استاذنك بسافر ايام واجيك

[مجــــنووونكـ]

بسم الله الرحمن الرحيم
السلام عليكم ورحمه الله وبركاته
مساء خاص للغالين معطر بالجوري والكاااااااااااااادي والياسمين

استاذنك بسافر ايام واجيك
وان طالت ايام السفر لاتحاتي
حتى ولو طولت ماني مخليك
ياللي بدونك وش تسوى حياتي
تامر على حاجة؟؟باودعك واليك
عسى عوض الايام في المقبلاتي
حتى يدي ماودها تفارق يديك
ساكت وانا اشوف البلا في سكاتي
ماشفتني لارحت منك التفت فيك
بلاي والله روحتي والتفاتي
لكن قبل ما اروح ودي اوصيك
وانت الوحيد اللي يقدر وصاتي
لاحدا سالك وقالك وين مغليك
قله لولازم لاقضاها بياتي
وان طروا النسيان ماني بناسيك
ياراس مالي في الحياة وغناتي
وان طروا السلون ماني بساليك
طيفك معي حتى وانا في صلاتي
وقلبي وهو قلبي لامر طاريك
لولا ضلوعي كان عزوا مماتي
لو جض صدري كان يمديه ياتيك
ويبات عندك ويهنا بالمباتي
انا وقلبي والغلا ساكنن فيك
وانته وقلبك والغلا وسط ذاتي
غلاك مثل الحكم عند المماليك
اكبر طموحي... لا كل امنياتي
شف في غيابي اي حاجة تسليك
لاني بعدك اسلى مع ذكرياتي
احول اذكر اي شئ يطريك
واقول هوه سوى وانا ذي سواتي
كني موادع كل شئ حواليك
وكني حسبت حساب حزة وفاتي
احب لاني ماقدر انساك وابيك
ولا اقدر اخليك ياللي تحاتي
معنى احب.. وما اقدر انسى..واخليك
يعني بدونك ويش تسوى حياتي

[الملك الرومنسي]

كلمات حلوة


ذكرتنا بشاعر المليون ابن فطيس


بدايات جميلة من انسان مبدع

[الدماغ الغرامي]

مزيوووون .. يعطيك العااافية

[عز الشوق]

كلمات روعه واحساس اروع
اذا تسمح بقتبس هذي الابيات
ـــــــــــــــــ
ماشفتني لارحت منك التفت فيك
بلاي والله روحتي والتفاتي
لكن قبل ما اروح ودي اوصيك
وانت الوحيد اللي يقدر وصاتي
ــــــــــــ

تحياتي لك

[إحساسي جليد]

ماشفتني لارحت منك التفت فيك
بلاي والله روحتي والتفاتي


مجنوونكـ ..
وربي رووووعه وقمة الروووعه ..
فمان اللي يصبر اللي تودعه على فراقك ,,

لكـ ودي واحترامي ,,
اختكـ : إحساسي جليــد ,,