيد الكل يدري وهي لا و حضرة جنابت مهند يقول لها بكل برود مسافر ,, لا هذا اكييد يبا لي ما اشوفه سنننه كاامله عشان يعرف قيمتي راحت الصاله بدل القعده الفاضيه ..!! ام ماجد : وين زوجك عنك من زمان ماشفناه رولا : مسافر ام ماجد : وشو له مسافر ؟ رولا : عنده شغل هناك ام ماجد : شغل هناك ؟.. شغل ايش رولا : اشغال مدري ام ماجد : ام طلال اليوم بتجي هنـا تجهزي ابيك تشوفك حلوه مو بعدين تشوفك مو حلوه وتغير رايها فيك رولا : طيب ============================== مـلاك كانت تكلم بالمسنجر ولد عمها ..!! ~> يقال أنه تحـبـه , بس وش فايدة حبهــا وهو مو حاس فيهـا و كمــاان مستحيل يكونون لبعض لأن عيلة أبوهم متفرقين ولد عمـهـا اسمه " فارس" اكبر منها بـ"7" سنوات , يكلمهـا كـ تسليه وينكت معاها كثير و يموتها ضــحك ~> نعيد لكم المحادثة من البدايه فارس : هاااي دبدوبه نونو <~ يسميها كذا عشانها صغيره ودبدوبه عشان يحرها ملاك : هاااي فروسه راس البطيخ <~ يقال أن يحب البطيخ كثير فارس : كيفك ؟ ملاك : مو زينه فارس : أفـااا بس أحسن يقولون الإكتئاب يخلي الواحد نحييف ملاك : فرووسه مالي خلقك فارس : المفروض أنا اللي اقول لك مو بإنتي ملاك تتدلع : كيفك يابو ملاك ؟ فارس : بلا رسميات وبعدين أنا مليون مره قلت لك اسم ملاك عاجبحني بس مابي بنتي اسمها ملاك ملاك : طيب أنا افرجيك واذا بنتك اسمها اسم غير ملاك .. ما أكون أنا ملاك فارس : ههههههههه بسيطه وش فيها احس انك بنتي ملاك : كل تبن ,, وحطت له بلوك =============================== رولا لبست برمودا جينز و بلوزه حمرا كت ,, مشطت شعرها بدون ماتربطه وراحت غرفة ملاك رولا : موكه ممكن أدخل ملاك : ايوا لوره تفضلي رولا : وش فيكِ وجهك كذا احمر كأنك منقهره ؟ ملاك : ايوا شوي رولا : المهم لبسي حلو ؟ ملاك تأملتها : إلا يـجنن فري نااايس رولا : ثنكس ملاك : مين بيجيك ؟ رولا : ام طلال رح تجـي ملاك : رغوده بتجي ؟ رولا : مـا أدري ماما ماحكت لي ملاك : اممممم يعنو ,, يعنوو رولا : طيب أنا بروح اعمل شاي و قهوه قبل ماتجي عمتي ملاك : اووكي وطلعت رولا عنهـا عملت شاي و قهوه وبعدهـا راحت لـ مهند رولا : نوده تكفى اتصل لطلال وشوف متى يرجع مهند : تبين انتي اتصلي رولا : لا بس أنا ابي اعمل له مفاجأه مهند : طيب بس مو الحين رولا : لا الحين مهند : افففف قلنا مو الحين رولا رولا : طيب بس مو تقول له أني أنا اللي قلت لك مهند : طيييب أي أوامر ثانيه مدام رولا خانوم ؟ رولا بدلع : لا شكرا سيد مهند بيك .. وطلعت عنه مهند : آآآآآه منك .. وطلع موبايله واتصل لـطلال طلال : هلا مهند : هلوو كيفك ؟ طلال : تمااام وانت ؟ مهند : رايح فيها ^^ ,, المهم متى بترجع ؟ طلال : ليه ؟ مهند بكذب : لا بس ع شان أعرف بتحضر عيد ميلاد رولا طلال : بعد بكرا بجي ,, عيد ميلادها متى ؟ مهند : مـفــااجأه طلال : مامنك فايده اوكي أنا عندي شغل مهند : لا انت و الشغل أربع و عشرين ساعه شغل فشغل طلال : عشاني برجع بعد بكرا فلازم اخلص بسرعه مهند : تؤبشني أنا عم انتظرك وخاصة المدام وتسلم عليك كتيير كتير طلال : الله يسلمها يلا باي مهند " بسم الله عليّ ما أمداني أقول شي إلا سكرها بوجهي ..!! " ========================= آخر من قام بالتعديل عذاري الحب; بتاريخ 04-09-08 الساعة 01:36 PM. |
|
| |
|
04-09-08, 01:36 PM
| #38 |
| |[ عـضـو فـعـال ]| الدولة: | رد: •❤• أبــوس روحــك • ❤• رولا : أنا كويسه الحمد لله ام طلال : ماتنشافين أبد أبد رولا انحرجت لأن ماشافتها إلا مرتين : ولا يهمك بعدين بجلس معاك ليما تملين مني ام ماجد : أسمع طلال مسافر وين راح ؟ ام طلال : في أمريكـا عنده هناك شركه بإسمه بس مايشتغل فيها معين فيها ناس يشتغلون عنه لكن صار عليهم ضغط وراح للشركه ام ماجد : الله يعينه ام طلال : رولا أنا اليوم بروح عرس بنت صاحبتي تروحين معاي يبون يشوفونك ؟ رولا ناظرت امها وش ردة فعلها ..!! ام ماجد : رولا تنـام من الساعة 8 تقريبا يعني بتنعس هنـاك ام طلال : بخذها اليوم تخرب نومها و اللي بعده يعتدل وش رايك يام ماجد؟ ام ماجد : براحتك بس اذا نعست خليها ترجع ام طلال : اكيييد رولا عرفت ان امها رافضه انها تروح : عمتي أنا مابي أروح اليوم ام طلال باستغراب : ليييه ؟ رولا : انتي تعرفين أنو اذا بروح لازم اسشور شعري و احط لي مكياج ومافي وقت وكمـان شعري طويل مره مابتخلص بسرعه ام طلال بـ خيبة أمـل : كان ودي تروحين معـاي رولا : رغد ليه ماتروح ؟ ام طلال : اووه رغد و الأعراس مايتواطنون بس اعراس صديقـاتها وقريباتهـا تروح رولا : أهـا .. طيب أنـا بروح غرفتي تآمروني ع شي ؟ ام ماجد : روحي للريم وجلسي معـهـا قصرنـا بحقهـا جالسه لحـالهـا رولا : ان شاء الله ,, وراحت عنهم لجنـااح مـاجد رولا تطق باب غرفة الريم : الريم افتحي لي الباب أنا رولا .. وماردت عليها رولا : الريـــم ,, فيك شي افتحي ؟؟ الريم فتحت الباب رولا وقفت قدامهـا : الريم وش فيك ؟.. وشهقت رولا : هيييييي .. وهزت كتوفها الريم : ....................... رولا : ليييه ؟؟ .. الريم الله يخليك قولي ليه قصيتي شعرك لييييه ؟ الريم تقدمت لرولا وبكت فحضنهـا كانت الريم اطول منها بكثير و اللي يبين أن الريم حاضنه رولا الريم وهي تبكي : رولا ماجد زعلااان مني رولا : ليه مو فاهممه شي فهميني ؟؟ الريم بلعت ريقهـا : مـحد قال لي أني عـ .. ـقيـ .. ـيم رولا : .................... الريم بكت : رولا انا مراح اصير ام .. انا كنت أتمنى أحمل بين يدي طفل صغير و اهتم فيييه وكملت بصراخ : بس الحييييين مراح يكون عندي أطفاااااااال مراح أصير – وقالت بهدوء – أم ,, وخذت نفس طويل رولا خافت عليهـا :الريم لاتعملين بنفسك كذا حرام عليك وبعدين شوفي شعرك قصيير مرره وش بيقول مــااجد الحين بيزعـل عليك الريم نزلت راسها : هو زعلان رولا : الريم الزعلان ....... كملي الريم رفعت راسها : يرضى رولا : الريم مو كل شي نبغاه يصير يا ريم أنـا مـاكنت أبي هذا اللي طلع لي طلال بس يمكن اذا تزوجته خير لي يعني اذا تزوجت غصب عني مراح تنقطع عـني الحياة و انتي كمان اذا انتي عـقيـم مراح تقطع عنك الحياه عيشي حيـاتك واللي كاتبه ربك بيصير الريم فرحت من كلام رولا مع صغر سنهـا بس فاهمه وعاقله : رولا ترى طلال من شكـله طيوب و حنون و غير كذا حـلو رولا تضحك : هههههههههههه لا عااد كذا مجوودي حبيبي غاار من طلال الريم استحت : هي هو مو حبيبك هو حبيبي أنا وبس رولا : أشووف سمعيه الكلام مو قاصة لنـا شعرك الريم تذكرت أنها قصت شعرهـا : يممممممه رولا وشو اسوي أنا هالحين هو مايرضى أني أقص شعري ياويلي الجنين مات بسببي وصرت عقيم وغيره قصيت شعري رولا : ريـم خلاص عاااد وبعدين القصه حلووه بعدين يطول الريم : طيب ,, خلاص بسكر فمي رولا : هههههه لا لاتسكرينه احكي الريم : هههههههه والله مـا افهم لك رولا : امشي ننزل عمتي تحت الريم : عمــتك ؟ .. مو انتو ماتتحـاكون مع عموميتكم و عماتكم ؟ رولا : لا عمتي ام طلال الريم : آها اوكي يلا ==================================== اوووف مو عارف أشتـــغـل طـلع من مكتبـه ,, لا طلع من الشركه من الأساس وحجز لـه على اقرب طـائره للشرقـيه بكـراا رولا استحلــت جزء كبيير من قلـــبه بس مـايدري ليه يحب يستفزها راح الفندق اللي حجزه وخـبر الإستقبال أنه بيطلع بكرا الصباح من الفندق وبيسكر حسابه وهو يتمنى أنه مـاباع بيته كـان يظن أن خلاص انتهى من شغله في امريكـا وآخر شي ناس استغلاليين يبون يبوقوه أي عـالم هذا الـناص الطيبين و الحريصين يظنون أن كـل الناس مثلهم ولا أيش بس لـو مـاحذروه اصدقائه و علموه باللي كـان بيصير كـان بيفلس بس الله يحبـه .. راح غرفته و اتصل لأمه طلال : هااي ماما ام طلال : هلا طلال طلال : ماما أنا بكرا بجي ام طلال : من جدك انت في البدايه تقول اسبوع و مره تقول بعد يومين و الحين بكرا طلال : مااما شكلك ماتبيني ارجع ام طلال : لا بالعكس طلال : غريبه ما اسمع صوت رغييد ام طلال : هههههه أنا مو بالبيت أنا ببيت عمـك طلال : اي عم فيهم ؟ ام طلال : ابو مـاجد طلال : آهـا طيب ماما أنا بروح أنـام الحين بس جاي من الشركه و هلكان للموت ام طلال : بسم الله عليك .. روح ارتـاح يلا باي طلال : باي رولا كـانت مركزه ع كلام ام طلال بس ماينسمع صوت طلال رولا باهتمام : هذا طلال ؟ ام طلال : ايوا يقول راجع بكرا ام ماجد : يرجع بالسلامه رولا " آمين ان شاء الله " : أنـا بروح اشوف ملاك اليوم مانزلت .. وراحت عنهم ام طلال : الريم كيف صحتك الحين ؟ الريم : كويسه الحمد لله ام طلال : ايه انتبهي لنفسك بهالفتره لأنك تعبتي كثير الريم : أنـا بروح أجلس مع البنـات ,, وراحت غرفة ملاك ام طلال : متى تبون الزواج يام ماجد ام ماجد : اللي تشوفونه ام طلال : انـا اشوف أن المفروض طلال ورولا يقررون مو احنا ام ماجد : وانا اقول كذا وكمان لـو مـا يتأخرون كثير يكون احسن ام طلال : ايوا أنـا بقول لطلال عشان يتفقون راحت ام طلال و جـا ماجد و الريم في جنـاحهم وبعدها بنص سـاعه تقريبا دخـل مهند وكـالعـاده يغني لـكن هالمره بصوت مو مسموع مهند : Hi Girls ملاك و رولا : Hi Nodah مهند ولسى يغني بس بصوت مو مسموع : وينها امي ؟ رولا : تلاقيها بالمطبخ ملاك : ماتسمعنا اغنيتك ؟ مهند طنشها وراح للمطبخ ملاك : وش فيه هذا ..!! ============================= ماجد بصراخ : ريييييم كم مره حكيت لك لاتقصين شعرك بس هالمره طلعتي من شوري ولا استأذنتي مني حتـى حشى أنا مو زوجك يعني تسوين اللي ببالك الريم بخوف لأنها تعرف ماجد اذا عصب يقلب الدنيا فوقاني تحتاني ماجد بعصبيه : لييه قصيتيه ممكن سبب مقنع ؟ .. الريم مرتعبه منه ولسانها انربط : .................. ماجد : أنـا ناقص يعني تقصين شعرك لا وقاصته لفوق رقبتك كم مره اقول لك أنا محب الشعر القصير هااا ؟ ... الريم بلعت ريقها بصعوبه : أنا مو قـصـ..... ماجد قاطعها بصراخ وهو يتمصخر عليها: ايش اللي مو قصدك لا تقولين لي أنك وانتي نايمه مسكتي المقص و قصيتيه الريم : ............ ماجد ندم على كلامه : خلاص ريم ترى تعبت منك زودتيها مره حتى صايره مثل الأولاد حتى فيه أولاد شعرهم اطول من شعرك الريم تجمعت دموعها : أنا مو قصدي يعني أنا كنت معصبه ماعرفت وش اسوي كنت متضايقه يا ماجد ماجد تقرب منها : يعني أنا كنت فرحـان ولا ايش فاكره ؟ الريم تباعدت عنه وراحت للمجلس وقفلت عليها بالمفتاح وقالت بصراخ : خلااااص يا ماجد ماني طالعه من الغرفه إلا اذا طال شعري ماجد وهو يطق الباب : رييم اطلعي من المجلس رييييم اذا ماطعتي بزعل منك ها يلا بسرعه ع شان نتعشىا بنطلع نتعشا برى البيت نغير جو من طلعتي من المستشفى ما رحنا مكان الريم فتحت الباب : ماجد يعني انت مو زعلان مني ماجد حضنها : وأحد يشوف هاقمر ويزعل منه الريم : ماجد وشعري ؟ ماجد : بيطول وخلاص بس اوعديني ماتقصيه مره ثانيه حتى لو تضايقتس الريم : اوعدك ماجد : شطووره يلا الحين البسي عبايتك ويلا نطلع الريم ابتسمت : يلا .. ولبست عبايتهـا ========================= |
|
| |
|
04-09-08, 01:39 PM
| #39 |
| |[ عـضـو فـعـال ]| الدولة: | رد: •❤• أبــوس روحــك • ❤• ام ماجد بهمس وهي معصبه : مهندوه ووجع يوجععك تعرف لو يدري ابوك بس أنك تبي بنت أخوه وش بيسوي مهند يتمصمخر : وش بيسوي ام ماجد وهي ضاغطه على اسنانها : اففف ماتفهم انت وبعدين شيل فكره الزواج أساسها من راسك إلى لمـا يتزوج محمد مهند بدلع : مـاماتي وأنا وش اسوي بحمييد اذا مايبي يعرس يعني ابوس رجله واقول له يعرس .. اف ياليتني اكبر منه ومن مجودي بعد ام ماجد بهمس ع شان محد يسمع : آآه بتجلطني وبعدين بنت عمك شيلهـا من راسك ولا بذبحك وانت بأرضك هني فاهم مهند بدلع : لأ مو فاهم دخـل في هاللحظة ابو ماجد ام ماجد تسكت مهند : اصص ابو ماجد : وش فيكم ؟ .. وايش اللي مو بفاهمه مهند : بابا ابي اتزوج ابو ماجد : ههههه ايوا عاد أنا تحمست من الحين عرفت أن مرت ماجد عقيم أنا خلاص بزوجك وتوبه عن الرفض مهند استانس : عن جد بابا ولا تمزح ابو ماجد : ايوا عن جد ام ماجد بعصبيه : وش اللي تخربطه الولد صغير وانت تقول بتزوجه لا مافي ابو ماجد : وش اللي صغير الله يهديك اللي بعمره عنده احفاد ام ماجد : هه عندهم أحفاد وانت ماعندك احفاد تبي هالبزر عندك احفاد مهند بجديه : ماما أنا مو بزر ام ماجد : ومين اللي بتتزوجها مهند سكت شوي : بنت عمي ابو ماجد بحده : مهند بنات عمـك مافي ولا انسى شي اسمه زواج مهند " ان ما تزوجتها ما اكون أنا نوده " : طييب و جت ملاك ملاك بدلع : هاااي بابي و ماماتو ابو ماجد :هلا .. إلا ماتنشافين ؟ ملاك بغنج : بااابا مافي شي يسليني يعني وش بسوي بغرفتي جالسه وبس ابو ماجد : طيب براحتك مهند : أنا بتعشا برى لاتحسبوني .. وعطا ملاك نظره تعالي معاي بدون محد ينتبه له وطلع وبعدها لحقته ملاك لغرفته وقفل الباب ملاك : نوده وش تبي ؟ مهند : أنا أبي اتزوج وماما رافضه اللي بتزوجها وكمان بابا رافضها ملاك بـ فضول : ومن هي اللي رافضينها ماما وبابا ؟ مهند : بنت عمي ملاك : اي عم و اي وحده فيهم ؟ مهند : رنـا بنت عمي أبو فارس ملاك شهقت : عمي جـاسم مهند : ايوا وش فيك مستغربه ملاك اخفت شهقتهـا تضيع : همم انت تعرف انو بابا مايحكي عمو جاسم مهند : موكه ساعديني أنا يعني وش اسوي و هم مايحكون بس ع شان شركة جدي من قبل بس الحين خلاص انحلت المشاكل بينهم تقريبا ابي اعرف ليه رافضين اني أتزوج بنت عمي ملاك عصبت منه : ايييه مهند يتفحصها : وش فيه شي مو عاجبك؟ ملاك بـ كذب : بصراحه أنا أكره بنات عمي مهند : خلاص روحي والله مامنك فااايده صحيح وأنا تعرفيني اللي بباليه اسويه ملاك : مهند لاتعمل شي غلط وتندم عليه .. وطلعت مهند عطاها طااااااااف و اتصل بعـمه ابو فارس " جاسم " مهند : هلا عمي ابو فارس بحده : نعم مهند بغيت شي مهند : ايوا عمي أنـا عارف أنك تكره بابا و ..... قاطعه ابو فارس : ادخل في الموضوع ع طول بدون لف ودوران مهند قال بتردد : آآحح بتقدم لبنتك ابو فارس : وانا رافض من هاللحظه مهند : عمي انت متزاعل مع بابا مو معاي أنا أنا ابو فارس : اسمع وانا عمك من قبل أنا كنت أبي اتصالح مع أبوك بس أهو اللي رفض يصالحني ومستحيل أعمل نفس اللي عملته من قبل واللي مايبينا مانبيه مهند : طيب أنا ابيك يا عمي ابو فارس : لا ياولدي أبوك رافض وأنا مابي أزعله منك مهند : يعني انت موافق ابو فارس : لا أبوك رافض بنتي وانا بصير رافض ولده مهند : انا لله وانا اليه لراجعون ,, عمــي انتي الحين رفضتني مارفضت ابوي ابو فارس : خلاص يا مهند الموضوع منتهي مهند بـ خيبة أمل : طيب مشكوور ابو فارس : تشكرني على شنو ؟ مهند : كنت فاكر انك بتصكها بوجهي بس اشوا طلعت سليمه ابو فارس : ههههههههههههههههههههههه مهند : بكم هالضحكه ؟ ابو فارس : رجعنـا خلاص الموضوع منتهي وبعتبر نفسي مـاسمعتك مهند اخذ نفس طووويل : طيب مع السلامه ابو فارس : ياعمي لاتزعل مني مهند : لا مو زعلان بس أنا أقول أنا وهذا أبوي هو اخوك من لحمك ودمك حرام تتعاملون كأنكم أعداء مو أخوان وعقولكم توسع جبل و المشاكل تصلحت وانتوا عقلكم يابس ابو فارس فيه ضحكه : احترم اللي اكبر منك الحين تقول لـعمك عقلك يابس استح ع وجهك مهند بسرعه : طيب مع السلامه .. وقفلها بوجهه اففففف .. بس أنـا لهـا وان مـا أخذت رنـا مـا أكون أنـا مهند هه أنا محد يتحداني واللي يتحداني يخسر و الأيام جـاايه وتثبت لكم ================================== اليوم اللي بعده يـوم رجـعـة طلال طلال كـان بيتوجه مباشره لبيت عمه بوماجد لكن قـال أنهم أكيد نايمين و أحد يعمل زيارات هالساعه أنا ووجهي وهو تعبان وجوعـان كمـان صار عليه ضغط من الشغل مافضى لنفسه عشان ياكل جـا له السايق المطار ووصله البيت شاف الساعه اللي بيده تأشر على 7 وربع دخـل البيت و البيت هدوء الكـل نـايم دخـل غرفته وهو حامل شنطه صغيره بيده فيها لبستين وقفل الباب بهدوء وراسه دايخ يمكن من الطياره ..!! تمدد ع السرير وانتبه لرولا جمبه نايمه وهم متعاكسين كل واحد فيهم عاطي ظهره للثاني وماهي حاسه باللي حواليها نـام هو بسرعه ما إلتفت لها حتى .. ================================== الريم تسحب البطانيه بكل كسل ونوم : امممممم ماجد أنـا بردانه ماجد يسحب البطـانيه بقوه : وأنا كمان خـلاص لاتسحبينهـا الريم بإنزعاج وكسل : أووف ماجد ماجد : ريم تقربي مني ليه رايحه آخر السرير و البطـانيه كلها بالوسط الريم : انت اللي آخر السرير ماجد : أنا بالوسط الريم : أف طيب تقرب انت انا مو متحركه من مكاني تعبانه ماجد : وين اتقرب ,, اتقرب عشان اطيح ..!! الريم تقربت منه ليمـا صارت أجسادهم تلامس بعض وهي تدفعه : كذا يعجبك ماجد يضحك عليها : اوووه لا كذا كثيير الريم : أووف .. وقامت من السرير فتحت دولاب البطانيات وجابت لها بطانيه صغيره ماجد : ههههههه ما شاء الله وتركتي هذا الكبير لي الريم رمت البطانيه الصغيره بوجهه : لا الكبير لي وهذا الصغير لك ماجد تأمل اللحاف الصغير : ريم هذا لحاف البيبي .. وحط يده في فمه وهو يتمنى انها ماسمعته الريم بابتسامه : انت البيبي الصغير تبعي ماجد : حياتي انتي شوفي الساعه كم ؟ الريم : الحين 7 ونص ماجد : اووه تأخرت ع الشركه الريم : خذ اجـازه ماجد : بشووف ع حسب أوضاع الشغل بس اليوم لازم أروح عندي شغل مهم ================================ يحس نفسه ماله فايده بالحيـاه ..!! أكل \ شرب \ نوم \ نت \ شركه وفي الاجازه : اكل \ شرب \ نوم \ نت صارت حـيـاته مملـه ويبي يغير في هالروتين اليومي زي أنـه يحط في حيـاته بهارات محـليه للحيـاه أكشن ومغامرات زي اشياء كثيره جـا ع باله \ سفر \ ألعاب \ زواج ووع وش قاعد تفكر فيه زواج .. هه هذا آخر شي المفروض أفكر فيه أيواا عجـبته الفكـره و يغير جـو وده يسـافر ويمتع بس يبا له يفكر فالمكـان اللي يبي يعمل فيها سياحه بس يبي يروح مـكـان عرب لان مايبي أحد يروح معـه اتصل لـماجد ع شانه مابيروح اليوم الشركه و اليوم لازم يحجز له ع سفره حلـوه ويقدم على اجازه اسبوعين ثلاثه بالكثير ويستانس ========================= |
|
| |
|
04-09-08, 01:41 PM
| #40 |
| |[ عـضـو فـعـال ]| الدولة: | رد: •❤• أبــوس روحــك • ❤• ع السـاعه 11 ونص صحى طلال من النوم و رولا لسى نايمه خاف عليها لايكون مريضه حط يده على جبينها حرارتها طبيعيه راح الحمام وأخذ له شور يستعيد فيه نشاطه ولبس بنطلون جينز و قميص أخضر بدون مايقفل أزرار القميص ,, شاف السرير وحس أن لسى فيه نوم لكن مايعرف ينـام جلس ع السرير يده اليسار على راسه وهو شبه متمدد وجالس ورولا عاطيته ظهرها راح لجهتها ومسح ع شعرها الذهــبي و كالعاده عبايتهـا عليها ,, راح للمطبخ طلب من الخدامه تعمل فطور لـشخصين وتجيبه الغرفه وهو رجـع الغرفه يتـأمل رولا النـايمـه وكلمها بهمس : حبيبتي رولا بـ نوم وليى مافتحت عينها : همم طلال بنفس همسه : اشتقت لك كثير رولا فتحت عيونها بالتدريج لأن الضوء ألم عيونها : طلال طلال بمرح : يا كسوله اصحي من النوم أنا رجعت ونمت و صحيت وانتي لسى نايمه رولا تربعت ع السرير : أنا كنت بعمل لك مفـاجأه مانمت لكن ماقدرت ونمت .. متى وصلت ؟ طلال : الساعه 6 وربع أنا بالبيت رولا : والحين الساعه – ناظرت بساعة يدها – اوووه 12 إلا ربع طلال : وش رايك بالنومه ع سريري حلوه مو ؟ ,, عسى ارتحتي فيها رولا تخفي الخجل : سريرك ثقيل مثل الخشب طلال : هههههههههه أي خشب انتي شكلك ماتفهمين بالأسره لو تنطين من السرير توصلين للسقف رولا : ههههههههههههههه طلال : اشتريت لك هدية رولا : من أمريكــا ؟ طلال : نو من زمـان كنت بعطيك اياها بس ع قولة رغيد حملة الشوق اللي عملتيها ماصار فيه فرصه اعطيك الهديه رولا بـ فضول : وش هي الهديه ووينها ؟؟ طلال :نوو نوو بعد الفطور وطق الباب الخدامه : مستر .. بريك فاست هيير ,, بليز أوبن ذا دور رولا : أنا بفتح الباب .. وفتحت الباب وأخذت الفطور منها رولا : ثانكس فري ماتش الخدامه : ولكـم ,, ودخلت رولا وبيدها صينية الفطور وقفل طلال الباب طلال : يم يمي أنا جوعـان رولا : ههههه وأنا كمان طلال : اووه نسيت ماقلت لها تجيب ملاعق لنفر واحد رولا : طلول خلاص ترى مراح أكل طلال : ههههههه أمزح رولا بجديه : اذا كان مزحك كذا لا عاد تمزح طلال : هههههههههههه أنا بجننك بجننننك رولا : وتتزوجني مجنونه طلال : لا بعالجك وبتزوجك رولا : هههههههههههههههههه طلال ياكل خيار : حياتي متى عيد ميلادك ؟ رولا غصت بالكوفي : عيد ميلادي ..!! طلال مسح على ظهرها : بسم الله عليك انتهبي وانتي تاكلي رولا : بس تعرف انت أني ما اعرف شي عن حياتي الخاصه طلال خجل من سؤاله : ولا تزعلين مني ياقلبي رولا بزعل : انا مو زعلانه عليك زععلانه ع ماما و بابا طلال : بصراحه يا رولا انا نفسي اعرف كيف عشتي حياتك رولا : حياتي طويله مره و مع ذلك ماعشت كثير طلال : طيب بعد الفطور رح نحكي لليل رولا : هههههه لا ماما حكت لي ماتجي الساعه 2 الظهر إلا انا في البيت طلال : أفاااا يعني مراح تتغدين معاي ؟ رولا : لا انت تتعال تغدى في بيتنا طلال : نتغدى برى البيت احسن رولا : بس ماتنسى الساعه 2 انا بالبيت طلال : لوره رولا : اممممممم طلال بمرح : ايش رايك نروح اليوم الملاهي ؟ رولا انبسطت : عن جد من زماان مارحت يمكن آخر مره يوم كنت بمتوسط طلال : حلوو أجل اليوم بروح مـعااك الألعــاب حياتي ======================== ام ماجد : لا ياحبيبي سـفر بحــالك ممنوع ليه يعني فاكره شهر عسل ولا ايش أنا ولا مره شفت فحـياتي واحد عازب بيسافر بروحه يا ياعيوني محمد : ماما الله يخليك وافي واذا وافقتي بابا رح يوافق ع طول ام ماجد : محمد أنـا قلت آخر كلام عندي سفر ماتسافر بحاالك في هاللحظه جا لهم مهند ام ماجد بتعصيبه مخفيه : شفت أخوووك اللي مايستحي وش يقول مهند بـ ملل : اييش ؟ محمد : اييه تحكي لـ مهند لو مهند قال لك ع طول توافقين ام ماجد : أخووك يبي يسافر وش قــال يبي يروح ماليزيا قال مهند بـ حماس و تشجيع : اووه ونااسه أجل بتروح ماليزيـا خذني معـك أنا لاشغل ولا مشغله نروح سياحه حلوو ام ماجد : وش تخبصون انتوا سفـرره مــااكوا إلا اذا تزوجتوا مهند : ماما أنا موافق زوجيني ومن اليوم كمان ام ماجد : لا ياعمري خلك تعقل بالبدايه بعدين فكر تتزوج وبعدها فكـر تسافر من مرتك محمد : أوف ماما أنـــا بسافر و قدمت ع اجازه ثلاثه اسابيع ام ماجد بـ اعتراض : لا والله .. اسمع يا حمييد اللي أقوله هو اللي بيصير محمد بـ زعـل : طيب .. وطـــلع بسيارته وهو مره زعلان مهند : ماما شفتي شلون زعلتيه ام ماجد تتنهد : هذا الولد غاضبني أنا مدري الله ليه عاقبني بأولاد مثلكم واحد يموت ولا يتزوج و الثاني يحيى ع شان يتزوج آآآه صحيح بلوه مهند : مـامـا خلاااااااص مابي اتزوج كذا ارتحتي ام ماجد : منشوف ========================= رولا بابتسامه واضحه و خدودها متورده : عن جد مايحتاج و ماما بـتاخذ الموبايل مني يعني بعد سنه عطيني اياه طلال : اييش .. أنا يالله مره فالإسبوع أحكي معك وبعدين بسيطه مافيها شي لو عرفت عمتي انتي الحين مخطوبه و ان شاء الله قريب نتزوج رولا بخجل : لا مو قريب ... طلال : حياتي أنا مقدر اذا ما تزوجنـا احس أني بعمل شي غـلط رولا ضربته بخفه ع ظهره : هييييه طلال يتصنع الألم : آآآه رولا : ها ها ها تفتكر أني بصدقك الحين عاد أنك تتألم طلال بـ كذب : رولا أنا فيني انحناء بالعمود الفقري مقدر اتعرض لأي ضربه رولا خافت عليه : طلال أنا آسفه ما كنت اقصد .. طلال ناظر بعيونه .. هذي من جدهـا خافت عليّ ههههه طلال : حيااتي أمزح معك رولا : اف منك طلال كذا انت ترعبني لاتعمل معي هالحركات طلال بـ عبط : أي حركات رولا مدت له الموبايل تضيع السالفه : طلال الموبايل هذا ماله داعي مشكور ع الهديه بس أنا عارفه أنو ماما راح تـاخذه مني طلال : طيب بعد مانتغدى فالمطعم رح ارجع معك لبيتكم وبقعد مع عمتي و اقول لها انيّ عطيتك اياه رولا : ايوا كذا كويس واذا رفضت أنا مالي شغل طلال : هههه طيب يلا نطـلع رح نتغدى رولا : لا لسى ماخلصنـا الفطور طلال : طيب الساعه 1 منروح المطعم |
|
| |
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| أبوس أرض أمي - تصميمي | لآنـىآ غـير’ | معرض التصاميم | 16 | 14-11-11 10:10 AM |
| أبوس قلبك!! | majnonha | رسائل جوال | 9 | 03-11-08 07:11 PM |
| أبوس روحك | الضحكة الخجولة | خواطر - عذب الكلام | 22 | 15-10-08 07:56 PM |
| أبوس راسك يا زمن | سندريلا الناعمه | منتدى المواضيع العامة | 9 | 10-12-07 08:48 PM |
| صور ساخره لبوش | سمبـوسه | نكت × نكت ضحك | 4 | 15-01-06 06:53 PM |
