ضياء الحب>>>روايه رومنسيه جريئه عجبتني و حبيت انقلها لكم

[سوــايروكاــسو]

---

[caty girl]

مشكورين على الردود الجميله والتشجيع
ياله مابغا اطول عليكم..

الفصل الثاني
وراح يفتح الباب وفجأه انصدم من الي شافه؟؟ (ملاك ...ملاك ...واقفه بنفسها ورا باب غرفتي ... لامو معقوله...).
وقف مصدوم من الي يشوفه وفي نفس الوقت منبهر بالجمال الي قدامه...(معقوله ملاك احلوت بهذي السرعه مرت 5شهور بس).
وبنفس الوقت ملاك وقفت مصدومه قدامه(تغير رائد ..تغير واجد من 5شهور ما كان بهذي الجاذبيه تغير بشكل كبير...)
وبعد خمس دقائق من الصمت....
بدأت ملاك وبصوت كله نعومه: هلا رائد.
رائد:هلا والله...شلونك ملوكه؟؟
ملاك: الحمد لله بخير نسلم عليك.
رائد:الله يسلمك.
ملاك(شكلي بتورط .... اممممممممممم أي صح ..الجوال):أي بس جوالك رن وشفناه عندنا وقلت بوديه لك تفضل.
مدت الجوال له وخذه منها:ماتقصرين والله بس ليش انتي الي جبتيه مو ساره؟؟(الحمد لله انك انتي مو ساره عشان اشوف هذا القمر).
ملاك:ليه مافيها شي انا بنت عمك مو غريبه.
رائد بصوت صغير:احلى بنت عم.
ملاك: ايش؟؟؟
رائد:لا سلامتك..(شنوو قلت انا ... الحمد لله ماسمعت).
ملاك:اوكي...باي بروح عند البنات.
رائد:اوكي ... باي.
مشت ملاك بسرعه وراحت عند البنات وهي تفكر(معقوله....معقوووله إلي سمعته...ايش يعني احلى بنت عم ... لا يمكن يجامل ... بس اذا يجامل ليش ما عادها.. طيب انا ليش اول ما شفته تسمرت قدامه وانهبلت.... بس الـNew look حقه حلو..لا يا ملاك بعدي هذي الافكار عن مخك ... هذا ولد عمك مايصير كذه....)نفضت هذي الافكار من راسها وراحت تكمل القعده مع البنات...
دخلت على البنات:هلااا.
البنات:اهليين.
دانه: تأخرتي؟؟
ملاك:لا بس على ما عطيته الجوال ورجعت.
ساره: اهاااااا...طيب دامك جيتي عندي فكره وابغا رايكم؟؟؟
مروه: والفكره هي ؟؟؟؟
ساره شنو رايكم نروح الشاليه في الـ Week end؟؟؟
دانه:واااااااااااااااااو ...... الصراحه الفكره روعه.
مروه: ايوه بدال هذا الملل القاضي علينا.
ملاك:........
ساره:اوكي اجل اقول لأبوي يفضي لنا الشاليهىمن الأربعاء إلى الجمعه.
دانه:اووكي ........ملاك؟؟؟
ملاك:..............
دانه:ملاااااااااااااااااااك
ملاك:..............
ساره :الي ماخذ عقلك يتهنى.
ملاك:هاااا؟
ساره:اقول الي ماخذ عقلك يتهنى.
ملاك:هاا .... لا....شنو ماخذ عقلي ... انا افكر بالمذاكره واتلله طفشانه وودي اغير جو.
ساره: طيب حنا شنو نقول من الصبح؟
ملاك:شنووو؟؟؟
دانه:نقوول بنخلي عمي بو رائد يفضي لنا الشاليه من يوم الأربعاء الي الجمعه.
ملاك:أي والله فكره حلوه.
دانه:خلااص....اجل نبغا نجهز الاغراض...انا بسوي قائمه بالاشياء الي نبغاها ونوزعها بيننا كل وحده تجيب شي.
البنات:اوكي.
وفضلو يتفقون على الاشاء الي يبغونها والي بيسوونها الي الساعه 10 بعدين كل وحده راحت بيتها.
في اليوم الثاني الي هو يوم الثلاثاء..
في المدرسه...
احلام:دندن...بشنو تفكرين...شايفتك سرحانه من الصبح؟؟
دانه:لاحبيبتي ولا شي.... بس الـويك اند راح اروح الشاليه وافكر باقي يوم ولسه مارحت السوبر ماركت.
احلام:مافيها شي اليوم روحي.
دانه:طيب مين راح يرضى يوديني؟
احلام: امممم .... روحي مع ساره.
دانه:طيب اسألك الحين حنا في أي حصه؟
احلام:الحصه الثالثه.
دانه:اهاا خلاص راح اقول لساره في الفسحه واشوف مره وحده مروه وملاك.
احلام:اوكي....منزمان ماشفت ملاك.
دانه:عيوني المسكينه طول الوقت تذاكر والاسبوع الي راح كان عندها تدريب في الفسحه عشان حفل تخرجها.
احلام:اهااااا........ واليوم فاضيه ولا شلوون؟
دانه:اي اليوم راح تكون فاضيه في الفسحه.
المعلمه:دانه قومي جاوبي..
دانه وقفت:على شنو؟
المعلمه:طبعا مو معاي ... طيب يا احلام قومي علميها الاجابه.
احلام:شنو الاجابه؟؟
المعلمه:وقفو باقي الحصه عشان تتعلمو كيف تركزو في الحصه.
ظلوا واقفين باقي الحصه الى الى مارن الجرس .. ترررررررن....
في الفسحه.....
دانه:الله ياخذ هذي المعلمه كل حصه لازم بهدله.
احلام:ولا كأننا دافعين لها فلوس.
دانه:اصلا لولانا ماكان لها راتب.
ساره شنو تتحلطمون عليه ؟؟
دانه:ابلة العربي الغبيه وقفتنا ربع ساعه.
ساره:ليش ...اكيد قاعدين تتكلمون في حصتها.
دانه:ايووه.
احلام:بس مهما كان مالها حق انها توقفها.
ساره:يله.... وقفتكم انتها الموضوع .
احلام:لا ما انتها الموضوع انا اوريها بعدين.
دانه:وانا معاج.
ساره:حرام ... والله الابله طيوبه.
دانه:اذا طيوبه ليش وقفتنا ... بعدين المهم مين بيوديج اليوم السوبر ماركت؟؟
ساره:ما ادري ... السواق اليوم مشغوول ورائد مو راضي يوديني..
دانه:اجل حالتك مثل حالتي...
ساره:خلاص نشوف الباقي مين تقدر تودينا.
ملاك:وين توديكم؟
ساره:للسوبر ماركت...مين راح يوديك؟؟
ملاك:انا مافي احد يوديني جايه بشوفكم.
دانه:اجل مالنا الا مروه.
ساره:وينها مروه؟؟ماشفناها طول اليوم.
ملاك:اظن اليوم تدريبهم.
ساره:طيب خلنا نروح نشوفها.
راحو البنات عند مروه دخلو المسرح وجلسو على الكراسي لمن خلصت مروه... لمن خلصت جات جنبهم.
مروه:هلا بنات..
البنات:هلا.
مروه:ما سبب هذه الزياره المفاجئه؟؟
دانه: اشتقنا لك واحببنا ان نطل عليك لنراك.
مروه: اهاااا ... تطلون..بلا ملاقه قولولي الاسباب الحقيقيه.
ملاك:مين راح يوديج السوبر ماركت اليوم؟؟
مروه:يمكن السواق ليش؟؟
ساره:ما عندنا احد يودينا فقلنا ممكن تتكرمين علينا وتودينا معك؟؟
مروه:نو برابلم....بس متى تبون تروحون؟؟
دانه:يعني انا اقول على الساعه 4 العصر شرااايكم؟؟
ملاك:أي زين.
مروه:خلاص راح امركم الساعه 4 الا ربع عشان الساعه اربع الكل يكون جاهز.
البنات:اوكي.
على البيت....
رجعت مروه البيت شافت ابوها قاعد يقرا الجريده راحت من وراه وحبت راسه:هااااي بابي.
بو نواف:هلا ببنيتي والله.
مروه:بابا ممكن طلب؟
بونواف:آمري ياحبيبتي.
مروه:اليوم ابغا السواق عشان اروح للسوبر ماركت مع بنات عمامي.
بونواف:آسف حبيبتي بس السواق مشغول اليوم.
مروه ليه مشغول؟؟....ليه كل سواويق عمامي مشغوله اليوم؟؟
بو نواف: اليوم في كم شغله بالشركه عشان كذا كل سواويق عمامك مشغولين.
مروه:أهااااا...طيب الحين منو يودينا انا وعدت البناتعلى الساعه 4الاربع راح امرهم.
بونواف:خلي اخوك نواف...اهو اليوم فاضي.
مروه:طيب...
مشت مروه لغرفة اخوها ودقت الباب.
نواف:مين؟
مروه:انا مروه.
نواف:دخلي.
فتحت مروه الباب ودخلت الغرفه كان نواف قاعد على اللابتوب حاطه على مكتبه وقاعد على المكتب.
جات مروه ووقفت ورا اخوها:نواف ...تدري انك احلى واطيب اخو في العالم.
نواف:قصري بالكلام ...الزبده...شنو تبغين؟
مروه:حبيبي انت ..على طول فاهمني...ابغاك توصلني انا وبنات عمامي للسوبر ماركت.
نواف:اهاااا...طيب بالمقابل شنو استفيد انا؟؟
مروه:امممممم...شوف احنا بكره رايحين للشاليه..في الشاليه اطلب كل الي تبغاه من البنات راح ينفذونه.
نواف:اممممم..خليني افكر.
مروه بترجي:ياله عاد ....الله يخليك...بليييييييز.
نواف:اممممم...اوكي...بس أي طلب.
مروه:أي طلب.
نواف:مهما كان؟
مروه:مهما كان.
نواف:اوكي متى تبغين تروحين؟؟
مروه:الساعه 4 الاربع.
نواف:الحين الساعه3وربع يعني بعد ربع ساعه ...خلاص روحي تجهزي وانا 4الا ربع اوديك.
مروه بفرحقامت تنطط:اوووكي ... باست خد اخوها وطلعت من الغرفه.
على الساعه 4الا ربع لبست مروه عبايتها ونزلت عند اخوها ركبت السياره:مر على ساره وملاك ودانه.
نواف:اوكي.
في البدايه مر على ملاك بعدين دانه آخر شي ساره ركبت السياره وانصدمت ان الي بيوصلهم اهو نواف(اوووه ليه نواف...يعني مافي غيره يودينا...بس الحمد لله أنا ورا مروه مو وراه...اوووووووه....ليه نواف...ليه ياربي ليه).
وصلوا السوبر ماركت ونزلوا على طول اول وحده نزلت اهي ساره شافت نواف واعجبت فيه زياده كان لابس تيشرت اسود مكتوب عليه بالابيض وبنطلون جنز غامق ونظاره شمسيه سوده وكاب اسودفيه حرف إن بالابيض وشعره طويل شوي طالع من تحت الكاب طالع جنان.
دخلوا السوبر ماركت وساره تمشي بالاخير ونواف قدامها واهي تطالع فيه – مسكينه البنيه خاقه – وبعدين وقفتهم مروه وقالت لهم كل وحده تمشي في قسم عشان اسرع لهم.
مشت كل وحده في جهه تدور الاغراض المطلوب منها انها تجيبهم لمن خلصوا تجمعوا عند المحاسب حطوا الاغراض مع بعض وعطوها لنواف عشان يحاسب طلعوا بره ينتظرونه لمن حاسب وطلع لهم.
فتح السياره : ياله يا بنات دخلو السياره.
دخلو كل البنات السياره الا ساره كانت سرحانه وما انتبهت ...
مشى نواف بالسياره ونسو ساره..وصل الى قريب بيت ملاك..
دانه:لحظه ... نوااف وين ساره؟؟
ملاك: ايه صحيح ... شكلنا نسيناها.
نواف: اووووه..خلاص انزلكم وارجع لها... مروه اتصلي على ساره وقولي لها اني جايها.
مروه: انشاء الله.
اتصلت مروه على ساره وطلع جوالها مقفل..
مروه:جوالها مقفل.
نواف:خلاص .. احين انزلكم وارجع لها على طول.. بسرعه..(ان شاء الله ماتكون اتحركت من مكانها)
وصل دانه بعدين ملاك بعدين اخته مروه وقال لهم لا يعلمون احد عشان لا يتشاغبون اهلهم واهو اذا لقاها راح يتصل و يطمنهم.


وش تتوقعون راح يصير لساره ؟؟
هل نواف راح يلاقيها ولا لا؟؟
وش راح تكون رده فعل اهلهم؟؟
ابغا توقعاتكم....
مع تحياتي ...

[سوــايروكاــسو]

و الله ما أدري بس متحمسة
يمكن تعرض لها احد و راح يوصل نوااف و يدافع عنها خخخخخخخخخ
و بعدين خلاص اهلهم يمكن ماراح يدرون
والله ما أدري هههههههه

[قمر ومالي شبيه]

انا اتوقع ان ماراح تتحرك من مكانها...

وكمان اتوقع ان راح يدور حوار بين ساره ونواف...


بسرعه حمستيني اكــــــــــــــــــــــــثـــــــــــــــــــــــ ر..

[caty girl]

الجزء الثالث
عند ساره ...
كانت سرحانه تفكر بنواف (اااااه يانواف....يابعد قلبي... ليه ماتعطيني وجهه...والله احبك واموووت فيك...بس ليه ما تفهمني ..ليه ما تحس فيني....)
وفجأه ماشافت السياره الا قدامها تمشي... قامت تركض ورا السياره وتصرخ : لا تتركوني ... نواااااااااف.... ...مييييييييمييي....ملوووووووووووووووكه..........د نننننننننندننننننننننننن...
بس ماحد سمعها...والسياره مشت بسرعه.
قامت رجعت ليم السوبر ماركت ووقفت جات على بالها فكره ليه ما تتصل من الجوال طلعت جوالها لقت ان البطاريه فاضيه والجوال فاضي..(اااه..الحين مافي غير اني انتظر)قعدت على الرصيف تنتظر وهي خايفه.
بعدين وهي قاعده مرت سياره ووقفت طلع منها ولد تقريبا عمره 17 سنه ...
قرب الولد منها:الله الله ياحلو...
ساره تخرعت ووخرت عنه...
الولد:الله عاااااد لاتكوني كذا تعالي معاي وانا ادلعك تدليع..
ساره:وخر عنيييي ..
الولد قام يشدها يبي يدخلها داخل السياره....
وساره بدت تصرخ...
وفجأه جااا بكس على وجهه الولد...>>>>>>فلم هندي خخخخخخخخخ
الولد:ااااااااه ... وش بغا انت.
........:وخر عن البنيه احسن لك..
الولد:لا ياحبيبي انا لقيتها قبل رح دور لك عن بنت ثانيه.
.........:يا قليل الادب ...والله انك قليل ادب هذي بنت عمي ياوصخ.
الولد: هاااااااااا...... بنت عمك؟؟
نواف:ايه عندك مانع ولا تبغى بكس ثاني على وجهك؟؟
الولد:لا خلاص ياخوي ...خلاص...
و صاااااااااااارووووووووخ ...
ساره من الخوف راحت عند نواف وحظنته وصارت تبكي...
نواف انحرج بس ما عرف ايش يسوي..
قام يمسح على راسها ويهديها:خلاص...خلاص...ماصار شي.... الحمد لله.
بعد دقائق هدت ساره بعدين اتبهت انها حاضنه نواف قامت وخرت بسرعه وهي منحرجه حدها..
نواف بحرج:ياله ركبي السياره.
ساره بحرج اكثر:زين.
ركبت السياره وهي طول الطريق ساكته ومنحرجه كثييير(انا ليه حظنته...ليه..الحين ايش راح يقول عني..اوووه احراج الحين انا شلون راح اشوف وجهه مره ثانيه....اااااااااااه ..ايش هذا الاحراج)
اما نواف كان يحس بشعور مو عارف يفسره(الحين انا أي شعوري..احس اني فرحاان...وكان ودي تتم بحظني طوول العمر ...اه...الحين ليه انا كذه...هذي بنت عمي وانا عمري ما حسيت كذا ولا حتى طالعتها...ااااه الحين انا احبها ولا كيف؟؟).
وصلها لبيتها...
نواف:مع السلامه.
ساره بحرج:الله يسلمك.
وقف نواف يم باب بيتها الام دخلت البيت مشى.
دخلت ساره البيت وعلى طوول راحت الغرفه شافت ساعتها كانت الساعه 7 المغرب قامت شغلت اللابتوب وقعدت على النت الى الليل ونامت ذاك اليوم من اللساعه 10.
اما نواف فلمن هدها اتصل على سيف وراح وياه القهوه قعدو مع بعض الى الساعه 12 بعدين راح بيته ونام على طول.
في اليوم الثاني في المدرسه..بالضبط في الفسحه...
اميره:اووه بنات..حاسه اني راح انفجر من الفياخ في هذا الويك اند.
ملاك:ليه..سلامات؟؟
اميره:تخيلي هذا الويك اند ماراح نطلع لان اخوي كسر رجله امس.
ساره:طيب تعاالي معنا الشاليه.
اميره:امممممممم.
دانه:تعالي...راح نستانس مع بعض.
اميره:اوكي ... بس راح استاذن من ابوي وارد عليك....انتوا متى رايحين؟؟
ملاك:يعني كل وحده راح ترجع بيتها على مانغير الملابس و نتجهز بعدين راح نتجمع في بيتنا.
اميره:طيب اذا كنت بجي راح اخلي ابوي يوصلني اوكي؟؟
ملاك:اوكي.
صار على البيت ورجعو كل البنات لبيوتهم وبعدين لبسو وتجهزو وتجمعو كلهم في بيت بوسيف حتى اميره جات معهم..
لمن تجمعو كلهم توزعو في اربع سيارات وكان التوزيع كما يلي:
سياره بو جاسم راح فيها بوسيف وزوجته وبورائدوزوجته وبونواف وزوجته وسعد وريم.
سياره احمد – البنات اختاروه لانه اكثر واحد منفتح في الاولاد وكل شي يسوونه عاااادي - :سحر وملاك واميره ومروه و ساره ودانه وحوراء
وسياره نواف:فيصل و سيف.
وسياره رائد:الاغراض>>>>>> مســــــــكــــيــــــــــــن.
مشت السيارات .
طول الطريق عند البنات كان الجو ضحك و غنا ووناسه..
وصلت سياره احمد لمحطة البانزين الي كان متفق ان كل السيارات يوقفون عندها.
وقف يعبي البانزين : ها يا بنات تبون اشتري لكم شي من البقاله.
ساره:حمود حبيبي ما علي احنا ننزل وننقي الي نبغا من البقاله؟؟
احمد:انزلكم بس ما احاسب عن الاغراض.
ساره بدلع:ليــه...ترى حنا حلوات ... وكلنا نحبك.
احمد بنحاسه: كذا اذا ببتنزلون انتو تدفعون واذا انا الي بنزل بدفع لكم
اميره: ولا عشانيي- اميره معجبه باحمد بس هو مايعطيها وجهه وهي تحاول انها تتقرب اليه من سنتين ونص-
احمد: ولا عشانك.
اميره باحباط:اوكي.
ساره:طيب امرنا لله خلنا ننزل وكل وحده تدفع لحالها.
نزلو البنات للبقاله الصغيره وشرو انواع الحلويات وهم رايحيين يحاسبون جاهم احمد:شوفو يا بنات انا فكرت وقلت بدفع لكم بس لازم كل وحده تعطيني من حلاوتها ضريبه... اوكي؟؟
البنات:اوكي.
حاسب عن البنات وركبو السياره و انتضرو الباقي لمن جو وعبو بانزين للسيارات بعدين كملو الطريق وطول الطريق اكلو الحلاوات و احمد كل معهم الامن وصلو ..
طبعا سياره احمد اول سياره وصلت لان احمد يسرع في السواقه مع تحذيرات ابوه له بس مافي فايده.
نزلوا البنات من السياره وراحو للغرفه المخصصه للبنات اما احمد راح لغرفه الاولاد بعد فتره وصلوا باقي السيارات ونزلو الاغراض وراحوا الشباب لغرفتهم وكل رجال و زوجته لغرفتهم..
راح اوصف لكم الشاليه: (( اهو كبير فيه 7 غرف وصاله كبيره ومجلس كبير ولكل غرفه رورة مياه فيه 5غرف بنفس الحجم تقريبا 3م في 2ونص م وفي غرفتين اكبر تقريبا 3م في 5م ..اما الصاله فكانت 6م في 7م والمجلس نفس حجم الصاله ... الغرف الخمس كانت وحده للجد والجده وثانيه لابونواف ووحده لابوفيصل ووحده لابورائد ووحده لابوسيف....والغرف الاكبر وحده للبنات ووحده للشباب ...وكان في مسبح كبيييير في وسط الشاليه وبعيد شوي كان البحر ..البحر كان مختلط بين مجموعه من الشاليهات...)).
في غرفت البنات كان في اسره على عدد البنات وسريرين زياده للضيوف و لون الغرفه وردي عليها قلوب حمراء كانت الغرفه جناااان)).))
((اما غرفه الاولاد فكانت سماويه عليها تموجات كحليه والاسره على عدد الاولاد وسريرين زياده للضيوف)).
اميره: وااااااو الشاليه جناااان..
دانه: عارفه ... هذي الغرفه انا الي نسقتها...واخترت الصبغ والديكور.
اميره:وااااااو حلوه .
قعدو البنات رتبو الاغراض ..
جا احمد وقف يم الباب: سوسو...سوسو.
ساره كانت في دوره المياه.
طلعت اميره:هلا احمد.
احمد:اهلين....وين ساره.
اميره:في دوره المياه.
احمد:طيب اذا طلعت قولي لها اتصلي على حمود.
اميره:طيب...ماتبغا تقول لي شي ثاني.
احمد:لا...ماعندي شي.
اميره بخيبة امل:اوكي..بااي
احمد:بايات.
مشى احمد وراح عند الشباب..
فيصل:هلا حمود.
احمد:هلا فيك.
فيصل:وينك طولت؟؟
احمد:ياخوي في وحده معجبه فيني واذتني..
فيصل:احد تنعجب فيه وحده ويتأذا.احمد:اهو حب من طرف واحد...وكل ماشافتني تتلزق فيني وتحاول تقرب نفسها مني وانا ماني بحابها ابد.
فيصل:لييه؟؟
احمد:ياخوي اهي مو من نوعي المفضل.
فيصل:وانت وشو نوعك المفضل ياحبيبي؟؟
احمد:انا احلم بوحده صفاتها مثل الغرب...حلوه ومنفتحه ماترمي نفسها على الشباب ويكون عندها نوع من العفاف ماتسمح لحد انو يتعرض لها..يعني تجمع بين صفات الغرب و الشرق..
فيصل:وانت من وين تبغا وحده كذه...من وين هذي تجي...اصلا لو تصر عليها راح تعنس ياحبيبي..
احمد:اااااااااااااااااااااااااااااااه....طيب الحين وش اسوي عشان ابعد هذي البنت عني؟؟؟
فيصل:طيب..منو هذي البنت؟؟
تتوقعون احمد راح يقول لفيصل عن اميره؟؟
وايش الخبر الي يبغي يقوله لساره ضروري؟؟؟
واميره راح تقول لسار هان اخوها يبغاها ولالا؟؟
وايش راح يصير لابطال قصتنا؟؟
انتضروا الجزء القادم..
مع تحياتي...