المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
19-05-06, 04:43 AM
| #1 |
| |[ عـضـو مــاسـي ]| الدولة:   روابط إعلانية |  أحلام معاندوووه المصرقعه لوووووووووووووووول السلامـ عليكمـ هلا يا احلااااااا اعضاء .. شلووونكم .. اليوم راح اكشف لكم سر من اسراري الخطيرة .. هذي قصتي يوم تزوجت خطيبتي الوهميه .. :) قصة زواجي الوهميه ... انا كنت في يوم من الايام .. جالس في الغرفة لحالي لا لي ولا علي .. جالس اسمع شريط ( سعد جمعه ) كنت ضايع مع اغنية ( بسمك صرخت وصابني نشوة الزار ) .. كنت اسمع الاغنية وآكل تمر واشرب ببس ( عارف ما تجي ) بس شنو اسوي( الشكوى الله ) كانو اهلي مسافرين .. وما في البيت إلا انا والوالد .. والوالد منشغل في تجارته الكبيرة ... منشغل في محل الخضار اللي فاتحه في اخر اشارع ... والمشكلة ان ما فيه احد يشتري ...يجي اخر الاسبوع ويوزع البضاعة على الجيران .. والجيران يا كلون والمستشفيات تستقبل حالات تسمم من منطقتنا بالهبل ... تصدقون ان منطقتنا معد بقى فيها إلا حنا بس .. إللي مات ضحية تسمم .. وإللي نقل من المنطقه يحسب فيها مرض وبائي يعدم الناس .. ؟ المهم كنت جالس اسمع المسجل ما دريت إلا بهذيك الرجفه إللي جت في باب الغرفة وانفتح .. من قوة الرجفة ... الباب تكلم قال ( اي الضربة تعور ) .. دخل علي الوالد وهو محزن وضايق .. كأنه شايل الدنيا كلها جا وجلس جمبي وقالي . يا ولدي انا في ورطة .. وابيك اطلعني منها .. انت آخر أمل لي .. صراحه انا يوم شفت الوالد يقول جذي على طول سكت ( سعد جمعه ) وقلت للوالد خير .. قالي ابيك يا ولدي تضحي عشاني .. خلص الوالد كلامه على طول انا وقفت وضربت صدري وقلت .. ابشر يبه باللي ما يضحيلك بناقة.. بس خل عيد الضحية يجي وانا عند وجهك ... ناظرني الوالد وقالي اجلس واسمعني زين لحط حرتي فيك . طالع لي ابوي بنظرة .. حسيت انه يطالع قرد في حديقة حيوان اللي بالعمرية .. طالع لي وقالي .. انت فاهم غلط يا ولدي .. انا ما بيك تذبحلي ناقة .. انا ... انا ... انا ابيك تتزوج ناقة وفيها عاهه بعد ... يوم قال جذي قلت في نفسي شكل الوالد ... اكل من محل الخضار حقه .. وهذي اول علامات التسمم .. المهم جاريت الوالد وقلت يا يابه انا ما فهمت شي ... تأفف وقالي كلمه ما راح انسها ابد . قالي من وين جايب الغباء ... ما خذه من واحد من ربعك ما اذكر اني غبي وإلا امك .. انا يوم بدى يسب قلت يبه ادخل في الموضوع .. شنو تبي تقولي .. طالع لي وقالي .. اسمع يا ولدي .. انا تسلفت من شخص .. جشع .. جشع ما تتوقعه .. شكله كنه قير ارضي .. الشخص هذا طلب مني اني اسدد الدين اللي علي وانت عارف يا ولدي ان ما عندي فلوس.. فلما قلت ما اقدر قالي اجل يتزوج ولدك من بنتي وإلا راح احبسك.. بموجب الشيكات اللي كتبتها . .. اول ما خلص كلامه .. قلت وانا متشقق من الفرح .. يبه الله يخليك اخيرا بتزوجني .. والله ودي احب على راس هالرجال للي حدك علي وبيحقق رغبتي ... رغبتي اللي جلست اتحايل عليك سنوات عشان تنفذها .. من كثر ما اتحايل عليك حسيت ان قطار الزوج فاتني .. ( اي قطار إلا انقلو المحطة كلها حقت الزواج مو فاتني القطار وبس ) ... المهم وانا فرحان ومتشقق ( يعني اطلق خياط في العالم ما يقدر يخيطني هذيج اللحظة من التشقق اللي انا فيه ) المهم طالع لي الولد .. نظرة واحد كأنه بيشوف شخص لأخر مرة في حياته .. ( نظرة مودع ) ..طالع وقالي .. لا تفرح يا ولدي .. البنت اللي ابزوجك منها .. بنت تعتبر في غاية القبح .. يعني تقول القبح وخر واجي اجلس مكانك .. يا ولدي القبح نفسه يذل منها .. لأن وجها ما يخطر على بال بشر .. وجها كنه عجينة زايده خميرتها .. متفخ .. كأن فيه خلية نحل مقرصة في وجها .. هو قال جذي حسيت ان الارض معد تشيلني .. بغيت اطيح على سعد جمعه ( طبعا اطيح على المسجل بس الشريط كان موجود داخل لذلك حسيت ان سعد جمعة جالس معنا ) اقتنعت بكلام الوالد .. ومرت الايام .. وتزوجت .. ودخلت سجن الزوجيه ( قصدي قفص الزوجية ) .. زفونا المعازيم حتى غرفة النوم .. وانا في الطريق للغرفة كنت افكر شلون انحاش .. جت في بالي افكار كثيرة .. منها اطعن ابو البنت وادخل السجن .. وهيناج راح اخذ نفس المصير إللي اباخذه هنا .. بس يمكن يكون هذاك ارحم وإلا اسوي نفسي ميت بسكته قلبية .. صراحه كل الحلول ما نفعت حسيت اني جندي امريكي .. كل مخططاته تفشل .. ما صحيت الا وانا داخل في الغرفة ؟؟ وهناك انا شفت شي .. غريب .. شي ما يوصف ... اللي قاله الوالد شويا .. لأني حسيت انه كان بيزين الموضوع لي .. وما عطاني اياه على شكله الطبيعي . دخلت الغرفة .. وشفت شي طارت له عيوني .. طالعت في الغرفة يمين ويسار .. ما لقيت العروس .. صراحه اول ما لقيتها تنفست الصعداء وحمدت ربي اني ما لقيتها .. وفي نفس الوقت .. دعيت انها تموت .. قبل ما تدخل علي في الغرفة .. وانا ادعي كانت عيني تلف في الغرفة .. صراحه فيه شي شدني .. شفت في الغرفة ثلاث طاولات .. ثنتين عن يمين السرير ووحده عن يسارة ... جلست افكر شوي .. وقلت شكلهم نسو الطاولة الثانية . المهم خلني اسوي نفسي نايم على السرير .. على شان إذا جت تلقاني نايم .. رحت على السرير .. توني جالس .. إلا طلع صوت وحدة أو مدري واحد المهم انه يقول شلونك.. انا طقتني النفاضة صارت ركبي كنها خضاضة سمنت تروح يمين وتجي يسار التفت .. وقلت بسم الله الرحمن الرحيم من يتكلم .. رد علي نفس الصوت .. وقالي انا زوجتك يا معاندووه .. طالعت عند مصدر الصوت .. اول ما شفت الطاولة تحركت .. بلعت لساني من الخوف .. تحركت الطاولة وجت عندي .. شوي شفتها.. صارت الطاولة هي زوجتي اللي جالسة طول الوقت في الغرفة وانا ما ادري .. بعذري استنكرت ثلاث طاولات .. قلت في نفسي ما تجي وأنا افكر جت وجلست جمبي ... وقالت لي .. هلا والله حياتي .. صراحه ما تقبلت الصوت انا اعرف ان الكلمة ان صدرت من بنت تكون الكلمة رقيقة :) .. بس هي طالعة منها الكلمه كأنه صوت واحد من العيال قبل ما يسوي عملية لوز .. .. اقول معاندووه .. يا عمري .. ما ودك تشيل الطرحة عن وجهي .. هي قالت جذي .. حسيت ولأول مرة بمعنا كلمة شلل اطراف .. انشلت اطرافي كلها ... وقلت بصوت يتفتف كنه مكينه مخلص بنزينها .. اقول ... اقول ... اقول .. إلا على فكرة انت شنو اسمك .. صدت بوجها ( يقالها مستحيه ) وقالت لي .. انا ... انا .. ( هاله ) .. طالعت لها وقلت والله صادق ابوك يوم سماك ( زبالة ) أول مرة احس انه سوى شي صح في حياته . ما امداني اقول كلمتي .. إلا قامت وجت قدام وجهي .. وجلست صراحه البنت كانت مربعه .. وقصيرة .. كنها ثلاجة غرف نوم من النوع القديم .. قالت .. اول شي انا اسمي ( هالة ) مو ( زبالة ) .. وثاني شي اخلص شل الطرحه .. بسرعه .. تراني انكتمت ومت من الحر جعله في مكيفكم هالخربان .. وجهي صار كله عرق .. ساح المكياج من قوة الحر ... اول ما خلصت قلت اقول يا ( هالة ) شي طبيعي يصير حر .. لابسه ثوب صوف بني وحنا في عز الحر .. قاطعتني وقالت يالله شلها .. قالت كلمتها وهي تقرب وجها .. واسمع صوت نفسها كنه نفس اسد وهو حاط وجهه في بطن فريسته .. مديت يدي ورفعت الطرحه .. رفعتها وانا مغمض .. قلت في نفسي ابفتح عيني بشوي شوي على شان اتقبل الصدمه ... فتحت عني اول ما فتحتها .. شفت وجه .. ما اقدر اوصفه .. وجه احس انه صادمته تريلا .. المهم ما قدرت اكمل النظر لأنه اغمي علي .. بس اعتبر الاغماء هذا اقصر اغماء مر على العالم الطبي كله .. كان مدة ثواني رجعتني ( هبله ) قصدي ( هالة ) لوعيي كان في جيبها غرشة دهن عود .. كبتها كلها على راسي .. صحيت وانا مرتاع وخايف .. اول ما صحيت جيت عند رجليها .. قلت ارحميني تكفين .. ( هالة ) انا مستعد اكون اسيرك .. عامليني معاملة اسير حرب قبل معاهدة جنيف بخصوص الاسرى اضربيني .. خليني اغسل صحون اهلج.. كلها وملابسهم .. بس لا تقولين انج زوجتي عند احد .. استري علي .. تكفين .. جلست اصيح (ابجي ) .. وانا اترجاها .. قامت وقالت لي .. اقول انا زوجتك غصب عنك ... انا ما صدقت اني اتزوج .. وينادوني مدام تجي انت تلغي انوثتي .. هي قالت انوثة نشف الدم اللي في وجهي كله .. وقفت وقلت لها اي انوثه .. انت وشعرج هالمطشم ... كل شعرة رايحه في جهه تقل يلعبون حبشا .. وبعدين شنو هالمكياج .. اللي حاطته على وجهج .. دابغين وجهج في مصبغة جلود وصابغينه اقول معاندووه .. مهما سبيت انا حلوه .. وانا جالسه على قلبك .. يالله قم تعال معي .. انا جايبه لك فلم مرعب من خواني نبي نشوفه انا وياك .. وشاريه من محل عطارة كيس حب مالح .. يالله قم خلنا نشوف الفلم المرعب .. طالعتها .. وقلت اقول تحبين الافلام المرعبة .. قالت ايه اموت عليها .. هي قالت جذي على طول رحت جبت مراية ووريتها وجها .. قلت شوفي .. شي على الطبعية احسن ما تشوفين خدع سنمائية .. وبعدين يا ( هالة ) انتي صراحه لو تطيحين في يد مخرج افلام رعب متمكن بيطلع من وراج ذهب .. طالعتني وقالت .. انت ليش تضيع الوقت يا حبيبي .. يا عمري يا حياتي .. هاه .. قولي .. المهم سكت ومشيت وجلسنا انا ويها قدام الفيديو .. نتفرج على الفلم .. صراحة كان الفلم مرعب حيييل .. بس اضطريت اني اشوفه كله .. كان الفلم عن الجن .. وحنا نتفرج .. تلتفت علي .. وتقول .. معاندووه انت تخاف من الجن .. طالعتها .. وقلت اقول يا ( هالة ) ما فيه احد ما يخاف من الجن .. بس اتوقع انتي عادي تمشين بينهم وتشوفينهم ويشوفونج .. واتوقع انج تقدرين تدخلين الانتخابات حقت الجن في اي دائرة حكومية عندهم ... بحكم شكلك انه قريب منهم .. ويتفوق عليهم في القبح ... المهم طالعتني نظرة استحقار .. وقالت ما ودك تنطم و نقوم ننام .. تراني تعبت قلت عادي روحي نامي .. انا بنام في الصالة .. التفتت وقالت .. بعصبية والسرير هالنفرين اللي كبر جبهتك .. كله لي انا .. لحالي .. انام عليه .. اقول خل عنا كلام الجهااال وتعال نم .. المهم قمنا نمنا .. هي نامت في جهه وانا في جهه .. وودت وجها للناحية الثانية .. انا جلست افكر واهوجس .. هل الصفق هالابجورة اللي جمبي في راسها.. وإلا احط مخدة على وجها حتى تموت .. خخخخ طخ خخخخخ طخ خخخخ طخ اول ما طلع الصوت التفت على طول ناحية الصوت ليقتها جالسة تسحب الطاولة بنفسها وترجعها ( شهيق زفير ) المهم قمت اركض لباب الغرفة من الخوف فتحت الباب لقيته مقفول .. هني حسيت اني راح اموت محد يدري عني... من الغبنة نمت عند الباب .. كني كلب حراسة المهم مرت الايام وعشت معها ... كنت اجلس في الدوام .. اكثر من ما اجلس معها في البيت .. وفي يوم من الايام احتجت مبلغ من الفلوس .. مبلغ جامد .. على شان اسوي عملية .. ما لقيت احد يسلفني .. لفيت .. كل ربعي ما حصلت احد يسلفني .. رحت البيت وانا طفشان .. وجت عندي .. من الطفش قلت لها السلفة اني محتاج فلوس على شان العملية.. اول ماخلصت كلامي .. راحت شوي ورجعت ومعها علبة مليانه ذهب .. وقالت لي .. معاندوووه . صح اني بنت شينه وربي ما عطاني جمال .. لكن عطاني حب الزوج عطاني الاخلاص عطاني الوفاء وانت زوجي .. إذا ما وقفت معك من راح اوقف معه .. انت عزوتي .. انت سندي .. البنت ان طلعت من بيت اهلها معد يعرفون من اهلها ما يعرفونها إلا من اهل زوجها لأن يصير اسمها مربوط بأسم زوجها .. وانا تحملت اهاناتك لي .. لأني حبيتك من اول نظرة .. حسيت فيك الطيبه .. صراحه كلماتها اثرت فيني .. خلت كل خليه في جسمي .. تتحرك .. حسيت اني كنت وقح معها .. ما اخفيكم فرت الدمعه من عيني .. فرت لأني كنت محتاج فلوس . وكنت متوقع اني اخذ المبلغ من ربعي .. بس كان اخر شي اتوقعه انها توقف جمبي .. بس طلعت اصيلة ووقفت معي .. وقفــــــــــــــــــه : من خلال البنت هذي عرفت ان الجمال مو جمال الوجه .. الجمال جمال الروح .. يا ما فيه بنات جميلات بس مطلقات .. ليش لأنهم ما يملكون جمال الروح وفي نفس الوقت فيه بنات جمالهم تحت المتوسط .. وعايشين وفاتحين بيوت .. لأنهم يملكون جمال الروح .. اللي مخلي ازواجهم يعشقونهم .. ويحبونهم حب جنوني النــــــــــــــهايـــــــــــــة القصه من نسج الخياااااااااال ... :) |
|
|
19-05-06, 05:04 AM
| #2 |
| |[ عـضـو مــاسـي ]| الدولة: |  يوه اكيد خيال والله انى متضايقه بس شوى ابتسمت يعطيك العا فيه تحياتى |
|
|
|
19-05-06, 06:33 PM
| #3 |
| عضو موقوف من الاداره الدولة: | [frame="2 80"] قلت عادي روحي نامي .. انا بنام في الصالة .. التفتت وقالت .. بعصبية والسرير هالنفرين اللي كبر جبهتك .. كله لي انا .. لحالي .. انام عليه .. اقول خل عنا كلام الجهااال وتعال نم .. المهم قمنا نمنا .. هي نامت في جهه وانا في جهه .. وودت وجها للناحية الثانية .. انا جلست افكر واهوجس .. هل الصفق هالابجورة اللي جمبي في راسها.. وإلا احط مخدة على وجها حتى تموت .. خخخخ طخ خخخخخ طخ خخخخ طخ اول ما طلع الصوت التفت على طول ناحية الصوت ليقتها جالسة تسحب الطاولة بنفسها وترجعها ( شهيق زفير ) المهم قمت اركض لباب الغرفة من الخوف فتحت الباب لقيته مقفول .. هني حسيت اني راح اموت محد يدري عني... من الغبنة نمت عند الباب .. كني كلب حراسة يسلمو اخوي معاند وربي اشتقت لكم [/frame] |
|
|
|
19-05-06, 10:39 PM
| #4 |
| |[ عـضـو مــاسـي ]| الدولة: | ههههههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههه هههههههههههههههههههههههههه يسلموا معاند الجرح وربي قصه حلوه مره واضكتني حييييييييييييييييييل |
|
|
|
19-05-06, 11:25 PM
| #5 |
| |[ عـضـو مـتـألـق ]|  الدولة: | انا رحمتها المسكينه والله انها اجوديه وبنت رجال يسلمو معاند على الموضوع الحلو |
|
|
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| نصائح للفتاه المصرقعه | همس الحاضر والامس | نكت × نكت ضحك | 35 | 14-09-09 11:03 AM |
| عودة اليكم يا تماسيح لوووووووووووووووول...... | Amooona | نكت × نكت ضحك | 22 | 07-07-07 06:41 PM |
| تعااال حل أسألت معاندوووه المصرقعه لووووووووووووووووول | معاند الجرح | نكت × نكت ضحك | 8 | 31-05-06 02:15 AM |
| معاندوووه ونانسي بنت عجرم | معاند الجرح | نكت × نكت ضحك | 11 | 17-05-06 02:06 PM |
