عـودة للخلف   منتديات تعب قلبي > منتديات تعب قلبي للقصص والروايات > روايات تعب قلبي

إضافة رد
 
أدوات الموضوع
قديم(ـة) 26-08-08, 02:04 PM   #1
|[ عـضـو نـشـيـط ]|

 
الدولة:
حب رواية خليجية قطرية رومنسية فلله .. هو الحب يا عمري اشويه


اتمنى انها اتنال على اعجابكم !!
حبيت اني افتتح اول مشاركاتي بهالمنتدى بالرواية !!
ترا الرواية عندي كامله تقريبا
بس حابة اخذ رايكم فيها
واذا اعجبتكم راح اكملها

:laughter:

مشاعر حزن غير متصل   الرد باقتباس
قديم(ـة) 26-08-08, 02:06 PM   #2
|[ عـضـو نـشـيـط ]|

 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

" هو الحـــــــــــب يا عمري شويــــــهـ "

تنقضي ايام .. نعيش من خلالها انواع من السعادة , وربما بعض من الحزن , لا نعرف بل لا نفكر في الطرف الاخر , وننسى حقيقة مشاعرنا نحوه ..
نعتقد بان ما يجمعنا لا تكون سوا مشاعر اخوة او حتى صداقة ,
لم نفكر بانها قد تحولت الى حب .. نعم الحب .. انها ليست عاطفة او شعور من السهل الاستهانه به , فهو قد يقلب حياه الشخص الاخر رأسا على عقب ..:050104_emM15_prv:
وربما نتاخر كثيرا في البوح عن مشاعرنا للطرف الاخر .. عندما يكون الوقت قد مضى بالفعل.. ولم يعد يجمعنا به سوا الذكرياات ..
لا ادري ..
هل سنستطيع اللحاق به والبوح عن حقيقة مشاعرنا نحوة ..:f55:
او ستنطوي هذة الصفحة .. وستصبح في عداد الاموات ..:19:






مشـــــــــــاعر حزن
مشاعر حزن غير متصل   الرد باقتباس
قديم(ـة) 26-08-08, 02:08 PM   #3
|[ عـضـو نـشـيـط ]|

 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه


الشخصيات :
ام محمد: مرة كبيرة في السن , بس اتحب تتدخل في كل صغيرة وكبيرة في العايله , متمسكة بعاداتهم القديمه وايد , بس بلحظة تنقلب وتصير حنونه , لو حد عصا لها طلب ما يلوم الا نفسة , ممكن تقعد اتحن علية لين الصبح , او تضربة بعصاتها وترتاح . مات ريلها وربت عيالها وكبرتهم .. عندها 3 صبيان ..


الاخ الاول :


محمد : ( ابو عبدالله ) عمره ( 66سنه )
عصبي وايد وايد . يحب ايمشى الامور على كيفه , بس مع هاي طيب كثير ويحب عايلته ما يبي يكسر اي كلمه لامه , من زود حبة في امه .. كان ماسك شغل العايله ولكن فضل انه يتقاعد ويمسك الشغل للعيال ..
زوجته ام عبدالله (هيا) : في حالها , بعيدة عن المشاكل , توها السنه متقاعدة ومتملله من القعدة بروحها في البيت
عندهم 3 عيال .. .
عبدالله : اب حنون طيب , عايلته هي اول اهتماماته , متزوج وهو صغير اشوي يوم كان عمرة 20 سنه , متزوج بنت عمة نور وعندهم 3 عيال ..
جاسم: بحكم دراسته في الخارج , هو متفتح وهاي الموضوع فاتح مشاكل كثيرة مع ابوة , وجدته بس علاقته قوية وايد مع عمه براهيم يعتبرة ابوة الثاني مو عمه .
الجوهرة : اخر العنقود ومدلعه وايد وايد خصوصا من قبل جدتها , لانهم مسمينها عليها , اي شيء تبيه تروح تطلبة من جدتها لانها تدري محد بينفذة لها غيرها .. عمرها 20 سنه .. تخصص هندسة صناعية جامعه قطر ..


الاخ الثاني :


ابراهيم : ( ابو خليفه ) عمره 60 سنه ..
هو سفير في لندن من حوالي شهر انتهت مدة شغله هناك . واضطر يرجع الدوحة بعد غياب دام 21 سنه . وما كان يرجع فيهم الا في الاجازات , اب حنون ..ايعرف مصلحة عياله وممكن انه يجبرهم عند الضرورة , لو شايف ان الموضوع فيه مصلتهم ؟؟
ام خليفة(عائشة) : تراها اتصير اخت ام عبدالله ..
عصبية .. بس مع هاي طيبة وايد .. وممكن ان الواحد ايقص عليها بكلمه
نور : بنتهم الكبيرة .. متزوجة عبدالله .. عندهم 3 عيال .. تفهم خوانها لو ما تكلموا حنونه عليهم وايد .. يعتبرونها امهم الثانية عيالها ...
طلال : 23 سنه .. يشتغل مع ابوة وعيال عمة في الشركة .. صديق جاسم الروح بالروح
ريم: 20 سنه .. رفيجة دانه والجوهرة الروح بالروح تدرس في جامعه قطر هندسة صناعية .. والجوهرة معاها
فهد : اخر العنقود 15 سنه .. الحياه حلوة عنه .. واهم شيء لعب الكورة هههه
خليفه : عصبي كثير ما يتفاهم , عكس ابوة تماما محد يقدر ايكلمه , بس مع هاي مدلع بندته تدليع مو طبيعي عندة بنت اسمها شوق عمرها 14 سنه .وولد اسمه حسن عمرة 3 سنين. اسم مرته مها ..
دانه : دلوعه ابوها .. تعيش هلايام مرحلة غريبة بحكم انها عايشة طول عمرها في لندن بحكم شغل ابوها , وما كانت تحب تجي الدوحة مع اهلها ايام الاجازات , وكانت تفضل تقعد هناك والي يساعدها ان طلال كان يدرس هناك ذيج الفترة .. عمرها 20 سنه .. رفيجة ريم والجوهرة مع انها مختلفة عنهم اشوي .. هادية وايد .. تمت صداقتهم مع بعض رغم ان الجوهرة ما شافت دانه الا مرتين في حياتها لانها ما كانت تجي لندن وايد ودانه ما تحب اتزور الدوحة كثير .. بس كانت دايم تتصل فيهم .. تخصصها اداة اعمال .. كارنجي ميلون


الاخ الثالث :


راشد : (45) سنه
زوجته متوفية من سنتين عايش مع امه في الدوحة , تربطع علاقة قوية مع عبد الله .. عشان تقارب السن مع ان عبد الله اكبر منه ..
عنده بنتين ..
امل : 20 سنه .. تخصص انجليزي .. مع دانه وريم والجوهرة بنفس الجامعه .. بس هي مب وايد معاهم .. ومتحترة من دانه لانها توها جاية الدوحة ومع هاي الكل ايحبها ويحب يقعد وياها ..
العنود : 17 سنه .. ثالث ثانوي .. ناعمه .. وهادية وفي حالها .. الكل ايحبها ويحب يقعد معاها لطيبة قلبها .. ادعوا لها تجيب نسبة ههههه ..
مشاعر حزن غير متصل   الرد باقتباس
قديم(ـة) 26-08-08, 02:10 PM   #4
|[ عـضـو نـشـيـط ]|

 
الدولة:
تصفيق رد: رواية خليجية قطرية رومنسية فلله .. هو الحب يا عمري اشويه



الفصل الاول ..
دخلت في الظلام وشافتها قاعدة بروحها .. لا حول ولا قوة الا بالله .. هاي لين متى بتسوي بعمرها جي .. ما يسوى علينا .. كانت قاعدة ع السرير وتسمع اغنية انسى لماجد المهندس ..
فتحت الليتات .. ودشت
نور: دانه .. دانه .. دانوووووووووووووووووووو
دانه : هلا ..
نور: شعندج قاعدة في الظلام ..
دانه: لا ولا شيء ..
نور: دانوا بتتكلمين ولا اشلون ..
دانه: اففففففف .. اتكلم شاقول يعني .. مو حرام عليكم الي تسونه فيني .. نور انا مستحيل استحمل هالعيشة .. تعبت والله العظيم تعبت .. اتكلم شاقول انا في حد ما كلمته .. نور والي سلمج كلمي ابوي !!
نور: اكلم ابوي شاقوله .. اقوله بنتك المحترمه ما تبي تعيش وياكم تبي تهاجر واتروح لندن ..!! بالله عليج هاي كلام ناس عاقلين ..
دانه : نور حبيبتي افهميني .. انا من يوم ما وعيت ع الدنيا وانا هناك .. ما جيت الدوحة الا مرة .. يوم ولادتج بفهد .. وبنفس الوقت صادف عرس خليفه بس !!
نور: وهاي غلطت ابوي كان مدلعج وايد ..
دانه: لا دلع ولا شيء .. بس حضي كان حلو .. كل ما اقولهم انا مب رايحة ايكون في حد بيتم .. يا ابوي يطلع له شغل .. يا طلال ايكون هناك ..
نور: اقول بلا كلام زايد وافهمي حبيبتي .. روحة وعيشة هناك مافي .. يا دانه صار لج 3 شهور هني .. خلاص .. المفروض اتكونين تاقلمتي ع العيشة هني ..
دانه: نور اتعرفين لما تعيشين طول عمرج بمكان وفجأه تنتقلين .. انا تاقلمت ما اقولج لاء .. بس مشتاقة للقعدة هناك .. مشتاقة لجامعتي . لربعي .. لبيتنا لكل شيء ..
نور: يا يمه ... هالكلام الي تقولينه انسية حبيبتي .. ابوي وامي ما عاجبهم حالج .. اهتمي بدراستج بمستقبلج .. وان شاء الله في الاجازات شي طبيعي بتروحين هناك .. اما تحولين هناك مرة ثانية ما في .. سفر بروحج لا تحلمين ..
دانه: الا فهد متى ان شاء الله يروح الجامعه !!!!!!!!!!!!!!!!!
نور: بعد سنتين ليش ..
دانه: افففففف باكون متخرجة ..
نور: ومتزوجة ان شاء الله ..
دانه: شهالكلام الله يهداج .. انا هني مب قادرة اتاقلم تبيني اتزوج .. مستحيل اعيش هني افففففف
نور: دانووووووو انتي الحجي معاج ضايع .. تعالي تحت الكل يسأل عنج .
دانه: ان شاء الله ام طلال اي اوامر ثانية ..
نور: سلامتج حبيبتي ..


كانوا قاعدين في الصاله الفوقية من الملل ولا عارفين شيسون ..
الجوهرة : ريمي .. ريم .. شتسوين صار لج ساعه ..
ريم: يعني شاسوي .. قاعدة اكلم العنوود ..
الجورة : اند واي ..
ريم: ليكون ريلي وانا ما دري شدخلج ..
الجوهرة : وانتي كل ما قلنا شيء قلتي ريلي الله يعين هالريل الي بياخذج ..
ريم : والله يحمد ربه .. ايحصله الريم بنت عبدالله ..
الجوهرة : اقول بلا هذرة زايدة خالتج وين ..
ريم: اي خاله !! ما عندنا خوال في العايله ههههههههههه
الجوهرة: عبالج اتنكتين ويا الوية .. دانوووووو وين خل اتجي بالمرة ..
ريم : دقيت عليها ما ترد .. يمكن الجوال ع السايلنت ولا شيء ..
الجوهرة : تصدقين ملل ..
ريم: ادري !!
الجوهرة : اقوووووول متى بيبون نور ..
ريم: والله لوعتوا جبدي مع هالنور مالكم .. ما ادري ..
الجوهرة: حرام عليج والله المسلسل ايهبل ..
ريم: ههههههههه افففف اتصدقين حتى امي عائشة اتشوفه ..
الجوهرة: ههههههههههههههههه ..
ريم: وبعدين توها الساعه 7 .. باقي على المسلسل مالكم ..
الجوهرة: هههههههههههه شفيج معصبة كله مالكم مالكم .. تيكت ايزي يا عزيزي الحياه حلوة ..
فهد: السلام وعليكم ..
الجوهرة: عليكم السلام مرحبا الساع
فهد: هههههههههههه ريموووو شسالفت عمتج اليوم ..
ريم: والله ما ادري عنها يا زول هههههههههههههههههه ..
الجوهرة: هييي انت وين رايح ..
فهد: رايح اسلم على امي هيا .. ليش !!!!!!
الجوهرة: لا سلامتك .. ......... اقول ريمي
ريم وهي قاعدة اتقلب بالتلفزيون وبدون نفس : هلااااااااااا
الجوهرة: اشلونها دانوا الحين ..
ريم: اتصدقين ما دري .. اخر مرة كلمتها اول امس .. وكانت عادية ..
الجوهرة : بس هي جد ما عندها سالفه ..
ريم: شنو ما عندها سالفه .. مرة وحدة الحياه تغيرت عليها .. هي هناك كانت حياتها غير .. اسئليني انا .. جامعه مختلفة ربع مختلفين .. حتى في ابسط الاشياء مثل السواقة .. تراها كانت تسوق هناك .. تطلع على كيفها .. جات هني خليفة منعها من السواقه .. يدي قالها ما في طلعه بروحج .. ربعها تغيروا فجأه .. راحت مكان ما تعرف في حد .. حتى اهلها اول مرة اتشوفهم ..
الجوهرة: ادري .. بس بعد .. ليش ما تيي تقعد ويانا اتسولف ..
ريم: ههههههههههههه سكتي هي اول يوم جات في بيتكم شافتت يدتي من يومها حرمه ما تجي مرة ثانية ..
الجوهرة : ليــــــــش ..
ريم: هههههههههه اسكتي اول ما دشت عاد خبرج هي ما تعرف خالد منو ولا تعرف جاسم .. عبالها عمامي او شيء جي .. فصخت العباية ودخلت اتصارخ عندها الحياه حلوة ..
الجوهرة: افففففف .. ويدتي بدت مناحة شطول ..
ريم: ههههههههههههه والله يدتي ضحكتني .. مع عصاتها .. ههههههههه مسكينه دودو ..
الجوهرة: والله ما تنلام .. ولا تجي اتدرعم مني والطريج .. بس معقوله ما تعرف خواني ..
ريم: يعني بذمتج هي متى شافتهم .. اخر مرة يوم احنا صغار يوم سافرنا جميع للندن .. حتى انا لولا انهم عمامي جان ما عرفتهم ..
- هاااااااااااااااااااااااااي
ريم: ههههههههه هلا والله .. جان ما يتي ..
العنود: والله ما بغيت بس كسرتوا خاطري هههههههههه
الجوهرة: الا وين امل ..
العنود : كانت نايمه .. بس اسكتوا امسكتني يدتي .. ما بغت اتطلعني الا بطلعت الروح افففف
الجوهرة: هههههه ليش ..
العنود: منو هناك .. انزين شيسون .. يمه ليكون الصبيان هناك .. انزين سلمي اول ما تدخلين وبوسي راس عمامج ..
ريم: هههههههههه فديتها عيوزتنا والله ..
العنود: اقول انتوا جايبيني اهني اناظركم .. ما عندكم افلام شيء .. سوالف !!!!
الجوهرة: ههههههههههه شجاب الافلام للسوالف ..
العنود: اهو .. شيء انسوية ..
ريم: يختي الاجازة ملل .. مفكرة اكلم ابوي ايسفرنا ....
العنود: ايسفرج بروحج واحناااا..
ريم: تذكرين من كم سنه يوم رحنا كلنا لندن ويا بعض .. والله كانت احلى سفرة .. خل نقنعهم ايسونها لنا .
العنود: ههههههههه اية والله كانت احلى سفرة .. وبعد عشان دانوووو ما تحن علينا ودوني لندن ودوني لندن ههههههه ..
الجوهرة: هههههههههههههه
بو عبدالله : السلام عليكم ..
ريم: وعليكم السلام هلا يدي ..
راحوا البنات ايحبون راس ابوهم ويسلمون عليه ..
بو عبدالله: الجوهرة يبة جاسم وينه ..
الجوهرة: طالع .. يبه توها الساعه 8 ونص
بو عبدالله : انزين دقي على اخوج قوليله ابوي يبيك ضروري ..
-------------------------------------------------------------
كانوا العايله كلها متجمعه .. دانه وابراهيم وعائشة ونور وطلال ..
ابراهيم : ها يا دانه .. اشفيج يبة معصبة وقاعدة في حالج ..
دانه: لا يبه سلامتك ..
مال طلال على دانه الي كانت قاعدة جمبه ..
طلال: دانوووووو خلاص .. لا تعورين راسج الي تبينه ما راح ايصير ..
دانه: طلال احس نفسي متملله .. كله محبوسة بالبيت , ومفي حد ايطلعني وغير جي ما عندي ربع اقعد وياهم .. اففففففف
طلال: بس جي هاي الي مضايقج .. طلعه واطلعج تامرين امر .. وربع عندج البنات وعندج صديق وهو انا .. هاي الشيء ما راح اتحصلينه برع الدوحة ( وغمز لها )
دانه: ههههههههههههههههه الله يقطع بليسك ..
نور (( وهي تبتسم )) : اخيرا شفناج تضحكين ..
طلال: اية انا ناوي اطلع دانوووو .. يالله الشيخة دانه قومي .
دانه: ويـــــــــن
طلال: تطلعين ولا لاء .. يله عشان اتعرفين ان الحياه في الدوحة ما تعوض مو تقولين لي لندن وما دري شنو ..
دانه: ههههههههه اوكي دقيقة البس واجي ..
----------------------------------------------
جاسم: السلام عليكم ..
ريم والعنود : وعليكم السلام ..
جاسم: شالسالفه !!! ووين الجوهرة
دخلت الجوهرة وهي شاله مجموعه افلام ..
الجوهرة: فديتني اول ما تدخل تسال عني !!!!!
جاسم: من زينج .. شالسالفه ليش داقه ..
الجوهرة: مو انا الي ابيك ابوووووي ..
جاسم ( والاستغراب مالي وجهه): ابوووي !!!!!!!!!!!!!!!!!!!!!!
ريم: جسووم روح ل يدي بسرعه تراه بيعصب ..
--------------------
جات لهم دانه وهي تركض ..
ام خليفة: يمه اشوي اشوي ..
ابو خليفة : ههههههههه خليها تستانس يا مرة .. ما بغينا انشوف الضحكه على وجها
دانه: طلول يله ..
طلال: بل ما يسوى علي .. اتفضلي الشيخة دانه .. مع السلامه ..
كلهم : مع السلامه ..
نور: انزين يبة وهو متى كلمك بالموضوع ..
بو خليفة : والله انس بالليل يا بنيتي بس احنا مترددين وايد ..
ام خليفة: تبي الصراحة يا ابراهيم الريال ما يعيبة شيء وما ينرد ..
نور: اية والله يا يبى انا مع امي ..
ابو خليفة: بس البنت لحد الحين صغيرة ..
ام خليفة: لا البنت لا صغيرة ولا شيء انا يوم كنت كبرها كانت نور في حضني ..
نور: والله ما ادري شاقول .. الريال ما ينعاب وحرام انردة .. انا افكر فيها .. اشلون بتقدرر تتاقلم دام هي على العيشة هني مسوتلنا سالفه ..
ام خليفة: شوفي يا يمه اختج مدلعه .. ما بيعدلها غير الزواج .. ولا شله هالدلع كله .. كل الناس عاشو هناك .. وردوا وكملوا حياتهم طبيعي .. محد فكر مثلها ..
--------------------------
جاسم: يبة انت شقاعد اتقول .. مستحيل مستحيل
ابو عبدالله: شوف يا ولدي هاي عين العقل .. لازم اتسوية ..
جاسم(( وبدا صوته يرتفع)): يبى انت بتدمر حياتي .. انت شقاعد اتقول .. قلت لك مستحيل الي انت اتقوله ..
ابو عبدالله: لا ترفع صوتك على ابوك فاهم ..
جاسم: السموحة يبى ..
ابو عبدالله: شوف يا ولدي .. هذة بنت عمك .. وانت لازم تاخذها .. وبعدين هذا كلام جدك الله يرحمه ..
جاسم: ويدي شنو ايمشي الكلام على كيفة .. يدي مات يا بية مااااات ..
ابو عبدالله(( وبدى ايعصب)): شوف يا جاسم .. انا تكلمت معاك بالطيب .. بتاخذها يعني تاخذها .. وبعدين انا كلمت ابوها عن الموضوع والخطبة تمت مو ناقص غير موافقة البنت ..
جاسم: شنووووو والمعرس اخر من يعلم مثلا .. يبى انت شقاعد اتقول .. هذة حياتي مستقبلي .. اشلون اقضية مع وحدة ما عرفها .. معرفتي فيها ما تتعدى السلام .. هذا وانا ما اذكر اني شفتها بعد ..
ابو عبدالله: استح على وجهك .. واحنا من متى انشوف الحريم قبل لا نخطبهم هاااا .. مب عيب عليك اتقول هالكلام الفاضي ..
(( طلع وهو مب عارف شيسوي .. اسودت الدنيا في ويهة اي سودت هو يعرف بحجم المشاكل مع ابوة .. وانهم دوم يتهاوشون بس مو لهالدرجة .. مب لدرجة ان يخطبله من دون علمه ابوه حطاه جدام الامر الواقع .. وهو محتاروضايع ومو عارف شيسوي))


يا ترى اشلون راح اتكون حياه دانه في المستقبل .. هل راح يصير شيء جديد ؟؟
منو هالشخص الي متقدم لدانه واهها مترددينن ايخبرونها بالموضوع ولا لاء ؟؟
شسالفه جاسم .. وشنو راح ايكون قرراة بيوافق ولا بيتصرف تصرف ثاني ؟؟
مشاعر حزن غير متصل   الرد باقتباس
قديم(ـة) 26-08-08, 08:19 PM   #5
|[ عـضـو ذهـبــي ]|

 
صورة Tolip الرمزية
 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

يسلمووووووووووو
الرواية مرررررررة حلوة وأتمنى إنك تكمليها
Tolip غير متصل   الرد باقتباس
قديم(ـة) 27-08-08, 09:01 AM   #6
|[ عـضـو مـتـألـق ]|

 
صورة حلا وكلي غلا * الرمزية
 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

الرويا جونان
جاري انتظار البارت الجديد
دمتم بخيررررررررررر
تحياتي
حلا وكلي غلا *
حلا وكلي غلا * غير متصل   الرد باقتباس
قديم(ـة) 27-08-08, 09:24 PM   #7
|[ عـضـو نـشـيـط ]|

 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

تسلموووووون خواتي على ردودكم
والله فرحتوني
ان شاء الله الليله بانزل البارت
مشاعر حزن غير متصل   الرد باقتباس
قديم(ـة) 27-08-08, 09:25 PM   #8
|[ عـضـو نـشـيـط ]|

 
صورة مضيعة نعلتها الرمزية
 
الدولة:
الافتراضي رد : رواية خليجية قطرية رومنسية فلله .. هو الحب يا عمري اشويه

ثانكس ع الرواية الحلوة
بانتضار البارت
مضيعة نعلتها غير متصل   الرد باقتباس
قديم(ـة) 28-08-08, 04:52 PM   #9
|[ عـضـو مـتـألـق ]|

 
صورة حلا وكلي غلا * الرمزية
 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

جاااااري انتظار البارت الجديد
دمتم بخيررررر
تحياتي
حلا وكلي غلا *
حلا وكلي غلا * غير متصل   الرد باقتباس
قديم(ـة) 28-08-08, 11:29 PM   #10
|[ عـضـو نـشـيـط ]|

 
الدولة:
الافتراضي رد: رواية خليجية قطرية رومنسية فلله .. هو الحب يا عمري اشويه

جد ججد اسفة لاني تاخرت وان شاء الله
البارت راح ينزل بعد دقايق مشكورين وما تقصروون ..
مشاعر حزن غير متصل   الرد باقتباس
إضافة رد

الإشارات المرجعية

أدوات الموضوع

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق
Trackbacks are مغلق
Pingbacks are مغلق
Refbacks are مغلق


مواضيع مشابهة
الموضوع الكاتب المنتدى الردود آخر مشاركة
رواية قررت أموت بحبك (العنود و خالد) رواية رومنسية جريئة روعه العبني احساسي روايات تعب قلبي 88 27-10-12 07:46 PM
رواية ملاك حبي - رواية رومنسية رغوده الاموره روايات تعب قلبي 25 25-09-11 01:32 PM
رواية رومنسية اكتر من رائعة..... topspid روايات تعب قلبي 8 31-12-09 07:46 PM
اسرار العيون >>>> رواية رومنسية جريئة روعة حلوة ودلوعة روايات تعب قلبي 110 11-10-09 08:32 PM
لجْل الوعَد.. رواية رومنسية أكثر من رائعة reya7 روايات تعب قلبي 17 18-04-08 06:29 PM


الساعة الآن +3: 10:45 AM.