الحمايه من لسعات العقارب والاخطار البريه

[ماتطووولوني]

الحمايه من لسعات العقارب والاخطار البريه....
\\



1_ لسعة العقرب
بيطلعلي واحد فاهم ويقول نحط بنزين او زيت فرامل او مغناطيس او هلله او يجيني واحد

يقول نحط تمره او لستك او ياكل بصل ويخيسنا ... او ثوم ... خلو عنكم حركات الشعوذه وتتبعوا الخطوات ...


الملسوع نخليه مسدوح ولا يتحرك ربط المكان بخرقه او اي شي بس مو يمنع تدفق الدم .. يعني نضغط

عليه بقوة دقيقه وحده بس كل عش دقايق ونشيل الملسوع الى اقرب مستشفى ..

يجيني واحد يقول طيب اذا كان القرصه في الراس وش نسوي ... اقوله احرجتني يبو >> .... في هذي

الحاله نحط ثلج على مكان اللسعه ... عشان يثلج الدم ولا يتحرك من مكانه .... اما اذا كان ما فيه ثلج .... يودون للمستشفى بدون اسعافات اوليه ويلحق ولا ما يلحق ...

^^^^^^^^^^^^^^^^^^^^^^^^




2_ عظة الثعبان
ما تفرق عن لسعة العقرب ... اقصد من ناحية الاسعافات الاوليه بس فيه بعض النقاط الي لازم تعرفونها ..
عليكم بذبح الثعبان الي قرص خويكم .. عشان يطلعون منه المصل ... سبحان الله ...


^^^^^^^^^^^^^^^






3-ضربة الشمس

وشلون تعرف ان الي قدامك مصاب بضربة شمس ... فيه مجموعة من العوارض (وهي :

بيحمر وجه المصاب وجلده ... وبيرتفع عنده انبير الحراره ... وبيجه جفاف مصحوب بصداع شديد .... ويبدا

القلب يرقل بسرعه ... طيب وشلون نسعفه قبل ما نوديه للدكتور .. مني قايلكم

اول شي نوديه لمكان فيه ظل ونفكك ازاريره كانه بدوي ولابس ثوب ونشيل جزمته ونتم كرامه .... ونرش

عليه مويه ... ونبدا نهف عليه لين يحس بالبرد .... وذا كان المصاب ما اغمى عليه نعطيه مويه مع ملعقتين

ملح ... اما اذا كان مغمى عليه لا تعطونه شي ... لين يصحى ... وبعدين تعرفون وين تودونه ....



^^^^^^^^^^^^^^


والله يحمينا وياكم من هالدواب


ودمتم سالمين

[ليث الكثيري]

ماتطولوني



موضوع مفيد ومعلومات مفيده



ارجو ان يعم الفائده للجميع



تحياتي واحترامي



ودمت بتمام الصحه والعافيه

[عمود نور]

شكرا اخوي عالمعلومات القيمه
والاسلوب الظريف اللطيف

[أشرب ميرندا وأسافر هولندا]

مشكور اخوي على الموضوع

يعطيك العافيه

تحياتي

ميمو

[ماتطووولوني]

ليث الكثيري
سلمت يا الشيخ لمروك
اشرب ميرندا
الله يعافيك العفوو
نورتوا الصفحه بتواجدكم