شيئاً من الشعر الجميل

[ود بربر]

حاجـــــة مره الزول يفارق يا وهيب أهله ودياره
يسيب وراهو النيل هناك عامره بالخيرات ضفافه
السفــــــــــر سنة حياتنا مكتوب علينا نشـد رحاله
عزيز فراق النيل وحاتك فينا الزمن ممشى حاله
كيف بنرضى نفوته ونمشى لا لا ما بنعز بداله
القـدر مكتـوب نفارق والصبـر بنشـد حباله
المدينة الجوفها فاير ضعنا فى حممو ولهيبه
نحن مالنا ومال ضجيجها يا اخوى نرجع نسيبه
تجربة وعشناها مره وكل زول شال من نصيبه
بس يا ريتو لو بايدنا كنا تانى الراح نجيبه
الكفاح الفى البنادر نحن ما عارفين مداخله
والصراع للعيشة قاسى ما اظن نقدر نواصله
اصلو درباً ما دربنا خوفنا نتساق فى ضلاله
نحن بى اجسادنا فيها وبالنا فى اهلنا وحلاله
اشتقنا لى جدول يسرسب مويتو دالقه على خضاره
وتربال يسند فى التقاند وداك حبل واسوقو جاره
هناك ضراع الخير مشمر ومافى زول بينسى جاره
يا حليلهم ديك اهلنا وكل زول مستور فى داره
التقى القمريها سارح كايس ارزاق لى صغاره
والنخيل تكى ا لجريد عرجونو ميل بى ثماره
والقمر فى النيل بيلمع رامى ضوه على رماله
دى فصول مسرح حياتنا والمولى زان حسنو وجماله

[كلي اسى وهموم]

حبابك عشرة بلا قشرة ود بربر

شعر جميل

[الهلاك]

احساس رائع و كلمااااات رااااااائعه

كان ليه شرف الحضور