خذني بحضنك أبغفي

[لؤلؤة ^ الكويت]

صعب لامنك فشلت وصعب لامنك لقيت
ان من يكره نجاحك يدري انك مانجحت

أمس ضقت ورحت أقلب ذكرياتي وانتهيت
عندصورة طفل صوته مثل صوتي لاانجرحت

وش مثل لاوالله الاهذا أنا يوم ابتديت
أنطق حروف تلعثم في لساني لاانمدحت

هذا أنايوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت

وصاح صوت الطفل فيني انت من وين ارتميت
قلت أنا المستقبل اللي فيه كم همت وطمحت

أمس كنت أبيك تكبر بس والله لودريت
اني اللي عشت لجله مت عندك واسترحت

لودريت ان الزمان يجر رجلي ماعديت
ولودريت ان البحوربلامواني ماسبحت

كان دربك لي طويل وكل ماشفتك هويت
قلت لك كبوة جوادوماكبيت الا وجمحت

ليه تسمعني وتمشي؟؟..آآآآآه ليتك مامشيت
وآه ليتك من كثرعثرات الأيام انتصحت

ضاعت أحلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس أعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصارحلمي في وجودانسان يفرح لافرحت

كنت أشوف الناس مثلي كل ماجعت وضميت
مادريت ان الأوادم ناس فوق وناس تحت

آآآآه يااول ذكرياتي خذني بحضنك نسيت
لسألك عن وجه أبوي اللي معه ياماسرحت

وخذني بحضنك أبغفى ياااه مبطي ماغفيت
وان لمحت دموع عيني سونفسك مالمحت

خذني بحضنك وبعثر في جروحي وان قضيت
هزلي كتفي وقل لي(عيب تبكي لو سمحت)

اضحك وعلم زماني من أنامن وين جيت
طق باب الحزن واصرخ في لامني فتحت

وضمني يمك وكمل ضحكتك لامن بكيت
ودي أذكركيف كانت ضحكتي لامن فرحت










الشاعر : فهد المساعد ...

[إحساسي جليد]

كان حلمي في وجود انسان يبكي لابكيت
وصارحلمي في وجودانسان يفرح لافرحت

كاااااااااان ,, واللي كان لليوم ماقلنا صاار

سلمتي ع النقل اختي لؤلؤة ^ الكويت
كلك ذووووق ,,

اختكـ :إحساسي جليــد ..

[بنوتة كلها شموخ]

يسلموووووووو الغلا
فديتج والله شي راااااااااائع
تقبلي مروري
اختج
بنوتة كلها شموخ

[سيجاره]

يسلموووووووووووووووو.

[لؤلؤة ^ الكويت]

إحساسي جليد ..



حياج الله ..



يسلموو ع المروور ..