ماعلى الناس شرهه دام حضي رمابي

[محمد مطلق الجربا]

ماعلى الناس شرهه دام حضي رمابي=هي تفيد الحسايف حين طيحت عتابه
حسرتي لو يعبر حرفها في كتابي=كان من شاف خطي عاش هم الكتابه
من زمان الطفوله لين زهرة شبابي=ساير اللهم طفله لين حطم شبابه
دايم اشكي فراغي فوق شم الروابي=ليت ذيك الروابي تسعف الي شكابه
ماعلى الحض سلطه اشتكي له مصابي=اكبر افعال قلبي صبر لوعة مصابه
طال ليلي وطول فكري الي سرابي=بين لوعات حاضر يشكي الي مضى به
لو عطاني زماني فرصة(ن) لنسحابي=ماتونا ضميري في قرار انسحابه
قم نديم المئاسي خط في ماجرابي=فوق بيض الصحايف لون الحبر غابه
ماتعديت لكن سو حضي عدابي=وش هي حيلة معنى سو حضه عدابه
حرب ذيك المشاعر طيحت بي ركابي=والله يعين ضامي طيحن به ركابه
مد لي الهم كاس(ن) فيه مر الشرابي=وارتشفته وانا الي مرغم(ن)في شرابه
دامه الحض ضدي كيف حيلة جنابي=ماعلى الناس شرهه حضه الي رمابه

ملاحضه(من يأخذ حرف من كل بيت بشكل تنازلي يعرف من هو الشاعر )





.

[النــــايــف]

صح لسانك وبيض الله وجهك على القصيده الجزله
لك كل الحب والا حترام

[شـ ـ ـ ـاعر الانــثى]

من بيكون غيرك يا محمد مطلق الجربا ..

ونعم والله

وصح لساانك يالذيب ..

[بدر الوفى]

الأخ محمد
صــح السـانك واعتــلا شــانك على قصيدة الزمن ومايرمينا به من ألام ولكني مؤمنه بأن الإنسان حين لايظلم لايخاف من الظلم@@@
أختك/بدرالوفى

[محمد مطلق الجربا]

النايف صح بدانك اخوي وجهك ابيض

دمت بكل خير

تحيتي لك