وش رجعك ؟ لعنبو حبٍ يعيشني ذليل !!

[غالي الأثمان]

مصافحه اولى لكم احبتي زوار ومرتادي قسم الشعر ..
فقط احب الفت الانتباه الى اني لست شاعر ولا افقه في الشعر شيء ..
ولكني أؤمن بأن هناك نوع من الشعر يسمى شعر الموقف ..
قد نمر أحيانا بمواقف تؤثر فينا بشكل كبير ولا نجد الا الشعر متنفسا لضيقتنا ..
هذه القصيده عمرها اكثر من سنه .. كنت ابحث في مستنداتي ووجدتها .. ولاول مره اعرضها في المنتديات
نقلتها لكم كما هي .. اهديها الى قلوبكم .. وارجو ان تحوز على رضاكم ..

نقدكم يهمني .. والسموحه على القصور ..


.
.

وش ترتجي من [ قلبٍ ] اسقيته غياب ؟؟
لا شاف زولك ,, شلون مايردّ الدين ؟؟
ما يكفي جروح بعدك .. تزيده بالعذاب !!
برجوعك اليوم جرح [ القلب ] جرحين
.
.

وش رجعك ؟ علموك .. ؟
وجاي تشمت في قلبٍ عليل ؟؟
ابشرك .. [ دمّر ] شعور الضيم فيني
سكوتٍ من جبآل
باعترف .. ايه انا من بلاه حبك ..
بالحمل الثقيل
وباعترف .. ايه انا من نسى معك
طغيان الرجآل
هاك قلبي .. ناظر .. تاكد
كانك تدور للدليل
شوف حب الدنيا يمين
وجروح حبك من شمآل
باسألك .. ليه خيبت [ رجا ] من فيك
تمنى .. القليل
ليه اوعدتني بالحب
وتالي شديت الرحآل
شف ترى قسم بالله
من يومك اعلنت الرحيل
وانا كل يوم [ متلهف ] ..
عله يجي منك الوصآل
في غيبتك ..
آه كم ترجيت الليل الطويل
ابي [ اتنفس ] !! اقصر ثيابك !!
واطرد هواجيس الخيآل !!
يقول ليلي كانك تبي ترتاح
دورلك بديل
قلتله غير حبه ؟؟ يعني اخونه ؟؟
لا والله [ محآل ] !!
ما غرني حسن نوره أو روعة حلا
أوضحكة هديل
ما جذبني سحر فاتن ولا الدلع
ان لقيته من دلآل
كنت [ وافي ] مع حبك
رغم تقصيرك يابخيل
كنت [ صابر ] على بعدك
واقول يا طولة البآل !!
والحين .. وربي كرهتك ..
كثر ما عشقتك حيل
كثر ما جازيتني
على قدر حبي .. بالاهمآل
تشوف دمعي اللي وانا احاكيك
.. ماوقّف !! ~ يسيل ~ !!
لا تحسبه من [ فرح ] لقياك ..
لكن طرى نفس السؤآل ؟
ليه خيبت رجا من فيك
تمنى .. القليل ؟
ليه اوعدتني بالحب
وتالي شديت الرحال ؟
بابيع حبك ..
لعنبو حبٍ يعيشني ذليل
تبي تقفي [ فمان الله ] ..
ماني بقايل تعآل

القلب [ واحد ] وربك اعلم بالاسباب
يعني الحقيقه مابه مكان لاثنين !!
مابي اخليك تنتظر [ واجد ] على الباب
في حياتي شخص يسكن القلب والعين
.
.

[شـ ـ ـ ـاعر الانــثى]

غالي الاثمان ..


بيض الله وجهك ..


خاطره في قمة الابدااع ...


إلى الامام يا صاحبي ..

[ضناني الشووق]

غــالي الأثمان


صح الساانكـ


قصيده رائعه تحكي ألم الفراق


يعطيك الف عافيه

[بقايا حساسه]

روووووووعه
صح لسانك وسلمت الايادي
خاطره حلوه ومؤثره
سلمت
والا الامام

[إحساسي جليد]

ياغالي الأثمان ,, عليت باأبياتك كثير

غااااالي وعاااااالي بذوووقك وإحساسك
صعب اقيمك لأنك القيمه بحد ذاتها

مبدع سلمت يمينك لاعدمناك

اختكـ : إحساسي جليـــد