لاتغار منهم ياحبيبي انا اهوآك ...

[المشـــــــــــــتاق]

بسم الله الرحمن الرحيم
السلام عليكم ورحمة الله وبركاته

مساء / صباح => الحب والود والوئام
جديدي بعد أن عُدت للمنتدى أخيرًا وأستطعت الدخول !

وكتبتها وبالطبع لها مناسبة لعل من هي له أن تبلغه
وأن يعرف من هو بالنسبةِ لي ؟!

وأتمنى أن ترتقي إلى أذواقكم
وأن تنال على استحسانكم

زعلت مني يامنى الروح وش جآك=وضح ترى صمتك يبيّح كنيني
~ ~ ~
كاني عليك اخطيت افهمني ارجآك=وترى المشاعر شي ... لازم يبيّني
~ ~ ~
اتغار منه ياسود الرمش هذآك=وتعرف انه راحل(ن) مايبيني
~ ~ ~
مادام ذكره لاطرا لي تعدآك=لاتجيب ذكره وماضي(ن) من حنيني
~ ~ ~
لاتغار منهم ياحبيبي انا اهوآك=وحبك معَا غيرتك تزود يقيني
~ ~ ~
وانا وربي حيل احبك وابغآك=وقافي شهيد(ن) وخط حرفه يميني
~ ~ ~
تعال خذني لك وعطني يمنآك=ابغفى على صدرك واببكي سنيني
~ ~ ~
افرح انا لاشفت زولك وممشآك=واقول خلي جا واعطر يديني
~ ~ ~
يفداك عمري ياحمر الخد يفدآك=وابوس خده حيل واسد عيني
~ ~ ~
واقول اسم الله حبيبي يامحلآك=واضم صدره لي ... ابغى يدفيني
~ ~ ~
سبحان من صور جمالك وسوآك=ياغلى ملاك(ن) بعيش جنبه ويحميني
~ ~ ~
لاتروح عني وحياتي انا حذآك=مارضى انا غيرك احد(ن) يهديّني
~ ~ ~
مابه ابد شي(ن) بدنياي يسوآك=ولاشي يسوى غير حبك يهنيني
~ ~ ~
ارجوك لايطول غيابك ومسرآك=سافر وروح بس عود تبيني
~ ~ ~
بتلقاني انتظرك وحيد(ن) بليآك=ضايع ودمعي واصل(ن) لي جبيني

ملاحظةٌ بسيطة :
كلمة حـذآك في البيت الثاني عشر
أعني بها بجآنبك أو معآك
أي بجانب من أقصِدُ أو معه

::: وســـلامــتــكـم :::

أرق التحايا
المشـــــــــــــتاق

[واحدة من الناس]

احسنت

ابدعت

وبجميل الكلمات

لمشاعرك


صورت

[(( لـما))]

,,

شاعرنا/ المشتاق

الف صح لسانك والف يسلم همسك العذب

قصيدة رائعة بشاعرية تنير افق الجمال

ابدعت

دام لنا عبق حروفك

ودمت بود

,,

[إحساسي جليد]

بتلقاني انتظـرك وحيـد(ن) بليـآك
ضايع ودمعي واصل(ن) لي جبينـي

المشتــاق ..
وعليكمـ السلامـ والرحمهـ ..
صباحكـ اسعد ياغلا ..
كانت حروفك هنا , تنبض بروعة ذائقتك ..
مبهر انت في كل احوالك ..
دعني فقط اواصل الانبهار بصمت , ينصف روعة ابداعك ..
لك ودي واحترامي ..

اختكـ : إحساسي جليــد ,,

[صعوط المجانين]

زعلت مني يامنى الروح وش جـآك=وضح ترى صمتـك يبيّـح كنينـي
المحترم / المشتاق
صح لسانكـ وبيض الله وجهكـ
قصيدة جزلة من راس جزل
مبدع كالعادة الله يحفظك
لكـ كل التقدير والاحترام
بانتظار جديدك القادم
اخوكـ / صعووووط المجانين