الرجم ( على النهج القديم )

[صعوط المجانين]

عديت فالرجم ببدع زين الامثالي = رجمٍ طويلٍ على الديرة يعلويني
في حزة اعصير قبل الليل يبدالي = رقيت انفس همومٍ ياعرب فيني
دنيا عجيبة بها حزنٍ وغربالي = حتيش لو عشت فرحة بضعة اسنيني
دنياك دايم تبدل حالٍ ابحالي = دوارةٍ مالها صك ومضاميني
لو ارتويت ابشرابٍ عذب وازلالي = تسقيك عقبه هماجٍ همج وتسقيني
دوام حال الفتى مايمكن امحالي = اشرب من الصافي قبل ايعكره الطيني
ولحدٍ بدنياه خالد دوم منزالي = والناس ياعبد ماهم دوم امقيميني
عمرك قصيرٍ ترا حتيش لو طالي = حتيش لو عشت ميه بعد خمسيني
دامك بوقت العمل في عصر الامهالي = اغنم حياتك بفعل الخير والزيني
وافعل فعولٍ تسرك يوم الاهوالي = يومٍ بهوله يشيّب عينك وعيني
ولسان حال الندم لو ينظم اقوالي = ان كان ردد قصيدة ابنلحسيني
ليس الغريبُ غريب اوطان يالغالي = غربتك لاصرت ملفوفٍ بتكفيني
لا واخساره ليا من قلن اعمالي = زادي قليلٍ واشوف الموت حاديني
وياناس متني تعب من كثر الاحمالي = ماعاد فيني صبر والهم طاويني
لا واهني الحمام ايغرد ايلالي = ما سامه الحزن وانا الحزن شاريني
لو ينتثرهمي وسط ابيار فالجالي= جفّت وصارت جفافٍ مابها ليني
وختامها بطلب اللي مرس الاجبالي = منشي طويقٍ ومنشي رجم ابانيني
رب السموات رب البيت يالوالي = ارحم دموع العباد اللي منيبيني
وارحمني لاصرت مدفونٍ وبلحالي = فالقبر محزون مامن شخص ايسليني
إليا اتركوني حبايب واورثوا مالي = مافيه غير العمل طالبك تنجيني
وصلوا على المصطفى مارش همالي = واعداد ما غرد القمري بتلحيني

اخوكم / صعوووووووووط المجانين

[النــــايــف]

صح لسانك وبيض الله وجهك
على القصيده الجزله لك كل الحب والا حترام وتقديرالخاص

[ولد الإمارات]

مشكووووووووووووور

[محمد السريّع]

صعوط المجانين

صح الله لسانك

رائع بكل حالاتك

و رائع قديمك و جديدك

احييك على هذا الحضور

لك كل التقدير

[بدر الوفى]

شاعرنا القدير صعوط المجانين
صــــح الســانك وبيـض الله وجهــك
كل الشكر والتقدير والاحتراف
تحياتي وتقديري واحترامي!!!
أختك/بدرالوفى