| | | ||
| | |||
| | | ||
إعلانات منتديات تعب قلبي
| ||||||
| ||||||
| |||||||
| الملاحظات |
 |
| | أدوات الموضوع | انواع عرض الموضوع |
|
#1
07-23-2008, 05:28 AM
| ||||
| ||||
 من حكايات جدي..(جدي والذيب)>>اكشن بسم الله الرحمن الرحيم اليوم جايبه لكم قصه غير شكل..واسمحولي اسردها لكم باسلوب قصصي شعبي عشان تكون احلى واذا فيه مصطلحات غير مفهومه علموني اترجم لكم المهم... نبدا بالسالفه: كان ياما كان في قديم الزمان كان جدي -الله يرحمه ويغفر له- كان رجل شهم وونشمي طبعا كانوا بدو ساكنين في خيام وبيوت شعر ويرعون غنمهم وابلهم وعين الله عليهم "ياحلو حياتهم الا ليت الزمن يرجع" المهم..في يوم من الأيام رحلوا جماعته اي شدوا بحثاً عن العشب والأرض الزينه عشان غنمهم وابلهم ترعى فيها..وكان فيه شاتين من غنم اهله هزيلات ومايقدرن يمشن هلكانات وكان لازم يشيلهن اي يحملهن <<معلومه: هو الله يرحمه كان قوي البنيه وشديد>> الزبدة انه تأخر عن ربعه بالمشي بسبب هالشاتين وجاه الليل ووقف ونزل غنيماته "كانت ليلة شتويه وبرد وحاله" وماكان عليه الا عباته ومعه بارودته.. ووجد شجر يسمى <<الثمام او النصي:اغصانه طويله مثل اعواد الشعير او سنابل الذره>> المهم انه قدر يسوي منه حجير لغنيماته وغطى جهه بعباته ودفن اطرافها عشان ماترتفع ونام بالجهه الثانيه من الحجير عشان يحرسهن.. ولما جاء آخر الليل الا وهو يشم هذيك الريحه الخاايسه وحاول يقوم!!.. ماقدر لأنه متغطي بعباته ومدفون بالرمل يمين..يسار ..مافي فايده وش سوى؟؟ سحب العباه من جهة الغنم.. ويوم طلع وش شااااف؟؟؟ الا هذاك الذيب اللي واقف ويحاول يحفر عن شياهه طبعا الريحه الخايسه من الذيب ويدور الباروده هنا..هنا..مالقاها طلع الذيب دافنها ودافنه بالرمل وناوي على الشياه>>سبحان الله على ذكاء هالحيوان طبعا طرد الذيب وطلع الباروده ورجع بينام..الا يوم رجع الذيب ووقف له عند شجره وقام يعوي>>عشان يلم اخوياه ويقوم جدي ويطرده ..يقول جدي(الله يرحمه):وهذي حالي انا وياه طول الليل طرد ومطرود لين طلع علينا الصبح وحملت غنيماتي ولحقت ربعي.. (( فعلا قصه حقيقيه وان شاء الله اجيب لكم قصه ثانيه من قصصه )) وتوته توته خلصت الحتوته --------- ودمتم سالمين...  |
|
#4
07-24-2008, 03:09 AM
| ||||
| ||||
 رد: من حكايات جدي..(جدي والذيب)>>اكشن يعطيك العافية ع القصة الحلوة ننتظر جديدك تقبلي مروري *** |
|
| أدوات الموضوع | |
| انواع عرض الموضوع | |
|
|
 |  |
العرض العادي
