المنتديات
المنتديات
| روابط إعلانية |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
| | أدوات الموضوع |
22-04-06, 11:37 PM
| #1 |
| |[ عـضـو جـديـد ]|  الدولة:  روابط إعلانية |  صالون ( غازي للحلاقة ) :110103_potiraet2_pr :110103_potiraet2_pr :110103_potiraet2_pr كنت اقرأ الجريدة موضوع يتكلم عن تخريج دفعة من شباب الوطن في مهن وحرف مستحيل يقبل بها واحدن نجدي مثلي !! <<<< نجدي متطرف ! طبعا الجريدة ذي مبطيه بس توني أذكر أعلق على الموضوع كان الموضوع يتكلم عن إحدى تلك المهن .. وينقل بالصورة حفل تخريج أول دفعة من الـ( حلاّقين ) السعوديين !! ومن هذا المنطلق بحاول انقل لكم صورة شاب نجدي يتوهق ويسوي نفسه عصامي ويدرس ويتخرج حلاّق !! *** الموضوع : أنا الشاب غازي ( وجه واحد مربي شنبه وله لحيةة ) << لا نتوهق مع بعض الناس ! شعاري في الدنيا .. أبي أصير عصامي .. عصامي .. عصامي .. وابني نفسي بنفسي ( بلكّه بلكّه .. طوبه طوبه .. بلاطه بلاطه ) <<< متحمّس الأخ ! وعشان كذا قررت أروح ( جدة ) وأخربها وأصير حلاّق ! (وجه واحد منحاش من الرياض ويقول :بلا عادات بلا تقاليد بلا هم !!!) وش فيها يعني .. إذا فركت خشة آدمي بمعجون حلاقة ثم حكّيت وجهه بالموس الين يصير وجهه كنّه بلاطة حمام !! او بريق غضار ! ذبحونا ذا المتخلفين .. لا تهين نفسك .. لا تشوه سمعتك !! بالله أي أزين أتسلف دراهم وأذب وجهي على اللي يسوى واللي ما يسوى ؟ وإلا أسرق .. أو أشتغل في حرام .. ؟!! وإلا أتعلم مهنة شريفة وأستر نفسي !! <<< احنا حيلتنا ايه غير الشرف !! ( وجه ناديه الجندي وهي طالعه من الحمام وما عليها إلا فوطه وسيقانها تخرخر ماء ) !! <<< الله من عزوبي يتمنى يجمع ذا الماء ويشربه تطبيقاً للمثل اللي يقول : إذا فاتتك اللحمة لا يفوتك المرق ! ... خذت ملفي ودخلت على مدير معهد المحطمين والطبقة الكادحة اللي مالهم في ذا الدنيا واسطة .. واللي حدتهم الظروف يصيرون حلاقين !! دخلت برجلي اليمين ورفعت الصوت .. سلام عليكم .. أنا شاب سليم معافى ويدي خفيفة وأبي أصير حلاق !! ( وجه مغسوول بمرق ) !! قال المدير : ما شاء الله شكلك متمحس وصادق في نيتك !! تفضل .. هذا نموذج خاص بالتقديم .. ولا تنسى صور شمسيه وشهادة صحية انك سليم من الأمراض المعديه ( خاصة انفلونزا الطيور ) << ماحنّاب ناقصين باتسر يطلع لنا زبون حالق لحيته ونابتن له بدلها عرف ديك ! ^ ^ الحقيقة كلامه مقنع ! ( أهم شي في الحلاق النظافه .. والا خفة اليد تجي مع الوقت ) !! خذت النموذج ورحت للاستديو وصورت أحلى صورة ( صورة واحد حاطن يده على خده ولابس جاكيت كروهات ) << عليهم من الله ما يستحقون مصورين الشميسي ! وعقب التصوير رحت للمستشفى ودخلت على الدكتور وكشف علي وقال : أبشرك ما فيك أمراض معديه ونتائج تحليلك سليم وما عندك مشكلة ابد !! دخلت المعهد ودرست فن الحلاقة وكلي أمل إني أصير أحسن حلاّق سعودي في العالم .. ( وجه واحد مشخص بـ" بالطو أبيض " ومسوي زحمة ) وكان المعهد راقي ويضم عدّة تخصصات ( حلاقة شعر رأس .. حلاقة وجه .. حلاقة شعر ظهر "خاص بالخرفان من شباب الوطن العربي" باستخدام تقنية "عسيب نخله وكبريت" .. حلاقة شعر الإبط باستخدام تقنية الليزر وموية البطارية .. حلاقة منطقة أسفل البطن باستخدام تقنية الحلاوة ... حلاقة منطقة "روضة الخفس" باستخدام تقنية ملاقيط نانسي عجرم ) << التخصص الأخير وصلت المناهج بس ما بعد تم تطبيقه ! طبعن تخصصت في فن حلاقة الرأس بالمكينة وحلاقة " القزع " بطريقة مبتكرة ( وجه يقول وش ذا الابتكار أنت و خشتك .. ما يبي لها شي .. خل الطاقية على رأس الخال وأحلق الباقي موس ) ورغم ان التجارب كانت تتم على روس خوال من تكارنة جدة .. الا اني قدرت أثبت وجودي وأبدع في مجال حلاقة ( الموس ) << مستعد أخلي رأس الزبون كنّه غضارة متسفيه !! << ( يعني غضارة آب سايد داون )!! كنت مخطط على سوق رمضان والحج عشان تضرب معي نسبه فوق كل عشر دقايق ( على طاري الحلاقة والحج والعمره ... ما فيكم أحد سأل نفسه ؟؟ وين تروح شعووووور ذا الناس ؟؟ ) << وجه حضرمي يفكر يستغلها في مصنع بيوت شعر ! كانت الدراسة في المعهد ممتعه جداً .. أول أسبوع خذونا لمسلخ الغنم نحسحس رووس عشان نتعود على الراس والشعر .. وعشان تموت قلوبنا ولا نخاف من مشاعر غضب الزبون لو جرحنا رأسه أو قطعنا أذنه !! وثاني أسبوع .. خذونا للملاهي ( وجه مشرف معهد يحسبنا بزران ويبي يوسّع صدورنا ) !! وثالث أسبوع .. بدينا نطبّق تمارين حلاقة رأس باستخدام المكينة على أطفال مالهم أهل ( الله العالم إن المعهد متقاطع مع جمعية خيرية لرعاية الأيتام ) << صدقو الشيّاب يوم قالو : يتعلّم الحلاقة في رووس الأيتام ! (وجه واحد بيطّلع اشاعه بالقوة ) !! وبعد أربعة شهور من التدريب على روس ذا الأيتام .. وبعد ما تأكدو المدربين ان ذا اليتمان قضو .. اختبرونا على رأس معسل ! <<< معليش صكني راسي وضيعّت السالفة ! كان الاختبار صعب مرررررره .. كانو يبونا نحلق رأس "خال" بمكينة عاديه ونستخدم موس واحد فقط بدون ما ينكسر .. واذا قضينا من حلاقة رأس الخال .. نحدّد شنبه ( حلها عاد وشلون تشوف حد الشعر من الخشة ) << هذا غير المجهود العضلي وانت تقلّب براطم ذا الخال عشان تشوف الشنب ! ^ ^ دعوة للعنصرية البغيضة .. تحت شعار حرية التعبير عن الرأي ( وجه دنماركي يحلب بقره ويقول أهم شي ما جبنا طاري السااامّيه )! نجحنا في الاختبار .. يوم طلعت النتيجة وأصير من المتفوقين ( وجه واحد كان يغش في الاختبار باستخدام تقنية البودرة وفرشة الأسنان لتسهيل عملية الوصول الي حد شنب الخال ) << دنماركي مخربها ! كانت مفاجأة معهد الحلاقين .. خاصة للناجحين بتفوّق ..! << شكل مدير معهدنا متابع لبرنامج ستار آكادمي .. أو انه يقرب لوجه العنز " مدام رولا " !! كانت المفاجأة .. ( بعثة لمدينة فن الحلاقة والعناية بالبشرة في ايطاليا .. وبعثة ثانية لمدينة فن المكياج والموضة في فرنسا ) ! طبعن كنت أنا من المتفوقين .. واخترت البعثة لـ( ايطاليا ) عشان أشوف وش سر بشرة اللاعب الإيطالي ( توتي ) ؟! ( وجه يقول عسى له أخت )! وصلنا لـ( ايطاليا ) وتفاجئنا إن محلات العناية بالبشرة عندهم .. أكثر من محلات أبو ريالين عندنا ! ( وجه مستغرب .. ويقول اللي يشوف كثر محلاتهم يقول إنهم عايشين في هبايب نجد وسمومها ) ! ومع مطلع شمس أول يوم في ايطاليا .. رحنا لصالون ضمن برنامج التدريب والتعاون المشترك بين "منظمة حقوق المشق في الشرق الأوسط" .. وبين .. "منظمة التجارة العالمية لصناعه الفازلين والدهونات المختلفة الأنواع" ( اللي نشك أن العالم ما أخترعوها إلا عشان جلودنا ذا اللي تسنّها قشر بصل)! كان معظم الزبائن في المحل من منطقة الخليج .. وكانوا في هيئة تقشعّر منها الجلود (وجه مرتاع) ! تخيلوا معي وحده من منطقة الخليج (دغما) << يعني حنطية البشرة وتميل إلي السمااار ..! وصابغتن شعرها أشقر ؟!! ولابسة عدسات زرق ( طالع وجها تسنّه علم فرنسا ثلاث ألوان ) !! << سؤال ذا الموضوع ما هي ألوان علم فرنسا ؟ ولماذا اختارت فرنسا الديك شعاراً لها ؟؟ وهل تسمح ألمانيا لـ"فرنسا" بالمشاركة في كأس العالم بالرغم من وجود "الديك" في علمها ؟؟! ( وجه مراسل في قناة العربية مسوي فيها إثارة طرّاه أنفلونزا الطيور )! طبعاً وكما هي عادة حريمنا في الخارج .. ذا البقرة فضحت عمرها .. وإلا وش بيدرينا إنها خليجية ؟ ( وجه يقول ساترن الله عليهن مهوب مثلنا انحن يالرجال .. كل واحد في علباه أثر كويه وعلامة جودة )! أول ما دخلنا وسمعتنا نحتسي عربي .. قالت : يا خزياااه رجال .. وتغطت بطرف فستانها ؟! << ركزّت على الهجوم ونست الدفاع .. وصار المرمى مكشوف ! جحدنها ولم نلقى لها بال ..!! ( وجه واحد يقول أصلاً الأفلام اللي فيها لقطات زي كذا تشتغل على نظام ان تي سي ) !! شرحوا لنا المختصين في المحل .. كيف تتم العناية بالبشرة وكيف إن معظم خضار سوق عتيقة الإيطالية تروح على خشش الناس و إنهم يقضون معظم أوقاتهم في العناية بخششهم لدرجة إن واحدهم يوحي جرس الكنيسة يرّن ويرّن ويصلون الناس وهو مقابل المرايه يفرك في خشته ( وجه راهب متشدّد وضايق صدره .. ويقول : شكلي بطلّع فتوى وأكفرهم )!! << راهب مستجد وناوي يجحد "البابا" ..! بعد عودتي لأرض الوطن .. فتحت محل حلاقة .. وتفاجأت إن الزبائن ما يبون يحلقون عندي .. يقولون أنت تروّع ونستاحش منك إذا قمت تفرك خششنا ؟! قمت وسويت مثل غيري من السعوديين اللي دخلوا في منافسة مع العمال الأجانب ... وكتبت على محل الحلاقة ( صالون تركي .. ) وصرت تسنّي أطرم ما افتح فمي بكلمة .. وصبغت شعري أشقر ولبست عدسات زرق ( وجه يقول الله لا يعاقبنا ترى الطنازة شينه .. صار وجهي كنّه علم البرتغال )<< طرّاه ذيك الخليجية اللي تطنزت عليها ! وهكذا .. انتهى مستقبلي كمواطن وأصبحت بقدرة قادر أجنبي رغماً عني ؟! لا صديق ..! لا قريب .. ! لا أمل في زواج ( من بيزوّج واحد وجه تسنّه علم البرتغال ؟! ) ! ومن هي اللي بتقبل بواحد كل النهار وهو يلمّس وجيه خلق الله .. ؟! ومن هو الأب العصري .. اللي ممكن يجرؤ ويبادر بتحقيق أول خطوة في طريق نقل الأفكار العصرية من مجال التنظير .. إلي مجال التطبيق ؟! من لديه الاستعداد .. أن يكون ضحية لــ ( أعين الناس ) التي لا ترحم .. وألسنتهم التي تنهش في الناس لمجرد التسلية وتقطيع الوقت .؟! انتهى ..! :21: :21: :21: :21: :21: :21: |
|
|
23-04-06, 12:11 AM
| #2 |
| عضو موقوف من الاداره الدولة: | [frame="2 80"] قمت وسويت مثل غيري من السعوديين اللي دخلوا في منافسة مع العمال الأجانب ... وكتبت على محل الحلاقة ( صالون تركي .. ) وصرت تسنّي أطرم ما افتح فمي بكلمة .. وصبغت شعري أشقر ولبست عدسات زرق ( وجه يقول الله لا يعاقبنا ترى الطنازة شينه .. صار وجهي كنّه علم البرتغال )<< طرّاه ذيك الخليجية اللي تطنزت عليها ! هههههههههههههههههههههههههههههههههههههههههههه [grade="00008B FF6347 008000 4B0082"]اخــــــــــوي ابــــــوسعـــــيد[/grade] يسلــــــمو وننننننننننتضر جديك تقبل تحياتي[/frame] |
|
|
|
23-04-06, 12:20 AM
| #3 |
| |[ عـضـو مــاسـي ]| الدولة: | هههههههههههههههههههههههههههههههههههههههههههههههههه هههههه الرجـــال يدور المعيشــه خخخخخ مشكــور اخــوي ابو سعيــد بنتظــار جــديدك |
|
|
|
23-04-06, 01:39 AM
| #4 |
| |[ عـضـو نـشـيـط ]| الدولة: | ههههههههههههههههههههه تسلم يلغالي على الموضوع :) |
|
|
|
23-04-06, 11:09 PM
| #5 |
| |[ عـضـو مـتـألـق ]|  الدولة: | مشكور على الموضوع الحلو |
|
|
|
| الإشارات المرجعية |
| أدوات الموضوع | |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| إعلان جيليت للحلاقة | عنوان الوفاء | نكت × نكت ضحك | 32 | 07-09-10 06:25 AM |
| طريقة غريبة للحلاقة؟؟؟ | ولد مدلل وحنون | صور غريبة - صور نادرة | 17 | 31-07-10 11:23 PM |
| الى كل عاصي | خذ العلوم | اناشيد اسلاميه و صوتيات و فلاشات | 16 | 09-08-09 11:28 PM |
| نصيحة طبية للحلاقة لشباب المنتدئ.. | ≈ لاأحـساسـيے روايـــــﮧ ● « | طب و صحة | 15 | 25-04-09 12:08 AM |
