عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي


إضافة رد
 
أدوات الموضوع
قديم(ـة) 15-10-08, 03:10 AM   #211
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك


اقتباس:
المشاركة الأساسية كتبها ماهي حسافه مشاهدة المشاركة
هااااايووو
تسلم دياتك على البارت

الله يوفقك ويوفق الجميع بدراسته

وتذكري اهم شي مستقبلك وروايه حنا لاحقين عليها


تقبلي مروري
أهــلاّّ ...
ماعليك من ترى اوقاتي كثيره ..
< و أكثرهم المذاكره ..
و خاصة الكتب اللي تكسر البدن ,,,
بس تمووونون ..
مشكوره على المرور
عذاري الحب غير متصل   الرد باقتباس
قديم(ـة) 15-10-08, 03:21 AM   #212
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك

اقتباس:
المشاركة الأساسية كتبها أحبك يالغالي مشاهدة المشاركة
طولتييييييييييييي علينا نزلي البارت بلييييييييييييييز
أهلا ..
البارت بالليل بكرا ! ..
يسلمو على المرور

&&&&&&&&&&&&&&&&

الشي المفاجئ اللي خلاني احطلكم بارت بكرا ..
لإنو الجهـاز خرب الله يعافيه .. و حوديه مصلح ..
خايفه يتأخر المصلح لأني كمان بعدل الشكل الخارجي ,,
و التركيبات الداخليه ..
هاليومين انا ادخل بجهاز اخوي النونو ..
و من فضل الله عليّ أني حافظة الرواية في الفلاشه .. :)
< بللل قلت قصة حياتي لوول ..
المهم دعواتكم ...
عذاري الحب غير متصل   الرد باقتباس
قديم(ـة) 15-10-08, 04:29 AM   #213
|[ عـضـو مـشـارك ]|

 
الدولة:
الافتراضي رد: أبوس روحك

[b]نننتظررررررك بكرا ياقلبي والله يسهل عليك يارب

وياليت يكون البارت طويييييييل عشان مو بسرعه يخلص

يعطيك العافيه[/b]
أحبك يالغالي غير متصل   الرد باقتباس
قديم(ـة) 15-10-08, 07:58 PM   #214
|[ عـضـو جـديـد ]|

 
صورة أميرة الحياه الرمزية
 
الدولة:
الافتراضي رد: أبوس روحك

الله يوفقك حبيبتي

بانتظار الجزء ان شاء الله منك يا مبدعتنا

خلي بالك من روحك وان شاء الله يكون البارت حلو مثل الكاتبه

تقبلي مروري المتواضع

اختك أميرة الحياه
أميرة الحياه غير متصل   الرد باقتباس
قديم(ـة) 16-10-08, 01:51 AM   #215
|[ عـضـو نـشـيـط ]|

 
صورة )(بــيــوونــي)( الرمزية
 
الدولة:
الافتراضي رد: أبوس روحك

في كثير روايات بقراها ودخلت علي الاحداث والشخصيات
بس هالروايه الوحيده اللي حافظتها في انتظارك يالغلا
)(بــيــوونــي)( غير متصل   الرد باقتباس
قديم(ـة) 16-10-08, 11:45 AM   #216
عضو موقوف من الاداره
 
الدولة:
الافتراضي رد: أبوس روحك

قلبوو وين البارت ليش ما نزلتيه


انتظر البارت على أحر من الجمر


وخلي بالك من دراستك والله يوفقك ان شاء الله


انتي في أي صف صحيح



مشكورة غناتي


مو تطولي علينا نزليها ألحين


أختك:دموع السحاب

دموع السحاب غير متصل   الرد باقتباس
قديم(ـة) 16-10-08, 03:14 PM   #217
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك

الـــــجــــــزء الـــــســـــــابـــــــع
الـــفــصــل الأووول

.
.

.
.
ضرب الأرض بقوه بكفوفه اليمين و اليسار وهو يصرخ بأقوى ماعنده : طلعوووووني طــــــلعـوننننني يلاااا طلعــوني ..
و صار يهذي لحـاله بعد ما بح صوته : طلعوني طلعوني مو قادر اعيش هني ..
العنصر الي يراقب الزنزانه اللي فيها محمد : انخـرس ازعجتنا يا ولد ولا بيكون معـاي لك تصرف ثاني
محمد خاف منه لأنه تعب من الضرب اللي ياخذه كل يوم , وكل يوم عن يوم يقسى الضرب اللي ياكله ..
بس مو بكيفه يتكلم غـصب عنـه , يكفي اللي بداخله ..
~~~~~~~~~~~~~~~~~~~~~~~~~
طلال : هلا نويييف
نواف : ههههه هلا وبعدين اصغر عيالك أنا تناديني نويف
طلال : اصغرهم ولا اكبرهم .. عااد امشي لداخل الرياض حر موووت
نواف : ههههه توّ ما نورت الرياض
طلال : ماقلت جديد المهم يلا انا بروح ارتاح بالمجلس تعبان من السواقه
(( نواف صاحب طلال من زمان كانوا بالشرقيه ساكنين بس نواف كان شغله بالرياض فسكن مره وحده بالرياض )) ,,
نواف : البيت بيتك ..
طلال : لا والله مو بيتي هذا بيتك انت ..
نواف : شكلك مو رايق ابد ..
و دخلوا المجلس ,,
نواف : غريبه وش جايبك لرياض ؟ ..
طلال : يعني حرام اجي و ازوك .. < يتمصلح لول
نواف : لا والله يصلحين مو بس يصلح ..
طلال : والله ما تعرف تستظرف ..
نواف : لا انت شكلك رايح فيها اليوم و اذا تكلمت كلمه زياده شكلي في ثلاجة الأموات ..
طلال ببرود : زين عرفت , و تمدد على الأرض .. ليما غفت عينه
~~~~~~~~~~~~~~~~~~~~~~~~~~~~~~~
على الساعه 2 ونص راحوا ام ماجد و ماجد و ملاك و رولا للمستتشفى ,,
في البدايه الدكتور عطاهم محاضره صغيره ..
المهم جايبتكم هنا عشان اقو لكم احاسيسهم في هاللحظات ..
بوصف لكم احساس رولا
رولا كانت تحس بخوف إلا برعـب و كأنها توها تستوعب أن معها سرطان , ما كانت تفكر أبد أبــــــــــد أن في يوم من الأيام بيجيها هذا المرض الخبيث ..
لكن .. قدر الله و ما شاء فعل
خلاص خلاص ,, ماتبي تتعلاج تبي تموت ولا تتعالج انرعبت من شي اسمه كيماوي و سرطان و مرض و موت ..
اول مره بحياتها تحس بالضعف و الهوان ..
حست انها مو مرغوبه و أنها تتعب عايله مو عايلتها و مو ضروري يجيبوها للمستشفى ..
حست انها عاااله .. حست أنها عوود لازق ببلعوم .. حست بألم , بذل , بهوان , قلة حيلة , حست بنااار تحرق قلبها الصغير , تحرق قلبها الطيب
.
.
ام ماجد كانت تحس بخوف على رولا اللي ربتها من صغرها ..
و تمنت لو ترجع الزمن و تعدل كل معامله بشعه عاملتها ..
كان القرآن بيدها وهي جالسه على كرسي و دموعها استحاله توقف
.
.
ملاك حست بألم على رولا و على المصيبه هذي ..
العبره خانقتها و البكي ما يفارقها ..
فكرت انها ممكن تفقد رولا بس شالت هالفكره من راسها
و اذا بتتعالج أكيد رح تطيب و ترجع زي اول و احسن بعد
&&&&&&&&&&&&&&&&&&&&
صحى طلال على الساعه 4 و اول ما ناظره الساعه
وشهق : هااا السااعه اربع ! اخذني النوووم
شاف نواف نايم جمبه و قال بعصبيه : هييه انت ليه ما صحيتني ,, و صار يهز كتوفه
و نواف المسكين فز من مكانه متخرع : وش صار من مات ..
طلال بعصبيه : لييه ما صحيتني ؟ ...
نواف مستغرب : لييه اصحيك ؟ , و بعدين انت ما قلت لي اصحيك ..
طلال تذكر و قام توضأ و صلى الظهر و العصر وهو ساكت و معصب على الآخر
~~~~~~~~~~~~~~~~~~~~~~~~~~
ام طلال : اجل شوفي , ولدي يعصي كلمتي يا أمل يعصيها ..
أمل : بصراحه يا اوخيتي و ماتزعلين , انتي الغلطانه , و انا اشوف السالفه كلها على بعضها مالها داعي ..
ام طلال : يعني صار اللوم عليّ الحين ..
أمل : ايوه ..
ام طلال : ............
أمل : أنا لازم اروح البيت الحين من امس و انا هنا و عيالي الحين و عييالي حتى غدا ما طبختلهم ..
ام طلال : انتي طلبتيلهم من المطعم وبعدين كيف تخليني هنا بروحي ..
أمل : قومي تعالي معاي البيت ..
ام طلال : و زوجك مو بالبيت ؟ ..
أمل : لا اليوم ما يرجع إلا فالليل ..
ام طلال : و طلال ..
أمل : طلال مدري عنه , تلاقيه الحين مع رولا يلا قومي ..
ام طلال تفكر : اممم .. طيب ..
أمل : اجل توكلنا على الله ..
و لبسوا عبيهم .. وبعدها اتصلوا على السايق و راحت ام طلال بيت اختها
~~~~~~~~~~~~~~~~~~~~~~~~
مهند اتصل لفارس و رفعها ,,
فارس : هلا هلا .. هلا والله ..
مهند : هلا فيك , اخبارك ؟ ..
فارس : تمام , بخير كل شي تمام و انت اخبارك ؟ ..
مهند تنهد : من وين اصير بخير من وين بس ...
فارس : تفائلوا بالخير تجدوه ,,
مهند : المهم قول لأهلك يجون اليوم بيتنا ..
فارس : ليه ؟ بمناسبة ايش يعني ؟ ..
مهند يتمصخر على نفسه : هه بمناسبة الوحده ..
فارس : الوحده ؟ مافهمت عليك ..
مهند خنقته العبره : الوحده يعني الوحده , انا عايش بلحالي بالبيت الحين ..
فارس : وضح اكثر ما فهمت عليك ! ..
مهند : رولا يا فارس , رولا ..
فارس استغرب و جا على باله انها ماتت !!!! : وش فيها رولا ! لا يكون ! ..
مهند نزلت دمعه لا شعوريا : رولا معها السرطان .. معها الخبيث يا فارس ..
فارس بصدمـه : ســـــــرطـــــــان ! ..
مهند : ايوه ..
فارس : و الحين هي وينها فيه تتعالج ؟ ..
مهند : هم الحين بالرياض ..
فارس : من ؟ .. و انت مارحت معهم ؟ ..
مهند : الكل راح هناك و انا جالس هنا ..
فارس : و ليه ما رحت ؟ ..
مهند : وكيف تبيني اخلي البيت فاضي مع الخدم ..
فارس : اوه صح ! ..
مهند : المهم لا تنسى قول لعمي اليوم العشى ببيتنا ..
فارس : يوصل ..
~~~~~~~~~~~~~~~~~~~~~~~~
طلال راح المستشفى بسرعه و بعد ما راح للاستقبال دلوه على الغرفه اللي فيها رولا لكن رولا كانت تتعالج بالغرفة العمليات و جمب الغرفه كانت هناك ام ماجد تقرا قرآن و ماجد باين على وجهه القلق و ملاك كانت شبه نايمه ..
راح سلم على ام ماجد و باس راسها : شلونك عمتي ؟ ..
ام مااجد تنهدت : بأسوأ حال ..
طلال : الله يقومها بالسلامه , شلونك ماجد ؟ ..
ماجد : ما اعتقد فيه كلمه اقدر اوصف لك بها حالي ..
فجأه صرخت : لااااااااااا رولا ماتت رولا مااتت , ماااااتت ..
طلال انصدم و بكى وجلس على الأرض و كمل بكي ما قالوا له ان حبيبته .. مااتت , ماتت وهي زعلانه منــــــه و جلس يبكي كأنه طفل يبي امه ..
ملاك وتصرخ بأعلى من الصرخه اللي قبلها : ماااتت رولا ماتت , " و هدأ صوتها شوي " ماتت .. وصارت متمدده على الأرض وهي تصرخ بـماتت , و ام ماجد و ماجد مو فاهمين شي و ملاك بدت تبكي و تصرخ ..

طلال كان يبكي بصمت ..
ام ماجد راحت لملاك : ملاك حبيبتي ..
ملاك قاطعتها وهي تصرخ صرخت : لاا رولا مااااتت خلاااااص راااحت ..
جاو الدكاتره و اخذوهاا و نامت بعد ما عطوها ابرة مهدأ ,,
و راح ماجد لطلال و مسك يده : ملاك مدري وش فيها ما عليك رولا ان شاء الله تقوم لنا بالسلامه ... و قام راح هو و ام ماجد للغرفه اللي فيها ملاك
طلال قام وهو مو فاهم شي يصدق مين و يكذب مين .. !
لالا رولا ما ماتت ,, رولا بتعيش .. و بنكمل حياتنا مع بعض لآخر العمر ايوه لآخر العمر ولا شي بيفرقنا غير الـــــمـــــوت ايه الموت !
طلال ناظر الساعه لقاها على 4 ونص .. جات ثلاث ساعات و رولا بالغرفه ..
او القصد أنهـا منومه ..
اووووف مليييت متى يخلص ,,
جـا الدكـتور من الغرفته , و انا اقول بنفسه يه هذا من زمان شكله طالع من عند رولا .. وقفت قدامه و قلت : بشر ؟ ..
الدكتور : آ مين تكون انت ؟ ..
طلال : أنا خطيب المريـضه , رولا ..
الدكتور : أهلا , تشرفنـا .. تفضل معاي أقول لك كم شي .. و مشى لعند مكتبه ! ..
انا مشيت خلفه و انا مستغرب .. هذا وش يبي مني , لا يكون صار شي لـ رولا .. مشيت وراه و انا ساكت و لما وصلت الغرفه قال لي : تفضل اجلس على الكرسي , انا جلست على الكرسي وهو راح لكرسيه الخاص فيه و جلس و قال : بالنسبه لـ رولا .. انا من سمعت اسمها قمت اصغي لكلامه باهتمام < حلوه اصغي صح ! ..
المهم .. قال لي : هو انت خطيبها مـا ! < ايه خطيبها يعني جدها من جد تقهر ..
انا عاد عصبت من بروده قبل شوي قايل لك خطيبها.. يعني افهم قلت بنفاذ صبر و قلة حيله : ايوه ..
الدكتور : طبعـا الحين عطيناها الكيماوي و خلصنا وهي بالغرفه نايمه المهم انا مو جايبك لهالسبب " وكمل " بس حاب اقول لك عن الأشياء اللي بتصير لـ خطيبتك و الأشياء اللي لازم تسويها اتجاهها و طبعا مو بس انت كل اهلها و اقاربها انت تعرف الكيماوي ايش يعمل .. زي فقدان الشعر وهذي اول نقطه بتكلم معك فيها ..
طلال كـان مو مصدق .. لااااا , .. رولا رح تفقد شعرها شعرها الطويل شعرها الأشقر شعرها بيروح !!! .. و شهق
الدكتور : لا تخاف الشعر ينبت مره ثانيه لكن انتوا لازم تعاملوها كأن الوضع عادي و ماتحسسوها بشي لأنها صلعاء أو مافيها حواجب و رموش و من هالقبيل .. " وكمل الدكتور بدون ما يعطي طلال فرصه " و خليها تلبس كاب (قبوعه) عشان البرد جوا البيت و الحر برى البيت قصدي ع شان الحين بفصل الصيف .. و كمان اذا تبي تلبس باروكه ( شعر مستعار ) مافيه مشكله و كمان شي اذا نبت الشعر تمشطه برفق و المشط لازم تكون سنونو واسعه و اذا تستخدم مشط فرش لازم تكون فرش ناعمه .. و بالنسبه للتغذيه ما تعطوها الاشيا الحامضه زي البرتقال و الليمون و العنب و الرمان ’ تاكول الأشيا الحلوه زي عصير التفاح و عصير المانجو , و شي ثاني كمان ما تشرب اي مشروب غازي .. طلال : طيب , الدكتور : انا لسى ما خلصت الحكي , طلال بنفسه " وش هالمحاضره بس كل شي لعيون رولا يهون " , وكمل الدكتور : انا بعطيك اسماء ادويه و انت تشتريها زي ادويه فاتحه للشهيه و ادويه مانعه من الاستفراغ و كمان لازم تكون كل الوجبات اللي تاكولها خفيفه .. و اللقمات لازم تكون صغيره و ما تعطيها الوجبات السريعه و اللي فيها زيوت و دهون و لازم تشيل الأكل قبل تشبع خطيبتك , طلال : اييش ! وليش أخليها تشبع ؟ .. الدكتور : يا أخي أساسا هي ممكن تاكول لقمه وحده عن اسبوع ما تقدر لأن تجيها حالة غثيان و لا أكلت رح تستفرغ علطول , هالحين فهمت عليي ؟ .. طلال استوعب : ايوا كمل .. الدكتور كمل : و اكيد لازم تمضغ الأكل بشوي شوي و الأفضل تاكل الأكلات البارده .. و زي ما حكيتلك المقليات ما تاكول منها شي و روائح المطبخ تتجنبها ,, طلال باستغراب : حتى الريحه ؟ .. الدكتور : ايوا حتى ريحة الأكل ما تشمها لأن يجيب لها غثيان و بعدها تستفرغ مباشرة , ولازم تلبس ملابس واسعه و مريحه و بالنسبه للأكل كمان الفطور يكون بسكويت مالح او خبز و اكثر شي الأكل الجاف و الحليب ممكن أنها تشربه بس يكون بارد .. و لازم تحكون كثير و تفرفشونها كثير عشان تنسى الاستفراغ و التعب و لازم تزيد من كمية السوائل .. و تقوم شوي بالتمارين مو كثير شوي ولو خمس دقايق ..
و جـلس بس محاضره عن هالأشياء و طلال مو بس يسمع الكلام إلا يحفظه
&&&&&&&&&&&&&&&&&&&&&&&&&&&&&&

آخر من قام بالتعديل عذاري الحب; بتاريخ 17-10-08 الساعة 03:36 AM. السبب: ~~~~~
عذاري الحب غير متصل   الرد باقتباس
قديم(ـة) 16-10-08, 03:15 PM   #218
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك

ام ماجد : ها شوف الدكتور انت هالحين و قول له رولا متى بتطلع ؟ ..
ماجد : ماما أكيد رولا بتجلس هنااسبوع ولا اسبوعين و انا مو موافق اطلعها من هنا قبل اسبوع ..
ام ماجد : مايخالف , بس لازم بعد نروح البيت و مهند يعني بجلس اسبوع بلحاله بالبيت ..
ماجد : ما عليه ماما خلي خالي و ريان يروحون البيت ..
ام ماجد : يصير خير .. المهم انت روح للدكتور و انا بجلس مع ملاك ..
ماجد راح للدكتور و لقى طلال واقف و كأنه توه رح يطلع من الغرفه ..
طلال كمل طريقه وطلع من الغرفه و جلس فالانتظار ..
ماجد للدكتور : متى نقدر نطلع رولا ..؟..
الدكتور : هو تقدر تطلعها بعد ثلاث ايام بس اذا تبيها تجلس هنا اكثر عشان تتطمن على صحتها اكثر ما فيه مانع ..
ماجد : اجل بخليها اسبوع ..
~~~~~~~~~~~~~~~~~~~~~~~
على الساعه 6 ونص ,,
جا العنصر و فتح الزنزانه : يلا قوموا توضوا , صلاااه ..
محمد بعصبيه : انا ماااابي اصلي
قال واحد معه بالزنزانه : ههههه و انت صادق ليه نصلي يعني ربك بيخلي الـ6 شهور 6 اسابيع ولا ايش !
العنصر جاب العصا و بدأ يضربهم : اييش انتوا تبون تصيرون كفااار ! هذا بدل ما تستغفرون ربكم على اللي سويتوه ,, وكمل يضرب و يضرب لين انتفخ جلدهم و طلع لون النفخ اخضر على بنفسج على ازرق ..
محمد ما عرف يقوم من لألم و من العياره ( العياره = الكسل ) اللي فيه
لكن عصا العنصر كانت متوجهه له هو بالذات , وقبل توصل له الضربه قام و راحوا المغاسل و نظفوا الدم اللي فيهم ليما وقف و توضوا ..
~~~~~~~~~~~~~~~~~~~~~~~
ام طلال : يلا انا الحين بروح البيت ..
أمل : لا استني للعشا ..
ام طلال : لالا البيت فاضي و مافيه إلا الخدم ..
أمل : و الله منتي طالعه قبل العشا ..
ام طلال : لا و طلال يمكن رجع ! ..
أمل : لا ما رجع..ولا كان اتصللك..ولا اعتذرلك , انتي اجلسي هنا لو للعشا بس
و بعد الهذره وافقت ام طلال تجلس لقبل ما يجي زوج اختها من العمل ..
&&&&&&&&&&&&&&&&&&&&&&&&
على الساعه 8 و 23 دقيقه بالضبط .,
جاو بيت ابو فارس لـبيت أخوه ابو ماجد الله يرحمه ..
و تعـشوا كلهـم لكن مهند ما أكل لقمتين على بعضها و قام ,,
بو فارس : وش فيك قمت عن العشا ؟ ..
مهند : لا والله حسيت ان شهيتي منسده ..
فارس : كـل و الله يفتحها ..
مهند : أنا بروح امر محمد في السجن ..
ابو فارس : الا متى يطلع ؟ ..
مهند : لسى واجد عليه , بقى سته شهور ..
ابو فارس : الله يمررها على خير ..
مهند : اجل انا بروح كلها ربع ساعه و راجع ..
ابو فارس : طيب .. سلم على محمد
مهند : يوصل ,, البيت بيتكم , سوو اللي تبونه .. وطلع
&&&&&&&&&&&&&&&&&&&&&&&
ام ماجد كانت تعبانه خاصة بعد حالة التوتر اللي عاشوها اليوم ..
كانت جالسه جمب طلال على كرسي بجمب الغرفه اللي فيها رولا
أما بالنسبه لملاك فراحت مع ماجد للبيت يستريجوون .. خاصة ملاك بعد الحاله النفسيه المتأزمه و ناموا
ام ماجد تقرأ قرآن و طلال يدعي و بيده المسباح , يسبح ..
&&&&&&&&&&&&&&&&&&&&&&
بعد ما سمحوا لمهند يزور محمد قال محمد بانفعال : شوفني يا مهد شوفني كل يوم على هالحال ضرب في ضرب .. و انا مو عارف اعيش احس أني بموت هني ..
مهند : بعيد الشر عنك و بعدي كلها ست الشهور بتمر زي البرق ..
محمد : ابوي لسى زعلان مني ! ما اشوفه زارني ..
مهند كذب غصب عنه : هو بابا يبي يعمل حاله زعلان منك بس هو مو زعلان ..
محمد : ابي اطلع احس حالي بخنقه ..
مهند : يعني وش رايك اجلس بالسجن بدالك ..
محمد : لا مو قصدي بس تعبان , مره تعبت من الضرب
مهند : اقرا قرآن ..
محمد : أقرأ ولو تشوف يخلونا نحفظ قرآن كأننا بزارين عندهم ( زي ماقلت بزارين يعني اطفال < عجبها المصطلح و دايم تقوله خخ ) ..
مهند : طيب أنا بروح و الكل يسلم عليك , انا بروح الحين لأن عمي بالبيت ..
محمد : سلم عليهم , و بوس لي راس امي و قول لها انيّ اشتقتلها ..
مهند باس خد محمد و سلم عليه و طـلع ..
&&&&&&&&&&&&&&&&&&&&&&&
ام ماجد نامت على الكرسي طلال أخذ القرآن من يدها و حطاه على كرسي فاضي , و اتصل على ماجد , ,
ماجد وصوته كلللللله نوم: هلا طلال ..
طلال : ماجد وين انتوا ساكينين امك نامت و بجيبها ..
ماجد شرح له و قال له وين يصير بيتهم .. وقفل منه ..
طلال يصحي ام ماجد : قومي اوديك البيت .. !
ام ماجد فتحت عيونها : همممم ..
طلال مسك يدها يوقفها : يلا عشان تنامين بالبيت وبكرا الصباح اجيبك ..
ام ماجد قامت بانصيـاع ..من النعس اللي فيها ..
و طلال وصلها البيت و رجع للمستشفى
&&&&&&&&&&&&&&&&&&&&&&
في اليوم الثـاني ..
على الساعه 5 العصر و تقريبا قريب غروب الشمس ,,
الكل كان في المستشفى و ملاك الحاله النفسيه تجيها فجأه و تبكي .. و تصرخ ..
الكل كان يبي يشوف رولا .. لكن خايفين , خاصة طلال ..
و الدكتور مستغرب منهم ماقد شاف كذا لأنهم يدخلون متلهفين على المريض .. رولا صحت من النوم العميييق اللي نامته امس ..
و طلال كان اول واحد يدخل عندها ,,
طلال تقرب منها و مسك يدها البارده و قال بلهفه : رولا , كيفك ؟ .. رولا صدت وجهها عنه وبلعت ريقها بصعوبه تحس بغثيان و مالها خلق تكلم طلال , طلال اللي ما عاونها ولا وقف معاها بأصعب لحظاتها و أيامها و أسابيعها و شهورها ..
طلال وهو ماسك يد رولا : أنا آسف , سامحيني .. وحتى لو سامحتيني ما بكون راضي عن نفسي .. و عن اللي سويته ..
رولا ما قدرت تتحمل و بكت , طلال ما يستحمل يشوف دموعها .. يحس أنه بيبكي معاها .. و مسح دموعها وهي كل ما يمسح دموعها تبكي اكثر ...
طلال : مسامحتني ؟ ...
رولا لفت وجهها الشاحب عليه : مسامحتك ...
طلال ابتسم : كيفك ؟ ...
رولا بغثاء : حيلي منهد ...
حست لسانها ثقيل وهي تحكي و تحس روحها بتطلع معها ...
طلال مسح على جبينها : حبي انتي لازم تاكلين.. الحين بجيب لك اكل اوكي ...
رولا انغثت : لا واللي يخلي مقدر احس اني استفرغ كل ما اشوف اكل ...
طلال : طيب ماي ...
رولا : بس ماي ..
طلال وهو طالع ليجيب ماي : من عيوني ثواني و يكون عندك .. وطلع
رولا حست أنها جوعانه بس ما تقدر تاكل .. حالة الغثيان ما تفارقها...
و كل شوي و تستفرغ .. و هذا مو شي جديد أكيد على الدكاتره لأن يصير لهم أكثر من كذا خاصة أن جرعة الكيماوي اللي عطوها رولا مو كبيره مره فهذي ازمه و تعدي ,, شوي ودخل طلال و بيده كاسة المي .. طلال قرب الكاس من فمها ليشربها : اشربي ...
رولا اكتفت بشرفه و كأنها بس لترطب لسانها و شفاتها و ماتتحمل تشرب أكثر .. بعدها بشوي دخلت ام ماجد و ابتسمت ابتسامه عريضه فرحانه عشان رولا بخير ...
ام ماجد بكت غصب : كيفك حبيبتي ؟
رولا : ماما لا تبكي انا بخير
&&&&&&&&&&&&&&&&&&&&
بعــد اسبـوع من الأحداث ... ما صار شي جديد غير إن ماجد و ملاك شافوا رولا و ملاك لسى تقول انها مايته و مافيها تعيش من غير رولا.. و تحسب ان رولا طيف خيالي و ما تقدر تحاكيها ... لأنها بالنسبه لملاك طيف ...

هذا اليوم يوم خروح رولا من المستشفى ...
طلال قبل طمن امه و قال لها عن اللي صار لرولا وهي بكت عليها و حست انها ظلمتها وااجد ... و قال لها انه بيرجع اليوم ..
راحوا البيت و طلال دخلّ رولا غرفتها .. و رولا دخلت بعد صعبات من ملاك اللي تقول لاااااا ما ندخل ميتين ببيتنا .. و هم لازم يسووّن اي شي عشانها و قرروا في الشرقيه يودونها لطبيب نفسي ...
طلال : تبين تاكلين شي ؟..
رولا بغثه قالت بسرعه : لااا لا
طلال : حياتي ما يصير ما اكلتي شي و صرتي نحيفه وااجد و شوفي بشرتك الصفرا ...
رولا : و اللي يخليك طلال مابي شي احس اني كل ما اسمع اسم اكله ابستفرغ ..
~~~~~~~~~~~~~~~~~~~~~~
ماجد : ماما اليوم لازم نرجع انا عليّ دوام و مهندو الاقيه منهلك
ام ماجد : اكيييد , هذي كم يوم مهند يحن عليّ متى تجون و متى تجون شكله طفش على قلبي ولدي ...
ماجد : الحين صار مهند على قلبك ...
ام ماجد : كلكم على قلبي عيالي ...
ماجد : وينه طلال ؟ ...
ام ماجد : مع رولا بغرفتها ...
ماجد : يعني رح ياخذ رولا معه ...
ام ماجد : براحتهم ...
&&&&&&&&&&&&&&&&&&&&&&&
على الساعه 4 العصر بعدما خفت الشمس قرروا يمشون للشرقيه و جهزوا حالهم رولا مع طلال بسياررة طلال و خاصة ان ملاك ما رضيت رولا تدخل السياره و تقول ان رولا مايته ... !
و ملاك مع امها و اخوها ماجد يمشون بسياره ...
.
.
بسيارة طـــــــلال ...
رولا كانت مو متحمله تحس بغثيان و راسها يدوخ , طول هالفتره ما اكلت شي غير الماي اللي تبلل لسانها به .. طلال كان بين دقيقه و دقيقه يتأمل وجه رولا الشاحب ... قد ايش اشتاقلها و اشتاق لخبالهم ..
طلال حط يده اليمين على يد رولا اللي بحضنها , رولا أدمعت عينها و حست بحرارة يد طلال تدخل بجسمها البارد ...
طلال كسرت خاطره حالة رولا , و مع ذلك مايقدر يسوي شي لها خاصة انها في صمت عميق مو عارف يطلعه منها ...
طلال : و كيفك الحين ؟ .. < كم مره سالتها اليوم ...
رولا : امم ماشي بس نزل على التكييف ...
طلال نزل على التكييف : كذا ؟ ..
رولا : ايوه كذا احسن ...
طلال : تبين شي الحين اشتري لك تاكلين بالسياره على طول الطريق ...
رولا : ابغي آيس كريم ...
طلال فرح : اووكي يا قلبي .. و غير اتجاه السياره اللي كان يبي يروحه و راح يشتري آيس كريم لرولا من باسكن روبنز < احـــــبـــه .. المهم نزل من السياره و دخل المحل و كلها خمس دقايق و طلع من المحل .. و ركب السياره و بيده كيس كبييير ..
طلال : هذا لك ..
رولا فتحت الكيس : يا ماما !!!! وش كل هذا ! و لمن ؟ ...
طلال : لك انتي , انا ما صدقت على الله تقولين تبين حاجه تاكلينها ...
رولا : ولو واحد يكفي مو مليون ! ...
طلال : عادي يا قلبي طول الطريق اربع ساعات يمدينا ناكله قبل يذوب ...
رولا : ولو واحد صغير يكفي ...
طلال : عااد .. و حرك السياره < نسى نفسه ..
رولا فتحت الكيس و حست ان شهيتها انفتحت لكن مو لذاك الزود فتحت آيسكريم الي على توفي و صارت تأكل طلال ..
رولا حطت في الملعقه شوي آيسكريم و حطت الملعقه جمب فم طلال و طلال فتح فمه < مصدق نفسه الأخ
اما رولا باعدت عنه الملعقه > ما ينعطى وجه خخ
و أكلتها هي و مره ثانيه حطت بالملعقه آيس كريم ... و أكلت طلال
و طلال كان مبسوط أن رولا جمبه وهو يسوق السياره متجه للشرقيه ^^
ووداعا يـــا ريـاض الخـيير ...

عذاري الحب غير متصل   الرد باقتباس
قديم(ـة) 16-10-08, 03:18 PM   #219
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك

===============================
بعـد أربع ســاعـات و ربع .. و الثواني تمشي ..
بــالضبط نورت الشرقيه > و أظلمت الرياض ..
بالنسبـه لـ طلال وصل رولا للبيت و جلس معاها خمس دقايق و راح لبيتهم ...
كانت الساعه ثمانيـه ,,
و دقايق معدوده و ثواني سريعه ..
.
.
ام طلال : نورت الشرقيه ..
طلال باس راس امه : منوره بوجودك ..
ام طلال : شلون رولا الحين ؟
طلال : رولا صار لها اسبوع ما تاكل شي بس اليوم أكلت آيس كريم
ام طلال : ايوه شي طبيعي كلها كم شهر و ترجع زي اول .. انا علمي بوحده كان فيها الخبيث (( أعوذ بالله منه )) و تخيل انها ما تـاكل شي ابد اذا رولا اكلت آيسكريم فهي حتى الماي ما تقدر تشربه لأنها علطول تستفرغ الماي ...
طلال : أتوقع هذا من جرعة الكيماوي اللي عطوها اياه ..
ام طلال : مدري و الله ,, المهم انا اليوم بروح بيت عمك ..
طلال بفرح : صدق ! ..
ام طلال : بس الحين اكيد مشغولين .. شوف الساعه 8 ...
طلال : انا بروح لهـا بعد شوي ..
ام طلال : يعني بتتعشى هناك ؟ ..
طلال : لا بتعشى معك بس بعدين بروح اعشيها ..
ام طلال : احسن ..
طلال : امم خلي الخدامه تحطلنا عشا ..
&&&&&&&&&&&&&&&&&&&&&&&&&
ملاك : ماما خليهااا تطلــــــع مابيها تجلس ببيتنـا .. و صارت تصرخ
رولا مو فاهمة شي .. ليه ملاك تبيها تطلع من البيت و السياره نفس الشي في طريق الرجعه من الرياض ..
ملاك تعفرتت في الأرض خايفه من رولا و تصرخ طلعوها و شكلها يكسر الخاطر .. ام ماجد راحت لعند ملاك : شوفي هذي رولا , رولا ما ماتت رولا هنا .. هذي رولا رولا كلميها ..
ملاك تصرخ : لاااااااا طلعوا الجنيه هذي من البيت
رولا فزت من مكانها و هي شاكه بحالها ..
انا ميته !!!!! ..
و تحسست حالها بشك ..
كيف صار كل شي .. لالا أنا مو ميته ..
ام ماجد : ملاك تعالي معاي اصعدي غرفتك ونامي .. انتي مانمتي اليوم ..
ملاك صعدت الدور الثاني لغرفة ملاك و ملاك كانت خايفه من رولا .. فـ راحت غرفتها بسرعه
رولا ظلت الصاله بلحالها .. ماجد جاب الريم من بيت اهلها و الحين هم نايمين خاصة ماجد تعب من سواقة السيارة لو جايين بطياره ابرك بس السيارات مايصير يخلونهم بالرياض ...
مهند نايم ما شفناه من وصلنا و ملاك ارعبتني وهي تقول عني جنيه و كل شوي اشكك بنفسي أو اني صدق جنيه و لا انا ميته ..
تمددت على الكنبه و انا حاسه بغثــه من أعمااااااااقي نفسي أشيل قلبي من جسدي و أرتاح و أحس بحـر .. الحـر داخـل جسمي و الـبرد على جلدي ..
وقفت على رجليني الثقيله بتعب و احساس الـ"زيغه" فيني احس أني بستفرغ بس مافيه شي ببطني استفرغه .. تضايقت من نفسي و من احساسي .. مزاجي متعكر لآخر درجه و راسي دايخ مو عارفه امشي مشيت خطوتين و جلست على الأرض بعد ما الدوخه جاتني و صرت أشوف كل اللي حواليني ضبااااب و الوان باهته ..
غمضت جفوني بقوووه لدرجة أني مابي أفتحهم .. و بعد ثواني معدوده فتحتهم و راح الضباب , وقفت على رجولي من جديد و صعدت للدور الثاني بارهاق , حاسه إنو بأي وقت ممكن أني أطيح ..
دخلت حمام غرفتي و انا ابي اتحمم طول هـالأسبوع ما تحممت لأني كنت بالمستشفى و تعبانه مرره .. و الحين اقدر اتحمم و يمكن أرتاح
&&&&&&&&&&&&&&&&&&&&&&&&&&
ام ماجد : حبيبتي ملاك هذي رولا , رولا ما ماتت .. انا اشوفها و انتي تشوفينها و الكل يشوفوها .. رولا ما ماتت رولا هنا قومي نروح لها ما يصير ....
ملاك قاطعتها بانفعال : لاااا ماما و اللي يعافيك طلعيها من البيت ما أبيها رولا جنيه و تبي تاخذنا معها و نموت كلنـا ..
ام ماجد عرفت ان مافيه فايده و هذي يبلها طبيب نفسي قبل ما تتطور حالتها للأسوأ ..
ام ماجد : طيب أنا بروح الحين بشوف مهند و انتي نامي مانمتي كثير و في السياره ما كملتي نوم حتى ..
و طلعت .. راحت غرفة مهند و لقته ناايم نووم عمييق , طلعت من غرفته و راحت غرفتها لتنام نعسانه حدهـــا ما نامت .. راحت لباب غرفة نومها الأوليـه .. و قبل يموت بو ماجد .. كانت سعيييده ترددت تفتح الباب ولالا .. قررت أنها ما تدخلها ابد لأن أحزانها بتتجدد بكـذا .. راحت غرفة الجلوس اللي بالطابق التحتي و نامت على الكنبه ..
&&&&&&&&&&&&&&&&&&&&&&&
طلال : ماما أنا الحين بروح لـرولا ..
ام طلال : طيب وصلني معاك بيت خالتك أمل ..
طلال : يلا البسي عبايتك و انا احتريك بالسياره ...وطلع
&&&&&&&&&&&&&&&&&&&&&&&&&&
محمد كان متمدد و راسه يألمه لآخر درجه ما يقدر يستحمل لازم ياخذ حبة " مخدرات " او مسمى أقرب " حشيش " !!!
صرخ صرخـه قويه .. يبي يطلع اللي بقلبه بالصراخ راسه دقايق و ينفجر
كل اللي بالسجن سمعوا صراخه ..
شق بلوزته بايدينه وهو حاس أنه حيستجن ..
دخل العنصر الزنزانه معصب من محمد موووت و بيده العصا قريبه من شكل " العجرة " ..
محمد خاف من العنصر لكن تعود على ضربه .. صااار روتين يومي و ممل بعد ..
و العنصر اليوم غير الروتين لأن الضرب قســـى و صار قوووي و جسمه امتلى بالضربات و الدم , حتى جسمه تشوه من الخطوط الموجوده بضهره و رجله وكمان ما تخلي من وجهه ,,
العنصر شاف الوشم اللي بيد محـمد , توه منتبه لــه !
لاااا هذا الوشم فييه سالفه و قضيه ثانيه .. و ضرب جديد
و لازم يشيل الوشــم بـالكـوي .. !
اجل هـالاسابيع يصلي على ايييش ! ..
العنصر اخذ محمد و محمد يصارخ مايبي يروح معـه ..
&&&&&&&&&&&&&&&&&&&&&&&
طلال دخل بيت بو ماجد بعد مافتحت الخدامه له الباب ..
طلال : وين رولا ؟
الخدامه : رولا في غرفتها .. أنا نادي رولا ؟
طلال : لا روحي أنا بتصل لها ..
طلال اتصل على جوال رولا .. و رولا ما رفعتهـا
جلس على الكنبه و بعد دقايق سمع صوت صراااااااااخ ..
صرااااخ قوووي مرره و يخوف ...
هو حسب أن صوت طفل من بيت الجيران ولا ..
لالا هذا صوت رولا ... ما عرف وش يسوي ..
يمكن ملاك تكون هنـا .. و مايصير يصعد الدور الثاني
لكن شاف الصوت يزيد ما استحمل اكثر قام بسررعه ركض لغرفة رولا ..
كان باب غرفة رولا مقفل
&&&&&&&&&&&&&&&&&&&&&&&&&&&
رولا كانت بغرفتهـا راحت بتفتح الباب لبست منشفه لفوق صدرها و المنشفه الثانيه صغيره ما تتعدى الشبرين فوق راسها .. و كانت تصرخ و تبكي .. فتحت الباب و تسندت عليه .. طلال دخل و شافها تبكي و متسنده على الباب و وجهها كأنها خايفه و متخرعه من شي !
طلال او انه خجل من شكل رولا بالمنشفه اول مره يشوفها كذا ..
طلال : وش فيك ؟
رولا تبكي و قالت بانفعال : شعري .. شعرري يطيح , طااح كله رموووشي و حواجبي فجأه راحوا .. ( قالت بصراخ وخوف ) مافيني شعر صرت قبيحه , انا اشوف شعري يطيح لحاله و يروح .. و صارت تبكي وهي متمدده على الأرض ..
بعد ثواني جا مهند غرفة رولا من الصراخ ..و لقى طلال و رولا متعفرته على الأرض تبكي و تصرخ ..
مهند مستغرب : وش فيك ؟ ..
رولا للحين تبكي و مو عارفه تسكت كانت بالنسبه لهافجييعه .. خاصة أن شعرها طووويل ...
طلال خنقته العبره و مسك مهند من يده و طلع من الغرفه عشان ما يزيد على رولا .. دخلوا غرفة مهند
مهند : طلال وش فيها رولا ؟ ..
طلال : فقدت شعرها ..
مهند مو فاهم : كيف فقدت شعرها ؟ ..
طلال : يعني راح مافيها شعر من الكيماوي ..
مهند فهم و زعل عشانها و عشان حالتها ..
طلال حب يوضح لمهند اكثر : قال لي الدكتور بس قال ان ممكن يتأخر سقوط الشعر لكن الحين مر اسبوع .. و كنت تحت سمعت صراخها العالي يزيد .. الحين وش نسوي ؟ لازم نجيب كريمات مطوله للشعر و مقويه ..
مهند : ايوه ماعليك انا بجيب لهـا هالأشياء ..
طلال : طيب أنا بروح لها الحين ..
مهند : انا بكمل نوم , ازعجتوني .. امي جات ؟ ..
طلال : ايوه بس مدري وينها الحين يمكن نامت .. و طلع لغرفة رولا
دخل غرفتها و لقاها مثل ما تركها كانت حانيه ظهرها ويدينها على وجهها تبكي ..
طلال شال يدها عن وجهها و لف جسمها لناحيته لكن وجهها كان على جمب صاده عنه ..
طلال عوره قلبه عليها و على حالها , قال بحنان : حبيبتي ..
رولا بكت زياده .. و شهقاتها بدت تقل ..
طلال مسك وجهه بيدينه بخفه : حياتي خلاص لا تبكين , كان المفروض أقول لك عشان ما تتفاجئين .. بس حقك عليّ .. و لا تخافين شعرك رح يطلع و يصير أطول .. قومي و غسلي وجهك عن البكي انا بطلع و انتي غيري ملابسك و بجهز لك العشا .. و طلع
اما رولا كانت مفجوعه .. و تبكي كل ما تذكرت شعرها الطويل ..
لبست ملابسها الداخليها و بعدها لبست بيجام أبيض وفيها دبدوبين من تحت و من وسط الدبدوين قلب أحمر ..
و لبست كاب قطني على راسها ,,
و تمددت على السرير على وجهها و رجعت في نوبة بكي طويله من الصدمه ...
لو غيرها كان قومت الدنيا و ما جلستها .. لكن هي صارت قويه بلحظة ضعف ...
عذاري الحب غير متصل   الرد باقتباس
قديم(ـة) 16-10-08, 03:22 PM   #220
|[ عـضـو فـعـال ]|

 
صورة عذاري الحب الرمزية
 
الدولة:
الافتراضي رد: أبوس روحك

&&&&&&&&&&&&&&&&&&&&&&&&&&&&&&&
كانت ازالة التاتو مــؤلـمه ..
العنصر كان يقشر جلد محمد خاصة أنه مو عميق ( تاتو=وشم)
العنصر كان شديد مع محمد مرره ..
(( أعــرفـكم على العنـاصر بدل كلمة عنصر كل شوي و الثاني .. العناصر اللي تكون مناوبتهم على زنزانة محمد < اووه يا شيخ صار اسم الزنزانه محمد لوول ..
المهم العنصر اللي يكون شديد مع محمد و يضربه بقوه و من أكثر المناوبين على زنزانة محمد اسمه " سامي " و العنصر الثاني مره وحده بس كان مناوب على الزنزانه و اسمه " خالد " هذا العنصر هاادي و طيوب عكس هالمتوحش سامي .. لا هذا يخليك تصرخ زي ما تبي بس محمد كان خايف منه فما صرخ هذيك المره و لو تببيه يعطيك سيجار ماعنده مانع و يعطيك بدل السيجاره ثنتين .. و الثالث و الأخير اسمه " سليمان " .. لازم أعرفكم عليهم لأنهم رح يظلوا معنا 6 اشهر مو قليله " سليمان أكثر العناصر ايماناّّ يعني اكثر شي يحفظ المسجونين قرآن و يخفف العقاب على اللي يحفظون و يصلون و يزيد العقاب على اللي ما يصلون و لا يحفظون قرآن .. ))
و محمد يصاارخ : وش تسوي يا مجنون آآآآه ..
سامي العنصر : اسكت انت شين و قوي عين ..
محمد يصرخ : ما الشين إلا انت ..
كان الدم يطلع يده
محمد : يالتبن مالك خص فيني ..
سامي جاب العصا القويه : بتتأدب ولا بالعصا هذي ,.
محمد خاف منه : لا خلاااص كمل شغلك وبس
و يكمـل تقشير بيده .. و طبعا ما يخلى من صراخ محمد
&&&&&&&&&&&&&&&&&&&&&&&
ملاك كانت مرتعبه و فكرها كان في رولا ..
فكرها أن رولا ماتت وهي جنيه .. جنيه ..
الجنيه هذي بتجي غرفتها و بتاخذها لعالم الأموات معاهـا ..
.
.
ملت علقلها بالأفكــار الوهمية و قفلت باب غرفتهـا بخوف ..
حاولت تنـام لكـنها مو قادره , التفكير بالجن أو بالأحرى الجنيه رولا !
يخيفهـا .. لـو دخلت فيها الجنيه !! وش بيصير ..
تعبت و نامت وهي مو داريه عن حـالها !
&&&&&&&&&&&&&&&&&&&&&&&&&
على الساعه 9
طلال دخل غرفة رولا و بيده صينية تقديم كبيره ..
لقى رولا على السرير لكن لما انتبهت لوجوده عدلت نفسها ..
طلال جلس مقابل لرولا و حط الصينيه على السرير : كيفك هالحين ؟..
رولا : ..................
طلال كان مطبق كلام الدكتور نقطه بنقطه .. و تباعد عن كل الوجبات الدسمه و المقليات و الزيوت و الدهون
كان في الصينيه معكرونه " بدون شي يعني معكرونه مسلوقه " و فيها سلطه و السلطه كانت بس خيار و جزر و الطماط كان بس قطعتين على شكل قلب في وسط السلطه و الباقي فواكه و الفواكه اللي بالصحن كانوا كيوي و مانجو و تفاح بس .. لأن طلال ما حب يثقل علىى معدة رولا زي ما قال الدكتور .. و كان فيه شوربة " ماجي " و فيها حروف , و الحروف كانو بس الـ r و الـ t .. < ينتقي الحروف بعد لوول ( طبعا الحروف اللي أقصدهم هذاك الاختراع اللي زي المعكرونات و هالأشياء .. حررف صغاار مره << ماتعرف توصف لوول بس اكيد عرفتوه ! .. و عصير تفاح فيه قطع ثلج مع كاسة ماي )
رولا ارتعش جسمها و طلال انتبه لها ..
طلال : حياتي ليه ما أخذتي الدوا ؟ ...
رولا ارتجفت : مم مماا م ..
طلال راح لعندها : وش فيك ؟ ..
رولا : مابي ..
طلال : انا جبت معاي الدوا و لازم الحين تشربيه اوكي ؟ ..
رولا هزت راسها بالنفي
طلال بحنان : ليه ؟ .. انتي ما تحبيني .. !
رولا: إلا أحبك بس مو واجد و كمان مابي دوا ..
طلال بخيبة أمل : مو واجد ! ..
رولا : انا ابي أنام ..
طلال : اول تعشي ..
رولا : شبعانه ..
طلال : انا اللي سويته عشانك .. كلي بس عشاني انا ..
رولا : انت كل بلحالك ..
رولا طلعت على الأكل و حست بدوخه تحس أنها تقزز من الأكل راحت الحمام لأنها حست أنها بتستفرغ .. لكن كان توقعها خطأ و رجعت للغرفه ..
رولا بتقزز : طلال شيل الأكل مو قادرة اطلع عليه احس نفسي بستفرغ ..
طلال تذكر اللي قال عليه الدكتور ما توقع كذا : طيب كلي بس فروت ..
رولا : طلال و اللي يخليك احس اني بستفرغ ..
طلال : طيب اشتري لك آيس ..
رولا : لا مابي شي و الآيس اللي جبته لسى ما خلص و يمكن الخدامات اكلوه ..
طلال حمل الصينيه و دخل الصحون داخل الثلاجه الصغيره اللي تكون على يمين التسريحه ..
رولا : انا ما رح اكله لا الحين ولا بعدين ..
طلال جلس على السرير : انا سويته بنفسي و تعبت عليهم ..
رولا راحت لعند السرير : عارفه بس انا ما أبي ..
طلال : تبين تجيك قرحه ..
رولا خافت : لالا ..
طلال : اذا ما اكلتي تجيك لازم تاكلين ..
رولا : بس احس اني بموت لما بكل ..
طلال : طيب الدوا لازم تاخذيه ولا بتمرضين ..
رولا بحزن : لو أدري أني بفقد شعري كان ما تعالجت و اموت بالسرطان عادي عندي بس خلاص فقدت شعري , و خنقتها العبره و تحس انها تتنفس بصعوبه ..
طلال مسك يدها : لا تخليني ازعل منك و يلا بعطيك الدويات .. و اخذ الدويات اللي بالصينيه في البدايه بدأ بـدويات تشربهم ..
طلال حط في الأنبوبه الخاصة بالدوا 15 مل زي التعليمات اللي كتبها الدكتور قربها من فم رولا ..
رولا : مابي ..
طلال يخوفها : خلك بتمرضين و تجيك قرحه و تخيلي يصير مافيك معده ..
رولا جد خافت تمرض مو ناقصه اللي فيها : طيب ..
طلال قرب الدوا من فمها وهي تذوقته بالبدايه ,,
رولا : وع طعمه مررر ..
طلال : غمضي عيونك و انا اشربك و انتي تبلعيه ع طول بدون ما تتطعميه ..
رولا : طيب ..
طلال قرب الدوا من فمها وهي مغمضه عينها فتحت فمها و شربت الدوا ع طول و طعمه مو بس مر إلا يجيب المرض كح ..
رولا : وعععع طلال طعمه مو حلو ابد ..
طلال : عارف المهم بقى ثلاث ادويه شراب و اربعه حبوب و اثنين حبوب مصاص ..
رولا : ابي مصاص ..
طلال : لا اول شي الادويه عشان طعم الدوا يروح
طلال شرب رولا كل الدويات الشراب بصعوبه .. و جا دور الحبوب
رولا : ما اعرف ابلع الحبوب
طلال اخذ كاس الماي من الصينيه : حطي الحبه بوسط لسانك و اشربي الماي ع طول ..
و بعد محاولات و محاولات قدرت تبلع الحبوب ..
و طبعا كان بين الدويات دواء فاتح للشهية و دواء عن الاستفراغ ..
‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’‘’ ‘’‘’‘’‘’‘’‘’‘’‘’‘’‘’‘’‘’‘’
.
.

تأخرت عليكم بس راحت عليَ نومه ششش ..
اشوفكم قريب على خير ..
اتمنى ان ينال الجزء على اعجابكم .. :)
تحيتي .. عذاري الحب ..
عذاري الحب غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
أبوس أرض أمي - تصميمي لآنـىآ غـير’ معرض التصاميم 16 14-11-11 10:10 AM
أبوس قلبك!! majnonha رسائل الجوال – وتساب WhatsApp – برودكاست 9 03-11-08 07:11 PM
أبوس روحك الضحكة الخجولة خواطر - عذب الكلام 22 15-10-08 07:56 PM
أبوس راسك يا زمن سندريلا الناعمه منتدى المواضيع العامة 9 10-12-07 08:48 PM
صور ساخره لبوش سمبـوسه نكت × نكت ضحك 4 15-01-06 06:53 PM


الساعة الآن +3: 07:15 PM.