والله احترت اوقف مع العروسه ولا مع خوااات العريس ..؟؟

[كلي امـــل بلقياك]

السلااااااااااااااااااااام عليكم ورحمة الله وبركاته

انا عندي اليوم مشكله حابه اعرضها عليكم وابي منكم اقل شي رايكم فيها وياليت يكون حل يرضي الطرفين

ملاحظه / بليييييييييييييييييييز ماابي كلمة يسلمووو او مشكوور او يعطيك العافيه انا ابي ردوود تساعدني مو تخليني اندم اني كتبت الموضوووع بليييييييييييييييييييييييييييييييييييييز



زميلتي الروح بالروح اعرفها من بعيد واهل زوجها يقربولي والمشكله والادهى واللي خلاني اعيش بحيره اني سمعت القصه من الطرفين بقولكم القصه وانتم احكموا ,,,,



القصه بدت قبل اربع سنوات جوو اهل الزوج واخطبوا زميلتي واللي كلم وخطبها اخت زوجها وافقت عليهم لان الرجال ماعليه كلااام المهم بعد كذا عاشت مع اهل زوجها في بيت دورين لها شقه او بالاحرى جناح غرفه وحمام وبس .هذا البيت ملك لخوات زووجها من ورثهم لابوهم وهم كانوا يبون اصلا زوجت اخوهم تعيش مع امهم في هذا البيت ترعاها لانهن كلهن متزوجات بعيد عن امهم وكانوا طيبين مع بعض
مشت الايام ويشهد الله اني كنت اشوف السعاده بعيون زميلتي وكانت ماتسمع ولاتشوف في زوجها ولا اهله وبعد سنه توفى زوجها وهي كانت بالشهر الثالث من حملها ولماجابت بنتها جوو واخطبوها من جديد لاخوه الاصغر منه لكن هي رفضت لانها ماتقبلت فكرة حماها يصير زوجها لكن ضغطوا عليها خوات زوجها بحجة بنتها وانها ماراح تلقى ارحم على بنتها اكثر من عمها وكانوا خواته يقولون انه هو اللي طلبها من امه ويحلفون انهم مااضغطوا عليه ياخذها وجلست زميلتي سنتين محتاره وبعدها وافقت عليه قالت : "لجل عيون بنتي يهوون كل شي" وعلطول تملكوا وجابوا المهر وبعد ماتملكوا انقلبوا خواته وصاروا مايكلموونها وكان الزواج عائلي بالبيت وهذا كان من شروطهم اهل الزوج ...
في يوم الدخله ومن هنا ابدت العقده انزلت زميلتي بفستان ابيض على فضي وكانت حاطه كوشه وجايبه مصوره وحاطه ديجيه ( تشوفون فيها شي ؟؟؟)

جاااو اهل الزوج لما ادخلوا وشافوا الكوشه واسمعوا الديجيه اصرخوا وقعدوا يبكون قبال الضيوف اللي قعدة تبكي وتقول طفوا الديجيه والاغاني حرااام واهي لابسه عباية كتف وحاطه ميك اب كامل ولابسه قصير


والثانيه اللي تضرب على الارض وتقول ليش العروس فرحانه كذا وين راحت ذكرى زوجها الاول ( مو ذكرى الزوج السابق وهي بذمت زوج ثاني حرااام ؟؟؟)


والثالثه يوم دخل المعرس جت تركض له تبكي وضمته وقالت له:" تكفى لاتنسانا ياخوي " والعروسه تسمع (يعني شقصدها من هالكلمه وقدااام العرووسه؟؟يعني خذ حذرك منها...انا فهمتها كذا انتم فهمتوها مثلي ؟؟؟)

المهم العريس لحظته كلنا شاهدْناها وجه تغير واللي كان داخل مبسوط ويضحك صار يرتجف ويتقلب وجهه الوان وكانه ماخذ حلاال اخوه مو حلاااله


لاحظت اخت العروسه تغير وجه اختها وانقهرت فقالت بصوت مسموع (حركات مالها داااعي)



المهم راحوا للفندق ولما نزلوا نزل رجلها قبلها وسبقها للفندق والعروسه لماشافت هالشي التفتت على امها اللي كانت جايه معاها وقالت :"شكله يايمه مايبيني ومجبور علي !!!"امها لما سمعت كلمة بنتها قعدت تهدئها

مضت ذيك الليله وهو ما يكلمها ولاحتى ناظرها وكله بس يدخن وكانه يراجع حساباته

المهم اليوم الثاني زار امه يسلم عليها الا خواته مستقبلاته فقالوا له:" يرضيك خواتك ينهانون بيوم زواجك"
قال :"اكيييد لا وش اللي صار"
قالوا:" انه لما دخلت وبكينا قالوا لنا حقيرات "(مع العلم ان اختها قايله "حركات مالها داعي "وبس)

اخوهم صدقهم وراح لعروسته وبنيته الطلاااق ولما واجها بالكلام
قالت :"انا مثلي مثلك ماادري عن الموضوع لكن بدق على اختي وبحط على السبيكر وانت اسمع كلاامها معي"
وبعدين كلمت اختها واسئلتها واختها عصبت وجلست تحلف وتقسم انها ماقالت كلمه لهم الا( حركات مالها داعي)


هنااا انتهت المعلومات اللي عندي اللي دارت بين العرسان
لكن المشكله الحين اهل الزوج يتحلفون انهم بيخلونه يتزوج عليها بحجه انها "ارمله ومن حقه ياخذ بنت" ( امانه ماتجرح ؟؟)او على الاقل يقولون لو مازوجوه بيطلقوونها منه (طبعا هالكلام قالوه لي علشان اوصله لها وانا ماوصلته لها لاني بصراحه خايفه على مشاعرها )


"والاسباب هي" يقولون اهل الزوج : "ليش البست ابيض وماحترمت مشاعرنا ان اخونا ماصاره الا سنتين متوفي ونشوف اللي كانت زوجته فرحانه ولابسه ابيض "

ردت العرووس : شتبوني البس اسود ليش حزن!... اصلا انا ماقبلت اتزوجه الا لما قدرت انسى زوجي الاول ...وبعدين من متى صارت الالوان تعبر عن الفرح



وقالوا اهل الزوج :" ليش حاطين لنا طق واغاني وجايبين مصوره ؟؟

قالت العروسه : الطق دليل على الفرح مو العزى يعني شتبوني ازف عليه ؟؟ على بكي ودمووع ولا سكاتي!! وبعدين اذا صورت عادي بتبقى ذكرى لي ولزووجي وش يضركم فيه؟وش بغير في الموضوع ! ( تدرون وش ردوا عليها لما قالت كذا قالوا لها:" وش دراااك يمكن مثل مادخلتي على زوجك الاول ولقيتيه ميت على الكنبه يمكن تشوفين هذا ميت مثله" .... بذمتكم مو نقض عقل المشكله هذي انا سامعتها باذني ؟؟ )



وقالوا أهل الزوج : احنا ضيوف وجايين بيتهم ولا احترمونا ولا احترموا مشاعرنا لما ذكرنا اخونا ( الله يرحمه) والنهاية يختمونها ويجرحونا بكلامهم يقصدون كلمة" حركات مالها داعي" وزادووا عليها كلمة" حقيراات" ( بصراحه في هذي أنا مع اهل المعرس لو قضبت السانها وانطمت اخت العروسه كان مافتحت باب على اختها )

ردووا اهل العروسه وقالوا : كانوا يترجوونا سنتين تاخذه والحين جايين يخربون عليها ليلتها ويبكون ويذكرونا بزوجها الاول (حطوا نفسكم مكان العرووسه)



طبعا الكلاااام ماله نهايه و ابرزت لكم اهم النقاط لكن الاهم الحين العروووسه تقول انها عايشه بجحيم لانها جالسه معاهم بنفس البيت ومثل ماتعرفون الحين عطله وخواته كلهم عندها ولما تنزل لهم من شقتها ما يكلمونا ويتكلمون مابينهم بصوت منخفض ويضحكوون وفوووق هذا كله واللي قاهرها واللي صدمها لما ادخلت البيت لقتهم ماغيروا جناحها هو اللي كانت عايشه فيه مع زوجها الاول (انا احس هذي النقطه عذابها في نظري)


~~وهذي كل القصه ~~


.................................................. ..




ملاحظه / اعمااار خوات الزوج تتراوح مابين 45 الى 29 سنه يعني مو صغار وزميلتي عمرها الان 24 سنه يعني هي بعد موصغيره



تنبيهـ / أنا ماتوجهت لكتابة الموضوع هنا بهذا المنتدى إلا لاني عشت بحيره ...مره احط نفسي مكان العروس واتالم ومره احط نفسي مكان خوات الزوج وازعل على اخوي اللي راح واشوف زوجته قدامي ناسيته ...وبصراحه أنا خايفه على بيت زميلتي يخرب ... ولأني وصلت إلى نقاش عقيم مع كلا الطرفين ..وردودكم بتكون آخر حل لي في مساعدتهم

وأخيراً أتمنى من الجميع الرد على موضوعي ولو بكلمه تسعفني في حل هذا الموضوع واتمنى وانتم تقرئون موضوعي وتحاولون بايجاد الحل تتذكرون أنكم بتكون لكم يد في فعل الخير واصلاح بين المسلمين واخص بذكر المراقب الحكيم والمتميز بردوده (عمـــر اشــرف ) ولاهانوا الباقين


ولكم مني جزيل الشكر

[رسيس الحياه]

وعليكم السلاااااااااااام ورحمة الله وبركاته

اختي رايي في الموضوع ..
لا ارى في لبس الابيض والديجيه والتصوير أي شي كما انني لأرى في بكاء خوات العريس أي عيب لانه هذه تظل حريه شخصيه بس المفروض انه مايكون امام العروس او العريس ............
اما كلمة اخت العروسه اتوقع هي كانت سبب المشاكل كلها لانهم اخذوها من باب الاهانه ومن كلامك فهمت ان فيه سوء تفاهم كبير بينهم يعني لو كانوا متفقين من قبل على هذي النقاط ماكان صار اللي صار

لكن الحل ارى ...

انهم يخرجووون في شقه ايجار كحل سريع قبل ماتكبر المشاكل لان كل ماكان هناك فيه احتكاك بينهم كلما كان فيه مشاكل اكثر واكثر

تقبلي مرووري

[كلي امـــل بلقياك]

اختي رسيس الحياه

فكره الحل حلووه بس لاتنسين امه وين وديها مستحيل يطلع ويخليها لحالها

انتي قلتي من بين سطورك اللي كتبتيها انهم يكونون متفقين من قبل كيف يعني ؟؟؟

ومشكووره على الطله

[رسيس الحياه]

متفقين :يعني مثلا تقولهم انا فصلت فستان لونه ابيض وحجزت لي ديجيه وبيكون فيه معازيم وجبت تصوير

وهم بالمثل يردون يقولون احنا بنحطك بنفس جناحك اللي قبل عشان ماتنصدم

واما بالنسبه لامه في فكرة الحل ...

ياخذها عنده وقت المدرسه يعني اذا البنات مو موجودات واذا جت العطله تروح بيت بناتها واتمنى ماتقوله الان بالموضوع لاني اشوف الجوو متوتر فلو بتكلمه وهو لسى مايعرفها ممكن تخليه ياخذ فكره خطأ عنها فتنتظر ثلاث اشهر بعدها تشوف رايه بالفكره يكون افضل

لك مودتي كلي...

[اميرة الذكريات]

اسمحي لي اقول اللي عندي ..
اول شي انتي لا زم توقفين مع صاحبتك
لأنه اهي من حقها تفرح مثل العالم والناس .. ولا وقفت على زوجها الأول ..
وزوجها الأول على العين والراس .. راح تضل تعزهـ..
بس مو تمنع نفسها من الفرح عشانه ..! وبعدين تحط نفسها ان زوجها الاول للحين عايش ..
اكيد مايبغاها تحزن عشانه .. ويتمنى فرحهاااا ..
واحب اقول انه تصرف خوات الزوج .. ماله داعي وتافه ..
كيف يتصرفوا كذااا ..؟ يعني معقوله يتمنوا لأخوهم الحزن ..!
ياعالم خلااص هو تزوجها وانتهى .. ولا فيها شي انه يتزوج زوجة اخوهـ..
اهم شي انهم ينبسطون مع بعض ..
وخوات الزوج .. تصرفهم مو طبيعي ..



اختي لاتنسين صاحبتك لازم توقفين معهاا .. عشان هي اللي معها الحق ..
وحاولي تزوري خوات الزوج وتشوفي ليش هم حاقدين كذا ..؟
وإذا فيه احد من اخوانك او انتي متزوجه المهم خلي أي رجال يروح لزوجها الثاني ويحاول يقربهم من بعض ..
ترى صاحبتك من حقهاا تعيش مثل العالم والناس ..