بحث مخصص
|
| | |
| | |
|
| ||||||
| |||||||
| الملاحظات |
| ||||
 |
| | أدوات الموضوع | انواع عرض الموضوع |
|
#1
07-17-2008, 09:04 PM
| |||||||||
| |||||||||
 ~.. خزعبلتي الاولى ..~ السلامـ عليكمـ حياكمـ الله خزعبلهـ معناها شي خيالي .. يعني لا تشرهون علي وعلى تخيلاتي [.. خزعبلتي الاولى ..] في قرية الخزعبلات كان فيذاك بنيهـ اسمها خلود وهي تسكن في آخر القريهـ وكان خالد هو جارهم وكانت كل أبو دايم تلعب معهـ تحت الارض وعلى قمة الجبل يوم من الأيام راحت خلود مع خالد لم الجبل ولقوا حيوان غريب وكان هالحيوان يآكل من حصى الجبل أول ما شافوهـ خافوا .. قالوا ذا دامهـ يآكل الجبل عادي لو بيآكلنا ورجعوا لم الشآطئ اللي كانوا يلعبون فيهـ بالتراب ويسوون شكل بطهـ نايمهـ على جنب وقعدوا يفكرون نعلم اهلنا والا وش نسوي ؟؟ قالت خلود انا ابعلم اهلي اخاف يآكلهمـ بعدين من يقول لي قصهـ اذا نمت !! قال خالد عادي انا ودي يآكل اهلي لانهم كل يوم يسوون الغدى رز المهم راحوا لم اهلهم وقالوا لهمـ السالفهـ وينتشر الخبر بالقريهـ .. وراحوا أهل القريهـ يشوفون هالحيوان وما لقوهـ قالوا هالمبزرهـ يكذبون علينا .. أكيد انهمـ يتخيلون ومن بكره يروحون خلود وخالد لم الجبل ويلقونه يآكل قعدوا يراقبونهـ من بعيد وقاموا يسمونهـ العو خلود: خالد شف العو قاعد يآكل خالد: ايه اشوفه شايفتني احول مثلك !! خلود: اوص بس لا يسمعنا ويجي يآكلني خالد: كوده يآكلتس عشان اذا جا العيد ما تآخذين عيديهـ خلود: جعله يآكلك انت عشان آخذ سيكلك ومحد يركب الا انا ويصير كل الدور لي خالد: شوفي شوفي العو يتحرك تعالي خن نلحقه العو عقب ما شبع جو يطقونه على ظهره ههههههههههه قصدي عقب ما شبع خلى الجبل وراه وراح برى القريه لحقوه خلود وخالد ألين وصل لمكان غريب لقوا شجرهـ كبيرهـ اذا طق العو الشجره بجبهته يدخل فيها طلعت عيون خلود وخالد !! راح خالد اللي معروف بجبهته الكبيره ومسك خلود بيده اليمين بقوه وصفق بجبهته على الشجره ودخلوا جوّا الشجرهـ اول ما شافهم العو ضحك ضحكهـ فيها نوع من الأنوثهـ المسترجلهـ << فهمتوا شي ؟ صار العو قدام خلود وخالد !! خلود على طول طاحت قامت تصيح خايفهـ وخالد يقول لها لا تصيحين وهو يرتجف قرب العو منهم العو: تعال يبو جبهه فيذا خالد: انا ؟ << والخوف مسيطر على ضلوعهـ الغضروفيهـ العو: فيهـ احد غيرك !! خالد: أبشر العو: قرّب أذنك خالد: لا يخوي عادي ما فيه احد غريب العو: ابقول لك سر خالد: طيب العو: سر خالد: ايه وشو السر ؟ العو: يا درج انا قلت ابقول لك سر وانا قلت لك سر خالد << عطى العو طراق : والله انك مرجوووووووج .. عآدي اصير صديقك !! قامت خلود وقالت وش قال لك بإذنك خالد: سر خلود: أنا خلود تخبي عني !! << بدت تتدلع خالد: بعدين اعلمتس .. تعال يالعو علمنا وش سالفتك العو قاعد يحمس القهوهـ ويقول لهم تسندوا ابجيب القهوهـ واعلمكمـ السالفهـ العو: يبو جبههـ لا تقعد تساسر انت وهالشينهـ خالد: طيب يخوي اخلص جب القهوهـ خلود: انت مسوي تمون يوم انك تحاتسيه تسذا ؟ خالد: يا بنت الحلال طلع أجودي مهوب عو ولاهوب يروع قامت خلود عند العو قالت خلني اساعدك قال امسكي الدله كملي الشغل وشوفي الثلاجه ذيك فيها شوقولاطات وحركتات ابروح اتروّش على السريع واجي المهم خالد قعد يحوس بغرفة العو وخلود تسوي القهوه طلع العو يلق توّه متروش وجلس على الكنب العربي لونه احمر ومخطط بأسود وجابت خلود القهوهـ وخالد شايل السله اللي فيها الشوقلاطات والحركتات وقاموا يتقحنون من هالقهوهـ ثم سأل العو خالد وقال له انت وش اسمك يبو جبهه ؟ قال: خالد العو: عآشت الاسامي خالد: لا هانت أميمتك العو: وانتي يالشينه وش اسمتس ؟ خلود: اول شي انا اهبّل ومنيب شينه .. ثاني شي اسمي خلود خالد: ما علينا .. عطنا سالفتك يالعو العو تربّع وهز الغضارهـ وقال قطو قصدي بس قال قصتي قصه طويله .. أنا كنت في جبال الواق واق مع زوجتي وعيالي .. جا هاك اليوم وطبّوا على بيوتنا نمل وهددونا قالوا لكمـ 4 ايام اذا ما طلعتوا فالحرب قائمهـ عاد اجتمعت مع اهلي وقلت حنا آكلين الجبال يروعونا هالنمل .. اسحبوا عليهم بس بعد 4 ايام استعدينا حنا للحرب ودخلوا علينا 6 نملات قالوا هاهـ بتطلعون ولا لا ؟ جيت انا يا محاتسيكمـ (العو) وقتلت نملتين وانحاشوا 4 نملات وقعدت أصارخ انتصرنا انتصرنا ما دريت الا جانا قصف على المنزل كامل بصراحهـ صرت رخمهـ وانحشت وخليت اهلي وربعي وجيت فيذا عند هالشجرهـ اللي ما قصرت تكفلت بمستقبلي المعيشي مقابل اني آكل من الجبل يوميا تقول انها متهاوشهـ مع الجبل وتبي تعلمهـ الأدب خلود << قاعدهـ تصيح العو: يالشينهـ وش فيتس تبتسين ؟ خلود: دخل في عيني تراااااب ههههههههه خالد: طيب يعني انت ليش ما تروح تدور اهلك العو: ودي ومشتاق لهم بس خوفي ادق مشوار على الفاضي ولا معي دريهمات تكفيني عشان أوصل لهم خالد << سمع هالكلام وحز بخآطرهـ وقال في نفسهـ لازم أساعدهـ خالد: يالله يا خلود خن نمشي اهلنا الحين قاعدين يحترونا خلود: لحظهـ أبلبس شوزي خالد: أغناكـ الله يا العو وكثر الله خيركـ ونبي نرجع لكـ يومن ثاني العو: حياكمـ الله خالد وخلود بلشوا ما يدرون وشلون يطلعون العو: قل وآي وآي كجغمباي وي وا ويفتح الباب وقالها وانفتح الباب رجعوا خلود وخالد لقريتهمـ وناموا وارتاحوا يتبع ..  |
| ~.. خزعبلتي الاولى ..~ |
| |
|
#2
07-17-2008, 09:06 PM
| ||||
| ||||
 رد: ~.. خزعبلتي الاولى ..~ ومن بكرهـ تلاقوا خالد وخلود عند الزحليقهـ خلود: تصدق يا خلودي اني حلمت ان العو لقى اهلهـ كلهمـ وصاروا اصدقاء مع النمل خالد: معقولهـ !! انا حلمت عكس حلمكـ .. حلمت ان العو كان بالطريق رايح لأهلهـ وجوا 17 نملهـ او 18 مدري ما عديتها زين ههههههه وقالوا لهـ ذبحنا أهلكـ كلهمـ والعو انصدمـ وطاح على جبهتهـ وجوا هالـ 17 مدري 18 نملهـ وقتلوهـ خلود: يؤيؤيؤ مسكين هالعو خالد: اقول خلخولتي ما ودكـ نكلمـ الجمعيهـ الخيريهـ بالقريهـ علشان يعطونا كمـ ريال نعطيها للعو علشان يروح لأهلهـ خلود: يالله خن نروح [ خن = اختصار خلنا ] راحوا لم الجمعيهـ وما قصروا عطوهمـ الفلوس ثمـ راحوا لمـ الجبل وما لقوا العو وراحوا لم الشجرهـ ودخلوها ولقوهـ فيها عطوهـ الفلوس وقالوا له لازم تروح تشوف أهلكـ خلود: تصدق يالعو اني حلمت فيكـ إنكـ بتلقى أهلكـ وبتصيرون اصدقاء النمل .. بس خالد حلــ << خالد صكـ فمـ خلود خالد: ان شاء الله بتلقى اهلكـ وبتستانس العو: ان شاء الله وما قصرتوا يالأناسين [ الاناسين = مجموع انسان ] العو قاعد يضف خلاقينهـ وطلعوا مع بعض من الشجرهـ واول ما طلعوا العو قاعد يحب راس الشجرهـ ويشكرها على الضيافهـ ورحابة صدرها خلود قاعدهـ تبتسي على روحة العو لأهله وخالد قاعد يمسح دموعها المهم راح العو وبالطريق جت سيارهـ اوم 3 كفرات مثل السيارهـ اللي مع مستر بن وصدمت العو وكانت الصدمهـ أليمهـ بس محد جاهـ شي تتوقعون من كان بالسيارهـ !! صح عليكمـ كان فيها ابو العو وهو اللي يصاقع بجبهة ابوهـ << طبيعهـ عند العوات اذا اشتاقوا لبعض يسوون كذا يوم شوي ويمر سيكل بكفر ونص كانت تسوقهـ امـ العو والحمد لله تجمعت الاسرهـ وعادت المياهـ لمجاريها ورجع العو مع والديهـ لم الشجرهـ وقرروا العيش فيها حتى الممات والقضاء على جبل الواق واق بالكامل في يومين ونص وتعرف خالد وخلود على العو وابوهـ وامهـ وصاروا اصدقاء انتهت الخزعبلهـ : ) ملاحظهـ: ترى ودي احط ايقونات تزيّن الموضوع بس مشوار ههههههههه قآقآ |
|
#3
07-17-2008, 09:46 PM
| ||||
| ||||
| رد: ~.. خزعبلتي الاولى ..~ ههههههههه يسلموووووووو مره حليووه |
|
#4
07-17-2008, 11:16 PM
| ||||
| ||||
| رد: ~.. خزعبلتي الاولى ..~
هههههههههههههههه يسلموووو وربي يعطيك الف الف عافيه ع الموضوع الرائع تقبل مروري دلوعة اخوي |
|
#5
07-18-2008, 01:49 AM
| ||||
| ||||
| رد: ~.. خزعبلتي الاولى ..~
ههههههههههههههههههههههههههههههههههه وش هالخزعبله لحست مخي العو هههههههههه الله يكفينا شره سيارة مستر بن ههههههههههه والله هالسيارة نكته بحد ذاتها قاهرهم بصراحة لك مستقبل في كتابة سيناريو وقصص الافلام الخيالية والكوميدية ههههههههههههههههههههههه من جد فكاهية ولكن تلحس المخ فالوقت نفسه لكـ كل التقدير والاحترام (الخاص) اخوكـ / صعوووووووووووط المجانين |
 | سياسة الخصوصية |  |
العرض العادي
