سن الطفولة

[صعوط المجانين]

ياعين هلي دمعتس اليوم ياعين = وارثي حياةٍ ماضية ماتعودي
وقتٍ مضى عشت ابرياض وبساتين = ما شلت فيه الحمل فوق الزنودي
سن الطفولة يوم لعبي يسلين = طفلٍ صغيرٍ واهتني في رقودي
كنت احسب انّ اللعب دومٍ مخاوين = كنت احسب انّ الخير دومٍ يسودي
ماكنت احسب الليل ليّه يجافين= ماكنت احسب الوقت ليّه يلودي
طفلٍ مع اطفالٍ وباللعب لاهين = واقلوبنا بيضا ولاهيب سودي
ماهوب وقت اليوم ناس امتعادين = شانت وصارت حاسدٍ وامحسودي
تلونت بيض القلوب ابتلاوين = واصبح صفيّ القلب شخصٍ حقودي
وزين الطبايع ضاع مع جملة الشين = بدا التخلي عن مباد الجدودي
وصرنا نشيل الكرّه بالشر ساعين= قل الذي بالحب دومٍ يجودي
وصرنا نعيش ابغابتن فيها غادين = ضعنا مابين افهودها والقرودي
وصرنا نعيش ابلا عقولٍ مجانين = العقل ماينفع ولافيه فودي
لاصرت طيّب قلب قالوا مسيكين = ولاصرت عايف شر قالوا شرودي
ناس تبسّم لي ولاهي تدانين = تسعى بدّس السم وسط الكبودي
وقل الرفيق اللي بطيبه يماشين = ابن الكرام اللي وثيق العهودي
وصار الجفا والغدر بين المحبين = واللي وفا يلقى جزاته جحودي
انشهد ان الوضع هذا معنين = جنيت شوكن عقب قطف الورودي
شتان بين امسٍ وقبل امس والحين = والعمر ينقص ياعرب مايزودي
ليت الحياة ادور وترجعبي اسنين = ويصير همي لعبي ابلا حدودي
هذي بيوتن من صعوط المجانين = غنا بها يوم الخلايق رقودي

[النــــايــف]

صح لسانك

هذا النهج يدعو القارئ المتأمل

للمراهنه على الشاعر بالوصول السريع للإبداع

أو قد يقول أنت مبدع فعلاً

اخوي الغالي صعوط المجانين

لك التحيه والتقديرالخاص

[شـ ـ ـ ـاعر الانــثى]

شتان بين امسٍ وقبل امس والحين
والعمر ينقص ياعـرب مايـزودي
ياليتنـي يانـاس طفـلٍ لهاالحيـن
واكبر همومي لعبن ابـلا قيـودي
هذي بيوتن من صعوط المجانيـن
غنا بهـا يـوم الخلايـق رقـودي



الله الله يا ولد عتيبه الغالي


بيض الله وجهك

روعه روعه روعه


تحيتي

عدنوونـ

[محمد السريّع]

صح الله لسانك صعوط

رائع متى و أين ماتواجدت

لله درّك و درّقلمك الذهبي

لك كل التقدير

[(( لـما))]

,,

شاعرنا الرائع/ صعوط المجانين

الف مليون صح لسانك وعلا شانك

ويعطيك العافية على هالقصيدة الرائعة

ابدعت

دام لنا ابداع قلمك وحضورك الراقي

لك تقديري

,,