الحرف ملكي وللقوافي هوى لي

[النــــايــف]

بعاكس التاير مع شدة الريح=
لو الهواءقبله وموجه شمالي
حنكة قلم يااهل البكار المصاليح=
تلاد ماشريت ترا بالريالي
العلم بين مايبى العلم توضيح=
والحرف ملكي وللقوافي هوى لي
ماهمني لو ذمني جاهل يصيح=
على النقاماهي علوم(ن)هزالي
ياام العيون الناعسات المذابيح=
يابنت قرم(ن)يحتمون الثقالي
امش وتثيقل والردي خله يطيح=
واشرب من الجم القراح الزلا لي
خل الحمل لا هل الحمل وانته مريح=
ماللحمول يقال غير الجمالي
على النقاوالعزمابه مصاليح=
دام المهيل كيف عند الرجالي
يوم الردي لا هل الردى سده يبيح=
وعقارب الساعه توقت زوالي
واللي حفر حفره لمسلم بهايطيح=
هذاالمثل قدمي وبعدي يقالي
يانور شمع(ن)ضيعتها المصابيح=
اظلم عصر عنتر وزيد الهلا لي
اعقل واتكلهاعلى منبت الشيح=
ولاخاب من يزبن عزيز الجلا لي
ويامن جهلت العلم لك رد توضيح =
على النقاماهي علوم(ن)هزالي

[بدر الوفى]

صح السانك وبيض الله وجهك
والله على الظالم
اختك/بدرالوفى

[شـ ـ ـ ـاعر الانــثى]

امش وتثيقل والردي خلـه يطيـح
واشرب من الجم القراح الـزلا لـي
خل الحمل لا هل الحمل وانته مريح
ماللحمـول يقـال غيـر الجمـالـي



ولد حرب

انت شاعر

ولد شاعر

من ظهر شاعر


وقليل من هم مثلك يالذيب


وربي تستحق الاشادة والتقييم على هاي القصيده

لا هنت ..

[فيصل التيماوي]

بعاكس التايـر مـع شـدة الريـح =لـو الهواءقبلـه وموجـه شمـالـي
كم هو جميل هذا البيت في فكرته وبنائه
القصيدة في مجملها رائعة
لك تقديري ومودتي يابعد حيي
سلاااااااااااااااااام

[فيصل التيماوي]

بعاكس التيّار على ما أظن
سلاااااااااااام