| | | ||
| | |||
| | | ||
إعلانات منتديات تعب قلبي
| ||||||
| ||||||
| |||||||
| الملاحظات |
 |
| | أدوات الموضوع | انواع عرض الموضوع |
|
#1
06-23-2008, 10:35 PM
| ||||
| ||||
 غلا روحي مجرد ذكريات قصه روعه لا تفوتكم [size="4"]سلام عليكم اتمنى تعجبكم مثل ماعجبتني غلا روحي مشاعل طالبه رابع جامعه(من الرياض) بنت مشكلتها في الحياة انها رومنسيه وحساسه جدا كانت تبحث طول عمرها عن حب لأنهاكانت تعيش في أسره متفككه كان لها أخوين سعد متزوج وعبدالله بخامسه ابتدائي واخت (نوره) تحبها موت تشوف الدنيا ولااااشي دونها بس دايم مختلفين وامها كانت تفضل نوره عليها ودايم توقف بصفها لما يتخانقون وكان يوجعها كل الي تمر فيه خاصة ابوها الي مايدري عنهم وكانت دائما ترسم بخيالها كيف راح تعيش حياتها مع شخص تحبه وكيف لماتنجب عيالها تعلمهم انهم يحبون بعض_1 نوره : مشاعلوه طفي النور ذبحتينا مهي حاله كل ليله هواش على النور ماتعرفين تقرين خرابيطك ألا باليل يالخفاش مشاعل : انا خفاش الي يسمعك مايقول نص بنات الكليه معجبات اصلا ياكثر ماينادوني نسرين طافش وبعدين مااسمحلك تقولين عن رواياتي خرابيط هذا ادب يابيكاسو_(نوره أختها قسم رسم مابينهم الاسنه) الاصدق يانوره انتي داخله رسم يعني فن وإحساس وحب طيب ليه ماتحبين!؟ نوره : مشاعلوه على تبن بلا حب بلا خرابيط فاضيه وتراي بنام وراي دوام يانسرين خخخ والله انهم مطيرينك بالعجه يامخفه مشاعل : وربي انا احلى منها عاد من زينها وبعدين فتحي عيونك نص أثاث الغرفه هدايا البنات لو ماعاجبتهم وماتوعلي بصدق ماتكلفو_ (نوره الي كانت اصغر وأكثرحزم وجديه من مشاعل)تقوم على حيلها وترفع خصلاتها المنثوره على وجهها نوره : مشاعل بجد انتي ماتستحين عمرك ثلاث وعشرين وتتكلمين بسخافة مراهقات ياربي متى تفهمون ان الحب اسمى من اننا نتلفظ فيه على مشاعر تافه مشاعل: اي مشاعر تافه تقصدين مشاعر بنت لبنت صدقيني الحب مايعرف جنس او عمر حتى لو كان عمري خمسين الحب حاله يعيشها انسان يتنفسها من وجود الي يحبه الحب مايملك الأنسان خيار فيه لمين يوجهه اومتى وكيف ينهيه! نوره: طيب حتى لوكان الي تحبها بنت مشاعل : حتى لوكانت بنت الحب ياختي إحساس يمر بالشخص دون إختيار لجنس اوشكل اولون اوحتى عمر ولا وش تفسرين حب البنات لبعضهم اوحب أخوك لساره وهي أكبر منه بخمس سنين! نوره : اووه لاتغثيني بسيرة ساره ثانيا هذا رجل وحرمته إيه يصير يحبها لأنه لقى فيها شي يوافق هواه اوكملت فيه نقص كان يحسه مع اني أشك!مشاعر الرجل لحرمته شي اكبر من الحب، بس تبين أختصرلك ليه اناماحبيت؟! انأقولك احنا نسمع أغاني تدخلنا حالة جنون ورومنسيه مثل والله واحشني موت والاماكن تعال وما بقالي يوم وغيرها لا ونشوف افلام هنديه ونبكي كل اليل عليها والصبح يبقى الأثر النفسي للحاله الي كنا فيها البارح ، فنبحث عن شي نفرغ عواطفنا فيه يعني حالة إمتلاء لي احاسيس ونبي إناء نصبه فيه ، وعني حبيت افرغ انفعلاتي بالرسم مو بحب شخص صدقيني لو وضفنا أنفعالاتنا بكتابه اورسم بيطلعون بناتنا أحسن اديبات وفنانات يعني المسأله تعطش للحب ومحاولة إختلاقه لان الحب الحقيقي صعب وجوده_ ولايمكن يكون بالوهم اوالكذب يعني هو موجود لكن موالي بخيالك مشاعل: نوره ابدا ما اقنعتيني لأن الأنسان يحس بدون الحب بعطش روحي ويظل طول عمره متعطش يعيشه_هنا أخذت تردد مشاعل هالكلمه عطش عطش وتتذكر ياكثر مارددتها ياكثر ما احتاجت تعيش حب بعد حبها الاول عادل ولد خالتها حبته بصدق من سادس إبتدائي وياكثر ماكانت تشتاق له وترسم له قلوب وهي بالمتوسط وياكثر ماكان يموت فيها وهم بالثانوي كان يدور اي شي تحبه ويجيبه لها كان كل همه يشري رضاها وكان يسأل أخته حنان عن اي شي يخصها وعاشو لحظات حلوه ومغامرات رائعه لكن مشاعل بنت محافظه وبنفس الوقت خوافه وعلشان كذا انهت علاقتها فيه من يوم كفش أخوها رساله من عادل لها لقاها بدرجها وكان عصبي فما قدر يتفهم مراهقتها وضربها وهددها لوعرف انها تراسله اوتكلمه انه بيذبحهم اثنينهم ،، فقطعت علاقتها فيه وكانت ظروف سفر عادل مع اهله للحفر هي الي ساعدتها على نسيانه من اربع سنوات ومن تركته وهي متعطشه للحب لكن كان فيه سبب قوي خلى عادل يبعد ومايسأل حنان عن سبب صدها وبعدها عنه وتقبل طلبها انه ماعاد يقابلها اويرسلها سبب خلاه ينسحب! ومشاعل لليوم ماتدري شي عن ذاك السبب!؟ وأخذت تتذكركيف كانت تجلس معه بصمت وكيف كان يطالعها بصمت وكيف كان أحيان يرسل أخته الي تعرف علاقتهم تناديها له بالحوش ولما تطلعله وخدودها متورده خجل ماكان يقولها شي بس يناظرون بعض دقايق ويفترقون والكل يحس انه قال كل الي عنده بدون صوت! _ ضحكت مشاعل بصوت ماسمعته نوره الي رجعت تنام بس مشاعل سرحانه مانتبهت انها نامت وقالت: تدرين طرى علي عادل تصدقين للحين احبه صح مرت سنين مالتقينا خاصة انه سافر للحفر بس ليه طرى علي من قلتي عطش فعلا من راح وأنا احس بعطش.. وقامت تفتح درجها وتطلع منه علبه صغيره جمعت فيها أوراقها القديمه وتجرافها الملون وجلست تقرا رسايلهم وهي تضحك كانت تطلب منه يرد دايم بنفس الورقه الي تكتبها واحتفضت فيهم كااجمل ذكرى. وهي تقرا وقفت عند صفحه كان عادل كاتب فيها حبيبتي وغلا روحي اتمنى لك السعاده ومستقبل مشرق كانت كل رسايله تبدأ بغلا روحي ( كل عام وانتي حبيبتي كل عيد ياغلا روحي بقولهالك) انسدحت على سريرها وجلست تغني للحين احبها ولاني قادر انساها..ياترى ياعدول للحين تحبني وتذكر طفولتنا.(ياصاحبي في خاطري أسألك شي؟ شي معكر كل صافي حياتي!ان كنت انامدري بغلاتي واناحي..وش مكسبي كانك حزنت بوفاتي!!) عني أعترف مانسيت حبك لكن تناسيته وللحين اتذكر ايامنا الحلوه... بعدفتره___2_ نوره: وأخيرا خلصنا امتحانات ياالله يمه وين نروح بالعطله الام كالعاده بنفس شينه وين نروح بالبيت طبعا انتي شايفه أحد يوصل ولا يجيب ولاتبينا نروح مع سومياتي . مشاعل: عادي يمه نروح معه وعبود بسم الله عليه رجل يصير محرم او ندق على ابوي ماراح يمانع حتى لو مايجلس معنا ويرجع لحرمته إذا مايقدر يفارقها ،،نوره تقرص يد مشاعل وتقولها:وجع حسني الفاظك _مشاعل:وانا وش قلت وكالعاده صراخ وهواشهم استمر لحد مارن التلفون وراحت البنتين يتهاوشون من يرد اول وكان من نصيب نوره الو اهلين خالتي مريم(ام عادل) هلاوالله وينك ماعاد سمعنا صوتك هذي امي،، الام بعد ماكلمتها__ خالتكم عازمتنا بشاليهات الخليج بالشرقيه وش رايكم تتوقعون يابنات شايبكم يوافق. مشاعل وهي طايره من الفرح : يمه ابوي خليه علي__مشاعل تتصل بابوها وابوها وافق يرحون بس رفض يوصلهم _ الاب من تزوج المغربيه وعلاقته مقطوعه فيهم_. نوره : مشاعل دقي على ساره مرت سعد أقنعيها تروح ونروح معهم_ الام : والله إذا سعد مو مودينا الابساره لايودينا_وبعدمجادلات وداهم سعد__ وبالطريق مشاعل مالها هم الاعادل كيف صار وللحين يذكرها ويحبها ولا الزمان انساه !وصلو الشاليه نزلو عفشهم الأم : يابنات بنرتاح ساعه ونروح شاليه خالتكن زين.مشاعل : إن شاء الله يمه نوره: اناعني بنام واجيكم متى ماصحيت. مشاعل تفتح شنطتها وش رايك وش البس ذا ولاذا _نوره:الي يعجبك مشاعلوه بس لاتصجيني(نوره ماتدري شي عن العلاقه مشاعل ماتثق فيها لليوم كل شي تقوله لأمها مجربتها بمواقف كثير) . جاء وقت المغرب استعدو ومشاعل كانت قدام المرايه ترتب شعرها بس معبسه وشكلها متضايقه مره من شعرها- مشاعل : نوره ليتني ماقصيت شعري بوي شكلي غلط باللبس مو لايق . (نوره كان شعرها لخصرها مدرج بس حلو مره) نوره : لا توك تصحين قلتلك البوي قصة مهبل الحين علميني من بيخطبك وانتي محلقه قالتها وهي تضحك بس مشاعل جد ضايقها الكلام نوره لاحظت ضيقتها وقالت :شكلك يجنن بالسبور البسي البلوزه البيضا والبرمود الجنز،. مشاعل جلست تطالع نوره وبنفسهاتكلمهاعن لهفتها بشوفته بس خافت تلقي عليها محاضره عن الحب قالت مراح أصارحها انا مو ناقصه فضايح ولاتريقه_ في شاليه الخاله هلا والله بالمزيونات وش ذايا مشاعل الله يهديك متى قصيتي_ودارت تعليقات على قصتها،، ومشاعل مو معهم نظرها للباب تبي تعرف هو جاي معهم ولالا.وهم جالسين الاتسمع صوت اح ح ياولد ادخل؟،.ادخل ياعادل سلم على خالتك دخل وكان شايل معه ولد صغير حطه وشالته الخاله مريم وتبوس فيه هلا والله بالغلا صدق مااغلى من الولد الا ولد الولد شهقت مشاعل وعظت شفايفهامتى اعرس وكيف ومتى جاه ولد كلها اربع سنوات وليه ماعلمونا وحست قلبهايرجف لحد ما وعت على قبصات نوره ردي الادمي يسلم رفعت راسهاوهي ماسكه طرف الشيله والله بخيركيفك انت_وبنفسها تقول (هلابك حسي المرهف اكيد اليوم ناسيني هلابك ياعذاب الصمت عنيد البوح والكتمان اناسالي قبل اشوفك الاليتك تسليني حرام البعد يجرحنا ويعذب خافقي الولهان نعم جيت بوفا ناديت ياليت انك تناديني الاياصبري اليائس بقيت وصرت اناالعطشان؛*..طلع عادل وفي خياله كان يحاول يتذكر بقايا ملامحها الي ضيعها النسيان(كيف وصفك ودي اتذكر نسيت!! نعمه النسيان يوم انه خذاك!)طبعا عادك تعب كثيرلحد ماوصل هالمرحله خلته ينسى ملامحها مو بس جرحها*؛.مشاعل للحين مصدومه وتطالع بالطفل وتنتبه على سؤال امها: اجل وين حنان هنا مشاعل صحت من صدمتها وشهقت أأه حنان هذا ولدحنان وجلست تضحك بغباء وهم يطالعونها بسم الله وش جاك ايه ولد حنان بنت خالتك__ في شاليهم مشاعل مو موسعتها الأرض من الفرحه وجلست تكتب بمذكراتها (اليوم رأيتك وحملتني عيناك لدنيا لاوجودبها لألم اودموع لعالم لايوجد به سوىالطيور والأشجار وشهاليل ماء لايظمئني بعدك اليوم تجددت ذكرياتي وصحت من غفوتها احلامي وحلمي ان تعودلي__ (ياللي تقول البال ماعاد يطريك البال بالك وانت حضرة قمرها ساعة لمحتك صوت قلبي يناديك والروح فزتلك وجابت خبرها بكل الغلايامعذب القلب مغليك تسهرعيوني وانت سبة سهرها)؛ وجلست تفكرالحين منت داري عنا ياسعد بس المهم أتأكد من إحساس عادل وبعدهامايهم برجعله لوكلفتني المحبه حياتي_ الام تنادي : بنات انزلو يالله عندي لكن مفاجأه يركضون البنات وفجئه صرخت مشاعل من الفرح خالي علي هلا والله كان صديقها حبوب متفهم قريب مره من شعول تحبه يمكن لأنه كان يقارب عمرها وأهم شي انه كان صديق عدول الله ياخال توها ماتحلى(قالتهاشعول وهي تحس بأماني كثيره انهاراح تتحقق على يد علي اولها انهاتتأكد من مشاعر عادل اتجاهها وثانيها وجوده يخلي عادل يجلس معهم)_ علي يالله بكره ترى طالعين بنسوي سباق دبابات وش رايكم اكيد إيه__على الساحل والقمر امضويه المكان كانو جالسين مشاعل تطالع عادل بالبدله ياااه مره وسيم وطالع جسمه روعه ركبو دباباتهم وهات صراخ وضحك والجو باليل هواه بارد بس روعه ومشاعل كل شوي تلتفت على عدول وكانت متلثمه لكن لاحظت انه يلعب مع حنان أخته وعلي وموحاس بوجودها_همست (حبيبي دفني واليل ضافي ذبحني البرد وانفاسك لحافي حبيبي ضم في صدرك كفوفي حبيبي لوصقيع البرد دافي بغيتك برد وتعري كتوفي ابيك تسكن الرعشه بجوفي وابنسى في دفى قربك هنابدأت مشاعل تخطط للفت إنتباهه وكل همها تلقى جواب يذكر و لامايذكر يحبها ولانساها_ أول شي أقنعت امها انهم ياخذون شاليه واحد بما ان علي معهم راح يكون عادي يجلسون مع بعض_وهذا الي صار انتقلولهم وكانت ليالي حالمه ومن اروع مايكون لما يجلسون على الشاطي والموج يداعب سمعهم وهم حول النار يتسامرون وكانت شعول تضحك مع علي وتعلق على نوره وحنان وقالبه المكان تهريج تبيه يمون ويكسرالحاجز.عدول مازال خجول وقليل مايتكلم ولمايحكي مايوجه كلامه مباشره للبنات اومايطالع عيونهم...(يجلسون متلثمين) وكان يتذكر ايام مشاعل اكيد لأنه اول مره يشوفها بعد ماتفارقو وهو حاس بمحاولاتها لفت إنتباهه لكن بخاطره يقول (تسئل ترى ماعادلي فيك مصلوح أتركني أخذ راحتي من سواياك اول حرمت القلب من شي مسموح واليوم جيت تشوف حالي بلياك وين انت يوم ان الوفالك ويهواك معك توسدت الوهم وين ماروح لاعطف يشفع لي ولاالقلب كفاك يكفي عطيتك عهدللسدمابوح وكلي شقامنك على عكس ماجاك ابعد ترى ماعاد بي هم وجروح ودعتهايوم اعلن القلب فرقاك لالاتعيدالسالفه يكفي النوح)؛*_اماهي كل ماطالعته بنفسهاتقول(يامن يراعيني بعينه واراعيه أغض عنه الطرف والناس حوله اقعدبوسط الناس مقدرأحاكيه أخاف توضح لهفتي في كلامي) وهالمره مادار بينهم حكي لكن بعدايومين.طلعوالساحل جالسين حول النار وعادل سرحان حرارتها راسمه على وجناته إحمرار جذاب وعلي يسولف مع عبودوحنان امانوره ماسكه دفتروترسم بالرصاص ومشاعل حاطه سماعات وتسمع_مدري إلى اليوم ولاالزمان أنساه مدري إلى اليوم يوله على مغناي ولاانتهى حبي..تنهدت وطالعت فيه وداخلهاحكي عيت ظروفهالايسمعه أقرب الناس والي مايفصلهاعنه الاشعلة حطب اه ليتك تسمع خافقي الي يناديك ليت نبضي له صوت ويوصلك التفت لي شوي محتاج لدقايق ودي انسابك ردى الحظ وعجاجه ياعادل ياقرب المسافه بيننا وياطولهابقلبونا احس لوتقرب شوي تسمع اسمك يتردد بنبضي ثم دندت بصوت ينسمع(تدفى على جال ضوه بارد عضامي)قالتها بصوت عالي انتبه عدول قال: جالسه تسمعين محمدعبده قالت لا بس طرى علي البيت همس بداخله(لوالثمن عمري ولذةمنامي مارجع لحب غير الوقت مبداه حب بدا ثم انتهى في ظلامي ماعانقه نورالنهاروتنشاه_عهدعلي اني لاتمم كلامي واصد قلبي عن طواريه وانهاه ولزحف لوماشال جسمي عضامي عن موقعه وادفع عن الريق مجراه)طالعها وبعينه سؤال تعب سنين يدور له جواب (ولا ادري ليه خنتيني وبعتيني بعد ماقلبي تعلق فيك- اه ياشعول كم مضى من ليل علشان انسى جرحك؟؟) التقت عيونهم لحظه وقرت بعينه غموض مره تقول انه وله ومره عتب ومرات تعب! ياربي كيف تبدأ وهي الي انهت كيف تجبر الي كسرته؟طالعت فيه يااااه ياعيونه دنيا انولدت فيهاوصعب اموت بغير أرضها الحين عرفت اني مانسيتك وانها اكبر غلطه بحياتي اني ماعاشت لحظاتي معك وربي احسه يحب وعايش جو من هدؤه وسرحانه وأختياره للقصائد والأغاني لمايسمرون اويطلعون بسيارته مثل أغنية يسألوني ليه آحبك حب ماحبه بشروليه انتي بحياتي شمسهاوانتي القمر،كانت اغلبها تقول يااول وآخرحب بس ليته يصرح اوعلى القليل يلمح ،،يالي معي ومنت معي ليتك شوي تحس بداخلي طالعت فيه وسمعت صوته يقول  احبها) وكان موجه كلامه لنوره هنا ارتعشت مشاعل وحست قلبها يرجف!اتنمى تعجبكم واذا اعجبتكم اكملها لا تحرموني من ردودكم  |
|
#3
06-23-2008, 11:11 PM
| ||||
| ||||
 رد: غلا روحي مجرد ذكريات قصه روعه لا تفوتكم مشكوره يالغاليه على المرور وانشاء اكملها بس ابي اشووف الردود على شان اتحمس واكملها |
|
#4
06-24-2008, 08:38 PM
| ||||
| ||||
| رد: غلا روحي مجرد ذكريات قصه روعه لا تفوتكم وهاذي التكملهـ مع اني ماشفتـ ردور حمستنيـ وانشاء اللهـ تعجبكمـ وقبل لاتطيربها الأحلام ردت نوره انابعد احب ارسمها!مدري ليه كل مامسكت قلم رسمت خيول (يوه هو بوادي وانابثاني حسبته جاوب على حيرتي) وبعدين سألت مشاعل:_طيب ليه تحبها وش تذكرك او وش ترمزلك قال يمكن حلم اوطموح اوشموخ كلهاترتبط بذهني إذاشفتها. مشاعل سألت: حلم وطموح ليه عندك شي ودك توصله؟ قال:أكيديا (نوره) مافيه احد ما عنده طموح وحلم بانه يوصله..هناغصت بعبرتها.انامشاعل لوسمحت.ابتسم بخجل وقال:اكيد يا مشاعل اسف. يااااه ياتعبي كل الي احسه طلع وهممم وهو مو قادر حتى يميز بيننا ياترى صدق غلط بالأسم ولاتعمد يستفزني لايكون يعاقبني لأني اناالي تركته؟أخطيت في وعدي والله ماودي كل الظروف ضدي غلطه واناالمسموح.. أستأذنت قامت عند البحر اوجعتها غلطته باسمها، وهم وكملو جلستهم ثم صوت لهاعلي مشاعلوه تعالي الشاي جهز_انتهى اليوم ومن بكره كان جواب سؤالهايذكراولا لماركبوالسياره مشاعل نوره علي حنان، (امها وخالتهاوعبودأكثرشي مع السواق في المجمعات)_ كانومشغلين الرادو جت أغنيةعبادي الجوهر قالوترى مالك امل في حبهالويوم ابعد وجنب دربهاهذاهوالمقسوم_طفى عادل الرادو بسرعه قال: ياكرهي لهاالأغنيه ضحكت حنان وقالت ياحقود كم سنه وماقدرت تنسى وطالعت بشعول_قال: كل شي ينسى ياوخيتي الاجرح ماله دوا وعلى قولة الشاعر بعض الجروح لاجت من احباب عادي بس الجرح موت الجرح لاجى من احباب، وترى بعض الوجع يمكن تداويه الأعشاب وبعض الوجع ياويل من هوسطابه_سأل علي: عن وش تتكلم لايكون قصدك خالد؟ عقد حواجبه عدول وقال: بعصبيه سكروالموضوع احسن_(خالد ولدعم مشاعل)كان معجب فيها ويكره عادل لما كانو مراهقين وشعول ماجابت خبره لذلك لماعرف انها تحب عادل خطط يفرقهم فحصل ورقه عند أخته مها كاتبه فيها مشاعل خواطر وبعض مقاطع أغاني وراح وراها عادل قال ابعد عن بنت عمي تراها تحبني وهذي رسالتهالي طبعا صدق خاصة انها كاتبه حرفها وحرفهkبخط كبير وهذاالشي ماتدري عنه مشاعل (لليوم) كل الي تعرفه انها قالت لعلي قله لاعاد يرسلي خلاص قالتها بلحظه كان تأثير أخوها وكلامه وضربه لها وتهديده انه بيذبح عادل لوشافه وهذا خلى وكان طلبها سبب خلى عادل يصدق كلام خالد خاصة انه شاف بعينه مره مشاعل تمد له ورقه وطبعا خالد الي يكره عادل وراها إياه وكان واضح من لون الورقه وعطرها انها رساله غراميه.لذلك رحل بصمت موجوع__ وبعدها بفتره سافرو وانتهى كل شي.، مشاعل تحس بنشوه رغم انها مافهمت وش دخل خالد لكن من نظرة حنان وتنهيدته عرفت انه يذكرها ويعتبر فراقها جرح مايبرى قالت بنفسهاوربي ياعدولتي لااعوظك عن كل ساعة حرمان والله ان أحياني لااقضي عمري كله لهناك، وصلوالشاطي ركبوالدبابات وانبسطو ثم رجعو مكان سمرتهم على البحر والحريم هالمره معهم، ونوره مثل عادتها سوت الشاي والكيك وجلست ترسم بدفترها كان نادرا ماتحكي مع عادل الالمايعلق على رسمه أوكتاب تقراه بس كانت تسولف دايما مع خالتها وامها__ من بكره راحو للدبابات علي خلص البانزين حقي يالله وين ذا يجي يشوف صرفه وراح يدور على البنقالي والبنات مسرعات وعباياتهم تطير وراهم شوي يسمعون صرخه نوره صدمت العامود انقلب فيها طاحت وراسهاعلى الرصيف كله دم،، عادل يركض لها لاشعوريا و بلحظه ماتحتمل تفكير يشيلها على اذرعته يركض بها للسياره وشعرها على كتفه منثور وراسها على رقبته وانفاسها تلهث وماهي حاسه بشي حطها بالسياره ركب مشاعل تركض تركب قدام وحنان واقفه بذهول جت بتركب قالت لهامشاعل: لاانتظري خالي علي لايجي ومايلقى أحد ينشغل وبالطريق مشاعل تبكي وتلتفت ورى وعدول حيل مسرع للمستشفى كانو ثنتينهم بدون غطا فجئه حط عدول يده على كف مشاعل اهدي يامشاعل إن شالله خير ماعليها الاالعافيه دخلو المستشفى والحمدلله الضربه خفيفه بس الدم والروعه غيبوهاعن الوعي___بعدأيام__دخل عادل صالة الشاليه لقاهم مجتمعين الامشاعل،، الحمدلله على سلامتك نوره والله انك روعتينا _ردت نوره: الله يسلمك عادل والله اني منحرجه منك قالوانك دفعت مصاريف المستشفى _الخاله تقول:يابنت الحلال تفداكم اهم شي سلامتك. عادل يتلفت وين مشاعل _حنان تغمزله: وش عندك تسأل، انحرج من سؤاله وقال لابس اشوفكم مجتمعين الاهي وشال حمودي ولدها وطلع الشرفه الي مفتوحه على الساحل كان وقت المغرب شاف مشاعل ماسكه شيلتها وتمشي حافيه على الشاطئ مسك يد حمودي وراح يمشي متجه كان يفكر يعتذر لها عن مسكته ليدها ذاك اليوم أخاف تفهم اني استغل الفرص بس اكيدهي تدري الموقف مايحتمل ان الواحد يتصرف بعقل بس ليه تلخبطت مشاعري من ذاك اليوم مدري! طالعها قال <بنفسه> ياه ياشعولي ولهت على ايامنا اشتقت اناديك بغلاروحي مثل اول اشتقت اسولفلك بصمت وش كثركنت آحبك لكن:: الي انكسر داخلي ماينجبر!!شعول انتبهت انه مقبل عليها ارتعدت اطرافها وقلبها صار يرجف اول مره من سافرو يكونون لحالهم _عادل:اهلين حافيةالقدمين ترقص ترقص في مدخل شرياني قالها وهو مبتسم ويدندن كيفك وجهها محمر..(طبعامستحيه لأنهاكشفت له ذاك اليوم لماطاحت نوره ولانه مسك يدها) قالت:هلاعادل بخيرالله يسلمك _ وش تسوين هنالحالك ابدا عاجبني الغروب وبعدين كانت معي مكالمه مع... وقبل تكمل كلامهاانتبه لتعليقة جوالها كانت حرفk على طول جى بباله خالد وسرح بأفكاره تذكر جرحه القديم وكيف حطمه الي تحداه بمشاعل وتذكر كلامه انها طال الزمن اوقصر مشاعل لولد عمها تذكر الورقه الي شاف بعينه مشاعل تمدها لخالد والي بخط يدها ومكتوب فيها خلود تدليع خالد وقصيده نساها الحين لكن مانسى وجعه لحظة قراها_ صمت رهيب قطعته مشاعل قالت:عادل تحب الاطفال اشوف حمود دايم معك قال :الاطفال هم ملح الوجود يازين طهارتهم وصفى نفوسهم أقلها مايعرفون الخيانه.طالع فيها وبداخله الف سؤال(ولاادري ليه خنتيني وبعتيني بعدماقلبي تعلق فيك)وقرر انه يواجهها ويسألها يبي يعرف ليه بينت له حب كاذب قال: مشاعل ممكن سؤال؟بس امانه تجاوبين بصدق وصدقيني جوابك ماراح يغير بداخلي شي بس سميه فضول(كان بيبين انه مو مكسور وماجرحه حبها لخالد الي اصلا ماكانت تحبه بس سوء التفاهم مازال معقدالمسأله) مشاعل بصوت يرتجف كانت حاسه انه بيقولها للحين تحبيني وكانت مجهزه جواب وبكره وبعده والين اموت_عادل سكت موعارف كيف يواجهها؟!!! وقبل لايسأل قطعت حنان صمتهم وجت مقبله :ياهوه نحن هنا ساعه انادي محد يرد ادخلو نوره مسويه قهوه وحلا ننطركم وأخذت يد حمودي وقالت شفيكم عندكم اسرار عادل:لاابدا كنا نسولف عن الاطفال حنان :بخبث اممم كنتم تخططون كم تبون خلوهاعلى الله_مشاعل جدا استحت ونزلت راسها عادل ماعجبه تعليقها قال يالله ندخل ومشو وفي باله يقول زين جت بوقتها وربي اناموصاحي الحين البنت جالسه لحالهاتكلم وحاطه تعليقه بحرف خالد وانا ادخل جوها واحوم بسما من زمان ماصفتلي ليه؟صدق اني لصقه. زين ماسألتهالاتفكر اني ميت فيها اوتقول لخالد وساعتهايذكر تحديه ويحس بإنهزامي فجئه اوجعته الكلمه لاشعوريا رفع راسه وهويمشي زي الي يبي يثبت انه موحاس بالخذلان اوباإنهزامه_ جلسو بالصاله مشاعل طايره فرح رغم انه ماقالها شي بس كانت متأكده انه كان بيسألها عن مشاعرها إتجاهه مسكته ليدها نظراته أغانيه كل شي يثبت انه يموت فيها__ علي: والله يانوره حلاك شي يدوخ اناجاي على ريحته من اخرالشاليه نوره:تسلم ياخال هذي لعبتي انااحب الحلا امها:النوري كل شغلهاجنان عادل:حنان تكفين تعلمي منها تراني ادمنت كيكها وحلاها ولوراحو بتوهق الغريب انهافنانه بكل شي حتى بالرسم على فكره على طاري الفن إذا اشتريت بيت ابي رسمة خيول بلوحه كبيره _نوره:يعن تبيي اسدد دين المستشفى طيب ولايهمك، أخوهاعبود: بس فيه شي واحد ماتعرفله وشو؟ الدباب_ضحكوكلهم... اليوم الاربعاء جالسين يستعدون للطلعه مشاعل تقول: بنروح للسوق يمه الأم :يابنتي خليها بكره اليوم نوره متبله الدجاج بنشوي، _ شعول: بس اناابي السوق اليوم قالتها بنزره نوره: مشاعل وتنغزهاخلاص بكره مثل ماقالت امي شعول ماكانت تدري ان عادل واقف بالبلكون ويطالعهم قالت: انتي يانوره إذاماتبين الشي خلاص مولازم بس اناابيه كانت ناويه تجلس مع عادل بكوفي شوب وتسأله وش كان بيقولها ذاك اليوم كانت متأكده انه بيسألهاعن حبها فجهزت له كلام كثير وحلفت مايردها شي عن قوله_ نوره استحت من خالتها وعادل من اسلوب مشاعل بالرد و قالت على هواك بس لاتعصبين.. راحو للسوق نوره جلست مع امها وخالتها__عدول بعدما راحو دخل الشاليه واعتذر عن الروحه ومشاعل لماشافته رجع الشاليه بغت تموت حسافه.، قامت نوره المطبخ تسوي ملك شيك لها وللحريم عادل مايدري انها ماراحت دخل من غير مايتنحنح وجلس مع امه وخالته،.نوره كانت لابسه برمود ابيض وتي شرت وردي وماسكه جزءمن شعرهاوالباقي فاكته دخلت شايله الملك شيك وتغني الحريم مندمجين مع البرنامج عدول يطالعها بذهول رفعت راسها طاحت عينها بعينه رمت الصينيه على الطاوله طاح كاسين وانتبهولها وهي تركض للغرفه_ عادل قال:حسبت مافيه غيركم وأخذ الكاس السليم وشرب يممم قال بصوت عالي تسلم يدك ام النور على الملك شيك ضحك وطلع: نوره تطل براسها:راح؟ ليه ماقلتولي انه عندكم الام :يابنيتي ألتهينا وبعدين انتي وأختك من زين غطاكن الوحده تلف الطرحه على خشمهاوتقول تغطيت_نوره:إيه يمه بس شايفه لبسي وشعري والله فشيله، الخاله: ماعليك واناخالتك ترى عادل مايحب يناظر لوهوراعي مطالع كان تزوج من زمان عادل_بغرفته يدندن وحاس انه رايق... با لسوق حنان ومشاعل سولفو عن عادل واعترفت مشاعل لحنان انهاللحين تحبه طبعا حنان ماتدري بقصة خالد وكذبته محد يدري غير علي وعادل حلفه مايقول لأي مخلوق لانه بيحس انهم يطالعون إنكساره وانهزامه وعلي حسب مشاعل نسته من تركته ماسألت عنه لذلك ماناقشها_حنان قالتلها انه ابدا مانساك وانها لماكانت حامل قالهالوجبتي بنت سميها مشاعل__مشاعل الدنيا مو موسعتها من الفرحه ومحد قدها وبتطير من الفرح جلست تسأل عن كل شي يحبه من اكل وشرب وألوان كله علشان تعجبه، بالشاليه نوره جالسه تشوي وعادل يدخل يساعدها أخذ الشوايه ورغم انهم لحالهم الا انه مادار بينهم الاكلمه ورد غطاها.. _3_بعد ايام بكره رجعتهم للرياض الحريم جالسين على الساحل والعيال يلعبون كوره دخل عبود هدف وكانو البنات والحريم يطالعونهم بس الموقف الملفت ان عادل صافح عبود كفك وقال احلايالنسيب!!! قالهابصوت عالي وكنه بيسمعهم حنان التفتت على مشاعل وابتسمت فهمتيها! ضحكت والوناسه مو موسعتها .... عند سيارة علي يحملون عفشهم بيروحون معه يالله مع السلامه ياوخيتي ترانا ننتظرجيتكم ام عادل: ان شاالله ياام سعد بنجيكم قريب حنان: ابشري ياخاله اقل من شهر وبنجيكم ام سعد: هاه ياعادل متى بتجيبهم عادل:وهوكله وناسه ياخاله بنجيكم اكيد قريب علشان المشروع بس انتي كلمي ابوكم وسعد وعطينا خبر ام سعد:الله يكتب الي فيه خير مشاعل كل شي فيها يزغرد تحس الدنيا هالحظه غير كل شي يغرد بالفرح والطريق درب أخضر ياه من زمان ما دمعت عينها بفرح.. واخيرا بتودع تعب وهم السنين واخيرا عدول بحقق حلمي فيك اخيرا بنلتقي يادنيتي طالعت فيه ياربي بس هالحظه ابي عينه تجي بعيني وبعدها اموت ابشوف طيور الفرح بعيونك وانت تنطق انك بتجي بيتنا مثل اول ياحبي ياعادل من تفارقنا ما زرت البيت واهله بس هالمره جيتك غير اكيد بتقولي ياغلاروحي إذاناديتني بسمعها منك مليت اقراها بالورق،، وتذكرت سعد اوجعهاقلبها ياربي لو يرفض بموت لامستحيل طيب ابوي يوافق اولا وطارت بها افكار تودي وتجيب وبلمحه لقت انهم وصلو الرياض قبل لاتحس بطول الطريق كانت فرحانه ومهمومه وخايفه بس ابوها تقريبا شايل يده منهم والرأي لأمها وسعد اكيد بيقنعه خالها علي واهم شي امها معجبه فيه__ بالرياض مشاعل تدخل بهديه لنوره نوره تفتح فمها مو مصدقه وتقول:وش عندك غريبه مو عوايد مشاعل!؟ مشاعل تقول:أختي حياتي طلبتك لاترديني ابيك ترسمين لي لوحه كبيره فيهاخيل ابيض ولوحه صغيره فيهاخيل وطفل نوره ليه؟أذكر مايعجبك فني مشاعل تقول: صديقتي تأثث وبهديهاشي يعجبها، طيب ولايهمك واخذت نوره ترسم اللوحات وبأسبوع خلصتها، مشاعل غلفتها وقررت انهم إذاجاعادل بتعطيه إياهاتذكرت انه قال لنوره إذا اثثت ابيك ترسمين لي حبت تسويها مفاجئه له، وطول ذيك الايام كانت شعول تجهز نفسها لدرجة انها اشترت قمصان نوم واحد منهم لونه سماوي لانهاعرفت من حنان انه يحب اللون السماوي واشترت من سوق الخبر بلوزه كانت عاجبته حيل وقال لحنان تاخذها بس ما اعجبها ذوقه حنان فأخذتها مشاعل لما علمتها حنان عنها واشترت عطر قالتلها انه يموت فيه أخذت منه نسائي ورجالي__ وجهزت صندوق حطت فيه كل ذكرياتهم رسايل وكروت وهداياه بفاجئه بسويله ليله ماحصلت بسهره على احلى ذكريات___ وباقي تتعلم كيك نوره الي حيل اعجبه ومن رجعو وهي طبخ وكرف تتسنع لحبيبها_ دق جوالها مشاعل: هلا خالي هلا شعول كيفك اكيد مبسوطه الخاله وزوج المستقبل بالطريق جاين يخطبون، شهقت بقوه لاشعوريا وعضت شفايفها استحت انهابينت لخالها كبر فرحتها__ ماقدرت تمسك نفسها راحت تركض تدور نوره بتعلمها وبصراحه كانت تبي احد تحضنه ويمسك قلبها لايطير من الفرح فتحت باب الغرفه لقتها حاطه كتاب على وجهها ونايمه حاولت تصحيها نوره قومي ابيك _نوره: اقلبي وجهك تعبانه مواصله للظهر مانمت، _مشاعل:طيب بيفوتك الخبر _نوره:الله يااخبارك عاد أكيد تافه مثلك شعول عصبت :اناتافه عدال يالثقيله لكن الشرهه علي حسبتك أخت وبتفرحين لفرحي لكن وربي حلفت انك إذاصحيتي بتترجيني اقولك وماراح اقولك _نوره:طيب ابترجاك بس لاصحيت تكفين وخري عني بنام تعبانه من راحت الشغاله واناكرف وانتي ماعندك إحساس لشي، _مشاعل :يوه ذي رجعت تناقر اقول نامي لاتفتحين مواضيع مالها داعي _بالطريق عدول وامه__ عادل :ليت حنان معنا يمه وش نسوي بزوجها مارضى وحمودي عليه سخونه! مو مشكله تجيي بالملكه، الحمدلله ان ابوها وافق، عادل: اكيد بيوافق ترى ولدك ينشرى ويسرح عادل كيف بيكون لقاهم فجئه طرت مشاعل وكان بيسأل امه سؤال بس قبل يتكلم السياره الي قدامهم فجئه ربط صاحبها فرمل بقوه،،، _،،،،، مشاعل تطقق أصابعها وتروح وتجي يارب توصلهم بالسلامه يارب تحفظلي غلا روحي وتسلمه لي ياربي قلبي مقبوض ليه مدري ومن الضيقه قامت تبكي وتصحي نوره _نوره قامت تتثاوب: كم الساعه خالتي مريم جت؟ _مشاعل:لاوالله زين عندك خبر انهم بيجون يابردك تدرين الساعه تسع والمفروض انهم واصلين قبل المغرب قامت على حيلها تسع يوه ليه ماصحيتيني البس الله يقطع السهر اوف هاه كم كم تسع فعلا تأخرو طيب كلمتوهم _لابصراحه استحي ادق اقول تأخرتو شكلي مره غلط، قولي لعلي تكفين يدق لأنهم ماردو على امي وسعد تحت ينطرهم وأخاف يطفش ويروح نوره طيب طيب خلاص انابتصرف قامت أخذت جوالها دقت دقت محد يرد انقبض قلبها لااكيد فيهم شي الله يستر نوره تسأل شعول: امي تدري انهم تأخرو؟ مشاعل :سؤالك غبي هي محترقه تحت،،وقامت مشاعل تصيح ونوره تهديها شعول تكفين انامو ناقصه ان شالله انهم بخير،شوي الا ونغمة رساله على جوال نوره تقراها نوره وتطيح على الكرسي آه الحمدلله وصلو وصلو مشاعل قبل تستفسر عن مصدر الرساله تركض لأمها يمه تراهم وصلو بالسلامه_ إيه خالتك دقت طمنتني بس أخرهم حادث بغو يروحون فيه وخالتك ارتاعت واغمى عليها و وداها لأقرب مستوصف والحمدلله تقول لولا ان عادل كان مهدي ولاكان راحو لانه فر سيارته على أخرلحظه وطلعو عن الخط يالله لك الحمد دق الجرس فتحو سلمو دخل عادل عند سعد ابوها مسافر ماحضر،،ودخل علي أشرتله وهي فوق وابتسمت بس كان شكله متكدر مو عوايده ماابتسم لها صد بسرعه وكنه ماشافها،،،، مشاعل قدمت القهوه بنفسها حطتها عند الباب ونادت عبود أخوها يشيلها وسمعت سعد يقول ترى باقيلها سنتين وتخرج! عقدت حواجبها ذاالدلخ باقي لي ترم اكيد مايدري اني أخذت العام ترم صيفي ورجعت لخالتها هلا والله بخالتي اشغلتونا عليكم والله الخاله الله يسلمك يابنيتي ياشعول وتلتفت على أختها ام سعد اجل وين عروستنا؟؟!! مشاعل سمعت الكلمه عروستنا! وماستوعبتها فار دمها حست فيه شي غامض تذكرت بسرعه المسج الي جا نوره من مين وكيف عرفت انهم بيجون اليوم وهي طول النهار نايمه لايكون..؟لامستحيل فيه شي غلط بالموضوع طلعت فوق لقت نوره بدورة المياه أخذت جوالها فتحت مكالماتها لقت الصادر عدولي لم يرد عليها عدولي فتحت وهي تحس انها بحلم وتشوف البريد الوارد المرسل عدولي (تطمني يا روح عادل كلها ربع ساعه وانا في بيتكم)_ _مشاعل تطيح على ركبها وش قاعد يصير عادل يراسل نوره وتفتح الرساله الي قبلها (هلا بدنيا الفرح بكره <ياغلاروحي> بقرب من تحقيق حلمي بكره بجيب اهلي للرياض)__ وماقدرت تفتح باقي الرسايل حست الأرض تدور فيها، طلعت نوره من دورة المياه_ فقامت مشاعل للمرايه وداخلها الم وجرح لكن ماقدرت تمالك نفسها قالت: ليه يانوره ماقلتيلي انه بينك وبين عادل مسجات وانه جاي يخطبك ليه خبيتو علي وهو مكلم سعد ومتفق معه يعني انااخر من يعلم وقامت تنتحب. _ونوره تحسب صياحهاعلشان كذا قالتلها:بصراحه هو حلفني محد يدري لين يجون وسعد للحين مايدري انه عندي علم ولاامي وتكفين مشاعل لايدرون اني اكلمه! مشاعل بذهول:إيش تكلمينه بعد؟!وين مبادئك وين أخلاقياتك ولالماصار الموضوع يخصك خلاص عادي؟ لعلمك يانوره تراه جاي ينتقم مني فيك لأنه كان يحبني وهذا شي ماتدرينه حطت يدها نوره على مشاعل وقالت:ممكن تهدين شوي وتقولين وش الي تاعبك بالموضوع إذا علشان ماقلتلك انتي تدرين طول الفتره الي طافت ماجلسنا مع بعض زين ياسهرانين برا اوعندنا بنات عمي اوبالسوق وانتي الفتره الأخيره ماتجلسين معي امابالمطبخ اوبالسوق_وإذاخايفه علي تطمني اناواثقه بحبه لي هو قالي انه من لحظة ماانتثر دمي علي يدينه بعد حادث الدباب وانا مافارقت خياله وانه اشياء كثيره عجبته فيني وبصراحه انابعد لقيت فيه اشياء مشاركني فيها وماانكر انه جذبني وقبل نرجع الرياض لما رحتو ذاك اليوم للسوق أخذ جوالي من المطبخ وسجل رقمه وفجئه لقيت رساله منه تفضلي اقريها وفتحتها مشاعل بيدين ترتجف (نوره اسف على جرائتي بس من جد وربي موقادر اتجاهل وجودك بوجداني من شفتك اوبالأصح من شلتك على أذرعتي وانتي دخلتي دنياي وصدقيني قصتي زمان مع أختك <مجردذكريات> وان كان أختارها قلبي زمان فانتي أختارك القلب والعقل وربي يانوره ملكتيني من ذاك اليوم لليوم وانفاسك ماتفارقني إحساسي بلمستك يدينك وبعطر شعرك شي مستحيل اتجاهله تدرين خوفي عليك لحظتها خوف عاشق مو أخ صدقيني جذبني كل شي فيك هداوتك ثقافتك فنك جمالك كل شي فيك موقادر اوصفلك كيف اني مبهور فيك لدرجة انك نسيتيني أحزان وجراح ماضي كئيب!والي ابيه انك تكونين لي حاضر إذا موافقه فسعادتي شي مقدر اوصفه ارجوك لاتردين الحين بس تقتنعي فيني كشخص عطيني مسج ونجيكم الرياض ركض)سكرت الجوال قبل لاتكمل باقي الرسايل والي كان واضح انها اكثر من رساله وغمضت عيونها كان صعب انها تدمع صدمتهاكانت اكبرحيل من انهاتعبر عنها بدمعه خذلتها الايام خذلها حلمها وحبها وانتبهت على صوت نوره خانقتها عبرتها مشاعل انتي تحبينه؟ جلست تضحك تضحك من الم حتى بكاها خانها قالت بقلبها وش يفيد جوابي الحين ابتسمت وهي تداري جرح اكبر من وصفه وقالت:لايانوره تراه <مجرد ذكريات> لاانا بس كنت عاتبه عليك ليه ماعلمتيني والحين انزلي سلمي على خالتك تراها تسأل عنك قالت نوره:وعدولتي بعد تراه طلب من سعد انه يشوفني جت تنزل قالت مشاعل نوره لحظه لحظه امسكي وطلعت البلوزه الي شرتها لهاليوم والي كانت عاجبه عدول البسي ذي والله بتعجبه البستها نوره وعدلت نفسها و نزلت____بعدها طاحت مشاعل على وجهها فوق السرير تبكي بمراره تبكي امس واليوم وبكره وحضها والزمن__ دخل علها خالهاعلي مشاعل اسف اناالي عشمتك لما دقيت عليك لكن انامثلك متفاجئ انه طلب نوره وللحين مو مستوعب قامت وحطت راسها بين رجولها وقالت: ولايهمك خال اصلا من متى صابت معي حتى تخيب الزمن وياي ماعمره صدق وماعاد يفيد ولو دمع عيني هماليل المووووت دمع القلب لاصار همال_ ___ ايام مرت كانت نوره تجهز للعرس ،ومشاعل تموت باليوم الف مره ونوره تشاورها البس له ذا ولاذا صبحية العرس طيب شوفي هالقميص بيطير عقله .وكانت مشاعل تفيدها لانها جالسه تحقق مع حنان عن كل شي يخص ذوقه بس اكثرشي يقتلها لما تسمع نوره تكلمه كانت باليل تحط سماعات جوالها باذنها والمخده على راسها وتشغل اي شي علشان ماتسمع ضحكاتهم وغزلهم__ وليلة العرس قدمت شعول هديتها لنوره لوحات خيول وعطر وقمصان كانت من تجهيزاتها لذيك اليله الي ماتت على صدر الحظ الردي_عطتها كل شي كانت تحلم تسويه له حتى الشموع وقالت بنفسها عيشي "ليلتي" عيشيها معه كوني له انتي شي حلمت اني أكونه انا_ بس أخذت الصندوق الصغير الي كانت حاطه فيه رسايلهم وسلسال عليه تعليقه قلب كانت هديه منه كانت تبي تفاجئه انها محتفظه فيهم لليوم ماعاد بقالها من أغراض تجهيزها غير صندوق الذكريااااات__ ليلة العرس سلمت على عادل قالت مبروك وكانت اصعب لحظاتها يوم طالعت بعيونه وشافت برق الفرح همست لنفسها مبسوط ياقاتل الفرحه بخافقي يآه ياعادل ياكبر جرحك ياقسوتك علي وانا الي كان كل حلمي اسعدك( على وعدك تواعدنا لقيتك خنت ميعادك انا من لهفتي جيتك ولاحسبت هجرانك) آه لوتدري وش لك بقلبي لوتسمع صوت الانين بداخلي كان ماظن قلبك يعرف للفرح درب__ الكل يطالبها بالفرح ولأنها الاكبر كانت تحاول تظهر للناس انها مبسوطه لزواج اختها لأنه صعب تحسسهم بانكسارها اوحزنها حتى لايفكرون انها مقهوره من زواج الي اصغر منها! وياصعب الضحكه والقلب ينزف وياكثر قسوة زمن يجبرك تبتسم وانت تمشي بين الناس شايل جثتك_هي ماتت بليلة حياة عادل ونوره، وقامت ترقص على أغاني اصلا ماتدري وش كلماتها لانها تنتحب وبداخلها صوت لبكاء طفل ضيع بدرب غريب كفوف امه__ فجئه غنت المطربه انا مو اول ولااخر حبيب بالنهايه عن حبيبه يفترق من متى صابت معي حتى تخيب الزمن وياي ماعمره صدق_راحت بسرعه لدورة المياه تداري عبرتها ودموع عجزت تحبسها دخلت دورة المياه بكت بكت كانت محتاجه تطلع لوشي بسيط فبكت بخوف لايسمعها اويشوفها أحد خاصة مها بنت عمها وأغلى صديقاتها والي يعرفون قصتها بس هي قالتلهم انه ماضي ومات <مجرد ذكرياااات> صعب تشكي حبها لانسان صار الحين زوج أختها.، ((اقسى الالم حين يضج داخلك الجرح فلاتستطيع ان تصرخ اوتعبر عنه بدمعه لأن كل من حولك يطالبونك بالإبتسام)) وياكبر وجعها وهي تبكي بصمت حتى لايحس فيها احد وياكبر الألم لماتحس انك وحيد رغم كثرة الوجيه الي حولك وللأسف حتى حنان مشغوله عنها كانت تقول يارب مابي شي بهالحظه الااني أقدر أصرخ واطلع الي أحرق صدري تعبت تمثيل دورالفرحانه تعبت وابي من يحس فيني يمه وينك؟؟ والتفتت تدور امها لأول مره تحس انها تبي تحضن امها وتبكي على صدرها شافتها تدخل غرفة العروس جرت خطاها لهناك جلست تراقبهم وامهاتعدل طرحة نوره وتبتسم (همست بصمت محتاجتلك يمه أكثرمن أحتياج عروسك اليوم يمه انتي تزفين بنت وتدفنين بنت ثانيه>> انااليله انتهيت.، وطاحت دمعه حاره على خدها، انتبهت لها مها بنت عمها مدت يدها تمسحها وقالت :شعول وشفيك ياقلبي؟هي سمعت هالسؤال وماقدرت تتحمل كان جوابها انها حطت راسها على صدر مها وبكت انتبهت لها نور وقالت:مشاعل وشفيك وش صارلك؟ تمالكت بصعوبه نفسها وقالت: مابي افارقك صعب اروح البيت وماالقاك محتاجتلك حيل الليله مابي اجلس بالغرفه لحالي ابي أخت تسندني! (وهذاكان شي بسيط من الي فيها والي صعب تحكيه) ..الصبح جت نوره وعادل يودعونهم...شافتهم جالسين جنب بعض ونوره كاشخه ومتعطره وفاكه شعرها وجهها ووجهه ينطق سعاده ماقدرت تنزل لهم كان صعب عليها تشوفه ويده بيد أختها! كانت تالفه تعب نفسي وجسدي ورجولها ماتشيلها لأن كل الحفل كانت متكلفه فيه رغم حزنها الاانها بغت ماينقصه شي مهما كان زواج أختها وزواج اغلى البشرحبيبها__ |
|
#5
06-24-2008, 08:41 PM
| ||||
| ||||
| رد: غلا روحي مجرد ذكريات قصه روعه لا تفوتكم طلعت نوره لها وينك ليه مانزلتي _مشاعل:تعبانه وربي نوره:اكيد من الرقص ماقعدتي كله ترقصين صح؟ مشاعل:بقلبها تهمس(إيه بس كالطير يرقص مذبوح من الألم،، اومثل رقص الشاة صبح العيد تهز رجولها من كبرألام وكل الي حولهايطالعهابفرح) كان ودي اني شايفتكم بس عدولي الله يهديه رفض اني انزف يقول خايف عليك من العين وماله داعي تاخذ الزفه من ليلتنا لحظات_ مشاعل بغصة حزن :تراك عدتي هالكلام اكثر من مية مره هاتي جديدك نوره:ابدا مبسوطه وبنسافر دبي بكره يالله مع السلامه ولما وصلت الباب نادتها مشاعل نوره انتبهي لعادل ابسطيه تراه يستاهل الحشيمه يااختي _نوره:لاتوصين حريص وطلعت مشاعل قامت تطل من شباكها عليهم بالشارع ركبو السطلعت نوره لها وينك ليه مانزلتي _مشاعل:تعبانه وربي نوره:اكيد من الرقص ماقعدتي كله ترقصين صح؟ مشاعل:بقلبها تهمس(إيه بس كالطير يرقص مذبوح من الألم،، اومثل رقص الشاة صبح العيد تهز رجولها من كبرألام وكل الي حولهايطالعهابفرح) كان ودي اني شايفتكم بس عدولي الله يهديه رفض اني انزف يقول خايف عليك من العين وماله داعي تاخذ الزفه من ليلتنا لحظات_ مشاعل بغصة حزن :تراك عدتي هالكلام اكثر من مية مره هاتي جديدك نوره:ابدا مبسوطه وبنسافر دبي بكره يالله مع السلامه ولما وصلت الباب نادتها مشاعل نوره انتبهي لعادل ابسطيه تراه يستاهل الحشيمه يااختي _نوره:لاتوصين حريص وطلعت مشاعل قامت تطل من شباكها عليهم بالشارع ركبو السياره ولوح عادل بيده لأخوها وامها الي كانو واقفين عند الباب__بنفسها تقوله:الليله هذي واضح ليلة فراق~ حاولت أعديها وعيت تعدي~ وظروف ماتنطاق ولاراح تنطاق~ صد القدر ماهو بصدك ولاصدي~ تعال أخذني بين أياديك مشتاق~ قبل إنتفارق حط يدك بيدي~ بجلس معك ساعه حبايب وعشاق~ من بعدها كيفك ولو صرت ضدي~ فيني خليط أشواق باشواق باشواق~ واصل معك من كثرة الشوق حدي~ ودي ألمك واحضنك حضنة عناق~ ياشيب عيني كل ماقلت ودي~ في خاطري.. وش خاطري؟! خاطري ضاق~ الكون كله ضاق ماهو بقدي~ حتى الدموع اللي إستحت كبر واخلاق~ تساقطت من فوق خدك وخدي~ لوحة شعر تبكي على بيض الأوراق~ بيحت فيها من ردى الحظ سدي~ ليلة جفا وفراق مامثله فراق~ حاولت أعديها وعيت تعدي~___ (تذكربسمتي وياك وفرحة ماضي اعيادك وبذكر همسناواليل ونور بالحسن زانك عسى لامر بك طيفي تجي والشوق بك زادك عساك تحس من بعدي وتطلب ود من صانك)..يالله وش عاد يفيد القصيد وش تفيد الدموع اوحتى الذكريات وفتحت صندوقها الصغير ودموعها على خدها طلعت كبريت حطته مع الاوراق كانت ناويه تشعل فيه الشموع بليلتها لكنها اشعلت باوراقها وذكرياتها وبكت__ ،،في الفندق نوره تاركه جوالها جنب السرير ودخلت دورة المياه رن أخذه عدول يطالع الشاشه(خلوديتصل بك) مين خلود لايكون خالد نادى نوره أخذت التلفون الله يبارك فيك ياقلبي عقابلك مع ولد عمي هلابك باي_عادل:مين؟! _نوره: هذي خلود صديقة شعول منذ الأزل يعني تقدر تقول من طفولتهم خلود ومها بنت عمي ومشاعل ماتفارقو ولهم غلا كبير عند بعض بس مها بنت عمي ماكملت ثنوي وخلود ومشاعل كملو مع بعض وكانت مشاعل حلقة وصل بين خلود ومها الي كانو هنا سكتت نوره لكن عدول قالها:كملي قالت:كانو يموتون ببعض ولانهم مايتقابلون الابالمناسبات فكانو يتراسلون بالورق ومشاعل مرسالهن لأن ماكان عندهم جوالات الامن كم سنه والحين خلود خطيبة خالد مشاعل هي الي <<اقنعت مرت عمي فيها>> الاتذكر خالد الي كنتو تنادونه خلود الدب؟؟!أذكر مره تطاقيتو وفككم خالي علي تذكر؟! عادل__صمت كئيب وصدمه وباقي من كلام نوره كلام يرن بإذنه رساله من خلود صديقتها لمها أخت خالد!!!!ياااااااه ماقساك يازمن علشان ضمه فوق الحرف علشان حرف شفته بتعليقة جوالها تغيرت مشاعري و حياتي واحلامي_ياكبرظلمي لك يامشاعل قطعت صمته:هاه عدول تذكر خلود الدب قال:وش عاد يفيد جوابي يا...كان بيقول..(ياغلاروحي) لكن غص بعبرته وماقدر ينطقها عموما<مجرد ذكريات>_ انتهت ملاحظه.تم نقل اغلب الأبيات من الشاعر إبراهيم السنيدي لا تحرموني من ردودكم |
|
| أدوات الموضوع | |
| انواع عرض الموضوع | |
|
|
 |  |
العرض العادي
