كلام الناس

[لولو ابو بكر]

---

[حبيب حبيبتي]

لولو الغاليه

طرح اكتر من رائع وفيه لمسه من ابداع قلمك المميز

انا طبعا متلي متل غيري من الي في جيلي تربيت عند اهلي على عقدة كلام الناس

ولا تعمل هيك واعمل هيك مره الاهل بيجوك بالدين وانه هاد حرام وقتها ما بتقدر تحكي شي

ومره بتكون الشغله حلال لكن بيجوك من طريق العادات والتقاليد وكلام الناس

طبعا الواحد لما يكون صغير ما بفكر وخلص بيعمل الي بينطلب منه



اما لما كبرت لا حطيت حد للشي الي اسمه كلام الناس في حياتي وبدلته بشي اسمه كلام نفسي عن نفسي ورضاي عن تصرفاتي ومظهري الي بدي اطلع فيه


طبعا هاد عملي تصادمات مع الاهل بداية ومع العيله في نص المشوار ومع المجتمع الي انا عايش فيه في النهايه

لكن مع هيك عمري ما رجعت في قرار انا مقتنع للنهايه انه صح وعمري ما خليت كلام الناس لا يجيب ولا يودي

والي بده يحكي عني يحكي كل انسان عنده بلاويه ومن راقب الناس مات هما

يعني خليهم في كلامهم وفي مبادئهم الي ما انزل الله بها من سلطان

طبعا هذا خلاني شوي غريب في عيلتي ومجتمعي وصاروا فتره ينادوني بالمتحرر والي مو فارقه معه


ومرات حكولي مغرور برايك ومفكر حالك انت الي دايما صح مع انه مو هيك الموضوع

انا قعدت مع كتير من الناس الي حكت عني وقلتلهم وواجهتم انه مو ممكن في حياتي امشي في طريق غيري رسملي اياه ولا تحت اي مسمى

لا كلام الناص ولا عادات وتقاليد الناس ما عندي الا طريق واحد الي هو حلال وحرام




اسف على الاطاله لكن حبيت اسجل حضور في موضوعك الرائع بنقاش مفيد


اتمنى اكون قدمت صوره واضحكه عن كلام الناس

وقالوها زمان ( كلام الناس لا بقدم ولا بياخر )


كل التقدير والشكر على مواضيعك المتجدده لولو ودمتي بكل محبه وود



حبيب حبيبتي

[لولو ابو بكر]

حبيب حبيبتي

اشكر ردك الرائع انا معك انو الشخص لازم يكون راضي عن تصرفاته وكلامه وما يحسب حساب لكلام الناس وفعلا الواحد منا لازم يكون مقياسه الحرام والحلال .

بس في اغلب الاحيان الناس ما بتترك حدا.. انو هاي مطلقة ،،، وهاي عانس ...الخ وخصوصا البنت متابعة من كلام الناس .. يعني ما بتخلص من الناس ومن تعليقاتهم... مثل ما وضحت .

يعني الشباب مهما ادخلو فيه الناس بالاخير بعمل الا بدو اياه والناسب بتبررلوا انه شاب .
بس بالنهايه بلاقي صعوبات في تقبل الناس لرايه ... مو هيك.

وشكرا كثيرا اخي حبيب على مشاركتك

[~ْ آجَـمًـلــ آنُسٌآ‏نْــہَ ๏̯͡o]

اما انا بوجهة نظري

ارضاء الناس غايه لا تدرك ..

يعني اسوي الي يعجبني والمتعارف عليه ..وما يضر احد ..

واذا الناس بتتكلم فا انا اشوف الناس اصلا مايعجبها العجب اشياء تكون حلال عليهم ويحرموها على غيرهم ..

وهذا الامر دارج اصلا ..في جميع المجتمعات ..


وتسلمي ع موضووعك الحلووو يالولو..

[ملكة الروايات والقصص]

ارضاء الناس صعب مره انا عن نفسي ماعلي من احد اهم شي رضى ربي ووالديني اما الناس بكيفهم